163
44
11
港鐵佐敦站 C2 出口, 步行約4分鐘 繼續閱讀
電話號碼
28860949
付款方式
Visa Master AlipayHK 支付寶 現金 AE 銀聯 微信支付
座位數目
45
其他資料
Wi-Fi
酒精飲品
切餅費 詳細介紹
泊車 詳細介紹
外賣服務
當面支付
食評 (233)
等級4 2019-05-27
216 瀏覽
sense呢間cafe係如果可以Lunch食12點先可以食到,因為佢12點一開門基本上好快就會滿座,要等位先有得食。對於我哋呢啲唔夠時間食個簡單午飯再跳落維港游45分鐘水嘅上班一族,如果要食要等位嘅餐廳,基本上要係一坐低就有得食再可以用5分鐘食完先可以諗,所以我哋通常都會食12點嘅時候先會狗衝過來食。佢嘅weekday lunch menu係好抵食,價位由$65至$95,有超過十個選擇,豬牛羊雞魚海鮮通通都有得揀,選擇較哂全面。我哋叫咗泰式香茅燒春雞、香煎鯖魚柳配日式鰻魚汁、蒜蓉汁香煎厚豬扒飯、蒜香白酒鮮蜆扁意粉、菠菜忌廉蟹肉扁意粉、蒜香燒羊架伴飯。特別推介個燒羊架,$82有三大件羊架,燒得好香口,羊肉都好淋身入味,鍾意食mint jelly嘅話就一定要問老細攞多碗Mint jelly先夠喉!如果唔想太heavy,可以考慮菠菜忌廉蟹肉扁意粉,蟹肉份量都好多,菠菜又中和返忌廉嘅滯,但唔好睇佢份量好似好少,一個正常食量女仔係食唔晒架。基本上每個lunch set都包餐湯同飲品,所以都好飽好抵食。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-04-09
304 瀏覽
Sense,搬左過嚟新地方,要上1樓,但地方比之前大啲,空間感又大左,環境都舒適左。今次過嚟食lunch,都係食返我覺得呢到最好食嘅“香煎厚豬扒”同“燒羊架”。豬扒係厚切,又大塊,食落完全唔“鞋”,夠肉汁,配埋個蒜蓉汁。而羊架呢,食落有羊既香味,唔太“穌”,8成熟左右,夠嫩口,仲要有3件羊架咁多。都要提下佢地個餐湯,今日係南瓜湯,好香南瓜味,帶啲甜,好好飲,有時會係蘑菇湯,超濃嘅蘑菇味,啱晒鐘意蘑菇嘅朋友 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-07
736 瀏覽
Sense 在佐敦,每每在午餐時段都有很多食客在等候,這店一向出名份子甜品,但由於份子一向不是筆者心水項目,故一直沒有與它遇上。今天中午時段見Sense 無需等枱,實屬罕見,於是便和同事入去試試午餐如何。門外大大個黑板寫著:午餐優惠平日星期一至五,免收加一,相當吸引。中午12:45pm 食店已坐滿八成食客。打開餐牌,看見寫著 Weekday Lunch ,換言之 Weekend Lunch 餐點另有不同。第一次來,原來食店即將在4月搬往隔離白加士街一座商厦樓上舖一樓,繼續營業。是日餐湯(南瓜濃湯)~原先想加$25換龍蝦湯的,但詢問店員,是日餐湯竟是心水至愛-南瓜湯,如此幸運,龍蝦湯留待下次吧!南瓜濃湯,豐富厚身有質感,正。菠菜忌廉蟹肉扁意粉$72~當意粉端上檯面時,那蟹肉有輕輕的蟹腥味,同事即時扭了兩吓 Black pepper 放在意粉面,之後再撈混整碟意粉,即時調和了味道。如將蟹肉預先調和一下,可能會減低一端上檯面時,那淡淡的蟹肉腥味。菠菜忌廉汁打至杰身,將整個將個醬撈混來吃,只是第一印象扣分,但整體上也是味美。香煎厚豬扒伴飯$68~大大件又夠厚身,帶點點肥肉倍感甘香,幸而兩個主菜是些牙(Share) 吃,否則一個人怎能如此勁肉獸。伴飯還有點點菜,其實是很夾檔,米選用了圓身的米飯,有點像珍珠米種,但同事和筆者也覺有點硬。餐飲選擇了熱咖啡,食店提供的咖啡奶是和暖的,這些細節位,一讚。 繼續閱讀
(以上食評乃用戶個人意見 , 並不代表OpenRice之觀點。)
係佐敦食完飯想食個西式甜品 就去左呢間都算幾多選擇既cafe😋見到d相好似幾吸引 就試左個日本宇治抹茶心太軟 賣相唔錯 心太軟抹茶味都算濃 不過就唔係好流心 而抹茶雪糕都唔係好濃味🙊另外仲試左鐵板布朗尼 不過brownie 朱古力味唔夠濃 偏甜 而且鐵板上雪糕溶得太快搞到個brownie 好濕😭 繼續閱讀
(以上食評乃用戶個人意見 , 並不代表OpenRice之觀點。)
等級3 2019-01-15
706 瀏覽
在佐敦食完晚飯,時間尚早,友人提議食埋甜品,好吧,反正女士總是有第二個胃食甜品的,揀左同樣在佐敦既呢間Sense Cafe。鐵板布朗尼伴曲奇及曲奇雪糕布朗尼用微熱鐵板奉上,上面還有Oreo 餅和雲尼拿雪糕,最後淋上鮮忌廉。食起上來,鬆軟既布朗尼蛋糕沾上鮮忌廉,濕潤度剛剛好,香甜既雪糕混埋Oreo 餅碎口感也很好。牛乳布甸朱古力食到陣陣牛奶味既布甸,算是香濃,加埋朱古力雪糕,感覺有點漏。 繼續閱讀
(以上食評乃用戶個人意見 , 並不代表OpenRice之觀點。)