Seoulmate (京都廣場) (已結業)

黎銅鑼灣上堂，係附近食個quick lunch Seoulmate Cafe 環境幾舒服牆壁充滿文藝風，望住呢壁畫食野又幾好feel bor牆角小擺設感覺好warm, 好有家既感覺睇下menu先～ 本身好想試烏卒卒火山飯，勁cute不過Quick lunch 就唔食d太複雜既野住啦直接點炸軟殻蟹海鮮意大利粉吧未夠晏晝一點，餐廳唔算太多人，意大利粉好快到，意粉賣相幾靚上面有一大舊炸軟殼蟹，食落幾香脆其他海鮮主要有大蝦同魷魚，意粉mix咗白汁，份量足夠，夠飽肚

之前喺IG度見到朋友影咗一個飯 個樣勁得意 於是今日咁啱約咗朋友喺銅鑼灣食飯 見近近就一於去試吓🙈餐廳喺京都廣場樓上 都幾易搵👍🏻一上到去就見到好多唔同嘅小擺設 啲公仔同擺設幾得意入到去見到餐廳都幾闊落 之後我哋一坐低就當然睇下有冇個個火山飯啦！而當然 我地一搵到就即刻叫嚟試下😂個飯拎出嚟新鮮滾熱辣！餐廳好有心機咁幫個飯返整咗個樣 勁搞笑😂原來面頭灰色嘅係蛋白嚟 🙈之後個飯嘅頭上邊仲有個蛋黃 我哋一督穿佢就流曬啲蛋黃 好似流汗咁😂😂欣賞完一輪我哋終於開餐啦！原來入邊係滿滿嘅鰻魚飯！另外灰白色嘅蛋白令到個飯好creamy👍🏻👍🏻而且個醬汁調配得啱啱好！之後食韓國菜又點少得泡菜煎餅！個泡菜煎餅表面煎得好脆 雖然有少少焦 但口感唔錯👍🏻👍🏻而且入邊都有唔少泡菜 冇偷工減料🙈之後食完正餐又點少得甜品阿！🤤我哋就叫左呢個焦糖朱古力醬窩夫share一齊食個香蕉面頭沾滿左焦糖 咬落去面頭係好脆 口感唔錯👍🏻另外個窩夫同埋朱古力醬都幾出色 窩夫唔會太甜同埋太多粉 份量啱啱好 配埋個朱古力醬一齊食好match🙈最後整體來講餐廳食物質素同賣相都唔錯 而且位置闊落幾適合朋友喺度傾計食嘢👍🏻

Openrice上搜尋到這間韓式餐廳，被佢一白一灰的雲所吸引。所謂的雲其實係被用蛋白所造成的雲所包圍著的鰻魚炒飯，白色的叫"一舊Seoulmate雲下的鰻魚飯"，灰色的叫"烏卒卒火山鰻魚樱花蝦飯"，名字又長但頗特別，外型更是非常討好。而我今次點了的正是烏卒卒的雲，火山頭頂上有著像正在火山爆發的蛋黃，當切開火山時，橙黃色蛋汁流下的感覺正正就像熔岩在向下滾，非常有趣，而且鰻魚炒飯的味道也不錯，賣相與味道俱全。另外我亦點了一份卡邦尼炒韓式年糕，碟上的份量好像好小，但食下才發現非常有份量，卡邦尼的味道還與年糕很配合，味道好好。最後我還點了一杯柚子椰沫飄雪，底下的柚子汁味道極清新，而上層的椰香味極重，兩者配合起來不但沒有衝突，而且感覺還很新鮮，這杯飲品真的好棒! 這樣三樣東西加起來都只是$300左右，價錢很合理，值得再去番尋味。

好多人介紹seoulmate, 所以一於去試一試！上到去，好多人！我同朋友叫了一个双拼炸物，蝦餅及泡菜炸物;一個pizza, 一個甜品！Wah,無得弹，蝦餅香甜可口，pizza , 好 好有料完全冇hea做 皮薄餡靚嚿芝士 至於甜品朋友讚到不得了 ， 唔會太甜 ， 生果很新鮮 ， 窩夫新鮮，真的過咗一個很開心的晚膳！

想在銅鑼灣鬧市搵到寧情的室外空間係咪無可能？原本我都以為係，但去完seoulmate cafe就知原來真係有啦！呢間cafe係樓上舖，主韓式和cutie食品，啱晒一班閨蜜黎影相打卡。最正係，食物除左睇得，味道仲好好！我最鐘意佢個一舊雲泡菜炒飯，個賣相真係100分，勁kawaii, 可愛到食緊都有一絲絲罪惡感，哈哈！舊雲係用旦白打泡整，軟綿綿，真係一舊雲咁，裡面泡菜炒飯，唔太辣，好香泡菜味，仲有流心旦添！韓國炸雞有甜醬油同芝士味，一咸一甜，好特別，而且炸雞啖啖肉，又炸得脆，好正！柚子橄欖海鮮沙律有海蝦、魷魚等海鮮，大大碟，性價比高，值得一試。

朋友生日，搵左呢間韓國餐廳，裝修幾別緻，但環境比較擠迫，仲比較嘈吵，如果要傾下計就要大聲d先聽得清楚。1）煙三文魚沙律-蔬菜新鮮，好多芝士粉在蔬菜面，好好味！2）韓式炸雞（芝士同柚子味）-柚子酸酸甜甜雞又炸到脆卜卜，好好味，芝士好香濃。3）卡邦尼年糕-年糕炒得剛剛好，夠彈牙4）烏卒卒火山飯-呢個一定要叫，做型好得意，灰色做型是蛋白做的，頂有一個蛋黃，內裡是鰻魚粒櫻花蝦炒飯，炒飯炒得香濃惹味。5）榛子忌廉窩夫-因爲切蛋糕要比$100切餅費，所以就唔買蛋糕上來，就叫個甜唔當蛋糕，窩夫一般，比較乾硬，但個榛子醬就好好味，提一提大家如要寫生日快樂字在甜品上是要加$10的。這間餐廳食物都不錯，但服務只是一般。

話說我成日都見到呢舊雲係網上瘋傳，一直都想去試，但未有機會。今次係銅鑼灣做完Treatment，就同閨蜜去食呢間人氣餐廳。餐廳唔算好大，坐落有少少迫。呢到最人氣的料理一定係「白雲飯」及「火山飯」。兩個都係$148，兩個都係鰻魚飯，只係火山個個多左蝦花蝦。由於兩個都好相似，所以我們只係叫左一份雲下的鰻魚飯。野食好快就到，本身以為個飯要等20分鐘，會最後先到，點知最快上的就係一舊Seoulmate雲(雲下的鰻魚飯)。佢真係太可愛了，真係好唔舍得食(笑)⋯ 呢朵白雲原來係用蛋白打至充滿空氣感，再拎去焗爐焗。蛋白同平時食的甜品唔同，佢係無甜味的，入口只係「一陣風的感覺」。飯內的鰻魚唔算多，不過每粒都幾厚身，唔係「片裝」的鰻魚。個炒飯加上芝士及蛋黃，口感濕濕地。韓國野一般黎講味道較重，但呢個飯的味扁向淡，就算加埋蛋黃都唔可以令佢做到好惹味的效果。我們另外叫左一客海鮮煎餅，佢一客都算幾大份。本身諗緊揀要海鮮定泡菜煎餅，見佢價錢同價，所以就叫左海鮮個款(好似抵食D)。海鮮煎餅的外圍都幾脆口，唯獨佢中間煎得唔夠金黃，而且有少少痴痴的感覺。樓上Cafe一向飲品選擇多，所以我一般要正價計，我都會照叫杯飲品

是日銅鑼彎返工,網上見到呢間韓式CAFE感覺唔錯,一於黎試吓。跟一般Cafe相若,有輕食,pizza,漢堡,意粉等。難得韓式CAFE就揀D韓風食物泡菜忌廉豬肉意粉,呢個希望店鋪會加返小小提示。就係原來係好辣嫁!!!!一般的泡菜我都完全接受到,不過呢個意粉完全超呼我想像。有一種五香肉丁的辛辣感覺 亦可能是我問題,友人完全接受到。韓式紫菜卷熱哄哄咁上碟,再加埋芝士拉絲的效果。好邪惡!!第一次食韓卷物會配上一個好似湯咁ge醬汁,甜甜地有點像洋蔥汁。加埋紫菜卷一齊食異常出色!!最後就係甜品,韓式醬缸中的紫薯焦糖燉蛋在Menu內的照片不是太吸引,相信較小客人會order。但我就係比食物內容吸引。 紫薯!焦糖! 雪糕!燉蛋以上配搭有咩可能會令人失望!睇真D,布丁真係紫色嫁!!!好香紫薯味,布丁上有一層薄脆焦糖。上面加上豆腐雪糕同Mochi!!好幸福啊同埋韓式醬缸其實內裡唔細,我同友人都食得好滿足!!小店亦附有室外位置,如果秋天黎呢度high tea應該幾有韓國feel。

銅鑼灣區簡直係遊客必到購物地區，多個大小商場食店又多，所以每處都是人山人海，車水馬龍，行一整天都行不完，遇着朋友是韓劇迷，說要上網找找附近有否韓食，終找到一間韓式cafe樓上舖，剛剛午市至2點半，我倆各人叫了一客卡邦尼意粉及一客香煎肉眼扒配薯菜套餐，配合有蛤蜊豆腐湯，非常有驚喜是配菜原來是炸番薯條，香脆可口👍，串串燒腩肉三大大串，還有沙律菜做伴碟，可清清舌喉，來個韓山什莓窩芙，味道、賣相非常吸引，下次再來一定要Encore。

位於銅鑼灣呢一間Cafe Sogo後面, 地理位置十分方便。 cafe休閒舒適主打文青路線。入到去揀咗一個角落坐低，睇一睇個menu，因為已經食咗午餐，其實主要係想同朋友聚一聚，所以食個high tea，主打就係輕食。餐牌種類繁多好難抉擇最後我同朋友揀咗一個鹹點同一個甜點， 鹹點係蛋黃他他多士， 而甜點就揀咗什莓窩夫。多士烤得好脆再配埋鹹鹹嘅蛋黃同他他醬簡直係一流嘅配搭。至於雜莓窩夫， 我不得不讚賞佢嘅窩夫做得好好食，外脆內軟，咬落去煙煙靭靭， 而且配埋士多啤梨同cream， 令到呢個甜品層次好出。至於人品方面朋友叫做 棉花糖 mocha, 而我就叫咗 baileys特濃朱古力芝士奶蓋, 其實朱古力飲品下面加酒個人覺得係幾特別, 不過可能我飲唔太慣，感覺怪怪地。 棉花糖mocha就好特別， 好好飲。

今日咁岩係銅鑼灣開完會決定去附近既呢間Seoulmate Cafe食下新派韓國菜🤤韓式泡菜豬肉拌飯 ($52) 加 甜辣韓式一口炸雞($24)Lunch set 有韓式泡菜豬肉拌飯 加$8就有得轉雜莓梳打😝而且每order一個lunch set就可以用優惠價叫一個小食, 我地就決定再追加一個甜辣韓式一口炸雞($24)😋 拌飯入面嘅豬肉煮到好冧好入味, 我特別鍾意個飯入面又好多波菜, 泡菜同醃蘿蔔, 加埋啲辣醬非常開胃呢😋😋 炸雞既調味啱啱好, 外皮又夠脆, 而且份量好大, 似一個額外點既菜式多過似一個lunch set外加既小食😳

‪其實銅鑼灣真係好多餐廳選擇，而我同同事都希望一星期都試到2-3間未食過既餐廳! 誓要食哂成個銅鑼灣呀! 今日就試下韓式餐廳啦!‬‪ ‬‪牛肉炒粉絲‪韓國既粉絲較粗身，口感彈牙。而粉絲同菇都吸左醬汁既香濃，牛肉份量亦都足夠，調味岩岩好，非常惹味! 粉絲炒得乾身真係好重要，我好怕食到明明係炒但入口好似湯煮既菜式，呢個完全係滿分呀!‬‪ ‬‪卡邦尼意粉‪估唔到韓國餐廳有卡邦尼食! 多個選擇比客人真係好重要!‬‪入口香濃又重忌廉味，温泉蛋熟成度啱啱好，但廚師應該太忙，一時忘記左落鹽，後來店員亦貼心為我地準備返。‬‪ ‬‪青梅腩肉串‪燒得非常香呀!我地嗅到都流哂口水呀! 青梅提升左腩肉既香口，肉質爽嫩之餘帶點酸甜，簡單又好味!推推推!‬‪ ‬‪黃金炸雞‪去韓國餐廳食炸雞曷必須的。鹹蛋分佈平均，入口濃郁鹹蛋黃香,外皮炸得好脆卜卜，雞肉亦唔會乾身，保持嫩滑! 呢款炸雞果然不付所望!‬‪ ‬‪藍莓芝士奶蓋‪最上層的奶蓋鹹鹹甜甜，飲落去甜度又岩岩好，再加上好浪漫既薰衣草紫色，望落清新賞目既感覺。‬‪ ‬‪綠茶拿鐵烤自家製棉花糖‪好邪惡呀! 天呀! 上層厚厚經烤過既棉花糖，烤出點點焦黃。‬‪然後將半溶既

🔹烏卒卒火山鰻魚櫻花蝦飯 $148呢個烏卒卒火山造型好可愛！真係突登為佢而嚟♥️ 外表係蛋白表面，一挖開就製造咗「火山爆發」嘅情景出嚟，所謂嘅「火山」其實係蛋黃汁，撈飯一流。鰻魚切粒上，每粒都算厚肉，飯即叫即製，熱辣辣，不錯。🔹甜薯條 $52甜薯條其實係甜蕃薯條，好香蕃薯甜味，而且小食嚟講份量算多，有千島醬同茄汁比你選擇，個人覺得千島醬適合啲。🔹韓山什莓窩夫 $68見到每張枱除咗叫烏卒卒火山飯外，都會叫甜品。眼見餐牌上甜品款都多，今次揀咗窩夫食。窩夫好結實，內裏好軟綿綿，配埋果醬加雪糕，好正！📍Seoulmate Cafe 銅鑼灣駱克道491-499號京都廣場4樓．．環境分數：7.8/10食物分數：8/10

用某個booking app book枱有8折，見佢都幾得意又價錢ok就去試試。當日兩個人叫左唔係好多野牛肉炒粉絲（$68）呢個係好味既，牛肉同菇等等既配料都炒得好香口，個汁係重點，唔會太重口味，而粉絲都唔會斷開，又唔會太un,推薦！叫左一杯荔枝柚子梳打（$48）有少少甜，中規中矩，都解渴既。對佢好有期望既櫻花蝦饅魚炒飯（$148）好失望，飯都係濕濕地既，饅魚份量唔多，而佢既外皮係蛋白，都唔知撈唔撈落d飯好，撈左又好似多左d空氣食落肚咁，成個飯得個樣..

呢間Cafe嘅食物造型非常可愛，溶化我的心❤️1️⃣一嚿Seoulmate雲下的饅魚飯☁️ $148呢嚿雲☁️一啲都唔係發緊夢的雲😮佢仲係嚿飯添👻裡面係芝士饅魚飯撈埋d流心蛋，真係好治癒🤤嚿雲好sofuuuu，係由蛋白製成，梳乎厘咁！甜甜地，又唔會好似完全食緊空氣咁。飯就略為有d濕身。整體就幾好嘅。🙆🏻‍♀️美味指數:6.82/10💡整體來講，真係好唔捨得食咗嚿咁可愛的雲☁️性價比不錯，好適合朋友聊天聚會。