Sense Cafe (已搬遷) 新店位置

今天去了sense cafe 佐敦分店，我特意來品嚐他們的美食。 門面相當於一間cafe，so chill 門面也掛了黎緊聖誕既promo，吸引各大喜歡食的朋友眼球！食物也相當特別！店方在門口也有詳細營運時間。店內環境十分寬敞，裝修也給人舒服感覺。 餐牌內容十分豐富，也有漢堡、全日早餐、花茶、意粉等等看起來食慾都大增了，哈哈 店子牆壁上也寫上了一些menu上沒有的特別menu，應是當季他們精選菜式吧？我先點了凱撒沙律給胃部熱身一下！沙律很新鮮，醬汁也很不錯 沙律後我點了一份早餐，沒辦法今天還未吃早餐，炒蛋火候剛剛好， 其他都差不多，是一份豐富的早餐 最後當要吃他們最有名的甜品！我點了抹茶味盆栽tiramiso，內裡酒香味道很突出，質感很實在，抹茶味道剛剛足夠！下午能夠品嚐到早餐、點品！真的十分充實，感覺太好！

游水前先在附近吃點東西，今次就選了Sense dessert，平日都是吃甜品，第一次試咸食。時間約2時多，依然滿座，幸好剛有人離開，不過顯現人手不足，等待時間較長。套餐附送的熱情果茶，微甜有熱情果味，而且不少生果在茶中，不錯不錯。巴馬火腿班尼迪蛋配沙律 $82雖然麵包較薄未夠鬆軟，但有巴馬火腿及蛋補救到。豬肋骨配薯條 $55Tea set 份量比我預計少很多，只有2條骨，而且肉不多，而薯條都頗可口，不過價錢有點貴。這裡甜品比咸食較勝一籌，除了人手不足外，店員的服務態度也較差，黑口黑面，客人都沒心情光顧吧。

一直想試此cafe的盆栽甜品，今天終於有機會了，因為好友和我來此吃晚餐慶祝生日！我們都點了漢堡餐：我選的是澳洲深海魚柳漢堡配薯條，飲薑母茶；好友選了軟殻蟹漢堡配薯條，飲熱焦糖海鹽咖啡。澳洲深海魚柳漢堡配薯條餐賣相吸引，漢堡餐用仿外國報紙的餐紙墊着，好有特色和有心思。魚柳炸得相當香脆；蕃茄、洋蔥、芝士和生菜味道新鮮；漢堡包很軟熟香脆，內層塗了牛油去烘的，十分美味！薯條是粗身的，熱辣可口極了！薑母茶的薑味清香，飲完後可請侍應加水，飲得很舒服！這是好友的軟殻蟹漢堡餐和焦糖海鹽咖啡。之後我們再點甜品吃，我們都選吃Tirimisu. 我選原味，好友選抹茶味。盆栽形態的Tirimisu賣相精緻，泥土是朱古力燕麥粒和果仁碎粒，十分香脆！上面有一片薄荷小葉點綴，味道清新！Tirimisu 很香滑味美，底層還有少許鬆軟的蛋糕，比很多酒店做得好吃，甜度適中，甚有驚喜呢！好友也讓我試吃她的抹茶Tirimisu, 味道也好清新甜美，她也邊吃邊説好味道呢！餐廳門外等候的客人愈來愈多，不斷入座的食客大多只吃甜品。環顧四週，食客們都一邊吃一邊流露著滿意的笑容，他們點的份子甜品非常吸引。雖然我們被安排坐在飲品吧下面的

響附近等大人收工, 見仲有時間想搵個地方坐低, 呢間門口個menu見到有盆栽甜品, 其實發明呢樣食物咁耐我都未試過, 今次一於試下.盆栽甜品係Tiramisu, 總共3個口味選擇, 個人比較鍾意原味.<原味意大利芝士餅>$45, 一放上枱真係好似一盆盆栽, 如果放響屋企, 亞媽一定幫我淋左水. 拎走面頭塊葉, 下面啡色泥係朱古力, 硬硬地. 再下面就係芝士餅, 好軟滑, 而且咖啡味幾濃, , 唔會太甜, 夾埋上面D泥一齊食又軟又硬, 配搭唔錯.整體 甜品款式都多, 不過望下隔離枱其他甜品, 份量都係偏少.

甜品永遠係填補心靈空虛既良方😍 大家冇睇錯 白色一噠噠唔係我手震 係碟甜品噴緊煙 淨睇唔食都已經夠晒吸引😀紅 係 分子野莓雪葩🍓 -- 好酸😐 酸係有開胃作用但係過酸啦 完全蓋過晒其他野既味 連心太軟入面既朱古力漿都變左野莓味😗白 係 分子雲尼拿雪糕🍨 -- 唔講都唔知佢係雲尼拿😂 因為雪得好硬又一粒粒咁 好似食緊白朱古力😍重點來了😍 心太軟😍 原本對心太軟好就期望 始終都係不死既甜品類 但叮得太耐啦 入面熟晒咁滯 得返好少朱古力漿 蛋糕部分過乾 已經唔鬆軟😗將tiramisu放係盆入面係幾出色既gimmick黎既👍🏻上面仲插住塊葉🌱一個盡責(兼貪玩)既foodie決定從塊葉開始研究呢盆盆栽😁咬一塊葉 咦 原來係薄荷葉😗 食一啖泥 上面有d oreo碎 下面就係好滑既cream😀 味道上唔算突出😅 再加埋薄荷葉一齊食 係草既味😅 盆栽底有少少蛋糕 但就太濕太甜 如果唔係見到個樣都唔係好知自己食緊乜😑

「假作真時真亦假，無為有處有還無。」這兩句紅樓夢中的偈語，簡單的兩句話，卻道出了人世間的吊詭一面，要是把假的當成真的，則真的也就成了假的；把沒有的視為有的，則有的也就成了沒有的。人世裡，真的往往被當成假，假的又被當成是真，教人難辨真假。即使小如一盆甜品，也是如此。是的，我說的是一盆甜品，是一盆盛載在花盆中的「提拉米蘇」 Tiramisu（$45），而它出現的地方，則是從元朗搬來佐敦開業的 Sense Dessert Cafe。這甜品店以分子料理甜品和像真度接近100%的盆裝 Tiramisu最為有名。這天與它見面之後，果然覺得貨真價實，並無花假，看上去，簡直像是一盆香草盆栽一樣，外觀實在假可亂真。拿掉插於盆中真正的香草，用匙羹翻開「泥土」，深淺啡色夾雜的一粒粒硬身的泥土下，是幼滑的 Mascarpone芝士。整盆盆栽滲透著酒味和咖啡味，散發出咖啡香和酒香，濕潤柔軟的口感與硬身的泥土正好互為補充，成為挺不錯的特色甜品。這外型酷似小盆栽的 Tiramisu，既有外在美，又有內在美，都幾值得捧場。更何況，這店子點子多多，得意新奇的食品並不局限於此，我還有其他店中出品也想一試呢！

記得第二次來食呢度的漢堡的時候，深深地被個安格斯（大菇－＞以前不用都有的叫）芝士漢堡吸引，但現在已經無左呢個餐，若要食菇，請另行加錢配搭雖然今次的紐西蘭烤雞芝士漢堡同其他的漢堡份量依然都係咁大（２人分享已經夠了）雞肉的肉質很鬆軟，不會讓人感覺肉底太老～自己一直都必叫的大菇今次都自己加錢叫了Ｔ︿Ｔ，味道雖然依然很香口，但似乎油味亦跟住一起增加，我已經同朋友分享了一半，但都因為太油都食唔曬～相反，薯塊就一直都係咁好味，外脆內軟又夠厚，最緊要新鮮炸起時的熱辣辣配上番茄醬～正！

一行4人，同學們的gathering，咁耐冇見weekend日子搵到個好坐又唔洗比人趕既地方已經萬幸～sense就一次過滿足哂～服務員都好友善～好warm~7點未夠就到咗～人都未開始滿～但冷氣大左少少。。。環境都幾闊～枱又大大張～先叫咗個炸尤魚小食～不錯～份量多少少更好叫了個長通粉和沙律，不錯，都係偏細份，由於我地share食，又有男仔，份量多少少會更好飲品不過不失～比較有特式的終於來了！！梳芺里雞飯，個全名可看黑板餐牌～梳芺里個質感幾特別，但都係細份左D甜品大愛！叫了2份都好正～吸引人影相食到出哂煙既就係心太軟～

同貧友o係附近the one睇完戲就行過黎佐敦食甜品黎到22:00, 入面雖然滿坐但冇人等位, 見入面都有人就黎走最後等左15mins倒就可入座以星期日晚計, 都算快手入到黎就見倒牆上o既大黑板本想試下哩個, 可惜得外賣哩間其實係cafe黎lunch/dinner都有set不過由於睇戲前已食左晚飯所以只睇甜品睇下有咩食先哩度甜品都比較有創意除左盆栽外, 仲有幾款份子甜品原味意大利芝士餅比出面細杯, 見哩度其他甜品份量一般都比較細, 少貴不過味道都唔錯, 唔會太甜餅身係mousee質地, 唔會太硬可能d酒落晒底, 所以食到尾比較重酒味, 好食d貧友點的心太軟左面係綠茶心太軟, 右面係豬古力心太軟貧友話心太軟唔太甜, 個雪糕都甜過佢同埋切開裡面d醬都較杰身, 流唔倒出來雪糕焗脆格雪糕下面係多士, 豬古力脆脆同香蕉試左少少多士, 好脆, 幾好食總的來說甜品雖然味道唔錯, 但份量都偏少變相價錢偏貴不過坐位都好闊落同埋可以慢慢食唔會趕人走如果飯後想搵地方坐下吹水都係唔錯選擇

是晚跟朋友在佐敦品嚐完日本餐後，就想起來Sense Dessert 吃下一餐的甜品，因為較早前吃過覺得不錯的話，又會短時間再光顧。抹茶牛奶 $25抹茶味清香而會太濃，感受到奶泡的香滑，不錯不錯。我一向不好盆中物，不過是朋友喜歡新奇東西所以點了這個 原味 Tiramisu $45，賣相十足十盆栽，像真度很高，難分真與假。表面的泥土就是朱古力碎，白色就是 Mascarpone 芝士及忌廉打成，質地幼滑但不甜，最底層是微酸的士多啤梨醬，多重層次感。石板街份子雪糕 $63端上檯即時冒起一陣陣白煙，手機食先最好時機。將石板街味道逐一拆開弄為石塊粒，朱古力味及雲呢拿味雪糕粒很美味，而且冰涼得能黏著舌頭。最後來的是 紅白心太軟 $78、灰白心太軟 $78溫馨提示：menu 註明雪糕或雪葩加入負 197度液化氮，即時炒成雪糕粒粒。店員說最好1分鐘後才食用，最好伴中間的心太軟一同吃。紅白心太軟 $78: 白色的雲呢拿雪糕粒、野莓雪葩粒配上朱古力心太軟，很久前我已在元朗店 （已結業）吃過。口感一冷一熱，相當刺激，雲呢拿的甜、野莓的酸、朱古力的濃郁，一個相當不錯的配搭。灰白心太軟 $78: 分別是雲呢拿及芝

今天難得我放假雖然老婆仔要上班只能一起吃午餐但在不趕時間之下我們決定去老婆仔工作地方附近又有特色的餐廳午餐這間餐廳上次來附近的咖啡店時經過看似很不錯今天就來品嚐一下星期六的中午店內沒有上班族只有悠閒的客人所以相對寬敞旁邊的人都是點甜品但老婆仔稍候還要繼續工作所以要了85元的安格斯芝士漢堡我就選了82元的紐西蘭烤雞芝士漢堡以半價12.5元再配抹茶牛奶其實我感覺有點貴不過難得老婆仔想試就豁出去吧一送來時就覺得很大份很足料雖然我不吃牛肉但也看得出牛很厚也很香同時有很多配料每一口也吃得很豐富老婆仔也吃得津津有味我很喜歡這個紐西蘭烤雞芝士漢堡雖然名字聽起來似是快餐店的漢堡但確實豐富得多醬汁多又配合配菜又多元化最重要的是那件烤雞真的很香很美味肉質夠滑做成外脆內軟的效果真的很回味另外也配有薯條或薯格很喜歡吃薯格的我們竟然覺得薯條比較美味可能是因為這是辣薯格但辣味卻不突出過於複雜的味道令薯格味有點奇怪還有薯條比較簡單美味最後飲品是抹茶牛奶我和老婆仔都覺得太甜了不過茶味和奶味都很突出很濃滑的奶味若果加少點糖或者會是不錯的飲品

經朋友介紹之後...幾乎每之到佐敦開飯我都要食呢間既甜品...(明明有正餐但一次都無食過)今日又同三五知己黎啦~先黎藍梅奶色 : 竟然唔係藍色~好出奇XD 味道一般香蕉焦糖朱古力 : 好香朱古力味~玫瑰慕絲 : 一詆再試既甜品~!上層焦糖泡泡另一眾朋友覺得驚喜~XD可板街 : 足料泡製~有果仁同棉花糖~口感層次一流白桃飄雪 : 期間限定~ 初初以後係白桃味雪糕~點知係乳酪粒粒雪糕...咁白桃呢?原來成大半個切粒冰左係底~!!!白桃冰我都係第一次食~好香甜~加埋乳酪雪糕酸酸地好夾~!朱古力心太軟 : 配上梅味雪糕令人唔會覺得好濟~ 當朱古力遇上雲尼那粒粒雪糕更加絕配~!

佐敦開了很多特色甜品店，以這間主打創意甜品分子雪糕既餐廳最為吸引。窩夫(半份)$48細細份，食完唔會太飽，窩夫口感煙韌，好香蛋味，但外層唔夠脆，內裡唔夠鬆軟，可以自選雪糕口味和生果，我地選了Vanilla味和新鮮的士多啤梨，士多啤梨酸酸甜甜，好開胃和減小甜膩感。石板街$63賣外好吸引，凍煙霧效果好特別，面層是棉花糖，因棉花糖經處理過，外層脆卜卜，顛覆了平時的口感，配合分子Vanilla和朱古力雪糕一齊食，口感層次十分特別，食到停唔到口。 

去完旅行社開茶會, 餓與唔餓之間, 搵下附近有咩輕量野食, 見到呢度有甜品又有正餐, 就一試.過到黎都係8點多D, 坐滿人, 不過等左5分鐘已入得. 望下附近既人, 8點幾已經開始食甜品 一睇餐牌已經鎖定係佢, 因為未食過盆栽甜品 要左原味Tiramisu, D泥應該係朱古力, 下面就係意大利芝士餅, 唔算好甜, 酒味同芝士味唔太濃, 清清地.頂部塊葉估計係唔食得, 所以我拎起放埋左一邊.另外要左個原味梳乎厘, 呢個即整所以等左都有15分鐘, 但一黎到嘩....發到好大, 成個手球咁大, 好搞笑.味道方面少少甜, 都幾濃奶/蛋味, 夠熱, 個皮焗到好香, 唔錯.另外見隔離有人食分子雪糕, 出晒煙咁好過引而且仲有all day 早餐, 意粉呀, 雞翼果D正餐, 就算唔食甜品下次可以試埋呢D.

Tried Sense for the very first time, and ordered their recommended croissant served with eggs and salmon, along with a hot cup of tea. To my disappointment the croissant was burnt, rock solid and stale. Despite using a very sharp knife, it was difficult to cut through. The texture was not fresh. Providing the cafe a second chance, I asked whether this was the norm and the staff responded yes. Rather than taking away the plate, she left me hanging and returned later with another croissant. To be