Ruby Tuesday (已結業)

忽然好想食意粉，咁岩朋友最近join 左Ruby Tuesday會員，雖然我地得兩個人，不過半價咁抵緊係要食喇。叫左一份Fish & Chips， 好食又大件 ... 外層香口有肉味裡面鮮嫩有魚味，薯條雖然不是每一根也脆卜卜，但每一條也是熱的。帶子大蝦墨汁意粉，帶子同大蝦都ok大隻，大蝦都夠爽口彈牙，而墨魚汁意粉味道就稍微偏淡，不過忌廉汁好creamy，又唔會食到成口黑色。有會員真係好抵，埋單都係平均每人百幾蚊。

今日朋友生日，決定一嘗露比星期二平日食野一向鍾意即興，但經過上次等太耐的教訓，今次早兩日BOOK位今日準時尼到就可以立即安排入座，有卡位坐，好大好舒服好!入正題，首先要食首本名菜---Ribs and Wings ($298)呢個菜上次食兩個人太多，今次食岩岩好佢既燒排骨好入味，骨肉分離五需要用手，岩晒女仔食今次簡左五辣雞翼，有D普通第二道簡既菜係 Shrimp caesar ($198)沙津幾開胃，配合埋蝦幾好食第三道菜係睇openrice食評尼叫果然名不虛傳薯條好辣辣好脆口最特別係個洋蔥醬，好薯條好夾第四道菜係待應推介的特價菜幾脆口，不過不失到飲品方面，我試果杯係Mojito幾重酒精，飲左一半已經wing wing 地最後叫左個甜品，因為新會員送呢個迎新禮品土多啤梨加雲里拿雪糕非常涼快以呢個甜品完結就好完美哦會員半價呢個制度真係好吸引令到人好想再尼食我諗下個月都要尼尼度再戰啦

一早預約左所以唔使排隊就有得入座,而且入咗RT MEMERSHIP所以所有食物都有半價,今次主菜叫咗豬肋骨,全隻豬肋骨仲配左薯條兩個人食都食到好飽,而且啲肉都好嫩滑，嗰一日係平日所以餐廳裏面都比較少人,同朋友傾計都好舒服嘢飲叫咗一杯,係MAGE SIZE超級大杯,一杯嘢飲兩個人分,味道都幾濃,而且飲品上面都會配搭薄荷葉感覺上都幾精緻。雖然冇想像中咁好人但係都好抵飲,下一次我會想試下有酒精既飲品,因為見到隔離枱都叫咗其他飲品所以都想試下其他。沙律係俾一個碟你出去自助沙律Bar到自己夾,沙律吧都有幾多唔同嘅選擇,有長通粉,薯仔沙律同埋吞拿魚沙律,水果有菠蘿西瓜蕃茄青瓜同埋粟米,沙律菜都瞓咗唔同種類外面仲有一啲芝士粉同埋麵包乾可以加入去,其實食完一個沙律都幾飽甜品就叫咗心太軟因為幾大份,而且仲陪左個雲呢拿雪糕,食埋依個雪糕就真係好飽啦,但係質素比我想像中差好遠，個心太熟冇咗流心係唯一既失望😞如果有機會我會嘗試其他蛋糕

今天朋友剛好來到我公司附近，於是就一起吃個lunch。Ruby Tuesday是一間坐得比較舒服的餐廳，因為座位較寬敞，環境也比較寧靜，很適合談天。我們order了兩個lunch set, 還加了兩客小食。餐湯忌廉湯味道十分濃郁香滑，還附上了一個小小的麵包。麵包質地較硬和煙韌一點，因為沒有用酵母和膨鬆劑等等化學添加物，比一般麵包更為健康。香濃肉醬意粉 ($68)蒜茸包真的令我喜出望外！很脆，蒜茸和牛油味很香濃。意粉看起來很粗，原來是空心的，十分彈牙。可惜肉醬對我來說酸了點，可能是因為番茄比肉醬多太多了吧。蜜汁燒雞 ($82)雞扒很大片，口感軟嫩，蜜汁令雞肉甜甜的。雞皮已經煎走了油份，所以不覺得油膩呢。意粉也是空心的，意粉汁是忌廉汁，十分香濃。巨型磨菇 (+$20)這就是巨型磨菇？？只有4片，太令人失望了。我還以為是一整個上枱呢⋯⋯幸好味道不錯, 磨菇有牛油香味，口感彈牙多汁。迷你露比漢堡 (+$20)我一向喜歡他們的漢堡，因為牛肉厚又keep到juicy。這個迷你漢堡只是加20元便吃到了，怎能不試？漢堡中有cheddar cheese, 厚厚的漢堡牛肉之下還夾著一片酸瓜，吃起來牛肉很香

平日收工約埋朋友食餐好，又可以傾下偈，ruby tuesday係不錯既選擇，叫左羊架伴焗薯，焗到剛剛好，唔韌軟硬適中，沒有一點蘇味，豬勒骨併雞翼，豬勒骨配燒汁，肥瘦剛好，不會只係得排骨，甘香美味，配以美酒，慢慢品嚐

小食拼盤會員價點既呢個小食，本身無咩特別期望。有炸魚、炸蝦同埋薯條，不過不失，幾香口。海鮮墨汁意粉意粉煮得岩岩好，又唔會太稔，但係又唔會話好岩，同埋佢個汁好creamy，食起黎個層次好豐富，好好味。碟野有3隻帶子同埋2隻大蝦，隻蝦唔係毛仔，真係大蝦，啖啖都係肉，炒得幾野味。焗薯皮呢個薯皮略厭乾過龍，除左覺得好咸好乾之外，唔覺特別好味。豬仔骨豬仔骨D肉好稔，唔使點用力切，D肉就會甩出黎，同埋D汁入哂肉到，同埋有D部份焗到脆脆地，幾好味，每次黎到必點炸洋蔥圈好耐都無出面D餐廳食過炸洋蔥圈，因為唔係間間都整得好食。但係佢呢到D洋蔥圈炸得夠脆，配埋佢個honey mustard 醬仲好味。芥末味唔會話太重，會令人忍唔住係咁狂點。不過唯一美中不足既係，餐廳人手好似不足咁，好難先搵到人應，同埋D waiter既態度好似唔係好想應你咁明明都無咩客叫，扣左少少分

聽日出發BKK, 今日借啲耳以行前briefing作食飯藉口。 煙三文魚 Li個係order完後個waitress推介的，話$38有4塊，味道不錯！Triple Play 有ribs, 雞件同炸蝦，ribs醬汁好入味一叉就骨肉分離~每粒炸蝦都好大粒，薄薄嘅炸粉包住嫩雞同蝦炸起真好味Steak 我地要5成熟，塊扒煎得真係啱哂我地要求！而牛扒嘅厚度係值回票價的，扒上面嘅格格紋燒得好靚呢，薯條又脆又好味Mini burger 我地有個小朋友, 所以嗌個mini burger ~ 小朋友梗係鐘意食薯條啦，最後剩下2個burger就我地大人食~可能擺耐左所以有點乾，但塊肉都好厚架海鮮lasagna 好cheesy，原來個底係一大件魚，夾左好幾層芝士同海鮮粒，每一啖都食到魚，lasagna 皮同cheese~配菜 焗薯真係好好好正！加埋Sour Cream 一齊食係最搭的

下午在尖沙咀逛逛，等待今晚同幾個知己相聚一番。🤗行完海港城，去左新港中心買護膚品la~ 肚仔有d餓。。又唔知食咩好。。換完商場禮品見到樓上Ruby Tuesday，諗諗下都好耐無食過，呢個鐘數有tea set, 會員卡仲有15%discount ~~新餐牌加左幾款食物，最後都選擇左自己好鍾意ge Caesar salad+ Mushroom! 自己好鍾意試下唔同餐廳ge caesar salad, 呢度個醬汁比較酸一點，但份量適中，拌得幾好，每塊菜都能沾上醬汁。麵包粒很好食，超脆口，有芝士牛油味！ 大蘑菇用蒜炒香過，微熱的，味道也不錯！間中一餐素食一下健康一點！

年尾收爐，午餐就黎豪一豪佢，一早book定枱，落定單，我地一行十幾人黎到坐低一陣就有野食。自己點左和牛煙肉芝士蘑菇漢堡 $298，漢堡大大個熱辣辣，伴碟有薯條，厚肉薯味濃，小小黑胡椒點綴，更惹味。講返個包，和牛手打肉嫩多汁，芝味濃，煙肉香脆，仲有多汁嘅蘑菇，塗左牛油又烤過嘅麵包，黃金洋蔥圈，成個漢堡好味到暈，但太厚實在難以一口咬下，唯有切開分散食。飲品叫左是日特飲嘅sunrise唔記得全名，入面有芒果肉，菠蘿粒等，香甜好飲，可惜用幼飲管，只啜到少少果肉咋。同事有vip卡有半價，一人夾返180左右，抵食。

今日(星期三)朋友生日, 一早就book左尖沙咀間Ruby Thursday!!!7:30pm, 都冇咩人我地一行五人, 叫左6個菜, 5杯野~第1樣要點o既梗係炸薯條啦!!!Bacon Cheddar Fries $118好夠熱~有點林...唔知係咪呢款粗薯條係林d ge呢??而佢d芝士同薯條都算多(5個人食岩岩好), 沾埋d醬仲正!我地個個爭住食!第2樣點左o既係海鮮墨汁意粉...Ink Pasta $308um...味道係ok ge, 份量似2人份量麵的質感唔林又唔硬帶子很薄, 就好似將粒帶子一分為二咁雖然夠味, 但就是覺得唔夠汁第3樣點左o既係千層麵...Seafood Lasagna $298好老實, 真係麻麻地~d麵同d醬的味係分開ge...麵有麵味, 醬有醬味...加埋就係唔好味!仲要食唔係好到芝士同海鮮味好彩份量唔多~~好快就ko左佢!第4樣點左o既係燒羊扒 (7成熟)...Grilled Lamb Chops $348ok ge, 有少少羊"蘇"味~但可接受的~肉地都係嫩滑ge...仲有個薯蓉做side dish, 而且都幾好食, 建議不要點太多醬因為太多就會有點滯.

跟友人去完AIA嘉年華 諗緊食咩之下 原來一早訂左枱食ruby tuesday...叫左凱撒沙律配大磨菇 沙律新鮮爽口 配上適量的千島醬 大量芝士碎 還有非常Juicy的大磨菇 外表雖然黑黑的 但好有菇味👍🏼再來triple mini burger 有牛·魚·雞 配上生菜和大蕃茄 漢堡烤得外脆內軟 牛排切開時一約7成熟 中間還是粉紅色的 吃下還有肉汁😋魚堡是把魚拆骨後再整成圓形的 加上黑椒·鹽等調味 吃下很有魚味 一點也不覺腥還有雞堡 本以為雞塊會好干 結果竟然軟軟的很juicy👍🏼薯條即叫即炸 金黃色 每一條裡面有薯蓉 配上少許鹽 已經非常夠味😋

一連3天的聖誕假期,又是外出吃飯的高峰期。有好長的一段時間沒有來這間餐廳了, 這次到訪是因為朋友有半價會員卡 ! 3個女人的一個墟的晚餐! 我們需要一個舒服吃得開懷的地方, 很好比安排靠窗的位置。 由於知道該餐廳的分量真的有甘上下。 叫了三個樣野, 已經很足夠了, 豬肋骨是每次到此一定會叫的, 但這次有點失望, 真係好骨好小肉, 過份的腍 , 不是很推介雞肉西蘭花芝士長通粉, 3個人吃都吃不完, 芝士好濃, 又不會很膩。迷你漢堡, 可以選雞肉及牛肉, 有4個,可以每樣要2個或清一色都可以, 而且仲有我最愛粗薯條伴碟。肉好多肉汁, 細細個不會吃得好"呢hea"!  

Friday Night約了中學同學聚舊，因為有member discount,所以去了Ruby Tuesday.雖然係RT的會員，但DISCOUNT後並不是特別平，不過合理，最吸引我的是他們的SERVICE間間分店普遍都好好，(TOUCH WOOD)暫時都未有不快的經歷。所以每次用餐完小費都會比得鬆手d.今晚叫了ribs & wings platter,avocado quesadilla，3杯飲品，平均每人消費$180ribs 保持水準，鬆軟juicy,每次必食。cocktail都ok,只是 Cosmo有點過酸，不過cocktail的水準冇佢地的service咁穩定，時好時壞。最想一提係佢地的side dish smash potatoes,做法唔知係咪唔同咗呢，好食咗好多。以前的顏色帶啡，味道怪怪，今次的"正常"好多，似屋企自己整的。Friday night 生意非常好，一定要訂枱。總括來講，我們主要被服務吸引，因為現在出外用餐最怕消費完重要一肚氣。 

又有優惠今次啦，今次一班人去食同埋，叫左洋蔥圈，沙律同牛排沙律不算新鮮，選擇不多，比較好算係薯仔沙律，淡淡的味道有點煙肉做點綴，帶來煙肉之味洋蔥圈炸到好燶，基本上都係淡，而且中間好乾好乾，好粉，仲唔埶牛排做得不錯，夠淋，BBQ汁好惹味，可惜肉不多

Ruby Tuesday居然唔係星期二黎食飯,有d唔襯添~因為事前已訂位,所以唔洗等就入座,不過當時係18:30都唔算多人,店內環境以深色為主, 有高尚格調,卡位鬆動不逼特別一提坐低時有店員自我介紹話會今晩轉為我地枱服務,全程會留意住我地需要,例如要求更多醬汁, 又提供碟子放骨用, 服務不錯煙三文魚沙律 $78先來個沙律作前菜,煙三文魚偏甜,又有魚肉甜味都好, 蔬菜新鮮爽口難得一見勻草醬, 平時吃沙律沒這選項,勻草醬味甜,酸味不刺激卻可提鮮, 醒胃虎蝦帶子墨魚汁意粉 $308外表黑黑的, 引人注目,忌廉汁香濃, 鹹之外奶脂味亦濃厚,意粉彈牙, 有忌廉汁增強滑口蝦及帶子海鹽味滲入意粉, 令意粉味道非單獨忌廉汁味,帶子鬆身多汁, 唯虎蝦無特別, 相比其他出色食材下遜色香煎鱈魚 $278魚柳鬆軟油份足, 魚肉蛋白味重,外皮更煎得脆脆的, 焦面澀味反襯白肉鮮味,另可加入檸檬汁進一步提鮮, 減輕肉重重的味道,薯蓉亦香甜滑口, 十分軟身幼滑10安士肉眼扒 $328肉扒脂肪香濃,入口時肉質鬆軟多汁,有鹹味之餘不失脂肪甘味,肉內脂肪亦有脂肪增加了油份及漿口感覺,令咀嚼過程豐富10安士頂級西冷扒 $29