Simplylife Bakery Cafe

營業中

休息中

放工後同朋友去左又一城行街食飯，7、8點呢個時間周圍都好多人，諗左陣都係決定上foodcourt隔離間simplylife食飯啦！門口好多人排隊，拎左飛兜左個圈都仲未到，等多大概10分鐘就有位喇，但原來叫左號，都係要排好隊先入得店內環境都幾靚，枱面有燭光同埋個設計都幾舒服，雖然個鋪面設計咁有心思，但其實店內係極之嘈！我同朋友面對面坐，張枱唔算大，都要大大聲講野先聽到，完全浪費哂咁靚既環境！所以要靜靜地傾計既呢到絕對唔適合，同埋每枱限時個半鐘，等啲食物上哂都冇乜時間比你慢慢傾食物方面我覺得選擇唔多，而且食物質素比我想像中差，我覺得最多都係勉勉強強比個OK佢，相同價錢絕對有一大堆更好既選擇囉我同朋友都係食burger，我點左芝士磨菇雞肉漢堡 burger配有薯條，我覺得個薯條都唔錯可以接受，但係個漢堡我就覺得太乾喇，menu寫明係雞肉，所以我都冇expect係一塊塊既雞扒，但係估唔到佢整到雞肉蓉咁，個味道係ok既，但真係太乾喇，可能因為我冇即刻食個漢堡，啲芝士都乾哂，比磨菇既味道同質感完全蓋過哂，所以芝士、磨菇、雞肉，三樣野夾埋我只係得出一個字：乾！同埋除左磨菇，唔知自己咬緊啲乜朋友點既煙

今次和朋友小聚 只求環境靚 方便傾計最多吃個甜品 飲杯嘢選擇到九龍塘的simply life我叫了「紅桑子特濃朱古力蛋糕」其實不確定紅桑子是甚麼味但能吃到莓味朱古力味還OK 不算特別突出看着漂亮朋友叫了「法式綠茉莉班㦸蛋糕」可是他根本不喜歡茉莉😂所以就讓我幫忙吃我覺得茉莉味還好班㦸蛋糕的甜度剛好（個人喜歡不甜的蛋糕）

今日星期日，趕得切4點幾截單前入座兼叫到brunch set。Brunch有burger、pizza、pasta甚至all day breakfast 可以選擇，我喺fish and chips同烤春雞之間揀左春雞。烤美國春雞半隻，香草薯角，檸檬迷迭香汁（$138，再加一）跟餐湯係甘荀湯，都幾濃郁。仲有一件法包配牛油，質素唔錯。餐飲揀左水果冰茶，今日係橙茶，老實講有d甜。(甜到冇影相）主菜隔一陣送到，燒雞幾嫩滑，唔洗點醬都夠味，墊底有幾舊薯角同瓜菜，小吃無妨，多吃就會肥喇，因為d蔬菜類索晒雞油。唔洗等位的話，假日黎食個brunch 都唔錯。

今日去simply life食tea，我唔想食咁飽所以只係叫左件cake。Cake櫃有好多款蛋糕比我揀，心大心細諗左一輪之後，揀左：Green tea jasmine crepe cake ($36，另加一）。其實呢件蛋糕外型同lady M好似，食一啖之後覺得還可以啦，呢個價錢算係唔錯咁，d cream 都幾滑，綠茶味都幾香，如果以一個A貨黎講，算係食得過的，哈哈。如果連cream都係綠茶cream會更好！始終只係$36一件，我覺得可以坐得舒服地食一件蛋糕都值得一吃！

預祝父親節一家人去食晚飯 好耐冇食過simplylife 原來依家可以拎飛 唔使企喺度等成個鐘 拎咗飛之後去睇埋個車展再返去時間剛剛好個餐牌同以前好似差唔多 我都係繼續食肉眼扒 餐飲大家都係鍾意飲冰茶 好過飲汽水個扒grilled得真係好okay～好香 個面又有d 脆配個紅酒香草牛油好好味 父親大人叫左份牛肉漢堡 佢都話好食其實d 薯條都好好味 不過真係唔敢食晒 怕會喉嚨痛 😅媽咪叫左個南瓜糙米飯 佢話比較淡d 下次要試試海鮮冬蔭糙米飯太太都係最鍾意個蟹肉沙律 話百吃不厭😅

8點去到， 等位等了半小時，叫左個set, 有burger , 凍飲， 湯或沙律， 漢堡有水準， 尤其d 薯條， 真係好正， d 芝士都好好， 飲品是西柚凍飲， 都不錯， 好健康，會再光顧的

這裡基本成為了每個星期六的飯堂，要是想要假期好好放空一下，舒服的坐一下，又一城來說這間餐廳性價比相對較高，一百三十多元有沙律有飲品有主菜，相對很抵。simplylife 的麵包做得不錯，有人可會覺得法國麵包太硬，但我覺得麵包新鮮香脆，配鮮牛油非常滋味。是日沙律有豆有炸蒜，配醋汁非常清新。原本想叫兩份沙律，但一聽到餐湯是南瓜湯就到定要叫了。之前黎試過飲蕃茄湯但覺得太酸，但今次既南瓜湯非常濃郁，南瓜迷一定要叫。加分的地方是湯入邊有少少果仁，又香又有口感。因為媽媽話想食Pizza，今次我叫左個平時好少食既波菜磨菇Pizza。一上檯非常香噴噴，而且表面加左松露油，一擺入口香味爆發。因為Pizza比較薄，一個人食幾件都不會太膩。因為今日想吃清淡一點，沒有叫平時常叫的漢堡或意粉，反而叫左個南瓜糙米飯。南瓜不是很甜，有點失色。不過飯入邊除左糙米還加入松子等果仁，感覺養生而且有咬口，如果喜歡雜糧的朋友就非常合胃口。可以在假期簡單的和家人到餐廳舒舒服服坐一下，吃好一點，簡單的生活才是生活態度。

個意粉好鞋食材質素好差個調味又淡口 味又唔討好女友食到叫我食評負皮佢啲薯蓉好粗冇落奶同牛油唔夠、仲要仲係食到一舊舊薯仔係入面，咁都咁多人排入黎我自已都煮得好過佢啦

呢間餐廳我以前來過幾次了，每次食完正餐之後總要加多一件 Cake ，且次次都對呢度的 Cake 留下好的印象。😋昨日下午經歷了黃雨——紅雨－－黑雨之後，覺得悶悶哋，咁啱身處＂又一城＂，所以即上頂樓呢間餐廳，去食個我掛住的 Cake。Afternoon Tea 3點開始， Cake Set $55加一，送一杯咖啡，都算抵食。＂檸檬蛋白撻＂，厚厚的蛋白霜似雞冠咁豎起，食落口的感覺卻很＂溫柔＂，不太甜，有淡淡的檸檬清香，一點都不覺得膩😍。Café Latte 賣相同味道也都不錯。一件撻，一杯咖啡，給我一個好心情，趕走了暴雨帶來的悶……😄

茉莉千層一直都好想試呢間野既甜品，蛋糕比較細件，飯前食哂整件都唔會覺得太飽，淡淡既茉莉香味，入面有脆脆，好香口幾好食，不過都係甜左少少，同奶味好重，可能皮好薄，而層數唔夠多既關係，所以口感無甘豐富🤔。玫瑰乳酪香梨純粹被個名吸引住，因為本身好鐘意食乳酪，但呢個蛋糕一丁點乳酪味都無，所以有點失望，而蛋糕似係食緊普通麵包店既三色蛋糕甘，只有上面透明有香梨味既啫哩好食，白朱古力因過分甜既關係真係食唔到。

朋友們都係住火車沿線。。。我地簡左九龍火車站既 又一城 -simplylife ，食下西餐。。傾下計。。我地坐底叫左個水牛芝士pizza ,安格斯牛，黑松露闊條面，仲有叫左個餐湯，餐湯係南瓜湯。。湯打得好細膩。。很濃郁既南瓜味。。pizza 餅底係薄底。。就算食多2件都吾會咁快有飽肚既感覺。。闊條面食落口都吾覺得太油膩。。味道都吾錯。。安格斯就不過不失。。。也不太特別。。最後，我地 order 左3件 cake..分別係 檸檬蛋白撻/ 抹茶 班戟蛋糕同士多啤梨蛋糕，檸檬撻個人覺得可以再酸一d 就 perfect ,抹茶班戟 非常濃郁。。士多啤梨蛋糕都ok..普普通通，不太特別

星期五晚跟幾個朋友相聚吃個飯6 pm 拎位完全唔使等入座既時候個帶位完全無講話入座起限計個半小時咁好不幸地我們中間有朋友交通阻塞遲咗少少到個 Waitor 係咁催我地落單話限時個半鐘咁都算一坐低望到在台面果幾隻玻璃杯都有污積收中高價但 Service & Hygiene 就 Bad Level野食講真好多個西餐廳都做得好過依間（無影相，因為唔值得影）到差唔多「夠鐘」一句都無問就掟張單落黎係呀 係「掟」當時我地仲未食完催你好快d 交台朋友未睇清楚張單放低咗張信用卡個waitor一手就搶番張單諗住埋數好無禮貌！走果陣出到門口只係見到幾個人係度等位我終於明點解一開始唔使等

之前鐘意食simply life 係因為好味同無限時，而家本日明明唔多人都要限時，真係好無奈，想同朋友傾吓都冇時間，真係下次都唔想再黎la! 勁失望！而且食物的水平亦下降，真係好差！

Weekday menu同weekend唔同，等咗半個鐘就安排入坐，叫左羊膝同紅酒燴牛尾意大利飯，今晚有南瓜湯另外係西柚茶，羊膝同牛尾都入味，quality 幾好，原來平日嘅餐單比較多選擇雖然就貴幾十蚊

Well, just as per the title, it was rather disappointing experience. I was hoping to get better food than this since the restaurant always has a long queue line during dinner n lunch hour. The food quality is seriously poor, maybe just my bad day of receiving such meals.The service was okay though, the staff are well alert, the problem is the foodNot recommend at all .