影片
以上資料只供參考, 請與餐廳確認詳情
有關獎賞計劃
相關文章
講到香港歷史建築之旅，可能會唸到政府活化咗灣仔皇后大道東、莊士敦道廣式騎樓、仲有巿建局參與嘅囍帖街。但係大家又知唔知道，灣仔嘅船街18號（一幢香港二級歷史建築正後方）隱藏咗一間泰國餐廳RUAMRUAM以新式又自然嘅藤木製傢俱、融合咗現代與傳統的元素。餐廳分咗三個區域：酒吧區（有梳化、高枱、同吧檯選擇）室內餐廳同戶外用餐區。今日天氣好好，我哋選擇坐喺戶外用餐區。泰式炸魷魚鬚 🦑 pla muk - $158- 首先試咗個炸魷魚鬚，魷魚鬚炸得金黃酥脆，外層麵衣輕盈不油膩，仲有炸到鬆脆嘅檸檬葉，搭配泰式酸辣醬，非常香口醒胃。炭燒豬頸肉 🐖kor moo yang $158- 豬頸肉質肥瘦相間，帶有嚼勁。經過炭火燒烤後，外層形成一層焦脆外皮，內部保持著嫩滑口感。香氣宜人。紅咖哩荔枝燴鴨髀 🦆gaeng phed ped yang $238- 鴨髀肉質嫩滑、同時有香脆燶邊嘅口感。荔枝香甜結合紅咖哩香濃醬汁，微微甜味與辣味，平衡得恰到好處，令人回味無窮。冬陰蝦炒飯 🍚 kaow pad tom yum $175- 炒飯上枱時香氣四溢，冬陰功的酸辣味道，渗透在每一口飯中。蝦仁鮮嫩多汁，米飯粒粒分明。芒果糯米飯 🥭 khao neeo mamuang $88- 鮮嫩多汁嘅新鮮芒果、淋上香濃椰汁、配上紫白兩款糯米飯，為整餐畫上完美句號。位於熱鬧非常嘅灣仔莊士敦道（其實入口喺船街）RUAM入面，無論係老闆定員工，每個人都非常親切。佢哋會恰到好處地同你傾偈、又憑藉敏銳感覺，為你保留足夠私隱空間。無論2人世界、傾吓心事、收工後happy hour、或是一班人圍住圓枱歡聚一番，絕對都可以搵到適合嘅位置。
繼續閱讀
呢間泰國菜有分室外同埋室內嘅區域，我哋今次坐室外，裝修好有異地風情，而附近嘅枱坐咗好多外國人，真係好似去咗泰國咁relax冬陰功湯好惹味足料生菜包好惹味，食得辣嘅人啱啱好；不過都真係有啲辣，如果唔食得辣嘅話，落單嗰陣記得同佢哋講少辣呀燒豬頸肉燒到好脆，有陣陣嘅香味，燒到好彈牙爽口，點埋醬食真係好惹味🤤炒金邊粉酸酸甜甜，啲蝦好大隻爽口，啲粉唔會炒到痴埋一齊，好食Btw夏日炎炎，好似我哋咁樣嗌個椰青就perfect了👍🏻💕
繼續閱讀
午市有lunch set叫咗3 course，前菜食咗串燒，燒得幾香口配上沙嗲汁好食惹味。主菜叫咗泰式炒金邊粉，份量都好多，配上唔同配料芽菜豆腐乾花生碎等一齊食偏酸甜，但炒得濕咗啲。最後甜品叫咗椰子雪糕，呢個幾好食有去泰國旅行嘅味道，至於跟餐嘅泰奶就淡咗少少，有啲失望。餐廳裝修好有氣氛有室內同埋室外區，夏日炎炎揀咗室內區，但依然幾熱，怕熱嘅要留意吓。整體嚟講味道一般，但灣仔嚟講價錢都唔平，環境就有特色。
繼續閱讀
平時本人唔會寫評論，但今次體驗實在太誇張，太不能接受訂咗8個人食午餐，訂咗13:15。食飯體驗完全不能接受 - 8個人叫咗8個午餐套餐，部分有叫甜品：1. 等到2點鐘（45分鐘）啲小食都未嚟齊。投訴咗幾次服務員只能夠話今餐收平啲我啲。2. 我哋返工人士2點鐘左右就要返公司，被逼要轉外賣 - 仲要外賣袋裡面嘢食都唔齊 - 同服務員講佢先攞仲欠嘅小食俾我哋，但後來就發現甜品都冇俾到我哋，但照收甜品錢3. 我哋懷疑餐廳內有張大臺係認識老闆嘅人，餐廳似乎優先服務果臺，例如佢哋優先上菜4. 見到隔離臺上菜次序好奇怪，有哋人食緊主菜，其他人仲上緊飲品同埋小食，廚房似乎完全應付唔到5. 嘢食就不過不失，本人覺得碗冬陰公湯麵比較似辣湯多過冬陰公；烤豬頸肉同船麵味道方面都正常。最大問題反而係被逼外賣帶走嘢食後，湯麵嘅份量細咗勁多，係用咗平時裝醬汁/小食嘅細兜仔嚟裝麵同湯，比起堂食份量細咗兩三倍，食兩啖就冇晒。湯麵仲要係加$55先食到，完全唔值呢個價。如果考慮食呢度，請抱住大機會令到你失望同憤怒嘅心態。
繼續閱讀
年初三family lunch 好難book中菜，就試吓食泰菜。呢到有分indoor 及outdoor ，初三咁啱唔凍，可以一家人outdoor lunch 。餐廳都好細心，每張櫈都有一張毛氈，食客如果凍可以用。叫咗幾款傳統泰菜，味道都ok嘅，個人比較喜歡佢哋嘅燒豬頸肉，同埋串燒，燒得幾香口，不過串燒豬肉有兩舊唔夠熟，食嗰陣時要多加留意。炒飯都算亁身，但個pad Thai就比較濕，不過都足料。至於條魚都幾大條，夠多肉。
繼續閱讀
您可能會有興趣的...