Ruby Tuesday (已結業)

上星期閒日夜晚收工去試，無定位，7點到但就要8點半交臺，anyway都食了一餐。Ribs ordered 了半份，味道可以，漢堡飽個飽好好味，好鬆化，空氣麵粉比例剛好，能鎖住肉汁，大大份就一定啦。連兒童餐的漢堡亦幾好味。10 oz steak 都保持水準。有d驚喜。遺憾係服務唔得，waiter 太新，連編臺/放餐牌都未ok. 仲有一隻大小強報稱在做完pest control 之後出黎陪食! 失敗!

我地五個人都話：好味過Tony Romas多多聲！Ribs 鬆化(實在諗唔到第二個形容詞黎表達入口既感覺)到連骨都咁淋喎！惹味更不在話下！十個讚！！

點了兩碟野, 一是ribs和自選4樣野既拼盤,先講拼盤, 又係大堆頭之作, 薯皮好好味, 雞翼ok, 炸洋蔥都唔錯, 但略鹹, 至於炸蝦仲以為係一隻隻, 點知原來係一粒粒既. 再來是ribs, 要左燒烤同蜜糖燒烤味, 但好似差唔多咁.一切落去己知啲肉好夠腍, 好輕易就同啲骨分開. 又唔會乾爭爭喎. 比起Tony's Roma 好味好多. 原本諗住食嗰杯78蚊既朱古力甜品, 但最後都飽到投降冇叫到. 真係好想試啊!! 睇人地食評幅相好似好勁咁喎. 有個阿叔侍應好搞野, 好殷勤, 可惜搞錯左野同最終都冇比杯凍檸茶我地.

Chocolate Tallcake- Size相當巨型, 一個人一定食唔晒! 上層有朱古力雪糕, 下層有一件約5-6吋高有香濃朱古力蛋糕. 雖然甜得黎有D漏, 但食完好滿足...P.S. 如要去Washroom, 就要拎埋隻鑊鏟去. 點解??? 因為條鎖匙掛住隻鑊鏟架, 不過諗深一層, 會唔會隻鑊鏟仲貴過條鎖匙呢???

月黑風高夜，旁陀大雨，德福一帶食肆都幾滿，最終選了這美式餐廳，等了一會便有非吸煙位。胃口其實麻麻，兩口子只叫一個四合一拼盤，有豬排骨，串燒牛，炸雞等等。還點了個沙律。沙律還好，maincourse加48，one visit，略貴，不如散叫一個沙律。拼盤則唔係好得，排骨太淋，好似煮到淋哂再係咁以燒下。串牛就幾好，來得這裹應該好好食個牛扒，不過女友唔食牛。炸雞就硬過大舊石，唔通特登來吃薯條？可能唔好彩，當晚服務就應真麻麻，連埋單都等好耐，連張檯都清好哂，重係到等找錢。埋單350，算吧，當跌左。

父親節前的星期五去慶祝, 叫左半份ribs, 一個雜鐵板(有雞、牛、蝦加薄餅)、兩杯飲品, 一個salad, 一個普通拼盤。因為有中銀咭六折全家都好滿意, 食唔晒呀, 不過少菜, 有個salad頂番, 都不錯waitess 好好, 服務一流, 好快, 好爽

lcx 摺就9龍灣開，食正apm同德福呢場東9商場仗。新地方新裝修，最緊要的都仲係門口的angel妹妹，有佢響門口，等幾耐位都lum啊。而且，我懷疑店內9成男人都係因為見到佢先入去。不過就算新地方，鋪內始終彌漫住一陣hp/bbq汁味。典型的美式餐廳，樣樣野大大份，啖啖肉，保持一向的水準，基本上每碟野都夠兩個人食。而且門口的angel妹妹實在太可愛，令食物都好味左。不過要提聲大家一句，如果要等，千祈咪去行隔離pk，因為pk入面收唔到電話。留響門口望住阿angel，得閒撩下佢仲好。