S2 鐵板燒 (已結業)

天氣涼，除了吃火鍋，還很喜歡吃鐵板燒！知道佐敦最近開了一間「S2 鐵板燒」，跟中環的「S2 Kitchen」同一個老闆，這天剛好在餐廳附近工作，就進去試試。 餐廳地方不大，除了圍著鐵板枱的座位外，還容納了幾枱桌椅。但吃得鐵板燒，最好是坐近師傅吧，可以欣賞大廚的表演嘛。 我們這晚叫了一個「香蒜薄燒牛肉鐵板」($450) 和一個「日本十勝豚肉」($450)，兩個都不錯，以下介紹套餐有甚麼好吃。 沙律盛合杯 三點刺身 (牡丹蝦、帆立貝、時令刺身)未吃鐵板燒前，先來前菜熱熱身。刺身不錯，夠新鮮，尤其牡丹蝦頗鮮甜；帆立貝用檸檬墊底，吃時滲透著檸檬的淡淡鮮香。 西京醬煎煮銀鱈魚 第一味是銀鱈魚，除了煎魚，師傅還用火槍噴盛器上的汁，很濃稠的，是甚麼？原來是西京味噌，吃起來甜甜的，加上銀鱈魚是無比的香滑，實在很好吃。 香煎牛脷伴海膽他他汁 牛舌也很好，厚薄適中，夠腍身，吃時配一點酸酸甜甜的他他汁，減低了油膩感。 鐵板焗大蜆 蜆大而肉嫰，開口後加入蒜蓉，惹味又鮮甜。 香草煎焗三文魚 師傅輕煎了三文魚的表面，外層香脆，尤其是魚皮，很脆口；裡面仍然是魚生，厚厚的一塊，吃起來大滿足！ 美國薄燒牛肉

早排食過隔離兩條街嘅日本料理，估唔到今晚又黎佐敦食日本野，不過係日式鐵板燒。除左柯士甸站，佐敦站行過黎亦唔遠，大概十分鐘路程。好少行到入黎搵食，原來呢條街，都暗藏不少食肆。一坐底，送上熱花旗參青檸茶，略苦，但別出心裁。食嘅係香蒜薄燒牛肉鐵板餐($450)，人一多都等得耐啲，證明好生意。沙律新鮮，尤好蕃茄，十分香甜。日本野始終唔少得刺身，牡丹蝦、帶子仲有三文魚，最切合港人口味。主菜有西京醬煎煮銀雪魚。西京醬係由白味噌弄成嘅醬料，鹹香之餘帶點甜味。另一主菜係煎牛脷配海膽他他汁。味道比賣相好，爽口。美國薄燒牛肉，入面包住香蒜蔥花等，味道特出。黑松露炒飯，黑松露香口，飯粒分別，唔太油膩。炒雜菜，食完肉清新一下。時令紙包蜆湯，同行朋友有雜菜蜆肉味噌，我呢個就係忌廉西洋菜蜆肉湯。先係鐵板上整熱湯包，上枱黎自行淋上忌廉汁，幾香滑。季節性甜品，原來係泡芙，食完熱氣野，當然要食啲凍嘅甜品中和下。

今日同一大班姊妹嚟左新開嘅S2鐵板燒晚餐，原來呢度就正正係我同家人成日嚟嘅順德公對面。一坐低就係咁影相呀，呢度好有日本氣氛。生猛龍蝦，新鮮鮑魚都係我嘅至愛。當然一定要有一手廚藝煮得好食先得啦。店員嚟一杯柚子蔘茶，好特別，從來都未飲過，唔知係自創定係流行呢。我地點左一支sake，老闆仲俾咗個好得意嘅玩具我哋玩，我哋一邊玩一邊飲好開心。一路望住大廚烹調美食，就一路流口水啦，非凡嘅廚藝，配上新鮮嘅食材。賣相一流，嘩！勁好味，清得乾乾淨淨。我最鍾意就係放喺方包🍞上面果d牛肉。包着即炒嘅蒜蓉，10個like 💯，勁勁勁好味，係必食！最後想過湯包勁可愛，我係鐵板上滾，望住膨脹，真係好搞鬼又創新。今餐晚飯好玩又好食，下次一於帶埋家人嚟享受一下！

位於佐敦的S2 kitchen ，是一間鐵板燒日本料理餐廳。今天相約一家人一齊來吃晩餐，一人選擇一個鐵板燒套餐，互相分享，很開心很溫暖哦。香蒜薄燒牛肉鐵板$450/位套餐包括: 沙律， 刺身，主菜，主食，甜品。沙律雪得夠凍，蔬菜清爽，口感清新，刺身有牡丹蝦，帆立貝，三文魚腩。牡丹蝦非常大隻，質素彈牙爽口。三文魚腩厚切肥美，味道不錯。主菜有三種，包括: 西京醬煎煮銀鱈魚，香煎牛脷伴海膽他他汁，美國薄燒牛肉。西京醬煎煮銀鱈魚，燒得非常漂亮。魚皮薄焦，香脆可口，油份滲出，魚香迷人，肉質腍滑，醬油帶甜，非常好吃呢。香煎牛脷伴海膽他他汁，牛脷頗為厚切，每片肉質軟腍，同時帶有嚼勁，配以他他醬汁，膩感減底，也美味阿。美國薄燒牛肉，牛肉充滿牛香，燒後亮晶晶，肉質腍嫩，可惜下油太多，滿咀都是油阿。最後有黑松露炒飯，炒飯滿有松露香，加入煙肉，更有西式風味。可惜飯量過少，不足一碗，有點過鹹過油哦。甜品有雪糕萢芙，一人一粒。

結婚周年紀念日，選了這間新開張和有不少正面評價的鐵板燒餐廳。按訂位時間晚上7時到達，圍着鐵板燒台的座位卻滿了。心裏非常失望，一心希望可和小朋友一起欣賞鐵板燒師傅的功架，只能埋怨訂位時自己沒說清楚。正準備離開，店員卻上前來查詢我們是否想坐圍着鐵板燒台的座位，我們點頭示意。店員轉身便上前跟圍着燒台的客人談了幾句，可能是熟客，或可能大夥兒聚會長枱也方便，很快圍着燒台的客人們便移到另外的長枱上，把近燒台座位讓給我們。我們心裏不好意思，但對店員和客人的互動感到十分欣賞又感到驚訝。店裏座位其實不多，待一點兒之後大部份座位也給坐滿了。鐵板燒師傅名為樂師傅，在整過過程一絲不苟，造每道菜也十分認真，功架更是毫無疑問了。幾位店員對樂師傅指示加以緊密配合，在客人落單、上菜時序和餐桌安排上努力確保順，淨是看着師傅和店員的配合為每枱客人上菜一道接一道，我們一面吃一面看已感受到食物和各運作上前前後後的安排細緻，丈夫吃得很投入，也給我很好親子的課題。食物味道精心安排，店員對客人也周到，樂師傅見有小朋友更造了一道鐵板焦糖多士。整個晚餐十分滿足，美味食物加人情味濃厚，絕對值回票價。

其實我都好喜歡吃鐵板燒，但香港大部分都比較昂貴！不是大時大節，真的很少去吃！這一次是朋友推介，他是S2 Kitchen 的常客（但我還未有機會去）他說現S2 Kitchen的樂師傅開了一家鐵板燒在佐敦便拉我一同去吃！他說明樂師傳在的話會有驚喜！果然是真的很驚喜，很滿足的一頓晚飯淨看menu的封面已別樹一格了！我們坐酒吧的位置，是可以望著樂師傅造菜的！一坐下，店員便幫我們倒熱水，打開看到有一粒野，但我們不知道是什麼！便問一問樂師傅，他說是青檸柚子花旗蔘茶！這個是需要焗一焗才可飲用，是有清熱作用的，而且是無限添飲喔這裡有幾款不同的套餐，除了主菜不同，其他都大家都有的！這次我選了日本十勝豚肉set  ＄450首先會有每個set都有的沙律盛合杯這個菜凍凍的，加了一件大鴨胸及蕃茄配了芝麻沙律醬，可以開一開胃！三點刺身有牡丹蝦，帆立貝、三文魚！全部都大大隻及好新鮮 份量不多，因為好戲在後面！鐵板焗大蜆這個是完成品，但其實都花了點功夫的！先用了蒜蓉辣椒去炒個醬汁出來！然後把他們焗一焗！等蜆開口加上醬汁，便可吃用！蜆很新鮮，爽口彈牙，而且醬汁不會太辣香草煎焗三文魚這個還未是主菜，但看到這個很厚切的三

前兩日收到中環S2 Kitchen樂師傅電話，我係佐敦開左一間S2鐵板燒，今日放左工帶埋我另一個同事去試下，中環同佐敦有好大分別，中環係食魚生多，而佐敦係熟食為主，一踏入佐敦S2鐵板燒裝修好有日本感覺，打開餐牌見到香蒜和牛套餐，一向牛魔王嘅我當然唔會放過，平時去食日本餐都係食綠茶同玄米茶，今次好有驚喜飲花旗參加一粒青檸，聽樂師傅講食鐵板燒比較熱氣，用花旗參來抵消，又唔想杯茶咁孤單所以加一粒青檸仔，樂師傅你真係好貼心，先來個沙律用杯上，沙律菜青新，然後刺身3點（牡丹蝦超大隻，刺身帶子鮮甜，三文魚切得好厚），主菜出現西京銀鱈魚我食得多，今次樂師傅用一個焦糖麵鼓做法，另到我喜出望外，好味到無法形容，牛脷平時我食開都係串燒，今次用鐵板煎比起串燒更香更好味，我再其待牛肉終於出場，原來選用美國安格斯肉眼，牛肉味特出，肉身比較霖，入面夾住葱花同蒜片令到牛肉去到另一層次，食到牛肉巳經飽飽地，本來想唔食嗰炒飯，但係樂師傅話食鐵板唔食炒飯點得架，就比面樂師傅飽都要食，見到飯還飯，雞蛋還雞蛋分開炒，平時我食開鐵板炒飯都係所有材料一齊炒，樂師傅你炒飯好特別，最後加埋我最愛黑松露，令我無辦法唔食，我見到樂師傅用

之前食過樂師傳中環s2海膽盛宴食過返尋味Open rice搵到s2有新野，立即要試！豆腐沙拉，凍冰冰、滑口，味美刺身（三文魚、大蝦、凡立貝）水準中上！啖啖鮮味！銀雪魚、麵鼓醬呢個好強！好好味！海膽他他汁配牛脷（香蒜牛肉餐裏面嘅細項）桃配香煎鵝肝呢個配答好襯呀！牛油蒜蓉紫蘇葉日本生蠔（散點）好強好好味白鱔（鰻魚）（散點）魚皮好脆，好好味呀薄燒美國牛裏面有蔥花和蒜片A5和牛未算入口即溶，不過口感唔錯，牛香滿天飛黑松露炒飯，太好食，好影相就食晒湯黑松露、西洋菜、西蘭花、蘑菇湯、大蜆清湯每日都有唔同精選***四人晚餐飲飽食醉，佐敦很好尖沙嘴又驚人多，佐敦人少d呢度性價比高，味道好！值得一來再來！

早前試過位於石板街的S2kitchen，覺得唔錯，今日就嚟佐敦，試埋S2鐵板燒，同樣冇令人失望！香蒜薄燒牛肉鐵板＄450/一人前沙律盛合杯三點刺身（牡丹蝦丶帆立貝、時令刺身）西京醬煎煮銀鱈魚銀鱈魚味道鮮嫩，配西京醬非常美味😍香煎牛脷伴海膽他他汁美國薄燒牛肉S2特色黑松露炒飯S2鐵板時令紙包蜆湯用紙包住蜆湯在鐵板上加熱，製法非常特別！精選季節性甜品非常邪惡嘅焦糖牛油麵包🙈🙈——————————————日本十勝豚肉 $450/一人前呢個餐一樣有沙律盛合杯、三點刺身、S2特色黑松露炒飯、S2鐵板時令紙包蜆湯、精選季節性甜品，而主菜就唔同：鐵板焗大蜆海鮮類都十分新鮮👍🏿香草煎焗三文魚日本十勝豚肉厚切坐吧枱可以望住師傅炮製美食，又係另一種享受，非常滿意呀！

秋涼天，最好就去鐵板燒或打邊爐，因為可以吃到最熱騰騰的食物嘛。這晚獨自一人在佐敦，就去鐵板燒囉~在柯士甸站出口不遠處，找到S2鐵板燒。樂師傅知道我不吃牛，就推介我這個 日本十勝豚肉套餐，認真不錯啊。先來個日式沙律杯，有豆腐、雪耳、爽脆沙律菜，挺開胃的。再來是三點刺身鮮甜，牡丹蝦，帆立貝是固定的，另一款就看當天有那些新鮮食材，這晚是三文魚。 我喜歡吃牡丹蝦，勁鮮甜，還有黏黏的口感;厚切帆立貝一開四，粒粒都勁有口感。鐵板燒正式開始，第一道是勁推介的香草煎焗三文魚!  賣相已經好吸引，三文魚皮薄脆得像薯片，但魚肉卻是這樣的嫩滑juicy! 點解可以咁好食架!  讚!讚!讚!  再讚的是花旗參青欖茶，好貼心，讓客人消油膩清熱氣。之後是鐵板焗大蜆，最愛蜆殼類，火喉控制得宜，剛開口的大蜆，加上辣汁，爆汁惹味又幼嫩，yummy!吃了海鮮就停不到口，再加上坐在鐵板燒旁，看到師傅在燒蟶子及蠔，我也忍不住散點了來滿足口癮。生蠔不屬肥大肉厚，蠔味頗重，蠔身在半生熟之間滑入口中，美味。另點了蟶子，肥厚爽彈，加上醬料與紫蘇葉調味，推介。主菜是日本十勝豚肉厚切，十勝豚肉不需全熟，師傅把牠切厚粒，更方便進食，一口一

S2自動聯想起海膽杯, 誰知2017年S2跳出日式料理, 進軍鐵板燒, 所以專程過海到佐敦品嚐坐下後每人一杯柚子參茶, 先焗一焗, 柚子花旗參與青檸味陣陣傳出, 清熱對身體好, 當晚勞煩店員不停加茶跟友人點了一枝綠茶梅酒, 選用富士高砂綠茶梅酒, 查看才知道是白加賀及南高梅製成, 絕無色素, 入口淡淡綠茶清香亦不失梅子香看看餐牌, 海鮮龍蝦和牛豚肉餐通通有, 最後點了一份日本十勝豚肉餐$450/1人份, 單看套餐內的食材, 已經知道要捧腹離座未開始鐵板燒前先來一份沙律盛合杯, 厚切鴨胸沙律,加上芝麻醬及沙律菜,  用高身酒杯盛著 前菜還有三點刺身,  牡丹蝦,北海道帆立貝及三文魚,  刺身新鮮份量足,  若然在外面單點這幾款刺身, 起碼要過百元 雖說是十勝豚肉餐但套餐還會配上其他足料茶式, 香草煎焗三文魚, 坐在鐵板前邊吃, 邊看著廚師製作, 一煎一焗, 最後加上檸檬牛油及醬油汁, 三文魚肉汁保留不乾身, 魚皮更煮得極度脆口, 每一口都卜卜聲 鐵板焗大蜆, 可選辣與唔辣, 看著大蜆受熱後慢慢打開, 最後加上蒜蓉及辣椒碎, 香辣惹味, 相當新鮮, 一口接著一口套餐內的主角日本十勝豚肉厚

一早約左朋友食日本野，但天氣開始凍，想食返啲熱辣辣野，見到佐敦新開左日式鐵板燒，就決定去試下！本來有啲擔心會有好多肉（本人唔太好紅肉...）見到有海鮮set就即刻唔洗諗即叫！見到大廚拎出既新鮮海鮮已經好開心，諗得出既都有：龍蝦，蟶子，鮑魚，蜆...全部都大大隻顏色又靚😍第一道菜係麻醬和風沙律擺位都好有心機架！酸酸甜甜好開胃，豆腐夠滑！之後係日本餐廳唔少得既刺身，今日有甜蝦，三文魚同帶子，其實經常食帶子都係覺得無咩味，所以無咩興趣...但今次一食覺得係肉厚又鮮甜😮👏🏻！之後就開始熱食啦😻首先係燒鱈魚同燒三文魚！燒得剛剛好，表面脆但肉依然好滑，魚油味勁香！貝殼類繼續高質，完全唔會韌之餘，大廚既調味/配料都係重點！尤其燒帶子上有好多三文魚子簡直令人心花怒放😂食到咁上下，飲一飲茶，又發現連茶都唔普通，但有一粒迷你（青檸？）係入面，飲完即刻清走曬油膩感👍🏻最後飲埋海鮮蔬菜忌廉湯同食埋炒飯，好飽勁滿足😍（湯都係一袋一袋咁係鐵板上煮熱架！😆）食完大廚仲勁nice問我地要唔要甜品，即刻整左蜜糖多士條比我地食😍無論食物質素同服務都係very good!😁👍🏻

因為朋友介紹所以先黎食~其實暑店唔算難搵~睇地圖就講到好似好遠咁~店面裝修都好日式居酒屋FEEL~我就揀左我最鍾意既吧枱位~因為可以睇住師傅煮野食麻~師傅都幾有型哈哈~我就唔係點左好多野食,因為我都係自在同朋友飲下油傾下計咁~叫左清酒同少少海鮮咁~都幾鮮甜~老闆都好NICE,有時都會傾下計咁~見我地唔係食好多野都唔會話趕我地走咁~最後臨走果時見到佢地D湯煮法好得意,就叫左一客兩份分~好重西蘭花味!會食得出真係打出黎既!!D野食加加埋埋唔算貴~環境同品質都幾好~還會再來~