Rakuraku 樂拉麵 (MegaBox)

營業中

休息中

樂拉麵 @ megabox推介⭐️⭐️⭐️/5星滿分櫻花貓 (特濃龍蝦湯叉燒拉麵) $108龍蝦湯都好濃味 頭頭都覺得好正 但後期覺得好咸溏心蛋雖然係流心 但無咩味舊叉燒都一般蟹盛石鍋飯 $128呢個幾好食 好足料❤️不過佢CP值都高呢個價錢包一款小食有野飲仲要唔洗加一行過會幫襯但吾會專登去食囉🤣

放假又想行下商場🛍，去交通無咗方便嘅Megabox感覺少人啲~唯一煩惱係肚餓唔知食咩好，幾經爭扎試吓「Rakuraku 樂拉麵」🍜，因為牆身有畫滿貓咪壁畫，拉麵都以貓命名，吸引咗我呢名貓控🐱~整體唔係非常日本拉麵，播那些年mix日文歌有啲搞笑🎶————————————————👅 特濃龍蝦湯芝士海鮮石鍋飯($98)🔸 海鮮有榮螺片、蝦仁、小帶子、蟹棒同仿鮑片，與其話係湯泡飯不如話係燴飯🍲，因為啲湯比飯吸晒，拉絲芝士幾香口🧀，初頭食到少少龍蝦味，食到底就淡味啲，石頭鍋保持到熱度，仲有少少飯焦，跟餐包汽水一罐🔸跟餐揀咗3隻日式煎餃子🥟，係粟米豬肉紅蘿蔔口味，有少少泡菜味，皮都幾彈牙，正常水準👅櫻花貓($108)🔸頭啖湯會覺得龍蝦味比石鍋飯重啲，但食到底愈食愈鹹😶‍🌫️，櫻花蝦乾多到好似密集恐懼症，叉燒同溏心蛋正常啦，同樣跟餐包汽水🔸 小食係鐵板日式海鮮燒餅，上檯店員會提你小心燙傷🔥，燒餅係薄薄一片嘅小食份量，雖然有啲蝦粒，主要都係醬料味道，跟餐小食用鐵板上幾有心思嘅————————————————🚩總結：係Megabox諗唔到食咩可以一試———————————————— 🌟注意：餐廳走廊旁邊有

見好奈無食拉麵，晏就就叫了拉麵外賣。 叫了豬骨白湯套餐加炸雞，芝士條。拉麵套餐自取後，可能一早整定，所以凍咗。我自己放入微波爐叮番但因比的湯太少，所以浸唔曬個麵有點失望但個湯同拉麵同豚肉係好食的（豚肉係偏肥但好香好淋）。 但希望可以唔好太早整定同比多啲湯。芝士條最失望無拉c效果。就算我叮番都拉c.希望可以改善。炸雞不過不失係油咗啲。最開心係個拉麵內的炸蓮藕好好食，而且碗拉麵內無竹筍好好，我平時係唔鐘意食竹筍的人。

係Megabox 10樓既呢間拉麵店，裝修方面充滿日式風格，佢既有四人枱坐方便多人黎食，亦有bar枱形式比啲一至二人坐，而今次就坐左係bar枱度，當係自己去左日本食野😋呢間主要都係食豚骨拉麵為主，而今次就揀左白貓，姐係豚骨叉燒拉麵，隨餐係有附送汽水或者沙律，而今次就揀左可樂～白貓（$82）首先碗麵賣相都唔錯，比較特別既係佢有一塊應該係炸蓮藕片係碗麵上面，呢樣係比較少見既，而食落都夠脆～，而湯底係豚骨白湯，飲落都十分濃，而麵係幼麵，食落都唔錯，叉燒既份量都正常，唯獨個人係鐘意食比較厚既叉燒，略嫌呢塊有小小薄～至於隻溏心蛋都夠入味，流心既程度都做得唔錯😋😋總結以呢個價錢嚟講都尚可，如果價錢方面再抵啲我諗就更好啦～

今日放假一個人去行下食下野，無意中走到呢間餐廳，叫左個特龍芝士龍蝦湯海鮮石鍋飯，首先來咗個沙律，個店員仲好有禮貌咁叫我叫多個小食，不過我怕食晤唒所以冇叫，原來個飯重可以加湯，雖然細細碗不過味道唔錯只係略嚴啲餸太少

ℝ𝔸𝕂𝕌ℝ𝔸𝕂𝕌 ℝ𝔸𝕄𝔼ℕ 樂拉麵記唔記得位於Megabox既呢間拉麵店呀？我都話有下次啦! 今次試埋另外兩款我未食過既拉麵。同樣地，下單自己在下單紙圈餐點，且可以選埋麵既軟硬度、要唔要走蔥、叉燒嘅部位：豚腩豚肩。個麵仲包括沙律或汽水，枱面有提供檸檬水供客人自用。（其實我唔係好敢飲，始終唔同客人都係會除口罩聊天食麵blublublu.....對住果壺水😛)📌櫻花貓(特濃龍蝦湯叉燒拉麵)$92飲啖湯先～嘩！唔錯wo，唔算超濃厚但都算係中上濃程度（唔係村上隆🤣）。配上櫻花蝦米，真係越食越開胃呀。我諗下次我再黎，呢碗我會食多次😋📌黑貓(黑麻油豚骨叉燒拉麵)$89呢碗果麻油拉麵真係好重口味架。濃郁既黑麻油湯底有粒粒芝麻相配，都中和唔到佢既重口味。個人覺得有點咸左少少。但係呢，食厭左普通拉麵既話，呢款都可以嚐鮮一下架。今日兩款叉燒都有試到，個人覺得兩款都好好味呀。格硬要評比既話就中意豚腩多啲，因為我中意食肥野😋 不過，係咪大部分人都唔中意食肥野呢？🤔

今日lunch去左megabox. 路過就試左呢間日本拉麵鋪。.點餐：黑貓 $89櫻花蝦龍蝦湯拉麵 $92自家製炸雞 +$15.2個都系點左硬麵，黑貓個個跟豚腩，櫻花蝦個個跟豚肩。lunch set就包埋杯野飲。.黑貓個黑麻油汁真系好濃，食完之後放左陣d湯面已起左一層薄膜，好有張力。而佢個個豚腩系半肥瘦，咬落d肥膏時啲油滲入個口入面同d瘦肉撈埋一齊食，真系好香又好有滋味。.櫻花蝦相對黑貓黎講就冇咁膩，而個湯就好有海鮮蝦味又夾住d豬肉汁味。個豚肩就相對地瘦而且薄好多，有2片。櫻花蝦都俾得好足料，賣相幾好。.炸雞就正常發揮，雞肉咬落都juicy，唔會好乾，但個皮食落唔系好脆。.鋪面唔叫太大，分左2 part，中間隔左條行人走廊。但整體都叫整潔d地方。

這間拉麵店格局比較開放 像是food court一樣雖然樓層比較高，但仍有不少人排隊這間拉麵店除了提供大部分常見的拉麵選擇，另有期間限定款式，不過今次的咖哩湯就沒有那麼吸引了。店鋪亦因應疫情而推出的外賣折扣，不過之前的外賣拉麵體驗實在太差，通常都是份量少，而且不夠新鮮。 堂食晚市套餐亦包括小食和飲品(或沙律)小食除了經典的餃子外還有今川燒 炸豆腐拉麵湯底和份量適中 但是非常飽肚 拉麵上面的炸蓮藕為外觀點綴一下

中午，出去九龍灣附近搵食，見呢間拉面店人不算多，而餐牌上的相片又幾吸引便進去點餐。餐廳範圍不大，我們一行人被安排在吧枱位置，枱櫈位置較窄坐起來不太舒服。點餐是用畫紙仔方式落單，菜單上的食物選擇不多，有幾款拉面同飯類可以揀。我揀了最基本的白貓（豬骨拉面），仲有2款石鍋飯，而跟餐可選配沙律／汽水。白貓（豬骨拉面）：拉面面質軟硬適中，2片日式叉燒肥瘦適中，但2片炸蓮藕片炸過頭偏硬，而溏心蛋是凍的，木耳絲不夾脆口感偏硬，最後是拉面的湯底豬骨味不濃郁，而且有少少腥味。溏心蛋雞扒泡菜石鍋飯：味道不突出，而且雞扒炸過火，肉質老難咬開。食到一半已覺得膩，不推薦。芝士龍蝦湯海鮮飯：芝士太濃太多蓋過龍蝦湯，所以味道不突出也不特別。海鮮食落有陣腥味，應該是解凍後直接落鍋煮熟，期間沒有落檸檬/其他材料辟去腥味及雪藏味。很快就膩了，也不推薦。唯獨比讚汽水，夠凍。

九龍灣的Megabox商場位置偏遠，從地鐵站要經歷十五分鐘的日曬雨淋，要不便須於德福廣場的平台位置輪候接駁大巴，同樣地費時失事。然而，當Location，Location，Location決定一切的時候，Megabox卻罕有地成為逆市奇葩，何以為然？在商場開幕初期，經過了三數月新厠所的熱潮後，Megabox曾經一度沉淪。當時有云若節日爆滿找不上位子？到Megabox罷！精彩的電影全院滿座？去Megabox罷！然後不知在那年那日，商場積極變革，以主題吸引客戶。嫌商場之地點不方便嗎？於是Megabox另闢蹊徑地大打親子路線，一個家庭有小朋友，許多都會選擇開車，方便擺放BB車、奶粉用具、尿片等鎖碎雜物。開車前往Megabox變得順理成章。而且Megabox之大型溜冰場同時可帶來學溜冰與冰上曲棍球的常客。另一方面商場十幾樓高層的位置全部租給大酒樓，成為了婚宴場地的聚集區。人家結婚擺酒，即使交通稍有不便也不能就此缺席罷？結果便又引來了一班跑不掉的客人。莫以為商場就只有這些賣點，Megabox同樣照顧普羅客戶。商場有戲院、有Aeon的大型家品超市，更有香港人趨之若騖的宜家家俬⋯⋯最後當假期想到Me

完食

起megabox諗緊食乜晚餐，揀咗呢間環境幾靚嘅日本拉麵舖，坐位比較開揚，疫情期間感覺空氣較流通。套餐有一個拉麵，小食和飲品，或者可以揀沙律。拉麵質地可以揀軟硬程度，我揀咗普通豚骨拉麵，估唔倒超濃，好好味。雖然湯底非常之濃，但感覺味精唔重，因為食完冇口渴嘅感覺。糖心蛋都唔錯。值得讚賞係叉燒竟然有得揀半肥瘦或者瘦肉。朋友嗌嘅特濃櫻花蝦湯拉麵，湯底非常之濃厚，有點似龍蝦湯，但我個人就比較喜歡普通嘅豚骨湯拉麵。小食好抵，每碟都有兩件，我同友人可以share兩款。薯餅仲係新鮮炸非常之脆。

哩間店係之前食過一次，今次想過黎megabox行陣，所以決定今日午餐就再黎食。環境方面，哩間店既坐位係近電梯玻璃欄杆開放式坐位，間住一條走廊，走廊另一邊係廚房及收銀。店既坐位全部係以方檯型式，檯係深色系方形木材，櫈係深灰皮既梳化櫈，以我既高度，坐落去啱啱好幾舒服。（因為有啲餐廳既櫈太矮坐得好辛苦😣）檯上面有基本既調味料提供，而且有餐紙巾👍🏻今次點左辛辣豚骨叉燒拉麵，套餐跟可樂。🥣🥣湯底係豚骨湯，睇落好濃厚不過並唔會濃稠漿口，有豚骨既甜味，仲有乾冬菇既味道🤩好特別！！辣油並唔會好辣，反而有麻油香。😄🍜🍜拉麵係方型細麵，食落都幾彈牙爽口，不過再硬啲就會更好，因為啲麵好快就林過頭🤔我自己覺得細麵最好都係硬麵好啲🤔🍥🍥配菜方面有糖心蛋，叉燒，辣椒絲，青蔥，木茸，炸蓮藕片。係炸蓮藕片呢！😃好少有見到拉麵配菜有蓮藕片，好脆好香口！浸下拉麵湯食有少少似食炸魚皮🤣辣椒絲一小柱以為只係裝飾？結果一啖食左，辣味由脷尖衝上口腔，好刺激🤣糖心蛋蛋黃熟既程度大約一半，味道清淡醬油味，口感似水果啫喱，每次食拉麵除左叉燒最期待就係糖心蛋😋😋叉燒係以五花腩捆紮制成，所以切出黎係圓形既，肥瘦程度各一半，雖然切得好薄，不

因為疫情係屋企煮到唔知食咩 , 就係到睇有咩外賣見到櫻花蝦龍蝦湯拉麵咁吸引 , 又未食過諗住試下啦滿心期待咁等外賣送到 , 點知......外賣員係保溫袋到拎個紙袋出黎都嚇左一跳連我自己都無言了...大家一齊睇個外賣係平放無問題拎起發現個湯蓋鬆甩晒 , 紙袋濕到就黎穿....外賣員又無奈又無言咁唔知點算 ...連佢個搵食用既俘溫袋都濕晒 , 大家出黎搵食無謂難為佢佢走左之後我要清理好現場先可以享受下餐點...睇見....真係...成肚氣...好無言...打電話過去分店提醒返我都係做開飲食業又做過執外賣 , 真係可以做返好點電話既回應下次叫果陣再免費返碗 , 聽完都無開心既感覺百幾蚊碗麵 , 第1次乾食 , 自己加熱水 , 仲衰過煮公仔麵連可樂都係熱的......我好少會咁打食評出黎 , 希望提醒返員工可以做好點 , 蓋實之餘可以用埋膠袋

⠀晚市套餐包括一款主食 小食 同汽水或野菜沙律⠀👉🏻辛辣豚骨拉麵 $108 ✅係小編中意既幼拉麵😍湯底味道唔錯 好香 都真係幾辣下但好惹味🥵✨叉燒有得簡肥啲定瘦啲 味道正常👌🏻⠀配左日式炸豆腐2件 好味😋有少少淡鼓油汁同一堆柴魚片 清清地唔錯🤤✨⠀👉🏻蒲燒鰻魚雜菌石鍋飯 $148成個石鍋上 炸炸聲熱辣辣🔥雖然望落好細碗 但食完超級飽☄️鰻魚都幾厚 好淋唔錯😋但小編嫌啲菇少左啲🤪⠀配珍寶海老薯餅 擺左一陣食都仲夠熱✨炸到脆卜卜 入面係類似周打峴忌廉湯味 唔錯🤓⠀⭕️唔收另一⠀⠀