Samsen 泰館

營業中

休息中

呢間Lunch hour成日都爆滿，試完就知真係返唔到轉頭😋不過價錢黎講都算偏貴。Menu 上既菜式都除咗有基本既泰菜，仲有啲比較特別既菜式似係呢間獨有既，而裝修方面主打懷舊風既泰式風情～樓頂幾高身坐落好舒服泰式和牛配油炸雞蛋本身抱住試伏既心態去叫呢個餐，點知試完幾驚喜😋和牛份量都幾大，辣辣地炒得好香，加埋半熟蛋撈飯超正！一啖接一啖愈食愈上癮😆仲有魚露汁送飯～泰式虎蝦炒金邊粉 大大隻虎蝦真材實料好彈牙，調味岩岩好，而且配料都非常多。

去上環辦年貨，順便試吓人氣泰國🇹🇭菜好彩過咗lunch 時間，完全唔使等位裝修富有泰國街頭特色，清一色泰國人（servers）可以扮下自己去咗泰國Menu 只有檯面一張紙，種類唔多～ 可能係貴精不貴多泰式俯下炒金邊粉$148金邊粉炒得均勻香味十足，酸辣配合得剛剛好。泰北咖喱牛金麵$148有啲喜出望外，牛肉好林又入味，基本上唔需要用牙力，湯底相對外面較多，咖喱味濃郁，金粉軟硬度適中可以加$18 配lime soda or Thai (milk) tea價錢略貴，但可值得一試

Samsen 泰館 📍上環蘇杭街23號地下━━━━━━━━━━━━━━━━━━━━━━━━━━━━上次係灣仔試咗佢地嘅船麵好有驚喜 今次就約埋friend嚟上環試吓其他菜色 雖然冇第一次咁驚喜 不過整體水準不錯🤩 雖然價錢偏貴但質素有保證━━━━━━━━━━━━━━━━━━━━━━━━━━━━🦀 招牌泰式蟹肉炒飯 $158 +10% ▶︎ 炒飯入面有蟹肉 蛋 蔥花等 配料存在感不大 覺得蟹肉更有口感嘅話會比較好▶︎ 調味偏清淡 炒得粒粒分明又唔會好油 算係唔錯 係食落覺得順口嗰種🤏🏻▶︎ 配嘅辣椒醬後勁都幾辣🥵好味指數:●●●●○━━━━━━━━━━━━━━━━━━━━━━━━━━━━泰式虎蝦炒金邊粉 $148 +10% ▶︎ 炒金邊粉 配料有花生 豆腐粒 榨菜 芽菜 蝦乾 洋蔥等 仲有四隻幾大隻嘅虎蝦▶︎ 虎蝦新鮮彈牙 配料味道都正常發揮▶︎ 不過金邊粉口感有少少過淋 我會比較中意再彈牙啲▶︎ 比起之前試過嘅炒金邊粉 呢間相對嚟講鹹味同甜味都偏淡🤔好味指數:●●●◐○━━━━━━━━━━━━━━━━━━━━━━━━━━━━泰北咖喱雞金麵 $148 +10% ▶︎ 台北金麵配上咖喱湯底 有雞上髀同下髀

平日冇特別事都唔會過嚟上環，但朋友力推蘇杭街有間「超好食」嘅泰國菜，於是慕名一試。試完真係不得了，食物超高水準，食完已經想encore。後尾上網睇返，原來餐廳曾獲米芝蓮推介，真係值得推介！———❝ 泰北肉碎生菜包（鴨）| $128生菜鮮甜爽口，肉碎辛辣惹味，當中更加帶有鴨皮嘅油甘香🤎 出色出色！評分：7.5/10———❝ 招牌泰式蟹肉炒飯 | $158👍🏻153坐吧枱睇住廚師裏面嘅師傅即叫即炒，上菜嗰陣熱辣辣，而且鑊氣十足。炒飯粒粒分明，蟹肉大嚿又厚實，加上炸蒜爆香，完美做出「色香味俱全」嘅神級炒飯，必點❗️評分：8.5/10———❝ 泰式街頭椰子雪糕 | $78👍🏻椰子雪糕味道清甜，口感順滑。面頭鋪滿椰肉、脆花生同甜粟米。最誇張係雪糕裝滿成個椰子殼，非常足料，必試❣️評分：8/10———❝ 香茅荔枝梳打 | $52梳打醒神又解渴，唔會過酸，香茅味道亦夠突出。評分：7/10———❝ 椰青 | $62椰青味道清甜，水多椰肉嫩。好飲係好飲，不過同食物一樣，定價比一般泰國餐廳稍高。評分：7/10———Samsen 泰館📍餐廳地址：上環蘇杭街23號地下

〖米芝蓮推介泰菜🤩〗人氣長龍店Samsen泰館😍必食和牛串燒👩🏼‍❤️‍👨🏻泰式煎餅｜翟道翟式椰子雪糕｜不限時聚餐好去處｜詳細食評｜自費食評｜上環美食｜粵語中字｜4K Eng CC我們要等45分鐘這間餐廳沒有訂位全部都是walk in, 不能訂位試下這杯香茅荔枝梳打很漂亮 看到杯上寫著Samsen見到會有一個荔枝啦同埋好重香茅在這裡荔枝味道清新不會很重荔枝糖漿味道看上去很夏日 很清新而香茅味就不太喝到炸魚餅啦聞落去都是有好香的香茅味道吖試一下喔有微微的酸 微微的辣我還未沾它的醬有鹹鹹的味道 挺重的裡面有豆角吃下去很香有魚味 我覺得很好吃這個是和牛串燒一客有4串的因為我們5個人 是可以很好吃呀 吃第一口很juicy還有他挺厚身有辣粉在上面啦還有洋蔥我還沒沾醬建議大家不需急於沾醬因為泰菜的香料挺重 味道夠泰北咖哩牛金麵上菜時有一個大碗再分我們五人的份量啦多謝朋友仔 很努力幫我們分麵聞上去有很香的咖哩味麵條是蛋麵來而他的牛是似牛腩或者牛肋肉試埋個脆脆脆脆是點綴來本身咖哩都很香濃喔如果想個味道再rich一些可以一口牛肉 一口麵再加脆脆口感就會豐富試下Pad Thai啦Pad Thai有蝦啦有青木

水準依然，好有泰國feel 🇹🇭椰子怪魔又返嚟食呢度嘅椰子雪糕啦，真係好好食。又香又清甜，加埋花生粟米同椰子肉口感夠多層次，一絕前菜今試吓新嘢，要咗煙熏茄子虎蝦沙律。隻蛋好好味，茄子唔會有臭青味，蝦肉亦都夠彈牙～唔錯，但當然串燒更出色～不過作為一個沙律係合格有餘啦～蟹肉炒飯睇落去白雪雪但係唔會悶，因為入面有好多一絲絲既蟹肉，飯底亦都炒到唔油又夠晒乾身。加埋小小泰式酸辣汁調味更爽～泰式和牛炒河 d 河粉口感有小小似涼皮(?!)，比較闊身同埋薄所以夠滑得嚟可以炒到超級惹味～和牛唔會好肥，加埋泰式調味又香又辣好開胃～samsen 真係長期做到樣樣都好吸引，抵佢成日都咁多人～等位都值得既~ ((上環蘇杭街店比灣仔店寬敞同埋唔使排咁耐隊～同埋6人以上依家可以網上訂位更方便))

唔使隔離之後個個都去晒旅行，未有得去泰國，唯有食住香港米芝蓮泰國菜先！聽講呢間鋪平時都大排長龍，又冇得book枱。星期六我哋特登喺佢6點開舖前半個鐘就排隊等，大概5點9，就已經有20個人排隊，6點3已經全場爆滿，不過用餐時間係90分鐘，所以7:30都已經會係食第二輪，想去食嘅朋友就要留意啦！沙嗲雞串燒 ($128)好耐未食過咁滑咁juicy嘅雞串燒，口感一流，但係本身啲雞已經有調味，再加上沙嗲汁其實有啲重口味，沙嗲汁偏甜入面仲有啲花生碎。伴碟嘅青瓜完全冇青瓜嘅草青味，我同男朋友都覺得佢用糖水浸過🤣一份有5串！泰式奶茶 ($46)泰奶茶一如以往都係甜到不得了，都係冇得嗌少甜，但係食泰國嘢又點少得一杯正宗嘅泰式奶茶呢！泰北咖喱牛金麵 ($148)聽落價錢有啲貴，但係好大碗，本身都驚啲牛會唔好食，因為泰國出名食豬多啲，但係呢間啲牛非常嫩同肥美，加上煮得好入味，成碗起碼有八舊牛，非常足料！啲麵可以因應個人口味，加上青檸汁，蛋麵食到有少少鹼水味扣咗分，但勝在咖喱味香濃，都掩蓋到啲鹼水味！另外呢個麵有芫荽，唔食嘅朋友記得叫佢走！😭蛋麵彈牙，炸豬皮脆口，浸落湯吸晒啲咖喱汁🤤🤤好回味！泰式蟹肉奄列 (

叫左虎蝦炒金邊粉同蟹肉炒飯, 金邊粉正常水平, 冇乜特別, 炒飯幾好食, 有唔少蟹肉. 收百幾蚊一碟野, 但服務就衰過茶記大排檔, 門口帶位個個好似得罪佢全家咁, 又懶型又冇禮貌, 入面侍應又係度催人落單, 以為用英文D客就唔覺佢係催緊人你要好似茶記咁講翻枱率就唔該price番幾十蚊水平 冇下次

終於試咗呢間咁火爆嘅泰國餐廳！餐廳未開門，門口已經大排長龍，好彩朋友早少少過去搵位，先至可以第一輪坐低食飯。因為lunch關係，我哋兩個人叫得簡單啲，叫咗一個泰式和牛炸雞蛋飯，同埋炒泰式虎蝦炒金邊粉，再配左一杯泰式奶茶！食物味道確實係不錯，但略嫌價錢有點貴，埋單合共$334。

食完先至係米芝蓮嘅餐廳，原本以為係一間普普通通平平無奇嘅打卡餐廳，仲喺度諗點解咁多人排隊，點知食完真係會上癮，幾乎每一個月都會食一餐🤣🤣真係特別出色嘅係和牛炒飯！雖然係有少少油，但係真係好香口，雖然啲和牛粒比較細，但係牛味好重，每啖食落去都充滿着牛嘅肉汁🤤佢嘅好味程度已經蓋過其他嘅菜式除咗和牛炒飯，佢嘅串燒都係好吸引，淡淡好Juice，大大嚿，食落好過癮😆再配埋個傳統泰式醬汁，又辣又香口，食到停唔到口仲有個奶茶，非常之傳統，飲得出好濃嘅茶香味☺️如果你係真係想飲正宗嘅泰國奶茶，真係要黎試吓

ღ上環米芝蓮泰菜 🇹🇭ღ 沙嗲雞串燒 $88總共有5串，雞肉嫩滑👍🏻！個沙嗲醬極加分，好濃郁creamy，仲會食到粒粒花生😍ღ 泰式虎蝦炒金邊粉 $148蝦都幾大隻同埋幾多豆腐粒，金邊粉有少少偏淋身嗰啲，仲有青木瓜絲一齊食，可以減低成件事嘅油膩感😚ღ 招牌沙嗲蟹肉炒飯 $158蟹肉份量多，個飯都都炒得夠乾身粒粒分明😛ღ 炒通菜 $88加左好多蒜粒乾蔥喺面，食落惹味，會忍唔住係咁食🤣美中不足係有啲太油膩🤣==============================🍴 Samsen📍上環蘇杭街23號地下==============================

Vibrant eatery delivering authentic, bold Thai street food flavours to Hong Kong. 🇹🇭📍 𝐒𝐡𝐞𝐮𝐧𝐠 𝐖𝐚𝐧𝐒𝐚𝐦𝐬𝐞𝐧 @samsenhk Named after a neighbourhood in Bangkok where historically the Chinese and Thais traded, Samsen has been popular from the day it opened its door in Wan Chai in 2016.This Sheung Wan branch is a newer addition and my personal favourite because it has more seating and you usually wouldn’t have to wait too long for a table. The two locations’ menus are slightly different but they both have

之前食過灣仔嗰間已經覺得係喺香港食過最好嘅泰國船麵 😻今次難得朋友一齊得閒搭正12點開門前已經嚟到排隊門口已經有兩三個人排緊隊去到開門前人龍已經大概有10個人呢間比起灣仔嗰間大好多 雖然兩間嘅樓底都係好高但係呢間明顯大兩三倍👍🏼餐單都有少許唔同 所以今次就叫咗上次冇試過嘅嘢頭盤分享小食，主菜同甜品🤩椰子沙冰 🤍🤍🤍🤍芒果沙冰🤍🤍🤍泰式奶茶🤍🤍炸蝦餅🤍🤍🤍🤍木瓜沙律🤍🤍🤍🤍🤍黃咖喱雞麵🤍🤍🤍蟹肉炒飯🤍🤍🤍泰式金邊粉🤍🤍🤍🤍芒果糯米飯🤍🤍🤍🤍🤍因為我哋有成三個人所以就可以使好多唔同嘅食物兩位朋友本身都係泰國人 連佢哋都話正宗加好食雖然價錢偏高但係食物質素相對都高 食好嘢就唔好睇價錢同話減肥啦🫴🏽上次已經喺灣仔飲過泰式奶茶所以我今次就叫咗椰子沙冰 👌🏽出邊好似比較少有椰子嘅沙冰 味道唔錯清涼夏天飲一流炸蝦餅份量好夠 青瓜點汁都好有味👍🏼木瓜沙律份量同味道一流 正宗泰國木瓜黃咖喱雞麵 湯底好濃郁 但係比起佢哋嘅船麵我覺得比較失色🤞🏼蟹肉炒飯分量剛剛好 蟹肉係新鮮蟹拆出來 🫶🏽泰式金邊粉有至少五六隻蝦 最後嘅芒果糯米飯雖然價錢係出面嘅雙倍但係都好值得一試唔使講一定會返嚟再食🫶🏽🫶🏽🫶🏽🫶🏽🫶🏽🫶

4/5Is was very hot that day, the watermelon ice helps a lot, sweet and refreshing. Thai milk tea is not too sweet but tea flavour a little light. Papaya salad is nice but abit too spicy, like the nuts and tomato giving a different texture and sweetness to it. Ordered the curry chicken noodles as well, SO Good! Curry soup nailed it, noodles eggy and bouncy. chicken very tender but could slightly taste the bone blood.

除咗上網發掘美食之外，最好嘅方法絕對係問吓身邊嘅朋友有咩好推介!果日同兩個好鍾意捐窿捐罅嘅朋友一齊去咗上環既Samsen ！ 仲記得佢哋第一次講起Samsen嘅時候不謀而合嘩真係好好食! 真係聽完之後會被吸引咗去試一次! 平日嘅晚上去都唔少人，要等大約兩三張枱。一行三個人帶咗兩個前菜,兩個主菜,兩個甜品，一邊傾偈一邊食飯簡簡單單嘅夜晚覺得都唔錯！ 瞓啦來講唔會係好大好多，喺剛剛好！所有菜式都有種好地道嘅感覺，好鍾意佢個椰子雪糕！真係喺個椰子殼上邊然後會有啲凍冰冰嘅粟米，好味道！