Shari Shari Kakigori House 氷屋 (已搬遷) 新店位置

趁假期去掃墓，之後乘車經過兒時曾居住過的中區，於是下車緬懷一番，在舊居附近拍了些照片留念。女兒帶我們去試潮流熱門食品，說的是中環的一間日式沙冰店。原來這品牌的銅鑼灣店，經常都要排隊的，幸好這裡不用排隊就有位。店內裝潢簡約，不過小小的桌子已經足夠三幾個朋友一邊食冰及甜點，一邊聊天之用。因為是下午茶時間，到來只為見識潮流及散熱，我們點了一個芒果乳酪味沙冰($97)及一個北海道芝士梳乎厘($27)。芒果乳酪味沙冰足有一個皺皮瓜般大，作為下午茶，三個人一起吃是可以的，上面放了些鮮芒果肉，沙冰的味道不錯，不過三個人從三面去舀來食，就如玩層層疊般，要小心沙冰倒下來。相比之下，北海道芝士梳乎厘價錢大約是沙冰的四份之一，份量也就相對地小得多。不過比一般的梳乎厘實一點，沒有那麼泡沫化，芝士味濃郁，口感還算不俗。見識過潮流熱門食品，現在日式韓式的這類沙冰店在香港越開越多了，吸引不少年青人去光顧。

我都算係半個sharishari既fans，食下食下就快cup滿印仔啦，一路都好期待佢既新口味，仲成日推介朋友仔添。之前都係係CWB食，第一次黎上環，個環境都唔錯，小啲人咁。呢個係bailey味，因為我都幾鍾意飲bailey，就以就點左。好！失！望！食咁多次，等一次覺得冰感咁重，一粒粒冰，仲要成杯野好淡，我同朋友食食到一半停晒手。。。 我真係唔肯定係個配方唔好，定係店員做得唔好，但我都幾肯定我以後只會去CWB個間lol

好耐無食過Shari Shari，見佢有呢個期間限定嘅甘酒味刨冰就專程走去試試佢🙆🏻‍♀️個冰淋上滿滿嘅甘酒味嘅cream/ syrup，每一啖綿綿嘅冰都有香醇嘅甘酒味，同面頭嘅蜜柑簡直係天作之合，如果多幾粒柑就好啦！然後裡面有少許raspberry同消化餅餅碎，純粹豐富返個口感，但無咩突出，總括嚟講都係鍾意佢signature嘅抹茶同豆腐等嘅口味。啊仲有，個冰融得好快，食下食下會愈食愈甜咁，記得唔好影相影咁耐（唔好好似我咁😂）

-這家的刨冰實在太好吃🥺每次吃完很快又念念不忘～到底什麼時候可以吃完所有味道🥴♥《抹茶忌廉焦糖刨冰》抹茶香濃，略帶回甘🍵吃到底也有茶香，不會只得甜味～忌廉軟滑，還有焦糖醬和脆脆置頂😋看到中間還有餅碎嗎？口感超豐富～刨冰綿滑消暑一流，看到已流口水🤤超大個的刨冰，二人享用就剛剛好囉！♥小提示 Tips：要先在餐廳外的排隊紙寫名，只是排隊不行哦✋🏿

成日上網見到好多人影呢個冰打卡，終於都比我食到了放左工冇野做就約左朋友一齊去朝聖作為伯爵菜既fans見到menu就即刻揀咗呢個 *伯爵奶茶配白玉*個冰份量幾多，兩個人食就岩岩好，而且賣相一流，唔怪得咁多人嚟到打卡平時食開好多韓冰食到後面都會覺得啲醬唔夠多唔夠味好似淨係食緊個冰咁，但呢款日冰係完全唔會！食到最後都keep有清新既伯爵茶味，可能因為係菜味，唔會話好甜，作為飯後甜品都幾唔錯。上面既白玉如叫果唔係特別鍾意食煙韌既野都可以唔洗叫，因為冇咩味純粹係幾有咬口。雖然價錢以甜品嚟講都有些有貴，但間唔中試一次又可以打卡同frd/伴侶 share黎食都幾正。

今個星期五同班同事去完happy hour之後個口乾乾，諗住去揾個地方食返啲凍嘅嘢中和下，就嚟咗呢度食冰啦。其實之前食過銅鑼灣果間鋪頭，覺得都幾好食，佢部刨冰機刨到啲冰都真係好薄好多layers，點知呢間中環分店水準差好遠...首先係氷刨得好厚，然後啲冰唔夠凍好快就溶，搞到個綠茶真係冇乜味。唯一可以讚係佢個摩茲仲keep到煙煙銀銀，同埋個朱古力餅保持到水準同夠軟，追返d口感分數。呢個我最多只可以比2/5粒星 😅

—喺Soho食完飯 時間尚早 拉咗人哋去食冰等位自行喺張紙寫名寫人數會隨後嗌名安排入座 落單個陣畀埋錢抹茶焦糖忌廉味配白玉($95)終於都試到Best seller matcha flavour!!店員提醒由上面食起外面淋滿抹茶醬 食到中間其實有好多消化餅碎焦糖味唔係好食到 呢個味其實都唔錯嘅但係最得我心嘅係伯爵茶味————————————————Shari Shari Kakigori House 氷屋中環蘇豪士丹頓街47號地舗

很早期在本地吃過數間甜品店的刨冰，不是過甜就是冰的質感粗糙。然後在旅遊時試了韓國連鎖店雪冰，雖然牛奶冰仍是偏甜，但配料非常美味，冰的質感也幼細多了，一試就不能自拔。可惜在香港的韓式牛奶冰買少見少，取而代之就是台式飲品和日式班戟店。這天在中環吃晚飯後，便到 Shari Shari 氷屋 吃日式刨冰。一早便知道這裡引入了日本的刨冰機，採用當地的自來水製作，得到不少良好的評價，所以抱著期待而來。我們在平日的晚餐時段來到，只有一檯客人。店鋪空間不算大，能容納二三十人左右，內部裝修具日式簡約風格，小型圓桌免除了搭檯的考慮，讓客人感到更輕鬆自在。經過一段時間選擇困難下，決定先試招牌的抹茶忌廉焦糖刨冰（$ 85）。在等待期間可以目睹刨冰的誕生。店員一邊在每層刨冰間斷地加上抹茶醬和配料，讓茶味平均地遍佈內外，一邊修飾其外表，最後在頂端再加了焦糖忌廉。幸好天氣清涼，拍照拍了一會也未見溶化。刨冰體積還要比一個人頭更大，若不是甜品狂熱愛好者，最好跟朋友一起享用。刨冰外型堅挺，吃時也不容易倒下。抹茶天然香濃帶點回甘，味道和某著名品牌的抹茶雪糕頗相似，由於刨冰是以冰水而不是牛奶或淡忌廉製作，自然沒雪糕那麼甜，餘

又有一段時間冇黎氷屋喇，今日襯過海食午飯，飯後就同另一半慢慢行過黎中環店，比起銅鑼灣店，中環店嘅更得我心，就算週末好多時都唔洗等位。原本想舒舒服服食個刨冰，不過一踏入店門，感覺有點侷促可能冇開冷氣啦，加上當日天氣頗熱。一段時間冇黎，刨冰十多款，款式大致相同，期間限定為栗子及日本甘酒，感覺上價格提升左(?)，定價$80-100，每人最低消費$35，餐牌最貴嘅係伯爵奶茶味配白玉。栗子 $98栗子刨冰做得比較圓、矮，份量唔多，老實講唔係咁貴，一個人都食得哂一個。刨冰面頭平均淋上栗子醬，再加粒栗子，好療癒刨冰細緻，入口即溶，唔算好綿，混合淋醬食，栗香十足；輕輕食左個頂，可以見到裡面加左消化餅碎，口感比食齋冰好。仲有完整栗子粒，約三至四粒，栗子圓滑甘甜，加強整個刨冰嘅栗子味。可能店內溫度高，刨冰融化得比平常快，碗底嘅好快已經變成冰水，食哂栗子淋醬後，底部只剩低濃烈奶味，略為失色

喺灣仔同埋中環都有鋪頭今次我就揀咗喺中環，餐牌同樣都有限定。我同朋友就揀咗黃豆粉味道同埋栗子。我個人唔係好鍾意栗子味道因為實在太過甜啦佢嘅醬汁好多建議可以唔使落咁甜，因為食少少就已經好溜。勁鍾意黃豆粉麵因為好香茶嘅味道，再加埋黃豆粉係面頭。我哋另外帶咗覺缺餅不過覺得麻麻地，唔夠煙銀而且太多糖。不過下次都會再幫襯試吓佢其他嘅味道因為影相打卡真係好靚，而且夠晒大份一個人分享兩份都已經夠。餐廳嘅位置都幾都坐得幾舒服，希望日後有更多限定嘅產品可以食啦。

Was impressive by the Hojicha-flavored shaved ice, although it was a little expensive; The earl grey-flavored shaved ice ($ 90) I tried this time was a little disappointing. The earl grey flavor was weak and the sauce wasn't quite enough. The center and bottom part of the shaved ice were not in contact with the sauce and  I was like drinking  water. Hope to get a better shaved ice next time. 

天氣忽冷忽暖，搞到個人成日好想食甜野，難得係中環食完飯，朋友話不如食個冰星期五晚大概8點幾9點到，都係等3張枱，當然要等啦咁！伯爵奶茶味配白玉呢個真係伯爵茶愛好者必食呀D冰真係好綿最好係真係啖啖都會食到伯爵茶味，但又唔會好膩係冰既入面佢仲有舊細細地既布甸同埋曲奇碎，令到唔係得食冰咁單調！加埋白玉，真係冇得輸最緊要係平時食冰最唔鐘意就係個底冇味，呢個完全唔會發生因為佢係最底都有D伯爵茶漿，真係成個冰都好正個人覺得2個人食一個岩岩好

sharishari 中環店無錯又系佢啦 我似食上癮咁🤣 我今次就叫左hojicha 佢啲焙茶好重 好香茶味 😍上面系 Warabi Monchi吾至裡面佢個冰裡面都加左嫁 所以整個冰差吾多有6，7舊🥰🥰🥰🥰 而monchi下裡佢舊cream-一啲都吾會好濟 夾埋啲冰根本就系perfect match啊順帶一提我個人認為中環店無銅鑼灣店咁多人☺️ ..

而家已經係冬天，最近天氣都比較凍，不過我好鍾意食甜品，尤其係雪糕同刨冰，所以今次同朋友食完晚飯都去左呢間出名食日式刨冰 kakigori既地方食甜品。香港咁多間日式刨冰我覺得最好係呢一間shari shari，今次嚟到中環分店就係食呢一款。抹茶忌廉焦糖味刨冰😍 一向都鍾意去shari shari食日式刨冰，有唔同既口味 ，包括有牛油果，芒果，伯爵茶等，今次就食呢款。抹茶味帶住少少苦澀同埋最重要係回甘。忌廉幾滑，焦糖味香甜，冰都算幾細綷綿密。抹茶忌廉焦糖味刨冰($85)Shari Shari Kakigori House 氷屋中環蘇豪士丹頓街47號地舗

作為韓國刨冰系甜品的「雪奶冰」，在香港已經不是每間韓國菜餐廳都有能力提供，而且有提供「雪奶冰」能力的韓國菜餐廳，已經開始有因為技術問題而導致「雪奶冰」買少見少的情況出現。至於在港日本菜甜品餐廳裡面，提供到日本系刨冰甜品的餐廳，在此時反而才剛剛興起，在香港出現了此起彼落的開張潮，某某刨冰店剛剛結束了，另一間日本刨冰甜品店又乘勢掘起了。其實我之前在香港島銅鑼灣食街「希雲街」覓食的時候，已經有留意到「希雲街」，也有一間新興的日本刨冰甜品食店新開張，這間系日本刨冰甜品店的名稱，叫做「Shari Shari Kakigori House 氷屋」。這個位於銅鑼灣「希雲街」的「Shari Shari House 氷屋」，不單止是新開張的甜品店，而且已經有了分店，分店的位置正正就是開設了在中環蘇豪區裡面，滿佈斜坡和樓梯的「士丹頓街」旁邊。不過既然「Shari Shari 氷屋」已經是有了分店的日本刨冰甜品店，所以中環蘇豪分店的「Shari Shari 氷屋」，分店店舖裡面的面積和規模，都會比一般新開張的食店來得龐大得多。例如中環蘇豪分店的「Shari Shari 氷屋」裡面的檯櫈，都已經不再是一般的吧