33
0
0
港鐵觀塘站 D4 出口, 步行約1分鐘
電話號碼
3586 3737
營業時間
星期一至日: 12:00-23:00
付款方式
Visa Master 現金 銀聯
座位數目
50
其他資料
Wi-Fi
酒精飲品
自帶酒水
電話訂座
外賣服務
加一服務費
食評 (34)
隱蔽抵食海鮮 焦點食評
新晉食家 2017-01-12
96 瀏覽
朋友話e度有餐廳真係講都唔信話說去完澳洲無耐返黎最掛住就係個度既海鮮朋友話帶我懷念下,超期待既海鮮大餐。一坐低就叫左生豪套餐,真係估唔到都唔細隻,100蚊有找仲有杯白酒!蠔好新鮮,好甜好有蠔味。同埋都好左隻下!但檸檬可唔可以唔好咁孤寒😆😆😆😆要懷念緊係要食返夠本!海鮮拼盤!有麵包蟹有蝦仲有龍蝦,蠔,螺同青口!一定夠2個人食有多!未食前睇睇個價錢我麵真係唔相信!只係198$不過要試左先知!先食龍蝦!拉條肉出黎個下好爽!食落去淡淡肉,仲有好多好香既蟹膏到麵包蟹!一打開勁蟹膏囉!好興奮!麵包蟹肉當然無澳洲咁甜,但勝在夠多膏,膏夠香!正!蝦麵要一讚!彈牙有蝦味一d都唔梅其他都不過不失!朋友只食海鮮話唔滿足要食埋個羊!羊煮過左少少但肉味濃唔會好"so"反而配角薯角炸得好香脆!話飽飽飽,但最後都加多左個好抵食既芝士火腿拼盤同白酒吹水!好滿足!價錢非常吸引!食物質素唔差!又多酒選擇。可能e度既地方先可以做到咁好既價錢!但食物可以再多少少選擇lo😆 繼續閱讀
(以上食評乃用戶個人意見 , 並不代表OpenRice之觀點。)
蠔得起! 焦點食評
卓越食家 2017-01-10
259 瀏覽
同事介紹Season Plus呢間餐廳嘅食物質素唔錯,叫我有時間可以黎試一試。難得今日放假,當然要約埋朋友捧下場啦!先講呢間餐廳嘅環境,餐廳約三分一嘅空間係酒庫,擺放各式各樣嘅紅酒、白酒同擺設,其餘位置係用餐區,燈光暗淡,加上柔和嘅音樂,絕對適合朋友或情侶傾計同食嘢。至於食物,首先,我同朋友揀咗做緊優惠嘅生蠔,$99竟然有6隻生蠔+3隻炸蠔,真係抵到爛!生蠔來自美國黃石蠔, size偏大隻 ,口感creamy,滴兩滴檸檬汁食,入口鮮甜又無腥味;炸蠔亦不錯,金黃香脆, 同一時間食到生同熟嘅蠔,可以話係俾一份錢有兩種享受,正!食完蠔,我哋胃口大開,所以之後仲點了4款食物:美國一口牛粒、日本手羽炸雞翼、西班牙黑毛豬鞍扒及意式肉醬千層麵。美國一口牛粒,牛柳粒煮得啱啱好熟,保持肉質幼嫩,入口軟林林,一d都唔韌,食嘅時候點少少黑椒更能帶出牛肉味。日本手羽炸雞翼,雞翼鋪滿白芝麻先再炸,令雞翼更脆口,入口食到香濃嘅芝麻味,食多幾隻都唔厭。西班牙黑毛豬鞍扒,有沙律菜同薯皇嘅襯托下,更加突顯兩塊厚切黑毛豬鞍嘅氣勢及吸引程度,豬鞍兩邊面煎至金黃色,帶少許焦,但切開內裏後,肉質卻非常嫩滑,呈粉紅色,看起來啱啱好,可惜豬鞍只可配黑椒粒食,如果有少許醬汁就更好了。意式肉醬千層麵,麵質較腍身,配合肉醬,口感都唔錯,不過不實。今晚食咗咁多佳餚,每人都係二百幾蚊,都算抵食。最可惜今日我同朋友都有d感冒,所以唔敢叫酒飲,下次有機會再黎,必定會叫白酒配生蠔,再「蠔」一次! 繼續閱讀
(以上食評乃用戶個人意見 , 並不代表OpenRice之觀點。)
美酒西餐生蠔夜 焦點食評
新晉食家 2017-01-06
495 瀏覽
人愈大就各有各忙, 想相約聚會都會很難約齊一致時間, 今天終於有機會一聚, 在朋友返工附近找到這家有生蠔有西餐又有酒飲既餐廳共渡歡樂時光餐廳位置都幾方便, 觀塘站D出門行兩分鐘就到工廠石屎牆林立的觀塘, 看到這餐廳綠草如茵的招牌 與 門前綠地毯, 份外有清新一口氣的感覺原來餐廳有三間分店都是上班族就腳地左三為法國黑珍珠 Black Pearl, 右三為法國瑪皇蠔 Majestic 上三為西班牙Arousa, 下三為南非Gigas建議由口味無咁重的先開始吃, 首先食南非的Gigas, 非常大隻, 肉質肥厚, 極度Creamy, 一咬, 內裡cream大量湧出, 唔知以為之前被注入大量cream!之後到法國瑪皇蠔 Majestic, 清新海水味重, 口感細膩, 餘韻豐厚而且帶子位鮮甜入口之後再到法國黑珍珠, 海水味比之前的Majestic 更濃帶咸, 蠔肉飽滿, 清甜爽口, 餘韻更長一點最後到口味最重要西班牙Arousa, 海水味無前兩隻法國蠔來得濃, 比前兩隻法國蠔Creamy, 但不及南非的Gigas Creamy, 肉質肥厚爽口, 味道甘甜嘆完美味生蠔後, 再來一個海鮮拼盤, 還送一杯白酒!拼盤有龍蝦, 麵包蟹, 青口, 生蠔, 大蝦, 翡翠螺龍蝦是半隻, 新鮮彈牙, 都包蟹多高, 但肉不算多, 很觧味, 可以問店員拎夾開鉗食, 拼盤的兩隻蠔海水味重, 偏咸, 配一口白酒剛好中和, 大蝦肉質彈牙, 翡翠螺很鮮甜爽口, 青口肉質豐滿, 淡淡的海水味意大利火腿芝士拼盤, 有四種火腿組成, 各有風味, 一些會較咸, 芝士也是偏咸, 所以叫來一枝白酒中和一下口腔此酒口味較甜, 易入口, 店員會放在冰筒上, 以保持白酒一直在冰凍之下威爾斯羊仔架 與 頂級安格斯牛小排, 羊架身形不大, 肉質鬆軟, 加一點黑椒, 薄荷醬, 非常美味, 至於牛小排表面脆身而內裡肉質一樣非常鬆軟而且Juicy, 沒有血汁流出在觀塘附近返工的福音, 唔使出去咁遠尖沙咀, 中環等地都可以試到美味新鮮生蠔, 美酒及西餐等美食, 而且價錢合理, 真是放工後想Relax一翻的天堂 繼續閱讀
(以上食評乃用戶個人意見 , 並不代表OpenRice之觀點。)
蠔癡酒迷聚集地 焦點食評
卓越食家 2016-12-21
1213 瀏覽
又到聖誕, 一班朋友狂歡一晚的好時機目前各人都為交換禮物, 預訂聖誕大餐作好準備網上訂購十分方便, 即使自取或送貨, 食物質量往往要入口才知道而season plus是除了出售急凍, 大數量預定及聖誕餐外, 還設有堂食, 價格跟正出售的所有貨品都一樣,那就不怕"唔岩食"情況出現位於工廈第二期地庫, 由觀塘地鐵站走到店址大概三至五分鐘落一層樓梯就到, 首先會看到左邊是凍櫃, 有各刺身, 凍肉, 酒類及飲料右邊是擺放紅白酒的現貨, 感覺就像個酒窖我們被安排到較入位置, 私人度較高首先急不及待向生蠔埋手, 分別有五種。除了愛爾蘭之外, 其他每款我地都每人一隻進食次序: 南非Gigas Oyster > 法國瑪皇蠔 Majestic > 法國黑珍珠 Black Pearl > 西班牙Arousa Oyster南非Gigas Oyster大隻而超級creamy,  肉厚飽滿, 好甜法國瑪皇蠔 Majestic帶子位甜度高, 清新海水味, 回甘味特濃, 很爽口法國黑珍珠 Black Pearl海水味濃,帶甜, 蠔味較重, 層次分明, after taste 強烈, 回甘味令人一試難忘西班牙Arousa Oyster最大隻, 很肥美, 蠔味最重, 肉質爽彈煙靭, 味道甘甜食蠔其間不能遺忘以美酒相伴由於不喜歡太濃酒精味, 所以我們選了較甜, 果味重的白酒RieslingGermany Thmous甜度高, 易入口, 陣陣荔枝果味隨後, 看到鄰枱有海鮮拼盤, 我們又亳不猶豫立即追加一碟拼盤上所有海鮮都是熟食, 不過是冷盤, 是個環球海鮮冷盤有一隻法國麵包蟹, 半隻波士頓龍蝦, 加拿大翡翠螺2隻, 愛爾蘭2隻, 智利藍青口4隻, 以及4隻美國熟蝦愛爾蘭生蠔, 軟為削身, 肉質較腍 , 偏咸, 略帶海水味法國麵包蟹, 鮮甜多膏翡翠螺尺寸可不小啊, 與龍蝦一樣都很夾彈意大利火腿&芝士拼盤分別有三種火腿: Salami/ Prosciutto Ham/ Parma Ham, 都是18個月!而是機切不是手切, 咸度減低.一款芝士: 巴馬臣芝士, 較咸, 送酒一流一邊談天一邊嚐酒等主菜, 這一道併盤絕對是佳選二道主菜:- 主菜會有新鮮沙律菜(配黑醋汁)及脆薯角, 薯仔味很濃澳洲M5和牛肉眼12oz (半熟)牛味較輕, 但脂肪均勻而且肉質鮮嫩兩邊煎香鎖緊肉汁, 不感油膩威爾斯羊仔架 (4支骨)細細件, 肉質鬆軟, 羊味中和今晚可謂飲飽食醉, 也已經決定好聖誕大餐了...立刻結帳, 原來沒有加一收費, 絕對是可試真啲再入手 繼續閱讀
(以上食評乃用戶個人意見 , 並不代表OpenRice之觀點。)
卓越食家 2016-12-21
750 瀏覽
Party time! 早聞season plus 有美食及各款酒類供應,便相約幾位同樣愛吃ham and cheese及生蠔的朋友來個聖誕節前的小聚會.在門外已放有黑板列出各款生蠔的品種及價錢, 還有精選推介. 沿樓梯走到地庫,最先看到幾個放酒的區域,um...這個設計...莫非從前是酒窖?西班牙、法國、意大利,紅酒、白酒、氣酒,花多眼亂.用餐位置不算寬敞,當晚更有出現要排隊入座的情況,要不是朋友早已訂位,我們也許要等一會兒.芝士火腿拼盤- 其中一款芝士偏硬及咸,拼盤有三款cold cut. 對於風乾火腿,我是有要求的,個人較喜歡把火腿放在咀裏讓那咸香慢慢滲出,不過這幾片似乎未能做到,若你喜歡一放進口,咸味搶先攻佔味蕾的,可以試試這拼盤.生蠔,可會是今晚的亮點?black pearl no.1 蠔身厚,有海水味,咸度適中,更有少少金屬味, 好鮮甜. $29一隻, 吃得過!當晚的house wine 是法國D'aupilhac,味偏酸,只能輕嘆與咸味的black pearl 不太配.另外,我們亦點了非常惹味的西班牙黑毛豬鞍12oz,兩件厚切豬鞍煎得夠香口, 但就略嫌過熟, 切開後, 肉質偏向熟透的白, 只有少許淺粉紅色, 質感難免有所影響. 建議於落單時表明7成熟, 那麼吃起來肉質會較軟嫩.  繼續閱讀
(以上食評乃用戶個人意見 , 並不代表OpenRice之觀點。)