78
17
6
以上資料只供參考, 請與餐廳確認詳情
有關獎賞計劃
相關文章
今晚在灣仔行經船街, 看見這個 Poster 很吸引, 大家停下腳步, 看一看.有興趣到這間 RUAM 吃個泰式晚餐. 餐廳在1 樓, 可沿梯級踏步上去或乘坐玻璃專用電梯上. 超方便.餐廳裝修甚有型格, 左邊係酒吧, 餐廳在右邊. 開放式廚房, 座位分室內室外, 戶外座位, 庭園設計帶點浪漫氣氛, 可以攜帶寵物毛孩, 快樂地飲酒及進餐.我們選擇了戶外座位, 朋友話食泰菜要飲椰青 ( Fresh Young Coconut ) 清甜好味, 潤喉又有一些椰肉可以吃 喔 ~ 好爽啊 !!我們點了 柚子蝦沙律 (Yum Som O), 賣相吾錯, 大蝦及柚子份量不少, 大蝦好新鮮爽彈, 配上酸酸辣辣的沙律汁, 加上烤椰子, 口感實在醒胃.Ruam Platter 小食拼盤, 擺盤靚, 食物好豐富, 有魚餅, 香煎蝦餅, 雞肉串燒. 豬肉串燒, 素菜春卷. 及沙律.伴有 5 款不同醬汁, 有酸甜, 辣汁, 也有沙爹花生醬, 自助調味. 先吃 青木瓜沙律. 青木瓜, 蘿蔔絲及生菜好新鮮, 加上酸酸甜甜的醋汁, 吃得滿意. 以下每款各兩件.春捲 炸得夠爽脆, 少油膩感! 炸蝦餅, 熱辣辣, 好脆口, 蝦肉彈牙, 調味 恰到好處.泰式香煎魚餅, 熱辣辣, 好香口, 沾些泰式微辣醬汁, 好有泰式風味.沙爹雞肉串, 豬肉串燒: 烤得表面微微焦香, 帶點濃濃的燒烤味, 雞肉吃起來嫩而不乾, 豬肉肉質嫩滑, 點些沙爹及花生混和醬, 醬汁惹味, 蠻好吃. 主菜: 香草焗鱸魚 (Pla Yang Smun Prai) 即叫即製, 落單時服務員通知須 20分鐘等候. 上臺熱騰騰, 焗鱸魚好大條, 被滿滿的檸檬香茅, 芫茜圍著. 配上辣汁. 鱸魚魚肉鮮甜, 焗得香口. 我們動手開魚皮. 魚肚內有香茅, 檸檬散發出香氣又可除去魚腥味, 魚肉嫩滑又有魚味, 配上檸檬汁, 味道挺好食. 餐後甜品: 芒果糯米飯 (Mango Sticky Rice)芒果分別搭上糯米飯, 及紫米飯, 軟糯滑口. 芒果夠鮮甜, 加上椰漿忌廉可口綿滑. 這個甜品非常好.熱檸檬茶 (Hot Lemon Tea) 茶質好不會苦, 而有檸檬香味. 泰式餐廳環境優雅, 食物款式多選擇, 服務員態度殷勤, 感覺良好. 值得再來 !
繼續閱讀
喺灣仔咁嘈吵繁忙嘅街頭,竟然搵到一間有啲度假feel嘅泰國餐廳,真係好似走咗入另一個世界咁入到去,環境好開揚,🍸坐低叫杯cocktail——我嗌咗杯泰式 twist 嘅 Phuket Colada,熱情果香加少少yoghurt,飲一啖即刻放鬆晒‼️🥩【炭燒豬頸肉】一上枱就聞到陣陣炭香,啖啖肉質彈牙,外脆內嫩,仲有少少焦香,點埋個秘製酸辣醬,真係一流!🥗【泰式牛肉沙律】牛肉切得啱啱好,唔會太厚又唔會太薄,配埋青檸汁、魚露、辣椒、洋蔥,酸酸辣辣好開胃,啱晒夏天食🦐【泰式虎蝦炒金邊粉】金邊粉炒得乾身唔油膩,吸晒蝦汁精華,虎蝦大大隻又爽口,啖啖都係鮮味。仲有啲蛋絲、豆芽、花生碎,層次好豐富。🥬【鹹魚炒芥蘭】泰國菜入面竟然有港式鹹魚炒芥蘭,鹹香味勁突出,芥蘭炒得夠鑊氣🥭【芒果糯米飯】最後甜品一定要食芒果糯米飯,芒果熟得啱啱好,甜而不膩,糯米飯煙韌又香椰汁味,完美收尾喺鬧市中搵到呢種悠閒氛圍,真係好難得。食物有水準,cocktail又有創意,啱晒同朋友chill住傾偈下次一定會再嚟!
繼續閱讀
講到香港歷史建築之旅,可能會唸到政府活化咗灣仔皇后大道東、莊士敦道廣式騎樓、仲有巿建局參與嘅囍帖街。但係大家又知唔知道,灣仔嘅船街18號(一幢香港二級歷史建築正後方)隱藏咗一間泰國餐廳RUAMRUAM以新式又自然嘅藤木製傢俱、融合咗現代與傳統的元素。餐廳分咗三個區域:酒吧區(有梳化、高枱、同吧檯選擇)室內餐廳同戶外用餐區。今日天氣好好,我哋選擇坐喺戶外用餐區。泰式炸魷魚鬚 🦑 pla muk - $158- 首先試咗個炸魷魚鬚,魷魚鬚炸得金黃酥脆,外層麵衣輕盈不油膩,仲有炸到鬆脆嘅檸檬葉,搭配泰式酸辣醬,非常香口醒胃。炭燒豬頸肉 🐖kor moo yang $158- 豬頸肉質肥瘦相間,帶有嚼勁。經過炭火燒烤後,外層形成一層焦脆外皮,內部保持著嫩滑口感。香氣宜人。紅咖哩荔枝燴鴨髀 🦆gaeng phed ped yang $238- 鴨髀肉質嫩滑、同時有香脆燶邊嘅口感。荔枝香甜結合紅咖哩香濃醬汁,微微甜味與辣味,平衡得恰到好處,令人回味無窮。冬陰蝦炒飯 🍚 kaow pad tom yum $175- 炒飯上枱時香氣四溢,冬陰功的酸辣味道,渗透在每一口飯中。蝦仁鮮嫩多汁,米飯粒粒分明。芒果糯米飯 🥭 khao neeo mamuang $88- 鮮嫩多汁嘅新鮮芒果、淋上香濃椰汁、配上紫白兩款糯米飯,為整餐畫上完美句號。位於熱鬧非常嘅灣仔莊士敦道(其實入口喺船街)RUAM入面,無論係老闆定員工,每個人都非常親切。佢哋會恰到好處地同你傾偈、又憑藉敏銳感覺,為你保留足夠私隱空間。無論2人世界、傾吓心事、收工後happy hour、或是一班人圍住圓枱歡聚一番,絕對都可以搵到適合嘅位置。
繼續閱讀
昨晚去咗間超人氣泰國餐廳,真係一秒穿越曼谷!🌴✨裝修充滿泰式風情,仲有香茅味飄出嚟~好似坐喺清邁小巷入面食飯咁chill 😌🥂 *Он YEAHH*Gin + Lemon Juice + Fresh Ginger + Syrup + Inedit Damm入口清新微辣,薑味kick得啱啱好,啤酒香氣收尾,飲完真係「Yeahhh」咁爽!🥗 *Yum Som O 柚子蝦沙律*柚子絲清甜多汁,配上烤椰絲香氣,蝦肉彈牙,辣椒微辣唔搶味,酸甜平衡得好,開胃一流!🍲 *Tom Kha Gai 泰式椰子雞湯*椰香濃郁,雞肉滑嫩,草菇吸晒湯汁好入味,香茅味滲透整碗湯,飲完暖笠笠又唔膩~comfort food代表!🥩 *泰式燒澳洲牛柳*牛柳外焦內嫩,肉味濃郁,配上辣椒粉、烤米碎、香菜,口感層次豐富,蘸Jim Jaew醬酸辣醒胃,超有泰國街頭燒烤feel!🦑 *Plamuek Yang 釀豬肉碎粉絲燒魷魚筒*魷魚燒得啱啱好,煙韌唔韌口,入面釀咗豬肉同粉絲,鹹香juicy,咬開一刻真係有驚喜!🍌 *Banana Roti 香蕉烤餅配椰子雪糕*甜品收尾完美!香蕉烤餅外脆內軟,配上椰子雪糕清甜解膩,食完只想再encore一份!
繼續閱讀
今次黎咗灣仔船街嘅Ruam,夜晚唔太熱坐喺室外位,氣氛chill又舒服! ▪️ Ruam Sharing Platter 小食拼盤 素春卷、蝦餅、雞串燒、炭燒豬肉串、魚餅,味道多樣又咸香,二人share 啱啱好! ▪️ Yum Som O 柚子蝦沙律 清新爽口,柚子絲配烤椰絲、鮮蝦,酸甜又夠開胃,辣度適中,夏日食特別清新。 ▪️ Tom Kha Gai 泰式椰子雞湯 濃郁椰奶湯底配檸檬草同草菇,雞肉嫩滑,香而不膩,飲一啖暖心暖胃。 ▪️ Pad Kee Mao Nuea 泰式牛肉炒闊河粉 用澳洲草飼牛,牛肉嫩滑,闊河粉有鑊氣又煙韌,味道層次夠豐富,唔油膩! ▪️ Banana Roti 香蕉烤餅配椰子雪糕 外脆內軟嘅烤餅上面放上香蕉,配椰子雪糕,做飯後甜品啱晒!▪️ Phuket Colada 帶有熱帶風味嘅cocktail,加入Malibu、白朗姆酒,配合百香果乳酪、鳳梨醋,飲完神清氣爽。 仲有椰青超清爽!
繼續閱讀
您可能會有興趣的...