Ruby Tuesday (已結業)

哥哥生日,一班表姐弟一同慶祝, 順便滿足一下我的甜胃今次目標明確得很, 就是甜品, 因為我要下半場才到, 所以他們吃的主菜我都沒有吃過, 也不評論了等了整整一個小時....才有甜品到岸呢...因為已和店員說好了, 哥哥生日, 所以來的時候, 有1支蠟燭, 一眾職員也過來一同唱歌哈哈, 這尷尬又歡喜的時刻,我在FAT ANGELO'S 也試過呢 不過今次的TALLCAKE座落於碟子上, 店員說因為沒有了大杯喇,哈哈, 還以為是生日的特別擺設. CHOCLATE TALLCAKE BROWNIE的熱力慢慢令雪糕徐徐流下, 看著這一座如此大份的甜品, 真的忍不住了~ 吃下去, BROWNIE還是微暖的, 濕潤的餅身,濃濃的朱古力味,伴著香滑的雲尼拿雪糕~UM, 彷彿叫喚著在LE MENU吃到的心大軟呢, 不過可以的話, 朱古力SYRUP可以再多一點,,, 總覺得朱古力味不到喉...另外, 忌廉不會太多,感覺不太膩滯..6人分吃.....每人吃得太少了 士多啤梨誘惑, 在街上很少會叫士多啤梨的甜品, 怕吃到的是死甜又難入口的藥水味, 但因為甜胃完全不滿足, 所以叫多了一個酸MAYMAY的甜品,

今晚女友請我去食飯,因為本人少去呢間食,特意來吃飯,來到不久,女朋友問我想食咩,沙律是我去吃西餐不可缺少的餐前食物,之後點了半份Ribs Platter,一碟 巴馬芝士明蝦長通粉,已經飽到食唔哂.不過今晚吃飯都不少食客,可以見得此店味道唔差.

之前都已經聽人講話ruby tuesday好貴.不過想同女朋友去試下~已經食左下午茶唔肚餓~所以打算叫1個主菜就夠叫左1個牛扖加蝦~同埋2杯飲品.仲加左個湯飲品ok~但個主菜真係好難食！d飯真係大家樂都好味過佢...d蝦我覺得冇乜味..d牛扖勁""un""我地都唔鍾意食咁生的.. so 叫7成.佢有血水出, 但好好好好un...反而係個焗薯係最好食...唉-.-幾舊水買焗薯咩....埋單都四百幾蚊...到底有d咩係好食d....不過佢個氣氛就真係幾好既. 暗暗地.如果野食好味d就好la

想試露比好耐了，是日無book 枱，六點幾黎到，都要等到八點先有位。加$15蚊有忌廉湯︰好creamy，好重奶味，睇得出個忌廉湯下了不少苦功。芝士大蝦長通粉︰份量不如外界講咁大份，但兩人食都夠lu‥大蝦+通粉都幾爽口，讚！略嫌芝士不夠。叫左個半份Ribs︰尚算中規中舉，都幾多肉(不似Dax & Raxxn般乾爭爭) ，肉汁夠juicy。Chocolate Tallcake好有驚喜︰可能我事前唔知係咁tall 的，但講真，以甜品來說，它的味道只是一般，對於不能吃甜的友人來說，簡直係一個挑戰，食左三、四啖已話好甜，但對於能吃甜的我來說，食左十幾啖都頂唔順了，尤其是最底果層朱古力蛋糕，甜爆…份量真係好大，我地兩人KO 左8成已經係奇蹟，食到好濟。初時叫了一杯含酒精特飲，無想過在露比售賣的酒精飲品係咁強烈的，一進口，覺得好烈，好強烈的酒精，已經飲不下第二啖，故吩咐waitress 替我換第二杯--> white sangria，較之前那杯好，但都有相當的酒精成份，提醒各位order drinks 時小心。3 x dishes+1 x drink，埋單三百幾 (with 50%disco

其實一早就想食好耐,但遲遲未有機會, 咁啱有張六折券,一於試吓今次無試到芝士薯條, 但就揀左以下食物:小食拼盤(普通size)--$134佢有八款俾你揀四款，我揀了炸蝦,炸魷魚圈,炸芝士條,洋蔥圈。其中炸蝦同芝士條比較出色，炸蝦外脆內鮮，有小小辣，配埋甜酸醬,好野味而芝士條就好特別，一咬落去d芝士軟淋淋，一拉就害啦~好似廣告咁可以拉長d芝士，好似香口膠咁有拉力~~加上香脆既外皮有陣香草同黑椒味，所以一d都唔覺得芝士膩，正!而魷魚圈都新鮮彈牙，洋蔥圈都好脆口，不過比起前兩樣就普通d。迷你漢堡--$150漢堡有三款口味，包括雞肉,蟹肉,牛肉。最特別非蟹肉漢堡莫屬，因為佢真係由蟹肉整成一塊餅，食得到蟹肉絲，絕非一般加工蟹餅，實而無味，食落仲有d肉汁，塊蝦餅size都唔細，所以食落口會啖啖肉。而雞肉堡同牛肉堡都一樣鮮味，因為食得出肉味，並非人造味道。相比下，雞肉會較牛肉來得特別，咬落去濃濃的肉汁好似一大啖咬落塊雞胸度咁~~不過三者都拌以蕃茄醬作醬料略為失色，因為蕃茄醬味道太濃,，始終不是每樣食材都可配合到，若能將不同的食材配以合適的醬料便更能特顯食材的味道。可幸麵包烘得微脆，牛油味香，加上肉料

今日友人生日，幸好有朋友有6折，所以再來吃過，但味道無咁好味，Double Chocolate Cake…同心太軟有些不同，這個朱古力蛋糕中間「凹」了， 朱古力漿藏在凹位內，一刀切落，流瀉全碟。Ribs with spicy sauce…一條豬肋骨，無需用力，就能骨肉分離，但個底燒得黑了些， 肉味弱了些。巨型蘑菇凱薩沙律…巨型蘑菇片少得可憐，岩岩好夠分配。芝士西蘭花湯…好『杰』，唔似湯，似一pet槳。仲有其他野食，但我已經無印象，可能樣樣都好漏，樣樣都有芝士，所以味道都差唔多，仲有想讚下個長通粉好彈牙。我們坐了卡位但好窄，所以坐得都好迫，不太舒適。6個人吃，有1個生日唔使俾，除番每人170元。

如題所述這店的服務員很友善、有禮貌，而且給人一種很熱誠的服務態度一入去就會有服務員介紹自己即係佢專服務你這一張枱仲有叫你有咩就隨時可以搵佢幫手我地想叫蟹餅佢就回答因為太好賣，所以冇貨唔會答一句冇就算數之後我地唔知食乜佢都會因應我地既口味而介紹不同既菜式而且我地有時都會幾猶疑佢都冇黑面反而好用心叫我地慢慢諗下先再落單給人一種真係細心既服務今日食左三個菜超級漢堡--我不吃生牛的，所以叫了八成熟，食落有點「鞋」，不過幾香而且好大份，幾個人食都ok三味蝦(炸蝦配不同醬汁)-我食了一隻，因為炸我唔太食得，但上到枱已涼了，唔夠熱，但個汁都不錯西蘭花雞肉長通粉-加了很多芝士，反而令人食一兩口已很「漏」唔想再食，不過料唔多，只有一兩舊西蘭花，賣相一般值得一讚的是我地食剩一些菜服務員問我地要唔要執其實已有人答了:「唔要」但佢見到位中有其他人猶疑所以好醒地說:「我一陣先執，你地可以一陣食下先又再傾下計。」跟住第二次佢又想來執野佢再問一次我地都係唔要佢又再問:「洗唔洗包起﹖」我覺得佢好細心而且唔會好似一般服務員咁問一句就答 一句因此服務我真係卑足一百零一分good

好朋友好想去ruby tuesday, 所以今日黎呢到食個lunch (加上而家openrice有張25% off 既coupon if食超過$300). 一早打去book台 (咁其實lunch都唔係好多人, 所以其實唔使既~ ).anyways, 我地見到有個set lunch, 咁就要個好似叫short ribs on spaghetti ($102), 配salad同一個面包. 先講講salad. 出奇地好味. 有d估佢唔到, 因為都多菜, 同埋d沙律醬 (其實係olive oil) 好好味~ 唔錯喎~ 個包呢... 我冇食過, 因為自從食過outbxxk既黑糖面包, 我發現我對其他前菜既面包冇哂興趣. 咁講下呢個ribs... 佢一上台, 其實我都幾失望, 因為我以為自己去左茶餐廳叫個牛扒意粉. 佢個樣實在好唔吸引! 咁, 唔好以貌取人, 可能好好味呢? 一食... 發現左一d都唔特別. 首先, 牛扒有d "銀", 有好多根, 好難咬, 所以我只食左一片就算. 咁意粉呢? 份量較少, 而且d gravy好稀, 好水, 唔係幾好. 不過意粉都算爽口既. 不過, $102既話,

琴晚約好爸爸媽媽再加男友仔一行 4 人, 去 ruby tuesday 食大餐 lol因為無 book 位, 所以早 D 去, 大概 5 點幾 6 點去到...呢個鐘數仲未有太多人開餐, 正 一坐低, 就開始刨 menu...歷時 15 分鐘既討論後...最終菜單如下: 煙肉周打蜆湯 x2 蟹餅 水牛城炸蝦 墨西哥薄餅 配 牛扒條 燒骨 (半份) 濃情朱古力 士多啤梨誘惑 先黎係 2 個湯, 一望已經覺得濃郁, 湯面灑左少火少煙肉碎, 仲有幾粒脆脆麵包粒, 賣相唔錯, 可惜!! 味道太咸...因為湯本身有咸味, 再加上煙肉粒, 所以過咸 跟手黎個蟹餅, 賣相麻麻, 同 menu 個樣有出入, 望到已經有少少失望, 還好上枱既時候有陣微微既蟹香, 可惜!! 食落好似完全無蟹味..只見到蟹肉..何解!? 再黎係水牛城炸蝦, 唔講以為係茄汁蝦, 而且唔特別香, 哈哈...不過食落!! 好味喎, 香濃微辣既水牛城醬汁, 好野味!! 加埋小醬既引導, 微酸微辣, 香口醒胃, 推 之後就係墨西哥薄餅 配 牛扒條, 牛扒條已經切粒響墨西哥薄餅入面, 薄餅香軟又微脆, 薄餅裡面既配料好夾, 再加

一個生日約會, 選了很久沒去的RUBY TUESDAY .. 真的很久沒去了 , 感覺改變了很多 , MENU 也不同了! 一行6大1小 , 各自點了一個MAIN COURS 再加幾個小食SHARE !! 主菜 : 10 安士肉眼扒 , 黑召磨茹西冷扒 , RIB ... 小食 : 焗薯皮 , 洋蔥圈 , 蟹餅 , 玉米片 10安士肉眼扒: 我選了五成熟, 味道不錯肉質OK , 只是感覺 不足10安士份量... 但伴碟的焗薯挻好吃! 黑召磨菇西冷扒: 朋友選了7成熟.. 試了一點, 味道可以,只是肉質始終不及肉眼扒! 其他的我沒試過, 但朋友沒投訴...哈... 但小食方面, 除洋蔥圈外 , 連薯皮也不好吃... , 味道很淡,皮不夠脆有點像濕了水!蟹肉餅吃不到蟹肉味... 玉米片也只是普普通通的.... 埋單用了AIG 咭有6折 , 但都還要1250 ...不算平呢! 不過服務態度係OK , HAPPY 姐既服務不錯,有講有笑的很親切!

第二次幫襯Ruby Tuesday,兩次都幾乎是原班人馬^^第一次食過乜,已經唔係好記得!今次係同朋友慶祝生日(講少少提外話:其實小妹唔太鍾意食美國菜,因為真係好滯漏,食一碟好似平常食三碟咁,好鬼誇張!)不過當然,講到食野,梗係乜都要試下,唔食過又點知好唔好味呢?- 芝士薯條:係漏架,因為好多芝士,但味道唔錯,醮沙律醬美味d,反而醮面頭個cream冇咁好味.- 紅汁炸雞肉長通粉:umn...個雞肉真係唔好食,嚡不特止,個雞肉味仲好似"宿宿地"...變咗味...個長通粉就ok...- 迷你漢堡包:3個唔同味,牛肉最好味,另外兩款...咦...唔得,係個餡唔得,個麵包ok!- 拼盤:包括芝士條 / 炸魷魚圈 / 炸西蘭花,個炸魷魚圈最好食!...冇喇,真係得炸魷魚圈最好食咋!咁...其他呢?...朋友問我,個炸西蘭漏唔漏...我答佢:唔漏...不過唔好食!個朋友食咗之後都話認同!都唔知佢想點,好地地一舊西蘭花,做乜鬼要拎去咁樣炸法啫??包到實晒!唔係樣樣野都可以咁樣炸法架嘛!至於個芝士條...umn...不過不失啦!- 雞翼:有辣同唔辣,雖然小妹嗜辣...不過呢處既辣雞翼,就略嫌辣咗少許,

先講一聲生日快樂 ...已經第2次和你過生日上年的生日...我只做了個blue berry cheesecake給你...今年我選擇了和你到ruby tuesday食晚飯這是第一次試ruby tuesday ,太習慣了到中式港式地方 , 向來都是2人3菜..4人5菜的方式 ,所以今次也叫了3款..不過這種美國式餐廳的份量真是....超多!!結果係食淨了很多...我們點了1個小食拼盤 , 海鮮闊麵和肉眼扒...真的每一樣都很惹味...小食拼盤有雞翼..薯皮...炸芝士...同埋洋蔥圈雞翼的bbq醬味道好獨特...炸芝士的芝士更係拉到半米長都唔會斷....平靜的渡過了這一晚...今天是你的生日...應該係我哄你開心...結果整晚都是你在找話題...我也沉默得連自己都覺得奇怪...因為家裡放了已經焗好既朱古力千層蛋糕...所以沒有再order甜品...waitress小姐真係好有禮貌...提議我join vip可以有50% off...我經過考慮之後都係冇join到...因為我都仲未決定...將來日子仲有冇機會同你黎食飯...

今次只係第2次嚟食, 因為有半價 VIP 咭响手, 所有單叫食物或無酒精飲品一律半價, 唔去食就笨 ! (真係抵到爛)<食物>1) Wagyu Steak ($348) - 6成熟有少少血水, 熟度啱啱好唔會靱, 仲好有牛味同多肉汁, 再配薯蓉+磨菇醬, 簡直好味到難以形容 2) Boston Blue Burger ($126) - 藍芝士係男友最愛, 果然不負佢所望, 而塊扒就好多肉汁, 食落唔會乾涸3) Chocolate Tallcake ($96) - 份量真係好大, 足夠3-4人食, 但得2個雪糕球實在太少... 其實我又覺得呢個甜品不試也可, 因為雪糕底下個朱古力蛋糕真係好麻麻2人共消費 : $342 (折後價)

it is vert tasty,, such as the burger. And it is very big.chocolate tallcake also are good... i am more like this two food.But the price is very expensiveand the service is good...

其實已幫襯了多次, 雖然價錢高,但每次也沒有後悔.最近一次三個人, 叫了一個二人餐,一個whole rack ribs(燒烤汁), 一杯可樂二人餐選half rack ribs (蜜糖汁), lobster, soup, chocolate tall cake.二人餐份量十足, 味道恰到好處,排骨有肉.(試過有些是正宗排"骨") 龍蝦雖然只得半件但很鮮甜嫩滑, 回味無窮.蜜糖汁安守本份,不會搶去主菜味道, 另外一份的燒烤汁味道也剛好,有點似在美國時吃到的味道. 可是當聞名已久的chocolate tall cake出場時 (drum roll), oh,my God, 單看份量及賣相已目瞪口呆, 原本友人是準備自己叫一個的, 幸好他等吃完他那份 a la carte 才叫, 不然怎樣可吃得下? 最後合三人之力也吃剩. (我最努力) Chocolate tall cake驚人之處,不但在於它的份量,味道也是很好, 底層是chocolate cake, 中層是雪糕,頂層是幼滑的cream, 放在酒杯裡, 設計有心思, 簡直將全晚之好心情推至極點.但愛之深,責之切, 希望chocolate