Seoul Noodles (加連威老道)

營業中

休息中

Seoul Noodles 呢間主打韓式湯麵嘅專門店，環境簡約又帶點韓式氣氛，最啱喺繁忙都市中放鬆一下！😌❤️牛骨湯麵 + 韓國傳統餃子🍲濃郁嘅牛骨湯底，配上啖啖彈牙嘅麵，同埋手工餃子，餡料十足，味道豐富！湯底仲有一陣陣淡淡嘅牛骨香味，飲完暖到心都熔呀！🔥 雞湯麵 + 迷你紫菜包飯🍗🍙雞湯底清甜滋味，麵條吸滿湯汁，入口溫潤！迷你紫菜包飯就係小巧又精緻，鹹香味道一啖啱啱好，食到停唔到口～ 店內泡菜無限添加泡菜控必入嚟！酸辣適中嘅泡菜無限Refill，唔單止夾麵正，仲可以當小食咁開心食！

得13度的晚上，搵嘢食！見到呢間麵店好似好正原來主要食韓國刀削麵！叫咗一碗排骨湯麵晚餐+一碗牛肉湯麵 晚餐排骨湯麵偏淡，牛肉湯麵偏香辣但整體都唔錯，幾好食有機會會想再嚟！

🇰🇷🥢🍜暖胃韓式湯麵定食✨qr code 落單，設加一✅雞湯麵 combo -$108Combo set就係多咗一款碗紫菜飯、小食同埋兩款前菜。前菜有蘿蔔同埋泡菜，份量唔係好多，不過都夠過下口癮，紫菜飯好食😋，撈湯食/撈小菜食都可以。雞湯麵個湯底真係幾正，有香濃嘅鮮雞味，雞都有半隻，份量足夠，不過有骨所以食起嚟比較麻煩。麵份量同樣都好多，好似刀削麵咁較為粗身，但有咬口彈牙。✅辣牛肉湯麵 combo - $108呢個湯底唔算話太辣，會越食越熱，除咗有好多牛肉絲之外，亦都有好多蔥絲、蔬菜絲。面嘅份量同樣都好多，唔會唔飽。✅豬肉餃子 / 泡菜餃子叫左2個combo set，小食就揀咗呢兩款餃子每樣一隻。餃子都算大隻，餡料都幾多，個皮都幾煙靭，肉同菜嘅份量都好balance，仲有有啲粉絲添，幾好味，泡菜味微辣，幾香口。

Blingbling美食推介✨ 🍜 Seoul Noodles ✨ 超韓風高質韓國菜 💠💠💠💠💠💠💠💠 尖沙咀出咗名多韓國嘢，今日就嚟到呢一間裝潢非常韓國風嘅韓國餐廳～ 💠 辣拌麵 辣拌麵配料有雞絲，蛋絲同泡菜～配搭特製嘅辣醬，同配料好夾，而且佢哋嘅韓式刀削麵亦都好煙靭，每一條麵都沾到醬汁，好好味～ 💠 韓式傳統餃子估唔到韓式嘅傳統餃子超級大粒，真係低估咗佢啊！！個餡超級滿，如果細食嘅可能食一隻已經飽😛💠鷄湯麵雞湯麵嘅雞份量非常多，而且啲雞一啲都唔嚡，仲非常之嫩滑🥰而且湯底仲有淡淡的人蔘味，呢排天氣凍飲一啖真係成個人都暖哂☺️ ✨無限添加泡菜‼最後提提大家，鍾意食泡菜嘅千祈唔好錯過❤️因為佢哋嘅泡菜係任食㗎🥰不過最緊要唔好浪費食物啊✨ 餐廳環境：💎💎💎💎💎/5 服務質素：🌸🌸🌸🌸🌸/5 食物味道：😋😋😋😋😋/5 性價比：💰💰💰💰💰/5 Seoul Noodles 📍 尖沙咀加連威老道23號地舖

呢間韓國餐廳好多人排隊，今次就第一次同親戚過黎試試。我地分別叫左2個combo set,就一款小食+主食。我地就叫左辣牛肉湯麵同雞湯麵。雞湯麵同牛肉湯麵係要加多10蚊。首先雞湯麵set,就揀左一件既泡菜餃子，泡菜餃子就係平時係超市買到既個款大泡菜餃子，一般般。雞湯麵set會有2款拌菜，仲包一碗飯，份量係超級足。成隻雞既份量，超大，肉質少少柴，湯底唔係淡淡既清湯，係帶有雞肉鹹香既味道。牛肉湯麵set配紫菜包飯，都有2款拌菜。牛肉湯麵係有驚艷到，牛肉份量超級多，食極都仲有，而且牛肉好腍，最好係個牛肉湯，好甜帶有牛肉既油香，連埋刀削麵一齊食，刀削麵既煙韌帶上牛肉軟腍既質感，個口感好好。總結，以呢個價錢黎講，有咁既份量同味道，我同親戚都覺得係香港既韓國菜黎講係好高質

正宗韓食之《Seoul Noodles》餐廳裝修不算豪華，餐具採用韓國傳統既特色，韓風up，溫馨一提餐廳不設午餐/下午茶餐/晚餐, 餐牌一個全日適用，牛肉湯麵、冷白肉、無限添加泡菜：熱辣辣香噴噴既牛肉湯麵，上台已香氣僕鼻，而牛骨湯係用了十幾個鐘頭敖製，所以顏色呈奶白色，咁精華既牛骨湯香濃幼滑，真係要飲多幾啖湯麵亦係用自家製，口感煙韌彈牙，而牛肉片算份量多，每片厚薄肥瘦平均，肉味香，但入口不肥膩，配上泡菜一齊食，係最好配搭，而泡菜好入味，適合香港人口味，唔會太辣，好開胃辣拌麵、傳統韓國餃子：配料有雞絲、蛋絲、泡菜、蔥花、大蔥，將韓式辣醬撈勻，味道香濃，麵係刀削麵，份量多，比較粗身，口感煙韌有彈性，味道香辣惹味，而傳統韓國餃子原來係平常食開既餃子大，蒸籠熱辣辣仲出梗煙，兩個自家製大餃子皮薄餡多👍，每口都啖啖肉總結：餐廳不算大，店鋪客人多，價錢絕對抵食👍🏻。

今日和朋友快閃在尖沙咀見面，去了食韓國菜。餐廳裝修風格簡約而溫馨，大量使用木質元素，營造出一種自然舒適的氛圍。燈光柔和，空間寬敞明亮，讓人感到放鬆自在。牆上的裝飾和桌上的擺設細緻用心，增添了不少韓式風情。辣牛肉湯麵：湯頭濃郁香辣，牛肉鮮嫩多汁，搭配上細滑的麵條，口感極佳。辣椒的辛辣與牛肉的鮮美相互融合，撒上的蔥花增添了層次感，入口後餘韻悠長。辣拌麵 冷白肉 無限添加泡菜：湯頭鮮美，帶有濃郁的香辣味，牛肉細嫩多汁，搭配滑順的麵條，口感極佳。冷白肉清爽不膩，肉質鮮嫩，入口即化。無限添加的泡菜酸辣開胃，整體味道豐富。

唔經唔覺原來已經開咗7間分店。今次同朋友黎到尖沙咀新分店，環境幾舒服~🥢排骨辣湯麵凍凍地食番碗熱辣辣湯麵真係好正~ 濃郁辣湯底夠晒開胃，入面加有非常軟熟嘅排骨同埋彈牙麵條，鍾意食辣嘅必食🥢冷白肉應該係選用新鮮嘅豬五花~ 入口鮮嫩清爽不油膩~ 配埋自家製醬汁，好好味~ 非常韓式傳統正宗吃法⁡🥢雞湯面雞嘅份量有差唔多半隻咁大份，其實大部分都算夠嫩，有骨有皮，有啲似人蔘雞。湯底都算濃郁，搭配蔬菜同麵質煙韌彈口有嚼勁，配搭好好味。朋友覺得既暖胃又滋補

之前上網見到介紹開左間成日要排隊既韓式刀削麵店，咁岩同朋友去尖沙咀行街經過餐廳，12:00個陣仲未有人排隊，雖然係早左d食lunch, 但可以直接入餐坐低就早d食都唔緊要啦。餐廳職員基本都係韓國人，用簡單英文溝通，枱面有餐牌，自己用QR code落單就得。餐廳係刀削麵同湯飯為主，我同朋友都揀左佢既刀削面套餐，套餐跟左一份泡菜，泡菜蘿蔔，一碗自選刀削麵，一份6件既紫菜包飯，仲跟左一碗細既紫菜白飯。排骨辣湯麵：排骨好大舊，但肉唔多，辣度岩岩好，麵條煙靱Q彈。牛骨湯麵：奶白色既湯底有好濃既牛香味，清得黎又鮮味，牛肉夠嫩，肥而不膩。泡菜：偏咸，唔算辣。泡菜蘿蔔：酸辣口味，蘿蔔夠爽脆。紫菜包飯：岩岩好一啖一舊，加左醃蘿蔔，所以食落好爽脆，上面落左芝麻令到個飯卷好香口。食完之後埋單發現門口已經開始有人排隊，如果唔想等位既話就要早d去食啦～

本身諗住見到呢間餐廳新新地又有人排隊就想試吓，點知就有一個好失望嘅食物體驗。入到餐廳諗住觀望吓人哋食啲乜嘢。嗌咗一個大邱辣牛肉蔬菜湯飯，同一個辣湯麵，另加左蜆肉同餃子。一嚟到個餃子都還好，味道不過不失。但嚟到個湯飯真係好失望，本身我個人麻麻哋飯撈埋落去個湯度，我會比較prefer飯另上，所以個湯飯變到一pat pat，而且個湯完全冇其他鮮味，只有辣粉味同淡味，完全唔吸引，再加上另外個辣湯麵嚟到，其實都係一樣味道一樣湯底冇分別，所以其實都冇食到好多。再試埋個蜆肉每一粒都好多沙，基本上你食每一粒都會點都有少少，有幾粒直程係成口沙，所以都唔推薦。會覺得有更加好嘅韓國餐廳選擇，除咗餃子之外，其他都唔推薦。

同事想食韓國菜，於是去咗食韓國麵，佢話有得任食泡菜哈哈哈排骨辣湯麵：將排骨嘅鮮美同辣湯嘅濃郁結合埋一齊，湯底辛辣香濃，排骨肉質鮮嫩，每一口都可以感受到豐富嘅層次同美味。再加上無限添加嘅泡菜，酸辣開胃，絕對係一道令人欲罷不能嘅美味。 🍜🌶️可以雹埋 無限添加泡菜一流~~雞湯麵：雞湯麵嘅湯底以雞肉熬製，清淡而鮮美，搭配上勁道嘅麵條同嫩滑嘅雞肉，每一口都可以感受到溫暖同滿足。雞湯嘅香氣撲鼻，係一道非常適合寒冷天氣嘅美食。 🍜🍗迷你紫菜包飯：紫菜包飯係一道經典嘅韓式小食，迷你版嘅紫菜包飯更加精緻可愛。紫菜包裹住米飯、蔬菜、肉類等各種餡料，每一口都可以感受到豐富嘅口感同多樣嘅味道。 🍙

最近天氣凍得好厲害，無論如何都要搵一碗熱辣辣的湯麵來暖身。今次我去咗一間專門做韓國湯麵嘅餐廳，菜單上每一樣嘢都好吸引，尤其是韓國傳統餃子、辣牛肉湯麵，仲有無限添加嘅泡菜同雞湯麵。首先上場嘅係韓國傳統餃子。呢啲餃子外皮薄薄、韌韌，裡面包住新鮮嘅碎肉同埋蔬菜，口感真係鮮嫩。煮得好好，咬落去嗰陣，肉汁同蔬菜嘅香甜感就爆出嚟，真係好食到令人停唔落口！搭配醬油同醋，味道更加絕配。餃子嘅份量唔算多，但正好可以暖暖身，為接下來嘅主菜鋪好基礎。呢道餃子唔單止係前菜，仲帶出咗韓國飲食文化嘅溫暖感。跟住就係辣牛肉湯麵。當熱氣騰騰嘅湯麵端上嚟，濃郁嘅香味真係令人忍唔住想深吸一口。湯底用牛骨熬製，顏色紅亮，散發住誘人嘅辣香味。牛肉切片厚實，炖得咁入味，肉質軟嫩，簡直可以用筷子輕輕撕開。麵條好有彈性，吸住濃郁嘅湯汁，每一口都充滿香辣嘅滋味。湯麵入面仲加咗新鮮嘅蔬菜，增添咗口感層次同埋顏色。最後，雞湯麵都唔可以錯過。呢道湯麵嘅特色就係湯底清淡又鮮香。雞肉嘅鮮味完全融入湯裡，飲一啖就好似被溫暖包圍住。湯面上漂浮住幾片蔥花同香菜，增添咗幾分香氣同清新感。雞湯麵嘅麵條一樣彈牙，配合清淡嘅湯，真係好有平衡感。每一啖都令人

呢間韓國餐廳喺香港開咗好多間分店，之間經過灣仔同中環分店見到大排長龍，真係好受歡迎，所以未有機會試。是日見到尖沙咀都開左分店，咁岩唔洗等位，一於試下先。😍我地叫左個noodle combo, 揀左雞湯麵，湯底清淡，但係好香雞湯味，而且雞肉分量十足好抵食🤣 小食就揀左迷你紫菜包飯，入面既醃蘿蔔好爽口唔會太鹹。我好鍾意食佢地既泡菜，平時出街食既泡菜好多時都太辣或者太軟身，但呢個餐廳好爽口，味道又唔會太辣，好開胃！👍🏻我地仲試咗排骨辣湯麵，湯底煮得好入味，辣味適中，係一種舒服嘅微辣，呢排天氣凍就最岩食。排骨非常軟嫩，充滿肉汁，而且分量又係好足🤣 麵既質感都唔錯，好爽滑，真係好正宗韓國風味😍

最近過尖沙咀，路過這家韓式刀削麵，好像很不錯，知道原來是韓國人主理，就覺得更正宗了。辣拌麵 $68配料有雞絲／蛋絲／泡菜……，將韓式辣醬撈勻，刀削麵比較粗壯，口感煙韌，一啖入口香辣爽口。雞湯麵 $79份量大得過份，有半隻雞，雞肉淋滑，離骨，清雞湯湯底，撒上胡椒粉更鮮味。冷白肉 $128用上湯煮熟，肉色雪白，薄切五花肉，連脂肪位都是脆口的，所以完全不油膩。迷你紙菜包飯 $28看價錢已經覺得好抵，雖然配料比較簡單，但份量一點不少。這家還可以無限添加泡菜，泡菜口感爽脆，不太辣，如果喜歡食泡菜的不要錯過。如果下次過這邊，應該會回訪。

餐廳裝潢簡樸, 採用韓式餐具, 韓風滿滿。入到店內, 聽到店員說的均是韓語, 感覺置身韓國的餐廳。雖然店員大多為韓國人, 但懂英語, 即使溝通也不成問題。小店不設午餐, 下午茶餐和晚餐, 餐牌只有一個, 全日適用。湯飯套餐 $108 + 10%1) 大邱辣牛肉蔬菜湯飯 (含牛肉絲)2) 豬肉餃子 (1隻)隨餐附有飯饌兩款, 可 refill。蘿蔔爽中帶甜, 辣度輕微。泡菜爽口, 辣, 尚可接受。豬肉餃子大大一隻, 溫熱。餃子皮乾身, 黏著底紙筷子, 有點難纏。餡料豐滿, 啖啖菜肉。醬汁酸甜, 為餃子增添層次。大邱辣牛肉蔬菜湯飯是我猶豫後決定點的, 韓國人吃的辣不是一般的辣, 即使與店員確認過, 他們的 a little spicy 對我來說也可能有一段距離, 不過我還是決定一試。呷了一口湯, 對我來說, 這種辣是可以接受的, 只是嘴唇口腔持續熱燙, 胃沒有不適。不過只要喝過一口湯, 即使吃其他食物也感到是辣的, 冬天吃有助暖身。湯料豐富, 有肉絲, 冬菇絲, 蔬菜等, 伴飯不錯。