Say Cheese (奧海城) (已結業)

今日試咗奧海城say cheese嘅黑松露拉斯多士（$28）+ 黑糖珍珠奶茶（套餐價+$15）。黑糖珍珠奶茶嗌咗半糖，唔會好甜，飲到茶味，但相對亦會無乜黑糖味。黑松露拉絲多士個size比想像中細，係兩塊好普通嘅方包夾埋。黑松露食落係幾香，亦好夠芝士，但就係份量比較細。

奧海城都有挺多手調飲品店，有連鎖的、有珍珠奶茶的、有黑糖珍奶的、有今次介紹主打芝士奶蓋的。這店除了有芝士奶蓋茶，有水果春茶、有咖啡朱古力、亦有珍珠系列挺吸引的，有胚芽及麻糬選擇。下次要嘗嘗看！今次先嘗嘗《芝士四季春茶》1/4都是芝士奶蓋，不用飲管可直接於蓋面的小洞直接飲，十分濃郁，奶蓋中混有茶香，十分清晰，能解了奶蓋的膩，更有回甘的味道。感覺還不夠爽快，直接開蓋大口地喝一口，超滿足的感覺湧出，更濃的芝士香甜，奶蓋十分十分棉。推介大家先開蓋好好地品嘗一番芝士奶蓋，再用小洞慢慢品嚐奶蓋與春茶的混合。絕配😍

於奧海城行街行累了 想找地方抖抖 便看到這手調飲物&雪糕店 有奶茶 有水果茶 有咖啡朱古力 有雞蛋仔 店內亦有5/6張雙人枱供隨便入座《芝士奶蓋四季春茶》不得了 表面的芝士奶蓋 十分挺身 傑傑的 先開蓋大大喝一口 滿滿的又濃芝士味的奶蓋 十分滿足 之後連四季春茶一起喝 啖啖的茶香解膩 最佳拍擋👍🏻《胚芽珍珠奶茶》胚芽量超多 每啖奶茶亦與胚芽味混合 十分香 而且奶茶本身不會很甜 港式奶茶的感覺 珍珠十分煙韌 這杯的口感度滿分如果經過可來嘗試一番 真是有質素的手調店

點了一份原味拉絲多士+西柚草莓水果茶賣相很不錯，喜歡這個笑哈哈水果茶其實是綠茶加草莓粒粒及三片西柚而已…沒有水果味😝不過加15蚊唔可以要求咁多拉絲多士是即叫即整的，熱騰騰包皮脆脆的芝士份量好多真的會拉絲哦$39一份下午茶可以坐低休息下，性價比算高了

今天和阿妹在奧海城行街，行到有d口渴和肚餓，但又唔上去餐廳食咁貴，只想食d小食，剛好見到這間飲品店Saycheese 有芝士吐司廿幾蚊加$15可配黑糖珍珠奶茶，正合我們心意😍😍 😍, 我們share 食芝士拉絲吐司,熱辣辣，好香，好脆，都幾好味😋😋😋，可能我本身鍾意食cheese . 下次會試埋黑松露芝士味吐司和黑椒芝士味吐司。黑糖珍珠奶茶，甜度剛好，珍珠好Q, 都ok. 價錢都合理。 下次會試下鮮果茶。

🍨雲尼拿夢幻杯（💲56）因為幅圖好吸引，所以就試一下先。雞蛋仔即叫即做，蛋味都有，但就唔夠脆。雲尼拿雪糕上面有士多啤梨醬加彩虹粒粒，個底仲有粟米片🥤麻糬珍珠奶茶（💲28）茶味香濃，但麻糬唔夠咬口，有D容易癡住D珍珠。🍎鮮蘋果茶（💲21）茶味唔太出，似飲緊蘋果汁，唔太特別。—

行街行到攰見到say cheese，有位坐於是諗都冇諗就行左埋去。雖然芝士奶蓋好邪惡，但店內最出名緊係要試下。叫左杯推介既手造椰子芒果芝士奶蓋，因為閒日店內冇乜人，好快就沖好左，但味道令人失望😞。最大期望既芝士奶蓋冇乜味，似一層鹹鹹地嘅厚cream多過似奶蓋。飲品偏甜，椰子味只有第一啖飲到。唔知係咪溝太多水，芒果汁完全冇芒果味。有半杯都係冰，飲到底先見到有幾舊芒果果肉。應該唔會有下次。店內只有一位員工，沖飲品執枱都係佢，有好幾枱都未有人執枱，明顯唔夠人用。

奶蓋淡口阿薩姆紅茶男朋友叫左招牌芝士奶蓋茶系列, 奶蓋幾fresh, 茶底就略嫌太淡唔夠甜 (無叫少甜or少冰), 甜味全來自上面嘅奶蓋, 可能會岩唔鐘意飲甜野嘅人(?)綜合鮮果紅茶我係水果茶fans, 當然要叫水果茶飲下, 我就叫左半甜。但同一問題就係好淡, 茶底可以話無咩味, 唯一嘅味道就係來自D水果, 但最大問題係水果係苦嘅(西柚真係酸到苦><), 所以成杯茶基本上係苦加上好少嘅茶味!!  唔好甜野嘅人或者可以一試!

最近潮流興飲芝士奶蓋我老婆都好鍾意周圍去試唔同嘅芝士奶蓋今日經過奧海城見到呢間招牌寫住 Say Cheese顧名思義佢個芝士奶蓋應該好好食啦其實杯野係幾好飲嘅杯茶有好清新嘅感覺雖然我唔知咩叫蕯姆茶但係佢同芝士形成強烈嘅對比飲落去個感覺好特別同好複雜然後見到咁岩又有Movenpick難得又有冧酒提子味就買咗兩個球黎食但係睇完張單就覺得好貴

襯著這個十號波的周末，整理一下電話裏的相片，發現上星期與舊同事們的甜品之聚會，呵呵，甜品真係好好食，睇見又想去食啦。主要是飲品外賣店的Say Cheese，也設有坐位比食甜品人仕，甜品選擇也很多呢。炭燒烏龍茶芝士奶蓋（$28）＆茉香綠茶芝士奶蓋（$28）自己喜愛芝士奶蓋，當然要點番杯，要左烏龍茶走甜，茶很香很濃，但不苦澀，配埋又香又滑嘅芝士奶蓋真係好正。再要讚讚個杯嘅設計，有一邊有個開口可直接飲，咁樣就可以茶同芝士一齊飲到，飲到咁上下先插飲管落飲管口，攪拌後又係另一番芝味PS。同事話佢杯綠茶都好正。抗氧清果茶（$32）＆特調鮮檸檬桃茶（$26）另外的同事們飲左水果茶系列，用新鮮水果沖泡，有果香又不過甜杏仁布朗尼蜜糖多士磚配楓糖核桃雪糕（$88）甜品呀～甜品呀～自己點左多士款式，賣相超靚核桃雪糕又香又滑，一分錢一分貨果然真係無講錯，movenpick雪糕多口味又好食Brownie朱古力味勁濃，多士磚吸了蜜糖同朱古力醬又甜又有口感，點埋下層個芝士奶蓋無得輸三重朱古力杯（$68）同事個朱古力杯，唔好睇佢細細杯咁，相當墜手㗎，香口軟綿的雞蛋仔加埋勁多朱古力配料，朱古力控表示大愛，好正呀芝士迷杯

這一天，來到奧海城，正打算坐車回家，但口渴難耐，便到這間在奧海城開業不是太久的 Say Cheese買飲品喝。本想買外賣的，但見店內客人不多，只得一個而已，便改變主意，決定坐下喝罷才回家。店內大部分的飲品雖說都有果汁成份，看來健康，始終糖分較高，這天我已喝了不止一次凍飲，便決定健康些，買一杯店中推介飲品之一「鮮薄荷茶」（$19）試試。只等了一會，飲品便已做好，只見泛著青黃綠色的飲品上覆蓋著多塊薄荷葉，未喝已感清涼。啜一口，茶味重，也有薄荷的清新，但沒有絲毫甜味，証明沒有下任何糖水、糖漿之類的東西。這「鮮薄荷茶」健康應該是健康的，也夠清新和解渴，但味道並不討好，我雖能達到解渴的目的，但應該不會試第二次。你又有沒有興趣試試?

經過了很多次, 一直都想試他們的飲品，但見到差不多$40就沒有去試。不過今天行過，真的很想試一下。因為他們的圖實吸引!我們當然叫有芝士的飲品，另外叫多杯會有半價所以我們叫了果茶。飲品到了，發現實物跟相完全很大差別（你們看看我拍的相）。味道方面我覺得可以的，但我身邊的一位說跟內地的喜茶有天淵之別! 果茶就坦言無味。我下次不會再試！今天我們吃完晚飯後小朋友說想食甜品，我們想起這家有雞蛋仔的甜品所以再去。去到想下單的時候他說賣光，我們只好選另一些窩夫！要等大約10至15分鐘才到。我覺得甜品是可以的因為即叫即做味道都可以。窩夫cream來都有之事的元素另外你可以自行加棉花糖及其他脆脆材料，good 今晚加分不少吧吧！

今日肥雞經過大角咀奧海城嘅珍珠奶茶舖 見到新開咗間珍珠奶茶鋪叫say cheese， 見到都好多人排隊所以就試下 肥雞叫咗杯麻薯珍珠奶茶微甜少冰 茶味香農咁嘅甜到肥雞覺得啱啱好 肥雞大佬嗌咗杯 淡口阿薩姆奶蓋反而就覺得冇咁好飲茶味太濃有啲澀

是晚黎到呢個商場一枝公嘆個晚飯，對於芝士零抵抗力既我，於是去左用cheese做店名既餐廳食飯，之前食過佢地既spaghetti，今次一於試下佢個飯一入內店員就熱情招待，服務好好Menu好多選擇，我都苦惱左一陣一坐低就送左個甜爆谷比我，又幾好食跟飯送飲品我覺得晚餐黎講好抵，冰西柚紅茶又幾好味，唔會係果啲求其特飲其實呢個豬柳係做得幾好食，炸粉唔算厚，芝士都係拉得起絲果隻唔算少，蛋就係正常日式滑蛋既做法，所以敗筆係，個飯！個飯係硬到爆既狀態，我唔係話鐘意食軟飯，但都唔使硬到好似無落水去煲咁掛唔會再試呢度既飯！

去開奧海城，又想飲下茶，再次幫襯呢間say cheese,上次試過佢既鮮果烏龍茶認真麻麻地，叫佢少冰，仲係勁多冰，又黑口黑面咁，服務態度唔講，啲茶勁鞋口，又無乜水果香好啦，諗住俾多次機會佢，試下市面上好出名既芝士奶蓋茶，仲特別揀左佢果到寫住推介既淡口阿薩姆茶...一飲...無乜芝士味咁，茶又係鞋口既，帶苦多過甘...話佢係奶茶又唔係........真心覺得唔好飲🤮平時都唔鐘意浪費，最後果啲真係飲唔落去應該唔會再幫襯，感覺唔到佢地對沖茶既熱誠🤢希望佢地會有所改善，唔係維持係咁既狀況