Ruby Tuesday (已結業)

因有百老匯的6折優惠券、所以今晚趁住復活節假前翌，相約好友一同聚餐。此飯局早於1個多月前已經訂好位，因為餐廳長期都好full。今晚我們一行4人叫了3主菜1甜品Chicken and Broccoli Pasta （因本人是芝士控、亦是西蘭花粉絲，所以這個非常合我心意😁）Half-Rack Baby-Back Ribs推介！（必食！一定要選Honey BBQ醬喔😁很香燒烤味、d肉亦燒得好軟、好味！順帶一提、側邊既薯蓉都好好味架、可一試）墨西哥烤餅（味道其實可以的,但不合本人口味）Chocolate Tall Cake好多人話，女人對甜品會立即產生出另一個胃。無錯！雖然已經飽到要托住果肚，但仍堅持要食甜品😆這個甜品份量相當大、足夠4個人去消滅😂整體來說：食物同服務質素都相當高、相對地價格亦都較高，但真的是值得一試☺️

我都係因為有百老匯6折couporn所以嚟，對上一次都係某信用卡做折先嚟，今次第一次試個珍寶蟹餅，呢個入面有好多蟹肉下次嚟一定會再叫，但因第一道嚟嘅菜忘記影相，另外叫咗份prem西冷扒同蝦墨魚汁意粉，呢兩個都係招牌野，同一杯士多啤梨沙冰(唔記得名)不過個人就⋯另外加個chocolate tall cake🤤紫色女店員👍🏻

今晚99生日，一行14人(10大4小)去Ruby Tuesday慶祝。由於Nosir是百老匯的會員，早前收到訊息可以到百老匯任何分店換取Ruby Tuesday的60%off 優惠卷，加上6299未試過，長輩生日多數食中菜，所以就決定今年轉轉口味吃西餐⋯是日可以$42換購炸生蠔四隻，當然要點這個，生蠔頗新鮮～Parmesan Shrimp Pasta$268這個飯是點給62吃的，因為他是個必須有米到肚的人～Ribs Sampler全份$348這個完全失望，第一次食Ruby的Ribs是如此失準，醬汁味道奇怪而且不入味，相信是因為尖沙咀店的問題吧﹗因為我們是第一次到尖沙咀店，過往荃灣、德福和Megabox都從來沒有失準過⋯墨西哥烤餅不算太受喜迎鐵板拼盤跟烤餅和小許配菜，肉比較乾身小食拼盤我們選了雞翼、魷魚圈、炸雞柳和炸蝦，不過除了炸雞柳尚算Juicy外，其他味道都好一般，雞翼也是有陣怪怪的味道⋯平時我絕對不捨得點的牛排，令晚竟然點了4份，而且其中3份是3個人(2個大人和1個小童)獨享的，今餐真是和味了⋯飲品方面尖沙咀店真同樣很差，我點的MegaCreamBlast完全沒有朱古力味，只有酸酸

因為有6折coupon, 所以就同朋友去食好耐無食過既Ruby Tuesday. 訂位時waiter 話如果多人就要個半小時交檯，好彩佢閒日係唔會咁多轉生意。菜單選擇來來去去差不多，多左煙肉芝士薯條可以揀size大大份，拼盤揀regular size 可以揀4個item, 呢個就比較細份，真係岩岩好3件雞翼3條芝士條咁，多d 朋友就要揀大份size 啦。Half Size Rib 正正常常，朋友好欣賞配菜既薯蓉，我反而覺得加得太多cream 或者奶，質地怪怪地。仲有一個main course 三文魚意粉，合格咁啦。結論大家都認為，味道可以，但唔係有折就未必會再去食啦。

在尖沙咀行到攰，想揾個舒適的地方，補充體力之餘又吹吓水，這裏是個合適的選擇。飢腸轆轆，點了兩個飽餐 - 墨西哥鷄條中東飽，和煙肉火鷄牛角飽。烤過的鷄肉條香口但有點乾，配以燈籠椒、洋䈡、酸奶和牛油果醬，整整放滿了兩個中東飽，感覺好充實呵。至於火鷄牛角飽，當中的火鷄肉是出奇的柔軟和濕潤，加上BLT(煙肉、生菜和蕃茄)和牛角飽，味道豐富。兩個餐都附有不少薯片，這正是吹水時不可或缺的一項呢。套餐包凍檸茶兩杯(留意: 正餐時可以添飲，但下午茶則不可)。下午茶買一送一(會員價)，人均消費27元，性價比甚高。

尋晚同外甥去食生日飯，估唔到呢間餐廳而家變成咁，一去到RECEPTION，我話4位，嗰條女已經態度唔好地叫我地等等跟住走左去，等左大約2分鐘，另一條女行出黎又問我地幾位，我話4位，佢就話有張枱執緊.....入到去餐廳最尾部，坐低左5分鐘左右，睇緊個MENU，但無人埋黎招呼，直到我老爺問點解無水飲，我就叫那個4眼女侍應: 唔該可唔可以比幾杯水我地先，佢望一望我，無回應我跟住急步唔知行左去邊，我已經開始滾滾地，等左一陣佢攞左4杯水黎放低。  然後我地落完單同佢講唔該，佢又應都唔應走左去，我已經開始想鬧人，點會有一間之前我覺得做唔錯嘅餐廳係咁樣服務D客!!!好.....上菜喇，佢一次過捧3個菜黎，張枱只夠擺2碟，佢好無禮物地將我面前個碟用佢手上碟菜推開就咁擺低，差D將我隻碟整跌，係我接住先無跌到，但全程佢無講過一句野然後就走開，我真係嬲到震，如果唔係食生日飯我一早已經起身走，仲要D食物質素勁差，肉醬意粉就咁烚熟D意粉撈埋D肉醬(炒都無炒過，無味的)、燒排骨就燒到燶晒、只係個漢堡飽叫做似D樣(但麥記好食過佢)，真係下次請我都唔會去，一開始仲叫我地JOIN MEMBER，$1200入會，2年內幫

一家人難得人齊外出享用生日飯，每次都食自助餐，就諗不如今次去食扒啦，於是屋企人就提議Ruby Tuesday啦，拿拿聲book左位，因為之前都未試過真心有啲期待。首先講入坐，外面都見到有好多人等緊，咁行埋去同帶位嗰位姐姐講：@之前我地book左7位，請問而家情況點」；而嗰位帶位姐姐就話啦：「而家未得，你等等啦。」其實心裡真係有啲有無搞錯，我知我地未齊人同埋當時多人等位，但可唔可以客氣啲呢？入到去我地齊人啦，連理都無人理我地，連想要杯水，都要等成3至4分鐘先有人理我地，仲要其他實中途有人經過我地張枱，而嗰位侍應好似當我地透明咁低頭行過⋯之後到點餐啦，我地一共點左7個餐及一個小食，以為咁就完，原來係未完待續⋯到上餐，我嚴重懷疑上餐嗰位侍應係咪對雙眼可以評斷到塊扒有幾多成熟，因為成張枱得我一個人係食半生熟，上我嗰塊話半生熟，以為無事啦，點知佢上比我屋企人嗰啲都係話半生熟，於是我地嗰個都O左佢，因為我啲屋企人個個都食好熟，點知我即刻話係咪錯左，因為其實得一塊係叫半生熟，佢先即刻轉左上無問題嗰啲先，到最後佢攞住嗰兩塊扒話呢個係半生，呢個係全熟。我懷疑佢把口好似知自己上咩，其實係完全咩都唔知。好啦

join咗member，平時食ruby Tuesday 有半價，今日嚟嘆下午茶，tea set堅抵食😊牛角包想食、窩夫又想食、太難揀啦，最後食「至尊火雞牛角包」😚😚成個包好大份，火雞肉厚切👍🏻👍🏻味道不錯；不太好煙肉，比咗友人食。估唔到雞肉牛角包嘅配搭都幾啱。牛角包幾好，食完唔會成咀油，夠鬆化，好味！伴送嘅薯片，好邪惡，食咗少少，脆卜卜，夠新鮮！

想食香口食物，所以叫了個鷄肉牛肉双拼Fajitas。不久，遠處飄來陣陣鐵板燒香氣，再聽到由遠而近的吱吱聲，有得食了。餡料一: 鐵板上的鷄肉和牛肉，表面有少少焦，非常香口，下面舖了一層炒香的洋葱和青椒絲，吸收了上層肉類的汁，很甜。餡料二: 蕃茄粒、生菜絲、芝士絲、酸奶和莎莎醬。䁔䁔的薄餅(共四塊)被包裹着，每次吃一塊取一塊，其餘的可避免變涼和乾硬。就份量而言，餡料比薄餅多，所以每塊內的餡都放得滿滿的。除了吃這Fanitas，還點了一客沙律，這是客人自助的，只可以到沙律吧取一次，因此，我們竭盡所能地取了需要的份量，呵呵。由於是會員(須預先繳費)，所以今餐食物半價，飲品免費(計加一) 。

Upon arrival within reservations, we were promptly seated on a Saturday at 18:40 for dinner. The waitstaff appointed for our area was no where to be found, when it came to placing our order. We had managed to wave down another that took our order. We had ordered a kids meal, salads, main courses and desserts. Food was randomly served, as individual dishes while others waited for over 15+ mins for their meal. Any refills of a "Coke" took a minimum of 20 mins. The overall experience is lousy! Th

今日約左兩個媽媽朋友及大家嘅小朋友聚會，我揀左Ruby Tuesday,因為我有半價會員卡囉。我同一位媽媽先到，坐低我地先叫返杯野飲消下暑先：我朋友點左經典檸檬特飲(黑草莓)，佢話黑草莓太酸。我就點左經典檸檬特飲(士多啤梨)，我呢杯味道剛好，lemonade加上新鮮士多啤梨果肉，酸酸甜甜又無我最怕嘅藥水味，好飲。等埋另一個朋友到我地就開始叫野食喇。。。珍寶蟹肉餅 $198 呢個蟹餅好食，有我掌心咁大塊，蟹肉有鮮甜味，正！不過伴碟嘅沙律菜我覺得太無heart喇，個樣唔多新鮮無人食囉。芝士辣肉醬焗玉米片 $138 好好味呀，粟米片本身好咸香又脆口，加上好多芝士、醬料、辣肉醬同加左D新鮮蕃茄粒，好快大大碟都比我地清晒。炸洋蔥圈 $78 呢個洋蔥圈都炸得剛剛好，夠晒熱烈烈脆卜卜，班小朋友最愛係佢。滋味雞翼併盤 $128 個雞翼我地揀左唔辣，我都係喜歡帶辣味多D，雞翼炸得有點過火唔夠肉汁。個藍芝士醬配西芹條好fresh。香濃肉醬意粉 $168 意粉一般，肉醬汁料唔夠，食落感覺唔夠香濃。精選和牛超級漢堡 $328 呢個係新菜式漢堡有兩塊牛肉三塊麵包仲有薯條配菜，唔share都好難食得晒。個和牛我地

朋友生日跟住就一班人去我們要了洋蔥圈洋蔥圈炸過龍了，又凍好厚粉，完全唔好食沙律方便基比較新鮮但係啲汁基本上太淡，冇乜味肋骨執做得唔錯，酸酸甜甜有少少辣，幾好食但係比較焗到太耐了，好鞋如果唔係半價基本上都唔會去

本身無會員証，又太貴，所以一直都無去呢間食難得做推廣，又唔多人排隊，就去試下！排左半個鐘到就有得入座，因為一枱只限叫一份，所以大部分人自己坐。不得不讚個侍應超好人，會安排識既坐隔離枱！！同宣傳單張張相一樣，一大份，多份量，夠晒飽！薯條剛炸起，夠粗多熱。漢堡有煙肉芝士菜，大個到要分層食味道幾夾，亦唔會硬同乾，幾好味！侍應100分！

個豬肋骨個汁好甜 唔啱我如果個汁吾甜都好食嘅雞翼正常返環境都OK 店入面偏黑 哩間店一向收費都貴嘅 有酒精飲品供應架 兩個人食係食唔晒嘅份量都多嘅 如果想食平嘢就吾會揀呢間

Came here with my buddy again for a catch up over dinner. Overall good place to just wind down after work. Ended up ordering the wagyu beef burger which was pretty good. Ordered a medium and that's how it came, which is good as a lot of places will overcook it. The burger was very juicy and came out nice and hot. The only downside was that the bottom bun was soggy... Kind of dampened the whole burger as the bun is usually one of the most important parts! Overall would give it a 3/5, but if the b