Simplylife Bakery Cafe

營業中

休息中

今日同同事食lunch，遇上多人，平時呢間餐廳過咗唔夠五張飛嘅話，都可以安排補飛。今日過咗兩個號碼，門口職員話安排補飛，但聽見連續叫咗後三個號碼都未到我哋，食晏時間越來越少，走去問吓點解叫咗後三個號碼都未到我哋，呢位職員面無表情好晦氣咁講：「下張到你㗎啦！」我講句「攪錯」，然後因為唔想阻我同行同事同其他客人，忍左啖氣，唔知係咪繼續等仲要入座係冒犯左呢位職員。帶位嘅職員出出入入我個位幾次，都仲係眼睛凌厲咁望住我地個檯平常只係需要叫後一張飛先可以補飛嘅制度，係咪變咗呢？就算係變咗，係咪有人問你你應該要交代一聲？不愉快心情下嘅lunch就係咁樣。平時都幾好食嘅漢堡，都變得味道麻麻。多咗人所以態度都差d？如果態度同服務質素差，「麻煩黎邊」「多謝哂」呢d說話都係廢話，下次門口再遇見門口呢位職員我唔會再幫襯，廢事貼錢買氣受！

呢間店每次經過都好多人排隊，店嘅入口擺咗一個餅櫃專門係賣各式各樣嘅麵包，賣相都好吸引。今日咁啱放假經過見到都係好多人排隊等食tea ，但我又唔係特別肚餓，唔想特登等位入去食，於是我就直接買咗一個士多啤梨丹麥酥🍓做下午茶，酥皮好鬆化，口感鬆脆，層次分明，中間嘅吉士醬同士多啤梨好夾，食完一個忍唔住仲想食多一個，性價比嚟講，$17都算高，另外見到都有藍莓味🫐，有興趣嘅朋友可以試埋🤤呢度麵包嘅種類數都數唔晒，例如有方包🍞同冬甩，仲要款款都好吸引，好想買晒佢哋返去試！

Simplylife是我最喜歡的bakery cafe！沒有之一！喜歡它是因為每樣都恰到好處：先是環境 坐得舒服；再來是分店就腳；重點是麵包糕點都十分出色 每次經過都被它的香味吸引 留住了腳步，堂食熱食份量夠 飲品選擇多，而且價錢 我覺得是ok的。來過很多次了 也沒讓人失望過有時放假唔知去邊好 又想chill下 的確是不錯的選擇！

每一次行過沙田嘅Simplylife...都會俾佢餅櫃入邊嘅麵包同埋西餅吸引住... 但係因為佢次次人流都好多.. 要等好耐... 冇理由等位入去淨係食件餅.. 今次終於撞啱下午茶時間.. 冇咁多人排隊.. 又要等朋友一齊睇戲... 咁就入去試吓我睇中咗好耐嘅士多啤梨丹麥酥... 佢個丹麥酥都幾鬆脆... 配埋甜味嘅士多啤梨🍓...中間仲有好香嘅吉士醬😋...少少第一個下午茶嘅份量再杯咖啡.. 係一個好好既配搭...

話說Fatbrown 係一個麵包控，去到邊度一見到好食嘅麵包舖都會衝入去買好耐都冇食過Simplylife，今日去開又一城嘅時候見到又一城嗰間Simplylife好多人排隊買麵包就算唔食午餐，都想買個麵包返屋企品嚐下<朱古力冬甩$20>朱古力冬甩就算擺咗一晚，焗返熱中間嘅朱古力都一樣係溜心不過呢，朱古力都偏甜，食完成個覺得有少少漏<提子方包$12>提子方包唔係普通嘅白麵包食落有少少似丹麥酥嘅口感，同埋食到牛油香，整體感覺唔錯，而且性價比都好高<藍莓丹麥酥$16>丹麥酥就唔係Fatbrown 食嘅，不過屋企人食完覺得牛油味唔夠，香同某連鎖店比都係差左啲，不過$16性價比都高嘅

復活節個陣去食左個brunch，門口有好多新鮮出爐嘅麵包😍入到去仲見到open kitchen，裝修都充滿歐式風格。之前成日聽朋友講話嚟呢間食，今次係第一次終於試吓🤪味道整體嚟講都唔算太突出～🔸 French Toast (HK$143)見到隔離枱食呢個好吸引咁就叫咗，總共有3塊French toast，仲配埋煙肉同忌廉，好邪惡😈不過就略嫌French toast煎得燶咗少少啦～🔸 雞胸火箭菜黑醋汁手製扭紋粉 (HK$143)個造型就唔係好有食慾😂雞胸肉切到一片片，份量唔算好多。黑醋汁好濃郁，如果平時唔鍾意黑醋嘅朋友可能揀第二款會好啲～🔸餐湯、麵包、飲品每個brunch都有包以上三樣嘢，是日餐湯店員就冇提及係乜嘢口味，食落去有野菌類嘅味道，麵包就不過不失。飲品就揀咗季節限定冰茶，略嫌偏藥水味👀【推介指數：5⭐滿分】環境：⭐⭐ ⭐味道：⭐⭐⭐打卡：⭐ ⭐ ⭐服務：⭐⭐⭐回頭率：⭐⭐

二人同枱限聚令放寬嘅首個星期日。終於可以出嚟抖吓氣喇，趁呢個時候就三五知己一早出嚟high個t啦！我地一共六人。咁就分咗兩張枱。下午茶一律58蚊。非常抵食。我叫咗雞肉墨西哥薄餅，醬汁味道非常香濃。薯條份量偏小。而且炸得比較燶，大打折扣。latte有淡淡嘅咖啡香味。朋友叫咗雞肉burger,佢話個包唔夠鬆軟。而且味道偏淡。但比較值得讚嘅係。塊肉都好厚身。唔會話偷工減料。冰茶味道普通。茶味唔算突出。略為失色。

星期六到這間餐廳食午餐，一份叫了燒春雞+沙律，另一份要車打芝士牛肉漢堡+南瓜忌廉湯。沙律菜新鮮脆口，南瓜湯滑口夠味，兩份前菜都不錯。燒春雞皮脆肉有雞味，與醬汁很配搭，只是份量較少；漢堡包的牛肉有很香的牛肉味，配菜新鮮，幾乎每次都點，可惜配搭的薯條比較失色，不夠香口也不夠薯仔味。$148有湯/沙律+主菜+飲品（果汁茶），價錢還可以，在沙田來說不算貴。

我來過Simplylife很多次。每一次都是食lunch,根本就冇試過tea time過嚟,但係今日順路又想食，見到又抵，所以就入咗去食了。ᕕ( ᐛ )ᕗ企咗喺門口等飛嘅時候，見到麵包部排晒長龍，成條走廊塞個水洩不通。等咗五至10分鐘左右啦，終於入得去啦，我覺得其實呢間Simplylife嘅服務幾好，唔似葵涌嗰間嗌極都唔理你。叫佢點餐嘅時候佢見到即刻行埋你問你食咩，服務態度非常好。我叫咗佢俾杯水我，過咗一陣佢都仲未比我。我叫佢過嚟吹佢俾杯水我嘅時候，佢好誠懇咁講左兩聲對唔住，認真唔係敷衍。下午茶真係抵，淨係$58咋。我嗌左個山羊芝士酸種包配火箭菜烤紅洋蔥 配青蘋果沙律。佢個酸種包配山羊芝士真係一絕。包嗰陣酸味突出山羊芝士嘅濃烈味道。但係佢個沙律真係唔掂，真係成兜菜切碎咁樣俾你，沙律正常有汁，佢又冇比汁，上面啲青蘋果為咗唔好氧化，之前浸住啲檸檬汁先。但係我一擺落口，啲檸檬汁就爆曬出嚟，酸到爆炸（我本身好食得酸） ！佢呢個沙律真係有待改善。如果大家都鍾意呢份食評，記住關注我同埋喺下面俾個心心啦多謝ฅ^•ﻌ•^ฅ❦

今日要就朋友交收所以入沙田新城市廣場，朋友說順便去Simplylife來一個Good afternoon tea😬simply life 一於貫往裝修簡潔，舒服，而且座位與座位之間也一定的距離，就算客滿也不覺得擠迫！Afternoon tea set 有多款選擇，價格也只是$58 加一服務費，跟一杯餐飲，可以選擇冰茶，汽水，咖啡或茶！墨西哥薄餅配雞肉，墨西哥辣椒，車打芝士伴香辣薯條...墨西哥薄餅一共有四件，細細件，容易食..車打芝士不少！冰茶是士多啤梨加香橙，甜度適中！

都成日幫襯呢間，D面包種類都幾多，我屋企人都鐘意食佢地D酸種面包，今日經過沙田又來左買面包，順便食埋下午茶，野食味道唔錯，份量岩岩好，但服務態度真係見人見志，好似落單果位先生，仲係一位經理，唔係好記得果名，態度好差，好似唔想做甘，問多句都唔想答，反而D服務員態度仲好過佢。唔知係唔係經理都經過唔想理，好有禮貌問另一個經理，麻煩俾杯水，佢冇好氣甘回答到，你可唔可以等等⋯坐低都冇杯水，冇服務，但係收服務費，仲要無端端受氣

見今日咁得閒，諗住同個仔去新城市Snoopyland玩下，玩完有啲肚餓，就去咗simplylife，諗住食個平平哋嘅下午茶，去到等左一陣就有位。因為個仔都好肚餓，就叫咗兩個餐。牛油果醬牛肉漢堡伴香辣薯條牛油果醬比較少，不過塊芝士勁大包住左塊漢堡扒👍🏻漢堡包塊包底面都有烘過，咬落去有少少脆，值得一讚！❤️塊漢堡扒幾juicy，咬嘅時候啲汁係嘴邊流出嚟😋墨西哥薄餅配雞肉·墨西哥辣椒·車打芝士伴香辣薯條薄餅入邊嘅雞肉同用晒嘅芝士撈埋一齊好香，咬嘅時候雖然唔係好食到辣椒味，但就聞到辣椒香，再加埋薄餅出邊嘅白汁，味道好夾！不過略嫌嫌啲餡少咗啲😅香辣薯條有少少辣，好嘢味😋薯條兩邊切成尖型（唔知係咪特登），但炸完之後令薯條更鬆脆！

今日星期五咁岩出開沙田，經過見到simplylife 冇咩人排隊，見又好耐冇食就行咗入去食啦。我哋大約七點入去，雖然冇咩人排隊但入面其實full house 咁濟。好食過我哋嗌左個安格斯牛扒dinner set 加咗餐湯同水果冰茶。佢個餐湯係南瓜甘筍湯，上面有啲蔥同埋芝士加左d層次感，而且啲湯唔會係好水嗰啲，飲落好足料，同埋好濃郁。個水果冰茶係帶少少酸嘅，唔會太甜。入面好似有啲熱情果同埋好似奇亞籽，增加口感。個牛扒份量適中，我哋要咗七成熟，煎得好好，冇過生或者過熟👍🏻肉質好淋，冇咩根，牛味都好重。另外都背左個牛油醬，不過我哋就冇點，齋食牛已經好好味。side dish蘆筍番茄都燒得好好，薯條好脆👅睇嚟講CP值都幾高！

每一次黎Simply Life都會叫牛扒食，食前例牌食的黑糖面包，今次面包比較凍，比較硬，不過南瓜湯係好好飲，好足料，好飲～ 冰茶今次調較得比較酸，冇之前甘好飲！ 肉眼扒叫左7成熟，肉淋多汁，好juicy，基本上唔洗點sources已經可以～因為本身已經有黑椒作調味。 薯條就我覺得炸得太燶，和略嫌有少少咸～ 最後，呢間Simply Life既環境係新城市既地下，都比較寧靜，可以方便傾計和私隱度高。 Waiter服務有禮

第一次甘早經過simplylife 原來有早餐係自己揀面包再加錢就有杯野飲甘揀完包就自己搵位，野飲等叫no. 就出去拎比較似快餐店形式，但環境就無甘嘈我簡單叫左個牛角包同熱朱古力牛角包$11, 加$15 有杯熱飲配牛角包唔會幫你reheat, 所以食個陣係凍既但d 頭尾位都仲有少少脆， 層次上唔算多水準一般，始終唔知專門賣牛角包店，可以接受熱朱好濃，偏杰身少少，好飲係度坐左大約一個鐘都見好多人黎嘆早餐，而且好多位，一定唔駛搭台，估唔到早餐同lunch dinner 既模式係差甘遠