Season Plus (已結業)

My friend and I went yo a restaurant called "Season Plus" located in Shop A, 1/F, COS Centre, 56 Tsuen Yip Street, Kwun Tong觀塘駿業街56號中海日升中心1樓A號舖.The restaurant has a nice bar.Raw, rustic brick wall at the back.Geometric framed windows on one side."Baked tiger prawns with butter garlic" (front left)牛油蒜蓉焗大虎蝦(前左)HKD$128 /2 pcs 隻The prawns are fresh and sweet...The meat is firm and springy..Jumbo size.Yummm.."Baked halibut with herbs" (front right)香草焗比目魚 (前右)HKD$98..The fillet is moist, sweet and suc

17年最後一日，冇咩特別安排。想近近的喺觀塘食個簡單晚餐，然後去海濱長廊倒數。 諗起觀塘日昇中心翻新後開左season plus， 之前喺銅鑼灣分店食過都覺得不錯，價錢又合理，趁住呢晚 試一試觀塘這一間。嚟到時7點鐘時間尚早，只有幾檯人。我們先點 生蠔套餐有6隻yellowstone 6隻irish rock, 配埋一枝Moscato 。 酒香果味，本身病未癒好的我，喝了幾啖找回味蕾。冷盤過後 點了松露pizza，pizza底是自家做的 軟熟 脆口 有香香的松露油味，很不錯。另外點了慢煮美國安格斯厚切牛柳 伴碟有蘋果配士多啤梨醬，減輕肉嘅油膩。 慢煮令肉嘅中心點鎖住肉汁，很juicy，肉質都比較滑嫩。來用餐的人陸續嚟到，幾乎每枱都會開一枝酒 氣氛不錯啊。 除夕晚蠔一蠔也不錯

俗語說「冬大過年」，今晚冬至，當然要同屋企人食返餐好~以前過節食中菜多d,今年搞下新意思，帶佢地食下西餐7點左右已經坐滿哂人。係咪好豐富呢生蠔拼盤(連白酒一支) $198/set重點推薦!!!這次一來就要說重點，平時吃半打生蠔也不止$198，還送一支白酒，抵食到不得了!我們另加$48 轉了半打做美國中碼生蠔，size更大了，口感很creamy, 海水味真係正!意大利白酒則很易入口，配生蠔一流!慢煮美國安格斯牛柳 $348慢煮牛柳肉質較嫩，較能保存肉的鮮味，五成熟剛剛好。吃得出來很新鮮，而且不會很多筋位。我們沒有另外點汁，只是沾鹽吃，間中品嚐食材的原味也很好慢煮牛柳有送頭盤，是芝士黑松露焗大蘑菇。因為一向愛吃菇菌類，吃得很開心海鮮拼盤（冷）$298過節只吃一盤生蠔怎麼夠呢?平時呀媽煮海鮮咁辛苦，今次帶佢去吃現成的。海鮮拼盤相當豐富，有龍蝦、磯煮鮑魚、小龍蝦、大蝦、加拿大藍青口同埋加拿大翡翠螺，唔洗自己煮就食到咁多海鮮，開心到佢!燒海膽多士 $68香脆! 第一次將海膽夾埋麵包咁食，原來都好match牛肝菌意大利飯 $128食海鮮之外都要d主食先飽肚，今次係軟身少少既意大利飯，牛肝菌幾香，係

以前同老公喺舊鋪買過 $9 生蠔嗰時雖然要自己開蠔，不過真係抵食而家開咗餐廳好坐咗，但一樣咁平 👍🏻$198 有一打生蠔同一支白酒啱哂食海鮮啦～精選生蠔係 irish rock no.4係爽口啲嘅蠔，海水味淡啲新鮮度都唔錯 👍🏻海盤拼盤非常大堆口，又係 $198！勁抵食磯煮鮑魚大大隻有彈性仲好入味𠻹 😋翡翠螺都係好彈牙爽甜～龍蝦半隻，切咗邊起肉無難度爆哂膏㗎 😂海膽刺身好濃郁 creamy，推介！熱葷就點咗個 risotto，都唔錯～

餐廳都算係工業區既方便嘅位置，我搭巴士呢喺觀塘市中心嗰度落車，行嗰條天橋就到喇。 呢到都幾大，黎嘅時候已經有幾枱客。個人覺得佢呢度嘅cp值好高！價錢同埋食物嘅質素完全係成正比例嘅佢做緊個好抵既生蠔加白酒嘅套餐！其實我真係好鍾意食生蠔飲白酒㗎。兩樣野真係super match! 佢啲蠔都幾新鮮唔會有腥味， 少少咸。雖然唔係隻隻都咁大隻，但係呢個價錢，都已經覺得好滿足㗎啦！隻白酒好香好容易入口！甜甜哋嘅感覺，好適合情侶調情，朋友談心。飲咗啲酒更加容易講出心底話。我同朋友2個人都飲哂成支，店員倒完會幫你放返入冰到震住，keep住佢凍。呢個海膽多士係有驚喜嘅！真係冇諗過佢咁大份。同埋重點，重點係佢真係好香！咬落去嘅時候就發現佢完全做到嗰種麵包好脆，但係上面都仲係有少少汁嘅感覺。一D都唔油，個texture好適合咁食！兩樣嘢係互相配合得好好。個pizza好有home made嘅感覺！唔同一般出面係一個圓形pizza。批底好似厚批咁既質地，唔太厚又唔太薄。落咗好多芝士粟米同埋火腿，不過就唔係特別驚喜，水準正常。其實我真係好鍾意食燒蘑菇㗎！呢隻菇都燒得好juicy！一切開嘅時候入面啲汁漏曬出嚟嘅感覺

其實我對飲食既要求已經逐漸演化成為“試新野”，“性價比高”，“特價時段”呢啲經常見到既字眼，今晚去呢間食店就嘗試以上面既要求去探索一下喔，不過今次是我啲朋友話事的。 今次我啲朋友一行四人book左觀塘Season Plus餐廳，佢主打海鮮西餐，經驗通常如果餐前小食，包跟餐湯係好得既話，之後既主菜已經可以好放心好好享用。而當我試呢個芝士黑松露焗大磨菇後，Size好似月餅咁可用刀切開四份，已經了解到係有料到! 香味慢慢入口腔好得! 煙三文魚沙律亦幾新鮮開胃。生蠔新鮮夠海水味，呢個好重要。加支法國白酒亦配合得啱啱好，果味都幾重，生蠔白酒都係set，二百幾蚊這樣都尚算公度了。炸流心芝士亦幾香口重芝士，有很多粒，可以分甘同味。燒海膽多士亦落足料惹味又香口。還有點左個黑松露牛肝菌Pizza夠薄又翠又香口，不太油膩，好味！重點係當食到60分鐘慢煑西班牙厚切黑毛豬同埋慢煮美國安格斯牛柳，噢! 乖乖不得了，非常juicy又有豬牛口感，令人覺得其實豬牛都應該要係咁食！！大滿足！ 今次黎過大滿足兼性價比高，有酒飲還有Steak 食，價錢尚算合理，講食物質數真是頂級，下次有機會要再試多次！

今天晚上同朋友來到觀塘新開嘅西餐廳，入到去已經好舒服，好寬敞，燈色柔和，好有外國西餐廳feel，係同朋友一齊一大班gather 的好選擇！揀咗生蠔拼盤同慢煮美國安格斯牛柳朋友慢慢嘆🤪🤩😋😋 啲生蠔好鮮味，好新鮮，完全沒有沙石，連同海水食，很甘甜，一啖接住一啖，停不了囗，＄198有成12隻新鮮生蠔仲有白酒送，真係抵到爛！😍😍😍另外，安格斯牛柳真的很有水準！塊牛柳用慢煮的方法讓肉汁鎖喺裏面，外面就煎得很香口，再配合士多啤梨醬黎食，簡直係perfect match! 😍😍😋😋😋😋😋

曾經看過season plus 的食評，見不少人對它的生蠔和海鮮的評價都不錯，於是襯著與朋友晚飯預祝聖誕時，來了這間試試。餐廳位於觀塘市中心的外圍，位置不大就腳，人氣也不算旺盛。坐下後點了生蠔套餐，包括12隻生蠔和白酒一支。 侍應說可以加錢升級。 生蠔升至半打Yellow Stone加半打Irish Rock; 白酒也升級為法國Mella Moelleux Blanc 2015。兩種生蠔都是新鮮即開，不過Yellow Stone較大隻，味道也算creamy。升了級的白酒果香味重，偏甜，很易入口，連不大喝酒的友人也接受得到。煙三文魚沙律的蔬菜尚算新鮮，作為開胃菜也ok.另外，友人點了海鮮拼盤來送酒。 海鮮拼盤有半隻龍蝦、小龍蝦、蝦、磯煮鮑魚、青口及翡翠螺。平時不太喜歡吃小龍蝦，覺得麻煩又不大好吃，但這個意外的好吃，味道鮮甜，是最好吃的一款。翡翠螺入口爽脆，但其他海鮮的新鮮程度只是一般。吃龍蝦花了很多時間，因為餐廳根本沒有工具去弄開龍蝦鉗，所以最後也沒有吃到，白白浪費了食物。 作為提供海鮮的餐廳，連必須的工具也沒有，實在說不過。不管食物質素如何，餐廳實在有必要改善對客人的照顧和服務。

聖誕節想簡地方食好野專登去openrice 簡左season Plus 睇相 感覺良好 都覺得應該ok la!雖然我地6:30到 暫時得我地一枱客人我地叫左個$298/12隻生蠔 再upgrade 左6隻蠔 同 香濱比我地蠔 隻隻都好瘦 拆蠔個位處理得唔係咁好 勁多蠔碎係入而蠔唔太新鮮 其中一款蠔 食落口有2個口感但唔否認香濱係好飲既甜甜地 易入口個羊架真係麻麻地我order時問待應可唔可以唔好咁熟（都叫左佢唔好咁熟 太熟肉質會’un’)佢地話唔可以 （已經心諗點解唔可以）上枱賣相 都感覺好熟一切開 果然熟哂！熟到肉質是‘un’的聖誕節 花費唔緊要 但呢到呢個費錢 呢個食品質素個人我認為唔係值既

好多人去食SEASON PLUS, 都係因為佢嘅抵食生蠔套餐, ＄198, 有一支白酒, 再連12隻生蠔, 性價比非常之高!白酒係Trapiche Astica , 酒的顏色清透而帶有一點綠色，清爽而混雜一點柑桔之香味，富有水果味道。雖然生蠔size唔算太大隻, 但非常鮮甜.淡淡金屬餘韻.層次感突出另外再叫咗個芝士黑松露焗大蘑菇, 大蘑菇個份量有一個杯墊咁大, 黑松露菌香味濃, 切落去蘑菇汁BIT曬出嚟, 入口好多汁鮮甜!大家都唔夠喉, 再叫多個牛油蒜蓉焗大虎蝦, 大虎蝦有成隻手掌咁大, 上面鋪滿咗芝士 同蒜蓉, 蒜蓉嘅香味令到虎蝦提味不少, 虎蝦肉質非常之彈牙

近日多左係觀塘區搵食，而Season plus今晚就係我地解決晚飯既地方，地點是新落成的商廈，門面非常grand時間尚早所以只有兩三檯食客，但環境寬敞，裝潢很華麗，氣派不凡最後點了烤焗海鮮拼盤和包了頭盤的慢煮美國安格斯牛柳蘇格蘭三文魚魚味極濃，當中帶的是煄香的松木香，口感甘甜，在黑椒粒的助味下，更能吃出煙煄的口感。烤焗海鮮拼盤有香比目魚扒、蒜蓉大蝦、巴馬臣芝士焗帆立貝、蒜蓉翡翠螺、芝士黑松露焗大蘑菇分量絕對剛剛好香茜及蒜蓉令海鮮的味道更突出，帆立貝面的芝士焗得很脆，而它亦吸了不少帆立貝汁，食落很美味，帆立貝極大粒，肉質很嫩滑螺肉佈滿蒜蓉，非常有咬口比目魚扒加了很多香草，烤焗得剛剛好，食落非常有原野的風味黑松露大蘑菇的芝士和蘑菇非常夾，在黑松露提味下，吃的時候像吃和牛一樣。大虎蝦的蒜蓉非常搶，蝦肉又多又滑，可惜的是蝦糕的量不多慢煮美國安格斯牛柳外層煎得焦黑，肉汁緊緊鎖在牛柳之內，而內裡的肉質極滑，當中帶少許果肉味，因為慢煮的關係，肉味一直保留，吃到最後一口，即使是肉身變涼，仍然是非常嫩滑，而不變因為凍了肉質變乾變硬，而另一個出色的地方是伴碟的梨肉非常香甜，用來襯牛柳非常合適。

season plus在觀塘開了店，地方更大更闊落！坐都住得舒服 d!! 店員全是年輕的一輩，但看起來沒有什麼活力！聖誕chrismas期間都有很多special offer, 眼見都十份抵食！這個生蠔combo meal有12隻新鮮生蠔+意大利白酒一枝！生蠔當然說不上是頂級貨色，但仍然綽綽有餘可以放入口，生蠔size雖然細左 d, 但估唔到質量卻不錯！濃郁既海水味加上蠔味after taste留在口中真係建議什麼配料都唔加食原味！新鮮圖中就是送既白酒！味道還可！海膽多士，師傅悉心照料，用左45分鐘有多時間烹調，難怪咁好食！多士外層香脆，半熟既海膽鮮味十足巴拿馬沙律~黑醋加持令沙律菜，巴拿馬火腿更出色更有層次！清爽既沙律好味道~

今晚蠔癮起…難得放假，食豪D梗係要飲酒啦。同老友來多次season plus，本身係觀塘工業中心搬左來駿業街啦！我地一來就叫個set蠔餐，轉左隻法國紅酒，雖然係2016係新酒，唔太酸，帶果味。相當易入口。D蠔都十分新鮮，海水味唔算好濃，唔算好肥美，但胜在夠曬鮮甜。還有個翡翠螺，大大粒勁肥美，肉質爽身，夠曬甜。到熱食拉，首先來個燒海膽多士，好正呀~必食呀！麵包烤到脆一脆，配上海膽芝士。甜得來又香濃。食多幾件都得呀~再來個燒焗海鮮拼盤，手掌咁大，爽彈肉厚既蒜蓉焗蝦，香草燒翡翠螺同大大件嫩滑比目魚。還有黑鬆露焗大啡菇，惹味到不得了。每一樣都食到舔手指~最後仲加左個炸廣島蠔，同薯條。兩條友飽到傻左~呢度環境舒適，好適合三五知己約埋一起吹下水飲下酒。一個字:正！

朋友相約去觀塘行街，之後一定係去搵好嘢食，再次踏入工廠大廈尋食之旅，其實今次唔算啲咩驚喜，因為本身佢已經有其他分店，當然朋友未試過， 一定要帶佢試一試。炸物拼盤， 選擇咗炸薯條同炸雞翼， 雖然兩樣嘢好多地方都有機會食，但係佢個炸薯條真係畀麥當當好食好多， 夠曬脆身又夠粗，至於炸雞翼， 因為朋友話好耐冇食過，都要叫黎試一試， 估唔到一樣外脆肉汁多。慢煮安格斯厚切牛柳 ， 做得都幾好 慢煮肉質夠淋最重要唔會煮到牛冇曬味，牛味十足。蘇格蘭煙三文魚，明明是前菜，但份量似主食，真係驚喜十足。USA Pacific Jumbo，成隻手掌咁大，哈哈，又有鮮味，好味。下次一定再來，希望可以叫多啲朋友一齊食，可以試更多唔同嘅種類。

我喺觀塘返工，同事介紹話喺駿業街中海日中心新開左間SEASON PLUS，佢地話午市套餐有生蠔/海鮮拼盤、40cm長鰻魚飯定食等等，都係$98咋。好似幾吸引喎。可惜老婆唔喺呢頭返工，所以我選擇試佢個晚市，而且一樣有生蠔拼盤供應。地方闊落，而且幾有格調，幾適合情侶靜靜地食飯傾計。生蠔拼盤原價$298/SET送一枝白酒，今期特價只需$198咋。另外可以加錢升級生蠔同埋唔同年份白酒，任君選擇。而海鮮拼盤方面，又有分冷盤同熱盤，各有各味道。先黎一個田園沙律配黑醋汁，菜同黑醋汁味道好夾，唔會好似沙律醬咁濃味同Heavy。$198有12隻生蠔仲送白酒，邊度搵呀，難怪見到檯檯都有叫生蠔。價錢抵，size都幾大隻，而且食落有陣啖啖嘅海水味，作為蠔迷嘅我點可以錯過。唐揚手羽雞翼，炸得金黃香脆，點埋個酸甜醬更加美味。白酒煮馬尼拉蜆，size雖唔算好大，但蜆肉夠鮮味，而且仲食到有白酒嘅清香，值得一試。12安士慢煮美國安格斯厚切牛柳，足夠兩位享用。慢煮能夠盡量保留佢嘅肉汁同營養無咁易流失，食落肉質夠腍，又juicy，雖然要等40分鐘，但為左美食，值得一等。我地order左凍嘅海鮮拼盤，有龍蝦、小龍蝦、磯煮鮑魚