Simplylife Bakery Cafe

營業中

休息中

今日睇完畢架山峰巳經下午茶時段～當然去又一城啦！最就近！不想又食安南，就選了simply life 超值啦$58元又有現磨咖啡飲我是了雞肉漢堡同事的是酸種麵包酸洋蔥及沙律！太清不合我胃囗。雞肉漢堡賣相不俗有些少驚喜味道也不錯，我估計如果雞肉烤或焗香口一些可能會好味好多不過推出菜式前應該有研究過嘅！個人喜歡香囗一些吧加些少配搭～例如惹味配醬？

又一城，simplylife是最多年青人捧場嘅一間餐廳，佢哋提供的下午茶好抵食，同茶餐廳價錢相若，但環境同質素梗係勝一籌，呢度食下午茶可以話係好relax，食到幾時走都得，冇人會催你走下午茶選擇都有7-8款有室內及室外雅座，室外仲可以望到樓下嘅溜冰場，觀賞健見們一展身手車打芝士煙肉漢堡包餐仲跟大大條薯條，好好味😋食物全部都係熱辣辣咁上枱，包埋一杯冰凍嘅peach tea,絕佳配搭埋單連加一兩位下午茶餐$127元，講真你二個人去澳牛食個茶餐每位都要50蚊，加多個燉蛋都係咁上下價錢，間唔中轉下口味去食下burger都係幾好的選擇👍

成間餐廳啲侍應都係衰態度，經常明知你叫佢，佢眼神飄過但冇反應，尤其係一個好似高級小小嘅臭四，長頭髮ash color，鞋口鞋面黑面神，用餐氣氛極差，好明顯成個團隊都冇士氣，唔想serve人。

好耐無食肉仔，近近地又唔駛點等位嘅就去左呢間，精選晚餐都幾多選擇，由沙律/漢堡/意粉/肉類都有 餐加$30可以有餐湯/沙律+汽水/冰茶 指定動作係呢客麵飽，加配牛油，邊位硬內裏軟 有飽配湯食夾D，是日餐湯係忌廉南瓜湯，甜美可口，湯內有南瓜籽，增加咬口 之後主菜燒美國安格斯牛扒 (10安士)配鼠尾草炸薯條及燒露荀 ($208)就上枱啦 件牛扒成10安士都幾對眼，肉面有燒紋，引起人食慾 柯打七成熟，切開仍帶微微粉紅色，燒香左嘅外圍帶少少硬度，內裏肉質仍保柔軟，肉汁仲有少許; 另外脂肪位唔多，唔會減少可食嘅份量 一邊食肉一邊食薯條(只可淺嚐，過多就有口渴感覺)! 冰茶會不定時轉換口味，除左經典橙茶外，今次係芒果冰茶，味道似少甜版，食到一粒粒果籽，解渴之選!

中午約咗舊同事係呢到食午餐。已經唔係第一次來。現在可以提前預約，唔使等咁耐。聽講呢到既面包好新鮮，以我既水平食唔太出，不過都幾好食。環境好好，好適合同朋友黎坐底傾計，不過因為等待人數眾多，最多只可以坐一個半鐘。價錢好似因為疫情平咗，宜家一個午餐100左右，記得以前係130幾。我點咗漢堡，味道幾好，配薯條,冰茶特别清爽。甜品食咗個特濃朱古力cake，口味偏膩，不過對我呢種愛朱古力既人剛剛好。整體而言係一次滿意既午餐。

好耐無食simplylife 喇，今日路經又一城，又見唔多人排隊，去食吓佢嘅下午茶先！餓底太肚餓喇，要食返個burger 🍔.哥達芝士雞肉漢堡伴香辣薯條.佢地嘅麵包真係好好食，表面嗰層烘得脆口，入面麵包質感軟腍腍， 好加分！餡料無過多嘅花巧，簡簡單單雞肉加芝士，完全唔heavy👍🏼.香辣薯條係類似薯角，加咗少少辣粉，食落惹味，唔錯！.跟餐仲有飲品，佢杯熱咖啡☕️都好好飲，咖啡味香濃，飲落夠厚身，飲完精神晒！

Simplylife是一間 一直覺得食物穩定環境不錯嘅連鎖店， 又一城店也來了好幾年， 究竟時疫情、 公司 管理或是人物資源下降， 影響 職員質素？今日叫了一個 安格斯漢堡。 質素不過不失， 未知是否疫情貨源貴了還是缺貨， 個牛不再是肉質美味濃沃， 肉厚但無味。 連我最愛的南瓜湯也是 賣上看似沒有什麼也是無味。 遲早一兩個月到葵芳新都會店質素仍然是很好的要分享就是差不多吃完brunch時， 因為我張枱靠近 全部切之士的食物枱， 看到令我嘩然的一幕。 一個看似 非華裔姐姐, 把芝士片開， 之後cheese 用保鮮紙包成一疊, 放入一個透明膠箱。 突然見那個姐姐失守一塊芝士跌在地上， 要知道地上大家都著了鞋 四處行， 他左右一望以為冇人看見， 打芝士掉進膠箱內。 我以為那個膠箱是裝廢物， 怎知我看見他將 其他繼續片出來的芝士也放進膠箱。 唔係啩， 食咗死咗唔知乜事😑😑 我立即舉手通知一位侍應， 他反應沒有表示驚訝也沒有道歉， 只是哦了一聲。 通知另一個較高級少少的侍應。 侍應走來我把整件事重複一次亦指出是哪一個相同那一個姐姐。 正常職員會表示多謝你嘅 通知亦會表示歉意， 但他知道後居然沒有

當日跟幾位同事,加1個Resign左o既舊同事一齊去食dinner聚下舊揀左呢間西餐廳叫左幾個set dinner & 小食,呢款南瓜湯好濃郁,很香食得辣o既同事叫左青咖哩,賣相很好,而且好香噴噴但我唔食得辣,都係試左少少單點呢款煎餅,用來塗汁來吃,很不錯~~愛熱吃o既同事揀左呢款,每人share食少少,好oily!平日晚上,聚舊傾下計,係不錯o既選擇!!

相約義工好拍檔於又一城談最近生活狀況，女士們喜愛講東講西，搵個地方可以坐得久一點，simplify 是一個好選擇。午餐包汽水或冰茶，也可以加錢點咖啡，前菜也是自由選購，有沙律及餐湯。這陣子天氣炎熱，胃口不大，我們只點了主菜。朋友選擇了牛肉漢堡配薯條~牛肉漢堡高高立在碟上，配菜也很豐富，薯條份量也很足夠。自己喜愛多款食物集於一身，點了一個全日早餐，包括：蘑菇、蕃茄、炒滑蛋、腸仔、煙肉、多士、茄汁焗豆等等。今天廚師特製冰茶是西柚冰茶。出門口時被麵包西餅部櫥窗內的蛋糕吸引，停下腳步打卡打卡。顏色豐富，樣子可愛，味道也很吸引呢！

真係有成年冇食過Simplylife下午茶食過返尋味嘅下午茶，性價比高要知道放假係度食個Brunch都要$138加一，brunch有湯、野飲成set。平日嘅下午茶包埋都只係$58加一，唔好以為下午茶會hea你，佢地嘅burger仍然好足料。自己就叫咗車打芝士煙肉牛肉漢堡伴香辣薯條，朋友唔太餓就叫咗烤酸種麵包配山羊芝士.......醋烤紅洋蔥伴青蘋果沙律，兩個餐都係配冰茶。車打芝士煙肉牛肉漢堡伴香辣薯條成個burger拎起都好墜手，即整熱辣辣，基本上同lunch食嘅冇咩分別，咬一啖芝士有拉絲效果，牛肉有煎到燶燶地嘅香味，一啖接一啖🤪個包有d位係烤到燶咗嘅...我就搣走咗小小，但係可接受，食完真係好滿足。烤酸種麵包配山羊芝士、火箭菜、巴馬臣芝士、醋烤紅洋蔥伴青蘋果沙律第一啖食落口個山羊芝士真係好羶，平時對羊個隻羶味係完全無問題，心諗點繼續食落去...之後再食，紅洋蔥真係好酸...不過！兩樣夾埋一齊食係中和咗大家嘅酸同羶味！食食吓又幾好味。原來我地一開始食邊邊位嘅時候只係食到其中一種材料先會有好酸同好羶嘅味...青蘋果沙律友人話好酸，但我又覺得唔係，比起第一啖紅洋蔥仲爭好遠。當然如果下午茶唔

努力返工最大既原動力就係要食好西🤪 九龍灣可以relax 慢慢食既餐廳唔多，所以行遠少少都要走黎歎下！Simply Life 既lunch set 一律$88，有main再加一杯果茶，今次我同朋友點了魚柳漢堡同Carbonara, 漢堡包好脆，味道不錯，意粉就中規中矩，突別喜歡他們的果茶，喝完還想再添飲！

最近好鍾意呢度食下午茶$58有咖啡飲同埋嘢食嘢食好大份唔食午餐都夠飽㗎今次我叫咗牛油果多士配青蘋果沙律個沙律麻麻哋但係個包就好正啦坐嗰個位有啲天然光照落嚟開心仔會再黎的

週日遲起床，早餐連午餐一起吃吧。遙距取飛等位，剛好午餐時間，超多人。到達仍要等多三十分鐘才有位置。在等候期間已選好食物，先來Brunch 套餐的前菜，是日沙律-蘋果沙律，蔬菜新鮮配上青蘋果，很開胃。麵包也好吃。另一磨菇湯香濃，可想像的味道。夏天還是清爽的沙律比較搭配。主菜先來水煮蛋菠菜牛油果藜麥，其實就是素食的Benedict, 正合我心意，輕巧清爽，喜歡材料混著吃，整個配搭不錯Beef Burger 就比較晚才送上，可能是太多人點了，基本附近的食客都有點此道菜。看上去挺吸引，份量十足，味道也不錯。額外加了咖啡，中規中矩。食物基本是不錯，但就欠了些特色。還是可以試試

同朋友一齊食tea環境唔錯 ... 叫左burger 同埋墨西哥夾餅...我覺得夾餅比較出色 😋薯條好味 ！ 應該即炸吧 ！叫左杯Latte ... 可惜佢地無左無咖嘛因豆...一半staff 都黑面 串既 ...🙁走時叫左5 件cake 拎番屋企食Um ... 32 蚊件cake ...唔算貴 靚既 但味道就 ... 🙃🙃🙃

Simply life，正如其名「簡單」二字，假日brunch一律劃一收費，$138加一，包餐湯或沙律二選一，配以餐包。麥包上枱時欠缺溫度，但勝在帶麥香，法包口感，偏硬、略帶韌性，感覺較精製麵包健康。甘荀湯混和薯仔熬煮，入口厚身綿滑，帶蔬果嘅天然甘甜，湯底加咗兩粒水牛芝士，飲飲吓突然食到陣奶香，呢個做法幾特別。麵包塗上厚厚牛油烘香，質感好軟熟，但面層包皮烘得偏燶，略帶苦味；芝士份量有一片，算幾足料，相信如果改用raclette cheese會更香口；雞肉漢堡扒肉質紮實，有飽足感，簡單調味不至於遮蓋雞肉原風味👍🏻建議可加入多啲蕃茄同生菜，令漢堡整體更濕潤多汁，無咁乾身。冰茶係紅茶底，加入檸檬汁同奇亞籽，清新解渴，係成個餐最出色果樣😂😂整體而言上菜快，效率高，客人舊去新來，換過一批又一批。即使又一城人客眾多，入座亦唔需要等候太耐，確係省時用餐嘅好選擇。