Seafood ghost (已結業)

❤️海鱸魚海南黃金酸菜烤魚$268估你晤到呢到啲酸菜魚禁入味喎😍，海鱸魚先煎香過，所以好香，魚肉入味晤腥，少骨，湯底真係金黃包架，而且好多配料，有菠蘿👍🏻，木耳，萵筍，蓮藕，芫荽，蘿蔔，芹菜 真心惹味，酸辣度啱啱好，最特別係呢度有菠蘿中和返個辣道公到個湯底有陣陣菠蘿嘅香味，好特別，要真心推介！❤️豬粉腸$38嘩嘩嘩$38一大碟😍，絕對晤係雪藏貨，好新鮮，同清洗得好乾淨，豬粉腸越煮越淋，吸晒湯底所有嘅精華🥰鍾意食豬粉腸嘅必叫！❤️豬潤$38呢到啲配料認真抵食嘅，呢個價錢，份量都幾大碟，3,4個人食都得呀，豬潤大大件，份量多，無筋，晤洗唸，要叫！❤️頂級安格斯牛（小）$168不得不推介，頂級安格斯牛，兩個人叫個細，點知份量好多。三四個人食都仲得，牛肉片片都雪花分明，入口即溶，又有濃濃嘅牛味，CP 值超高呢度全部都係新裝修，環境好乾淨企理，門口有隻勁大嘅Iron Man，打卡之算，小朋友最愛，住石門又多一個選擇喇😜Seafood ghost (沙田)沙田石門安群街3號京瑞廣場一期地下G11號舖

一個人吃烤魚，要杯水都要自己去攞，無務服又要收加一務服費都算，重無厘頭要收醬料費，開頭仲計錯收我兩個人$16,沒有拿過用過任何醬料，最後也收$8！本來覺得烤魚都幾好食都嚟過幾次，咪單都$304！打算再嚟，但做生意咁唔老實不會再來！仲要同我講好似去茶樓要收花生鹹菜小費，跟住我問佢人哋不合理最少都有碟花生，我乜都冇攞過或者用過，再問佢邊度有寫明有這項收費,佢又答唔出…真係好好笑，屈啲客比多幾蚊變咗冇咗個常客每次都幫襯幾百蚊…

驚喜即炸芝士流心響鈴經過了幾年嘅時間，石門逐漸由美食荒漠，變成沙田美食集中地，進駐不少餐廳，而且屯馬線開通後，交通更為便利，天氣涼涼地，附近工作的朋友帶我一試石門一間烤魚火鍋。重慶香辣烤魚餐廳乾淨企理，比起好多其他食烤魚的餐廳坐得舒服，爐魚已預先煎香，鍋內配料豐富，雲耳、萵筍、薯仔、紅薯粉、蓮藕，當然唔少得大量嘅芫荽，符合預期。成餐最驚喜，絕對是即炸芝士響鈴，流心芝士好香濃，響鈴口感鬆脆，吸收哂麻辣汁，真係好刺激，個人認為比較適合作為小食。火鍋配料都應有盡有，手切牛頸脊質素亦不俗，新鮮而且肉味香濃，可能因為比較繁忙，上桌時間比較長，需要多少少耐性。—————————————————Seafood ghost (沙田)沙田石門安群街3號京瑞廣場一期地下G11號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #lunch #

有三款魚五款口味可以揀，分別有海鱸魚、江團魚、珍珠鱲魚。今次揀左蒜香醬燒烤江團魚，肉質肥美，魚油香，豐富骨膠原，魚好滑好鮮，好少骨，一條魚兩個人啱啱好，配料豐富有士豆片、蓮藕片、萵筍片、木耳，愈煮愈入味。烤魚可以加其他配料，我加左萵筍片、打邊爐必備的薯粉，掛滿湯汁，手工四寶丸(墨魚丸、蝦丸、鯪魚肉、墨汁墨魚丸)，粒粒爽口彈牙，一次過滿足我可以試多種口味。頂級安格斯(小)牛肉色澤鮮艷，牛肪分布平均，入口軟腍嫰滑，份量比想像中多。叫左百香果乳酸同蜜桃乳酸非常解渴。

每日早上返工都經過，心諗改個咁抵死嘅名，唔知好唔好食呢?咁啱姨仔入嚟食飯，一於去試吓先！“招牌烤魚”坐低睇餐牌就俾佢吸引住，仲要寫招牌，有江團魚、珍珠鱲同海鱸魚，我地點咗小辣海鱸，肉質實淨但唔鞋口，小辣都幾惹味，都冇拆招牌，唔錯！“香濃豬骨鍋”食完條魚，我地就點個豬骨鍋，一向喺街打邊爐都喜歡食豬骨鍋，仲一定會喺最後先食舊豬骨，呢度個鍋嘅味道都幾香，湯底好甜！“十優狀丸” 見到手打丸我地就發光，並唔係機製可比，呢個有五種唔同口味，包括墨魚丸、鯪魚丸、蝦丸、黑墨丸同黑松露墨魚丸，每樣兩粒成為十優，手打就係新鮮，特別推介係黑松露墨魚丸，食落有香香嘅黑松露味道，配上彈牙墨魚丸，絕對要讚！“牛胸爽”好掛住去深圳食嘅牛胸爽，香港唔係度度有得食到，見到呢度有就點，好多人以為係脂肪，其實係牛胸前肋骨嘅軟骨位，食落一口濃濃嘅牛味，正呀！最後要介紹“提子乳酸梳打”，口感清新，唔飲啤酒可以試吓呢杯凍飲，好解渴！

同朋友石門攞完身分證，附近搵食，走入一間烤魚打邊爐，叫咗一個冬陰公江團魚我追加左蔬菜腩同烏冬，個冬陰功湯底叫中辣已經辣到飛起，好夠味！下次再食嘅話叫小辣就好啦！

呢間之前成日見門口好多人排隊， 今日終於見到唔使排隊，就即刻行入去試下先， 淨係見佢個名都覺得好搞笑 坐低冇耐店員就已經埋嚟招呼👍🏻， 望到餐牌都有好多選擇 淨係牛都差唔多有十種😋 我哋先叫咗⭐重慶香辣烤魚海鱸魚 小辣條魚開邊上，上面加咗芝麻， 賣相吸引 再滾起嘅麻辣味 未食已經流曬口水， 肉質細嫩 厚實口感唔錯⭐香濃豬骨鍋大大嚿豬骨 打邊爐啱曬⭐ 牛胸爽薄薄 一片口感異常爽 又冇油立立感覺⭐極品本地手切牛頸脊呢個唔使介紹大家都知道冇得輸㗎啦 牛肉味濃又夠淋， 仲要滑， 唔錯⭐十優狀丸黑松露墨魚丸，蝦丸，墨魚丸，黑墨丸，鯪魚丸屋企食丸類就食得多，手打都係要出街食先好食， 爽口彈牙😋就係手打丸嘅精髓⭐即炸爆芝響鈴呢個幾得意 都係第一次食 響鈴只係6幾秒，芝士微溶， 感覺幾得意⭐ 提子乳酸梳打甜甜酸酸解辣一流

Seafood Ghost門口Iron Man極吸引🖐🏾餐廳趁住冬天仲推出烤魚&火鍋，一個價錢兩種享受，好滿足！🌀重慶香辣烤魚🌶以電子爐熱住，熱辣辣好適合冬天食👍🏽辣汁越煮越辣，對食慣辣嘅我地揀小辣辣度啱啱好。原條江團魚開邊上，煎香過的魚皮特別香口，主要係大骨食落啖啖肉，魚肉質地亦夠鮮嫩配料有齊雲耳、蒿筍、厚切薯仔、蓮藕、芽菜等，加上芫茜、蔥，份外惹味，未去得旅行嘅日子，都可以滿足吓食辣嘅願望👍🏽🌀黑豚豬腩片肥瘦相間嘅豬腩片貴為餐牌的必食推介，果然係正，肉質嫩滑，好香肉味，質素絕對有驚喜！🌀豬膶賣相好靚仔，豬膶切得夠厚身，食到爽滑嘅口感，中間部份有起沙嘅感覺，鍾意食豬膶的朋友一定滿意👍🏽🌀蒿筍片食烤魚必備蒿筍，食完烤魚配咗嘅蒿筍，意猶未盡要encore多一份，辣辣地嘅湯底同爽口嘅蒿筍真係絕配🙌🏽🌀紅薯粉嘩不得了，紅薯粉吸收晒湯底嘅精華，辣度十足，入味得嚟口感又煙煙韌韌，必食！

秋天天氣涼爽又唔會太凍就最啱去戶外活動，我地都要捉住秋天嘅尾巴嚟個單車放風之旅，係石門附近還車後就諗住食埋晚餐先走😆京瑞廣場都有唔少選擇，但我地就俾Seafood Ghost 門口嘅海報吸引住，諗都唔諗就入去坐啦😆Seafood Ghost 主打有兩款，招牌烤魚同火鍋，我地就揀咗烤魚做今日嘅主菜👍🏻首先要三選一揀條魚先，仲有細心咁寫咗低每條魚嘅特點，而我地就揀咗肉厚細嫩嘅海鱸魚，而湯底就揀咗出面比較少見嘅海南黃金酸辣烤魚，口味比較偏東南亞，湯底酸酸辣辣好開胃，配料仲有新鮮菠蘿片🍍，甜甜酸酸好醒胃😋$268嘅烤魚仲配有唔少基本配菜，例如：黑木耳、蓮藕片、薯仔🥔、萵苣等等其實食完烤魚仲可以加高湯繼續打邊爐，一物兩食，我地加點咗烤魚必食嘅紅薯粉、手工蝦丸同極上牛花𦟌等、蝦丸好彈牙仲食到粒粒蝦肉👍🏻第一次食牛花𦟌打邊爐，雪花紋平均，用嚟打邊爐牛味濃郁而且無想像中咁難熟，反而更有𡁻口，可以慢慢品嚐享受😎

12點下單，嗌咗兩個餐淨係到咗一個另外一個等到12: 43分鐘 才到。追左3次兩次都hea 我話追緊，第3次先真係追，服務態度極差。 食到一肚氣。 嘢食就還好唔差嘅，不過咁嘅態度真係搞唔掂

Lunch time 時間係石門同同事食飯4個女仔又唔想食太肥又有人進行緊生酮飲食所以就入來一人叫一個窩生酮既朋友仔就唔食個烏冬我叫左鰹魚湯雞肉窩，同烏冬湯底可以選擇其他泡菜口味等菜新鮮，有鮮冬菇，皇帝菜， 粉絲，豆腐。雞有鮮味，冰鮮雞來講ok，解凍得幾好冇雪臭味。烏冬好食，質地好好又冇酸。朋友叫左牛肉烏冬牛肉都好味，唔係果啲好多肥膏既肥牛食完個窩其實都飽左大半走果時朋友唔記得叫野飲，侍應外賣杯比佢拎走，都好細心下次可以再食

而家由鑽石山港鐵站乘搭屯馬線去石門只需要約15分鐘，非常方便。之前好鍾意去石門嘅 seafood ghost食手抓海鮮同壽喜燒，今晚黎到，原來店鋪已轉左食火鍋同烤魚🤔，反正黎到又見入邊都坐滿客人，一於轉軚食烤魚啦😋。先點重慶香辣烤魚，魚就選招牌（海鱸魚），海鱸魚的肉雖然會比較柴一點點，但卻十分的鮮美甘甜，細骨唔算太多，魚肉都可以一梳梳進食，口感唔錯；重慶香辣鍋入邊配料亦非常豐富，大量花生、芫荽、唐芹、豬紅、雲耳、仲有厚切薯仔🥔，大大增加香氣同飽肚感😋。再點碟頂級安格斯牛小排，牛小排雪花同肉嘅比例好好，肉質結實帶油筋且油脂甚多，入口慢慢咀嚼，油脂慢慢滲出，越𡁻越香，香味四溢。再點幾款用黎索汁嘅配菜，牛栢葉、金針菇、蜂巢豆腐、紅薯粉，全部都係索汁高手🤣，尤其蜂巢豆腐，一咬之下，辣汁從四方八面噴射，整個口腔充滿辣汁，大大滿足後再吞噬，繼而一口接一口將呢個滿足延續落去🤣。牛栢葉嘅爽脆度亦同金針菇有得揮😆，兩者口感都爽夾脆；最後出場嘅紅薯粉，咬落煙靱彈牙，既飽肚又好味😋。值得一讚，呢度店員都好有禮，而且好主動幫每枱客人加湯，我比個like你地👍🏻。

天氣涼涼地最好緊係打邊爐！好耐冇食過烤魚啦，見而家seafood ghost原來有烤魚同火鍋食！烤魚有三款可以揀，我哋就問咗店員最少骨嘅係邊一款，店員就推介我哋試下江團魚，我地揀左蒜香口味既bb辣除左烤魚之外仲叫左少少配料！個烤魚好香，而且仲好大條，餐廳已經細心地分成一半，魚肉好滑又唔腥，仲有少量萵筍、薯仔同埋芽菜肉類我地叫極品本地手切牛頸脊（小），估唔到都幾大份，仲好厚切，肉味都幾香另外仲叫咗紅薯粉、鴨血、生菜同埋皮蛋，食到好飽呀

喺OpenRice見到呢間有手抓海鮮食見幾吸引 諗住試下喺一期個入口又見到貼左poster話有烤魚嗰d點知原來午餐冇咩選擇 得十款左右嘅set lunch揀有韓、泰、印、港式嘅嘢食再配搭生菜同中湯 感覺怪怪地最後叫左部隊鍋正正常常 冇咩特別同屋企自己淥嘅感覺差唔多唯獨係份量多 芝士腸都食左5條到埋單嗰陣未過12:30見到話12:30前離座有9折但收銀本身想收正價 要提佢先比折頭之後唔會再嚟食午飯 京瑞應該有其他好食過佢嘅餐廳

沙田石門站附近的商場，進註很多特色餐廳，難得放假就搭屯馬鐵路過來逛一下。見到這間門口佈置幾特別，隻蟹仔好像會動的，原來是吃火鍋的。北海道昆布湯牛肉鍋 跟烏冬昆布湯比較清，淡淡的味道配牛肉也很好，薄薄牛肉片肉味香濃帶少許肥，烏冬幼滑夠彈牙。北海道昆布湯海鮮鍋 跟烏冬而海鮮鍋非常豐富，有鮑魚海蝦青口大蜆魚片等，一品鍋海鮮湯底很濃郁配上烏冬真的吃飽飽。壽喜燒 跟白飯午市套餐幾抵食，而包湯、主菜同飲品，壽喜燒湯底味濃配牛肉吃一絕加上一隻雞蛋伴吃，好像置身於日本一樣。凍柚子蜜 同 凍奶茶