Say Cheese (奧海城) (已結業)

喺奧海城都有唔少台式飲品舖頭，見呢度lunch time都冇咩人仲有位坐就揀咗嚟試吓。飲咗經典嘅珍珠奶茶，可能係因為叫咗半糖嘅關係所以冇乜味，叫返正常甜度應該會好啲。

捉緊暑假的尾巴，參觀完屁屁偵探展館，諗住去食個tea先。揀左呢間，可以食下咸點同甜點。叫左巴馬芝士薯條，pancake，心太軟。以下係餐廳既圖同真實既圖: Pancake，我朋友唔食香蕉架，但出黎既實物係有既。普普通通，唔知點解要等20分鐘心太軟，都預左係預先整定再叮返，無話好好食，又無話唔好食，好似餐牌甘有啲生果伴下碟會好啲薯條係ok脆既。但無諗過係芝士粉喺上面。唔係餐牌既溶芝士，即刻覺得唔值呢個價錢。。。餐牌左下角會寫住圖片只供參考都會比多次機會佢既，我見隔離枱啲焗飯吖，主菜係正常，賣相係吸引嘅。我諗淨係甜品失色啲掛。。。。

印象中這家的招牌是芝士奶蓋，對於唔鍾意奶味既我，是無緣一試的。事隔幾年，多左好多產品，最搶眼是雪糕雞蛋仔，但甜品不是我杯茶。行過想買杯野飲下，睇中鮮果茶，行埋cashier見到棟左個小食牌，原來賣埋街頭小食俾個牌吸引左，結果叫左氣炸孜然雞粒$22，加$18配指定飲品。指定飲品只有2款，一個是芋泥苿香奶茶，一個是鮮檸檬桃綠茶，我當然叫了後者。落單時，店員提醒我氣炸孜然雞粒要等10分鐘，加分，叫飲品時店員又問我是否需要少甜少冰，我話想要走甜，店員再問我是否希望完全唔加糖，我話係，店員照落單。等左10分鐘，因為是外賣，有個手抽袋裝好晒俾我，雞粒個盒蓋有開個洞仔疏氣，有埋飲管、竹籤、叉，遞俾我時我覺得好有禮貌，加分。對孜然雞粒本身沒有期望，打開個盒見到好碎，都有孜然味，底有鋪左生菜絲，夾埋一齊食就冇咁熱氣。鮮檸檬桃綠茶飲落真係冇加糖 (出面好多茶飲店，就算要求無糖，飲落都有糖水既甜味)，有少少新鮮水果香味。讚

懷疑外賣自取完全無跟預約時間做，冰都融哂，雞蛋仔又凍哂，那我選時間有何意思一落order 幾分鐘就顯示完全，I feel being faked and disappointed

Say Cheese係一間走年輕家庭路線的歐陸式餐廳，佢哋嘅餐飲款式都幾多元化，自家製創意甜品及飲品質素都幾高。飲品可以提供外賣，我就最鍾意飲佢哋嘅芝士奶蓋，因為真係比一般嘅芝士奶蓋更加濃厚，芝士味味重帶淡淡的海鹽味道。呢杯芒果芝士奶蓋，芒果汁係新鮮芒果嘅味道，打到好似沙冰咁。芝士奶蓋十分綿密濃厚，唔會好似有啲茶飲店調得太稀，好快就沉晒入杯飲品裏面，可以慢慢歎芝士奶蓋！

全新餐牌，就來夏天所以荔枝最吸引，我叫左荔枝紅茶再➕荔枝椰果，好飲到爆燈，無叫少糖，但係糖度剛剛好，而家多左好多野食，尤其系小食有雞軟骨，極度中意食噶野，不過要下次先，今日有D趕時間，無來幾個月間鋪賣噶野質素高左，穩日要好好甘坐低慢慢歎下先得

“紫薯珍珠鮮奶+麻糬”($38)身為煙韌控,經過呢間舖頭望見有麻糬嘅飲品即刻雙眼發光😍🤣呢道嘅飲品大概都係有奶蓋,奶茶,水果茶等等仲有雪糕,雞蛋仔,多士呢啲小食提供Menu上面冇一杯飲品係預設咗有麻糬嘅想要麻糬就要加$8當配料加😛叫咗呢杯稍為特別少少嘅紫薯珍珠鮮奶再加麻糬因為之後要食晚飯所以只要咗中杯😆飲品呈淡紫色💜入面除咗珍珠同麻糬都有啲紫薯蓉飲落味道唔算太濃,岩我呢啲唔係真係好鍾意紫薯嘅人😂要讚一讚係杯入面嘅麻糬份量係超級多😝食落似係Häagen-Dazs麻糬雪糕嗰隻味好彩只係要中杯😂食哂啲麻糬同珍珠都有啲飽飽地🤣

original cheese toast。。。其實就只有芝士加麵包，芝士雖然拉絲，但芝士味道不太濃。我很愛芝士，但這個組合。。。頗乾頗寡頗單調。還好，夠熱。。。否則會更差。。。

Lunch 想飲杯野，見到Food Panda 外賣自取仲平過Walk in,所以order 左杯芝士奶蓋碳燒烏龍茶。上層既芝士奶蓋好creamy, 又唔會好油膩，下層既烏龍茶都幾濃。因為叫左少甜少冰，所以唔會太甜，岩岩好。

今日一早出左黎，經過奧海城見未食早餐就買左2份吐司，一份係原味芝士拉絲吐司，另一份係黑松露拉絲吐司佢地有套餐嗌的+$15 可配飲品有珍珠奶茶或水果茶選擇另有雞蛋仔配M字頭雪糕等左大約15分鐘吐司同飲品到拎得左:西柚草莓水果茶，右:黑糖珍珠奶茶 唔講甘多食野先，西柚草莓水果茶🙄好難飲好似飲緊藥水甘反而黑糖珍珠奶茶，甜度剛好珍珠仲好彈牙添。可惜2份多士都唔脆又拉唔到絲真係有點失望黑松露咪就真係好香既。下次要即場食先得。

好耐無來呢間鋪飲野，今日特登過來買翻屋企食，因為堂食full左，見到佢地多左好多特別噶野，野飲水準依然keep住，奶蓋一樣滑香芝士味夠重，有小食當然唔好放過了，花枝丸我好中意食，唔系間間都可以做到好食，但是第一次系呢度試食，效果好好爽彈牙，裡面仲會有八爪魚🦑肉可以見到，所以佢地呢隻做到，氣炸無油都算健康，面頭有陣牛油香味食落唔油😋，天氣轉左又有秋冬特飲，我媽飲蘆薈柚子紅茶，我媽話甜度剛剛好，裡面有柚子肉同蘆薈肉，所以呢杯不防一試，整體無來甘耐，質素還keep到10分會比8.5分

芒果椰子芝士奶蓋，好飲，大杯飲完有啲飽。五點後買有折，大杯先三十一蚊杯，糖度固定左，只可以揀少冰定微冰。收銀沖野飲一腳踢，收銀姐姐好好笑容又有禮貌，絕對抵讚啊。

食完唔記得影相！Pros:1. 芋頭雞蛋仔好味，香口又唔太甜，不過有啲淋，30蚊2. 有位坐，幾舒服Cons:1. 芝士吐司，24蚊2. 麻糬珍珠奶茶（少冰走甜），飲品不能走冰，生理期既姐妹們可以退下喇😂，珍珠有咬口，但麻糬太爛，而且太甜。作為走甜控，我覺得甜過頭。Sum：可以食雞蛋仔

邪惡糸列—黑糖珍珠奶茶和芝士多士。半糖奶茶仍然很甜，多士的芝士味不濃。朋友叫了黑糖奶茶和南瓜雞蛋仔。我覺得南瓜味不錯，在其他店少有這味道選擇。如果雞蛋仔漲一些，會比較好。

今日路過奧海城，見到有say cheese 更系來芝士一下先了，不過今日星期日人多，買左野飲要等先有位坐，我試左店長推介😋芋泥珍珠鮮奶，超正吖果然系原材料鮮芋頭，我排緊隊買果陣，都見好幾個人買呢杯野，無試錯野👍👍👍👍👍，見到佢正噶時候筆左一大羹芋泥😍，到我攞噶時候，職員提示我記得用飲桶搞一搞d芋泥，一飲就已經系好香嘎芋頭味，早知叫大杯了😂，飲完有d唔夠喉，用羹去撩起d芋泥來食都好正，真系好鬼香，下次試下加芝士