Simplylife Bakery Cafe (已搬遷) 新店位置

好耐無新餐廳進軍又一城, 今次終於有番d新氣象。有得訂位, 但walkin等位係要親身排隊排排企有d唔慣, 不過dinner time 只等十分鐘算ok。service 幾好, 我地分到張枱好大風都即刻換比我地, tim 水快, 又收集feedback, 唔錯。食物ok, tuna salad 係我唔食嘅wasabi dressing, menu 又唔講...不過d料幾fresh。大蝦茄汁闊麵d蝦燒得幾香, d pasta 茄味濃香料重,幾好。脆皮立魚幾脆但有d太乾,伴碟的炒什菌反而好味, 僅僅合格。而焦點的甜品都算不負所望, 小王子蛋糕最正, 好滑,重拖肥味, 餅底係朱古力脆,好有口感,黑森林相對比較平俗。價錢cake就值回票價,但main dish 相對較貴, 建議係brunch (to5pm) 去, 有set 平d。

又一城已很久沒有新食店出現，繼兩間日本料理店後，在「舊麥記」位置的新食店終於開幕，是一間名為「simplylife BAKERY CAFE」的西式餐廳。「舊麥記」那邊有兩間食肆，一間是開業已久的「意粉屋」，另一間當然是此店。因位於商場頂層，天花的玻璃窗將自然光透進來，令此兩間食肆也有一種「露天茶坐」感覺。以往的「麥記」不太注重餐桌及坐位的裝修，但仍然擺放太陽傘出來形做戶外感覺，現在新的食店當然會再講究一點。全店用黑色木桌子、椅子及矮梳化，再加兩把架高了的太陽傘，完全棄用鄰近意粉屋高屏風裝飾，形做視覺上有遠眺獅子山，一望無際之感。店的內部有一排麵包焗爐，有兩至三位麵包師傅在製作新鮮麵包，當然亦有新鮮麵包出售。用餐後，我們還買了「忌廉芝士包」($9.00) 及「朱古力丹麥條」($14.00) 回家。雖然此店名為「簡單生活包啡」，不過其價錢一點也不簡單。套餐的價錢有$88.00及$98.00 (如飲品改咖啡要加$10.00)，其中十元的分別在於甜品。不過此店的甜品是沒有得選擇，是由廚師挑選。如果兩位同時點了甜品，兩款甜品一定不會相同。我們點了一個$98.00及一個$88.00改飲咖啡(即同樣

新店上場，給人一個優閒的感覺，不過在頂樓，天幕下感到商場的冷氣不足。Set Lunch價錢平易近人，又可以選要不要頭盤或甜品，如只吃主菜也只是$68。紅莓茶：附送的，雖然嚐不出紅莓味，但不太甜，算可以。洋蔥湯：還可以，伴湯的芝士法包份量非常豐富。烤雞沙律：非常多雞肉，調味惹味，還精心佈置，面頭的豆莢非常可愛！松露汁野菌幼麥麵：幼麥麵不但吃得出麥味，還感覺到麥粒。味道不太濃，配上磨出來的芝士吃剛剛好。酸辣雞肉有機糙米飯：很惹味，雖用西式煮法，但飯也不會太淋。用泰國茄子做裝飾，為平凡外表點上色彩。牛肉漢堡：麵包很鬆，不像漢堡包那種感覺。牛肉剛熟，不老，牛的味道不算很濃，再配上瘦煙肉。另外有粗薯條、燒洋蔥及蕃茄，新鮮炸起的薯條冇得彈。甜品：忌廉蛋糕鬆軟，但不太特別。朱古力蛋糕，差不多全部都是朱古力，如果濃一點更好。椰子雪糕頗特式，連裝飾的薄荷葉吃更清新。服務殷勤有禮，吃完主菜還會先抹過檯才上甜品。所有資料都在圖片：http://x88.xanga.com/d1f8176a44c57140121007/w103225312.jpg

8月5日星期日係我第一次光顧這間餐廳，向門口見到個menu 有好幾款set lunch 俾你選擇，諗住會有驚喜點知都係令人失望，我們一同三人就叫咗兩個餐1) 餐湯加一塊麵包(味道OK) , 辣味雞肉有機糙米飯(味道一般，d飯硬咗些，份量得好少) , 甜品(超細件男士可以一口食完，廚房的放置就無咩定義，因為我見到其他客同樣係這件甜品但係旁邊有一杯忌亷類的食品，不過我哋個碟就無) , 送一杯果荼($98)再收加一(2) 沙律(菜沙律味道OK, 廚房的放置就無咩定義，因為我見到其他客食同一樣嘢但係人哋有一塊麵包，而我個份就無) , 蝦天使麵(味道OK, 一份有三隻蝦,份量唔係有好多) , 送一杯果荼($88)再收加一＊＊　我覺得最好笑係結帳時，侍應俾張單我我就立即俾張信用咭佢結帳，但係佢無攞就行咗去，個張單同信用咭一直放向到好耐都無嚟取回，好似去咗遊雲未返要我哋再叫佢佢先取回張單，所以我筧得佢哋的服務麻麻！全店面積唔係大都有五至六位侍應但係服務質素就咁，坐低落咗ＯＲＤＥＲ佢哋都唔俾杯水你飲又要叫先俾呀！！　你話點叫客人下次再光臨呢？？　咁的服務態度係唔得架！！　＊＊

今日係我第一次光顧這間餐廳,見到佢門口貼的set lunch menu 都有好多選擇所以就決定入去幫襯,但係好令我失望,下次有機會唔會再來!! 我們一同三人叫了兩個餐1) 餐湯(味道ok) , 辣雞有機糙米飯(味道一般好細碟), 甜品(超細少的朱古力cake,不過我見其他人個份有一個細小的icecream但係我個份就無,所以我覺得佢地個廚房無咩定義) , 送一杯冬果茶($98)(2) 沙律(味道ok,不過我見其他人份沙律有一塊麵包但係我個份就無,所以我覺得佢地個廚房無咩定義) , 蝦天使麵(味道ok有三隻蝦) 送一杯冬果茶($88)~ 食物味道都算OK, 但係這間餐廳最令我唔滿意的係侍應的服務, 坐底又唔俾水你飲要人叫先俾, 結帳時侍應俾張單我我就立即俾張信用咭佢, 但係放張咭之後就唔見左個侍應, 張單同我張咭放左好耐個侍應都無回來取真係好似去左遊雲咁要我地再叫佢,佢先返來取回個結帳盤呀!! 真係勁好笑都唔知佢向度諗緊咩連錢都唔記得取, 人客又唔係多店面積又唔大,一間餐廳內都有五至六位侍應但係服務都係咁勁差!!