Sky726

旺角彌敦道726號成幢大廈都好多好野食，而最高既25樓，間餐廳叫Sky726，就可以係高空俯瞰成個旺角，望住個咁靚既景嚟食西餐都係一種享受。假期個Menu有啲唔同，但其實都幾簡單易明，今次就揀咗個慢煮黑毛豬鞍扒，再加$48有埋餐湯、餐包、沙律同埋飲品。先講沙律，幾重柚子味，都幾refreshing，餐湯都幾creamy，餐包做即叫即焗拎上手仲會熱辣辣。飲品叫咗latte賣相幾好味道正常。而主角既慢煮黑毛豬鞍扒就好出色，慢煮黎講就唔會好柴，而且肥瘦適中，幾有豬味，係幾好食。而佢係會有啲配菜係底，係有啲菇類，食埋落去會減少塊豬既油膩感，好match。店內嘅環境好舒服，員工嘅態度好好，而且食物上菜速度都唔會等好耐，望住個view同朋友傾吓計，都幾relax。

今晚同朋友去完旺角行街，想食下西餐。見到呢間西餐廳裝修好靚，幾有氣氛。呢間餐廳係25樓，望出窗外個景又好靚。珍寶虎蝦意大利飯伴龍蝦牛油汁（$218）：虎蝦幾大隻，而且總共有3隻都算多，食落去蝦肉好鮮甜同彈牙，而且蝦佢預先已經開了邊，所以都好易開，餐廳另外又有提供濕紙巾，所以都幾方便同貼心。而個意大利飯又索哂d龍蝦牛油汁，非常香，真係幾好食。香煎美國頂級安格斯肉眼扒（$388）：牛排選了5成熟，5成我覺得係剛剛好，食落去非常鮮嫩，又好重肉味，一點也不會韌，好好食。配埋薯蓉，露荀，蕃茄仔，真係幾好食。埋單加左一後，總共$667，我覺得這個價錢食到咁高質素的牛排同意大利飯，而且仲有一個這麼漂亮的view，都值得一來。

Sky726聽講旺角哩間餐廳好高，睇到靚靚夜景，就嚟同男朋友浪漫一番 😁 環境燈光柔和，落地大玻璃睇到成個夜景，拍拖一流-------------------------燒古巴龍蝦尾伴紅花忌廉扁意粉 $288未食過咁大隻龍蝦尾，肉質好彈牙爽口，味道啱啱好意粉醬汁好香牛油味，食落好滑口，仲有好多菇菌，超級推介 👍慢煮黑毛豬鞍扒配意大利黑醋汁及牛肝菌醬 1pc $188黑毛豬鞍用咗慢煮整法，豬鞍整得啱啱好，呈少許粉紅色，肉質好鮮嫩，一啲筋都冇，油脂比例適中，非常香口豬鞍扒下有牛肝菌醬同菇菌，超match！香草牛油焗脆殼田螺 $188本身以為會原隻田螺連殼焗，但原來係用薯皮盛住田螺嚟焗薯皮脆得嚟意外地帶點煙韌，口感好特別香草牛油釀滿田螺薯皮面，底部仲有軟綿嘅薯蓉，非常入味雞軟骨 $88啱啱炸出嚟嘅雞軟骨勁香脆，雞軟骨好入味仲配埋黑松露醬，好香濃係一碟好好嘅開胃菜-------------------------Sky726地址🎈旺角彌敦道726號25樓

今日同朋友約咗喺旺角食飯，揀咗間好靚嘅高空餐廳，可惜去嘅時候錯過咗日落時間，睇唔到日落，呢個餐廳望出去見到好多高樓大廈，可能係平日嘅關係同埋比較早，餐廳唔算太多人，中間有個吧枱，門口就有個繩網織嘅巴黎鐵塔，上面有d 燈泡，好有情調，好啱情侶嚟傾偈談心Menu 有set dinner, 有前菜沙律,餐湯,main course同埋dessert, 好似幾吸引, 不過我唔係太肚餓關係, 所以就散叫,驚套餐食唔晒朋友同我都鍾意食蠔，所以叫咗半打蠔佢有兩隻唔同既產地既蠔，唔記得咗邊度😅不過食落好新鮮又重鹹水味，有隻比較creamy, d 蠔都大大隻另外叫左塊西冷，五成熟，唔韌煎得啱啱好，幾嫩口朋友鍾意食鵝肝就叫咗鵝肝多士，鵝肝超大塊又厚身，食落又唔腥嘢飲朋友叫咗忌廉朱古力，唔錯，仲有塊Oreo餅乾

Sky 726 📍：旺角黎到旺角彌敦道既一間大廈 有好多唔同種類嘅餐廳 25樓既一間西餐廳可以飽覽旺角的夜景 環境比較昏暗 燭光晚餐最適合同姊妹聚會或者情侶慶生既生日飯 見到好多女朋友都食得幾開心🤣佢地餐牌有a larte carte/ 套餐選擇🥰性價比超高🥰 食物質素亦唔錯！✨半打生蠔配白酒生蠔新鮮 海水味濃 配上檸檬仲有番茄醬加多$78就有兩杯白酒✨黑松露野菌意大利飯芝士味好濃 兩個人嘅份量啱啱好 黑松露味道亦唔弱 配上好多野菌 唔會好漏🥰😍值得一試✨重點推薦：慢煮黑毛豬鞍扒配意大利黑醋汁及牛肝菌汁一塊既份量都超巨大 侍應仲好細心咁提醒咗我哋慢煮黑毛豬因為用低溫炮製 肉質粉紅色係正常 黑毛豬扒厚度十足 仲有一層嘅脂肪包住 但唔會感到肥膩 不得不讚佢地甜甜地既黑醋汁仲有牛肝菌汁都好夾🥰

朋友生日打卡一流嘅餐廳首先講吓佢嘅黑毛豬，肉質彈牙，好新鮮，搭配嗰汁一流仲有個煎帶子意粉，冇諗過西餐廳呢啲帶子咁新鮮，有日本刺身嘅質素🙈最後生日甜品都好靚，好適合打卡總結來講食物環境都好優質

位於旺角市中心的高層西餐，中間有一個好有氣氛嘅酒吧。餐廳有 set dinner 提供，但今晚我想單點。飲品餐飯用QR 睇。有好多選擇，點咗2杯mocktails, 一杯係朱古力味，一杯係西柚味。前菜叫咗黑松露醬雞軟骨，即叫即炸真係無得輸。主菜有西冷扒，好大塊吓。點咗7成熟，火喉剛好。配菜露筍炒得好香，好新鮮同入味。另一個主菜有慢煮黑毛豬扒，配上雜菌汁。食浪漫西餐點少得甜品，點咗一個焦糖蒙布朗。甜度剛好，仲有士多啤梨雪芭伴碟。

Sky726 位於旺角彌敦道726嘅 25樓，餐廳位置極高，景觀開揚，夜景一流，再配合餐廳極具情調的柔和燈光，情侶拍拖首選之地。餐廳以西餐為主，餐牌選擇可以算是齊全，前菜沙律餐湯主菜甜品飲品，各有特色。前菜炸雞軟骨，酥脆粉薄調味一流，餐廳配自制沙律醬配合，味道更上一層樓。主菜慢煮黑毛豬鞍配黑醋汁，肉質嫩滑，豬鞍生熟程度剛剛好。安格斯西冷牛扒，肉味香濃，有咬口。特色甜品 Mont Blanc 蛋糕，配士多啤梨雪糕及生果，酸酸甜甜好味。

一走進去感覺舒服休閒，令人放鬆的感覺，用繩索佈置的塔成為間隔牆，更見用心。服務員細心介紹及預備，果然係朋友的好介紹。 Chill day當然要慢活，聽著輕快的音樂點選食物，一眼望去＜和牛＞必然首選，仲有薯條，真真期待。 先來的是熱湯：超清新的椰菜花忌廉湯，有濃郁的蔬菜味，加上忌廉幼滑的口感，令湯更吸引；配上熱呼呼的餐包，相方係絕配；感動是有新鮮沙律菜，令整個前菜更立體，更健康，更合適不過。 手打和牛漢堡配薯條：每次食漢堡特別留意當中的配菜是否新鮮爽脆，生菜鮮爽、紫洋蔥辛辣中有甜味，蕃茄多汁，青瓜的微酸，皆我所愛，和牛則濃牛肉味，烤得剛剛好，與芝士十分相襯。 當然要有甜品作結，朱古力蛋糕與最愛即磨咖啡也是一對。咖啡甘香醇厚，最怕微酸的感覺，又一次選擇正確，預備的淡奶暖和仲有奶泡，Wow...有心思，可惜我偏愛黑醇甘味，浪費了你的心意。 幸福就是找到點滴中，學會感恩。

餐廳位處26樓，主打法國菜，裝修得幾浪漫，一面落地玻璃，可以望到彌敦道伸延開去的高空景緻。🔸慢煮黑毛豬鞍扒配意大利黑醋汁及牛肝菌醬 $188賣相幾靚，價錢本來係一塊豬鞍扒，不過大廚見今日既扒細件，所以比左兩塊🤣🤣，食落幾好味和香口🐖。🔸 珍寶虎蝦意大利飯配龍蝦牛油汁 $218啲飯有咬口得來唔會太淋，幾creamy，吸晒啲龍蝦汁，有3隻虎蝦🦐🦐🦐，幾大隻和好食。📍Sky 726旺角彌敦道726號25樓

聽朋友介紹旺角有間打卡一流，食物又好食既餐廳，收工即刻約同事去朝聖，的確無令人失望，餐廳環境浪漫，有落地大玻璃，天花佈滿燈，好似滿天星星咁。🥂香煎美國頂級安格斯肉眼扒肉眼扒7成熟，肉質鮮嫩，口感一流，兩個人食都好足夠，配菜有蘆筍同薯蓉，蘆荀爽口，薯蓉軟滑。🥂地中海海鮮意粉意粉十分驚喜，賣相好靚，海鮮份量好足料，有魷魚、青口、蜆肉，再加兩隻大虎蝦，鮮味十足，配合醬汁酸酸甜甜，好開胃。🥂新鮮生蠔身為生蠔控嘅我，當然要叫生蠔，今次生蠔係紐西蘭同澳洲，個人比較喜歡澳洲生蠔，比較有鮮味。🥂特色飲品我同朋友分別揀咗Very Berry同Tropical Punch，兩款飲品賣相吸引， Very Berry由士多啤梨、藍莓等水果調製，未到酸甜可口，Tropical Punch由桃、橙汁、菠蘿汁混合而成，飲完好開胃。

提早訂座，服務員安排近窗位置，25樓一望無際頭盤叫左生蠔，不過不失主菜叫左Truffle Risotto同Steak，不過掛住睇景唔記得影相呢兩杯飲品好驚喜呀諗住佢係果啲肉酸糖水開出嚟嘅沙冰，點知飲落飲到不同果味，而且果味之間唔會互相搶左大家嘅果味而後面果杯，我記得係莓味咁深刻係佢無藥水味！坊間好多飲品店嘅雜莓飲品都係藥水味而佢無藥水味之餘，仲會飲到少少打唔爛嘅果肉 由於用餐時間係90分鐘，我都好驚食唔切甜品 不過愛甜品嘅我都叫左兩個甜品一個係草莓雪葩，一個係下圖嘅甜品有得睇有得食有得玩，滿足到我三個願望美中不足係，我麻麻地酒味，而個火又要有酒先點得著，所以我無食到底，交比男朋友解決兩個甜品都好值得試，因為都好好味最後兩個人埋單$1000都唔洗，會再黎

冇諗過繁忙嘅旺角都會有咁浪漫嘅西餐廳大型落地玻璃窗、滿天花嘅LED星星燈🌙黃昏嘅時候望出去高樓有一種見到海市蜃樓嘅感覺☁️二人晚餐人均都係幾百蚊質素絕對唔失色於酒店嘅西餐廳性價比超值🫶🏻凱撒沙律配溫泉蛋🥗沙律大大份、最緊要係新鮮加上溫泉蛋、芝士粉等等嘅配料啱晒健康嘅靚靚香煎煙燻慢煮北海道帶子超級推薦嘅前菜出邊比較少食到慢煮煙燻嘅帶子煙熏味亦都冇冚過帶子嘅鮮味配上特別嘅醬汁恰到好處🐖慢煮黑毛豬鞍扒配意大利黑醋汁及牛肝菌醬幾鍾意黑醋汁同牛肝菌醬出邊比較少見嘅醬料配搭黑毛豬鞍瘦肉比較多健康唔肥膩👍🏻👍🏻👍🏻燒古巴龍蝦🦞尾伴紅花忌廉扁意粉龍蝦尾嘅尺寸真係大得好緊要兩個人share都好足夠扁意粉嘅醬汁非常香濃72%朱古力心太軟配香草雲呢拿雪糕🍨朱古力可可味🍫比較濃郁啱晒唔鍾意食太甜嘅朋友另外點左兩杯🍸🍹Mocktail, 賣相吸引、飲落又好飲Very Berry💜Pineapple soda, strawberry, blueberry, raspberry, fresh lemon juice, apple juiceParadise Punch🧡Coconut syrup, passion f

因為疫情關係，放假出去旅行有難道，唯有搵老朋友聚下舊，之前去過一間樓上店Sky726，印象深刻，餐廳裝修雅緻，氣氛浪漫醉人，主打新派法國菜，今晚再去感受一下！新鮮生蠔6隻，生蠔每日新鮮運到叫即即開，今日係愛爾蘭和澳洲的生蠔，愛爾蘭蠔味比較淡，澳洲就濃一點。燒焗南瓜湯伴蟹肉，南瓜湯濃郁，加上蟹肉味道更鮮更甜。燒慢煮16小時辣豬肋骨，豬肋骨份量十足， 切開好厚肉，用了慢煮的方法，真的做到肉質軟腍，骨和肉分離的效果，每啖肉都沾上特製醬汁，十分惹味！炸薯角香脆美味！

之前上網見到呢間位於旺角嘅樓上Cafe，一直都好想試。因為佢係坐落喺彌敦道25樓，見人哋上網打卡嘅相望到好開揚嘅西九龍景，所以今日放假就打算同女朋友去試今日星期六餐廳好好幫我哋安排咗一個坐窗邊嘅位置，過境我諗都算係旺角數一數二靚嘅餐廳景，啱晒女士嚟打卡。內部裝修仲好有異國風情添我哋嚟到就嗌左一個海鮮意大利飯同埋炸魚手指，諗住主要都係enjoy個景，但係食物嚟到竟然有驚喜。個炸魚手指新鮮出爐10分香脆，配埋個檸檬汁，個鮮味十分之出。 魚肉新鮮切開仍然有肉汁，配埋個他他像就好似食緊第二道餸咁好多變化。食完令我更加期待過意大利飯果然不出我所料，個意大利飯真係相當出色，佢嘅海鮮比我之前食過嘅所謂海鮮飯真係真材實料，有魷魚，魚，青口，蜆肉，帶子，再配埋佢個濃郁嘅龍蝦汁，真係食到我舔舔脷。嚟到真係要試一試！ 整體感覺望住個靚景加上食物質素呢間真係旺角嘅滄海遺珠。 真心會推介俾啲溝緊女嘅朋友，女朋友全程望住個景已經心心眼，純粹個景已經值回票價