Rakuraku 樂拉麵 (MegaBox)

營業中

休息中

果日行完 MEGA BOX，同朋友一齊周圍搵野食，行到第10層近溜冰場位置，有一間拉麵店 — 樂拉麵，門口嘅牆身有一大幅貓貓油畫十分之可愛！離遠已經聞到一陣一陣拉麵湯底漂黎嘅香氣，我同朋友就揀左呢間拉麵店食個晚餐！清雞湯叉燒拉麵 ＄98 雞湯味道濃郁，🍜唔會係好油膩嘅湯底，亦都唔會過鹹。麵條係屬於日本傳統直身麵條，麵條能夠掛湯，入口時候每一啖都品嚐到清雞湯嘅味道。再加上，配料有一隻開半嘅半熟糖心蛋，一啲香蔥、乾蓮藕、木耳絲，叉燒唔算入口即溶，厚薄適中，食材麵條上分佈平均。汁燒日本米茄子 跟餐 (4選1)醬油汁燒茄子🍆做前菜就最好不過，表皮明顯有少少香烤過，再加埋醬油汁嘅味道，入口充滿住甘香又有茄子嘅鮮甜。日本米茄子又稱為「日本蛋茄」，經過燒煮就特別軟綿可口，上面再撒上木魚真係更添日本風味！朋友就點左 櫻花貓 (特濃龍蝦湯叉燒拉麵) ＄108，鐵板日式海鮮燒餅 跟餐 (4選1)，見到賣相都唔錯！🤤

去完恐龍展4點幾又未到食dinner嘅時間不過又肚餓行開mega box見到呢度無咩人又有位價錢亦都唔貴就一於試下對連鎖店唔會抱太大期望不過都俾我發現到佢地個章魚小丸子好好食其實係跟餐小食嚟外層超脆加埋啲章魚丸甜醬好好味呀啲木魚又多，入面仲唔止一粒章魚粒添而主食方面拉麵正常發揮起碼啲叉燒唔會好乾身有啲脂肪係好食啲嘅至於個龍蝦湯豬肉石頭飯啲肉處理得唔錯又軟又腍又入味但可能我唔太頂得順啲龍蝦味我覺得有啲腥至於個＋＄3先有嘅柚子蜜我非常不滿好淡味似有啲甜味嘅水好心落多少少啦

今次呢間又係係mega box😂成日經過都已經覺得幾吸引架喇，不過就係唔知點解最後會食咗其他嘢😮‍💨今次終於的起心肝食，先發現晚餐set原來咁抵食😎.🍜豚骨湯叉燒拉麵餐 $98套餐包一款小食、沙律同飲品，其實真係幾抵同非常飽🤩拉麵唔差的但印象中偏鹹咗少少，啲配料同上碟都靚靚仔仔🤪呢個餐個小食揀咗鐵板日式海鮮燒餅，真係有日本食個種風味，搞到小編好鬼掛住日本嘅鐵板燒🥺.🍲糖心蛋泡菜雞扒飯餐 $92兜飯同啲餸多到傻，食極都食唔完😂雞扒比想像中醃得好😋唯獨是啲飯冇乜汁，乾咗少少，不過都好彩有啲紫菜、泡菜餸下飯🤣小食叫咗日式煎餃子，同燒餅相比，味道較為遜色，但如果想食多啲唔同款嘅食物，都還可以嘅唔會伏😌.💰人均消費: ~$100.🍽味道: 3/5🏙環境: 3/5‍👨🏼‍🍳服務: 4/5💧衛生: 3/5💰價錢: 3.5/5

菜單將不同拉麵分了數個系列，亦都附上圖片，我地點了黑貓（黑麻油豚骨叉燒拉麵)和特濃龍蝦湯芝士海鮮石鍋飯。先來的是黑貓，甜甜的豬骨濃湯，加上濃淡適中的黑麻油，感覺絕不油膩，再配合鹽醬將豬骨油香加以提昇和發揮，好味。美中不足既係份量稍少又無得加面底。到海鮮石鍋飯，上菜時石鍋夠曬熱，龍蝦汁好香，同面上鋪既芝士好夾。海鮮種類都好豐富，有魷魚，蟹柳，元貝，蜆肉，螺肉等等。冬天食完真係全身暖曬。仲有跟餐既沙律同一款配菜，我地簡左餃子同海鮮煎餅，兩款都好食。最後埋單仲唔洗加一，人均都係一百出頭，非常抵食，下次會再去試其他拉麵。

特濃櫻花蝦龍蝦湯叉燒拉麵HKD92鐵板北海道牛油帶子HKD48.味道 ★ ☆ ☆ ☆ ☆真係沒有最難食，只有更難食，千祈唔好中伏！拉麵上枱時好香，見湯都幾濃，以為會好食，點知佢有「色、香」，但「無味」究竟點做出黎？真係完完全全無味！牛油帶子都係無味.服務 ★ ★ ☆ ☆ ☆上菜個妹仔無講聲就直接係條隙仔zip碗拉麵過黎，如果我個刻轉頭咪撞到，搞到碗麵倒瀉？不過店舖經理超有禮貌.環境 ★ ★ ☆ ☆ ☆d座位污糟，有湯跡.價錢 ★ ☆ ☆ ☆ ☆又貴又難食

琴晚8點 去完mega box行街就諗住睇下食咩 經過見到哩間拉麵好似幾吸引咁 就入去食 睇完食咩就叫個女員工嚟落單 係問我飲咩個陣 因為我無為意 我就口快快咁講左話凍檸水 個女員工即刻用好差既態度 大大聲咁問 請問邊度有凍檸水 令到隔離枱既食客都望左過嚟 佢既態度令我覺得成餐飯都食得好辛苦😡😡😡可能我自己都有少少錯 無睇清楚餐牌有咩飲先叫 但有必要用差既態度去問？就咁同我講反無唔得？哩個野真係無下次對我嚟講 除非員工態度有改善😡😡😡

利東街嗰間正常D，Megabox 呢間味道爭D，炸物就離哂鋪，炸到好燶，有苦味。問佢可唔可以要多少少櫻花蝦，佢話已經好多，D客通常嫌太多添….黎到係一茶匙既份量….絕對唔建議大家黎幫襯…

赤貓-辛辣豚骨湯叉燒拉麵🍜 HK$86湯底濃醇、辣味足，圖中一絲絲紅色細條係🌶️辣椒絲，不過溏心蛋偏凍，麵口感一般，份量來講偏細份。櫻花貓🍜HK$92：湯底都係濃稠，不過偏鹹d，櫻花蝦還算唔錯。唐揚雞軟骨：唔推薦，因為感覺係油鍋裡翻炸太多次，一股艘油味，軟骨也只係溫熱，一試就知喺雪櫃擺太長時間，拿出來隨便翻熱。

係好耐之前，都嚟過呢間食，個時覺得都幾好食，咁隔左咁耐又嚟，就叫咗個黑貓，即係黑蒜油個個⋯但結果，個樣睇落就真係無問題，係食落口先有問題！我食個時都想拎返個餐牌睇下我有無睇錯個色就黑，但味係無嘅，蒜香，蒜油，蒜味呢？？！頂盡係有丁多咁多嘅豬骨湯味，根本成個用無味而言都不為過我食左d 乜？食一風堂無咁嬲我唔知其他會唔會好食d ,但黑貓真係唔建議叫，慳返舊錢過對面食pepper lunch 仲好過仲要呢個麵係佢三個款式入面最貴個個？係咪貴得擠無人叫？咁嘅質素？

兩個人去午市進食，叫了一個飯跟白拉麵，拉麵食了兩啖就停手，叉燒硬，湯味道怪，飯食了一半也停手，因為想嘔了進食過程時全程有一名說話極度大聲既服務員在你身邊不停大聲說話，令到本來進食氣氛0分之餘還要影響進食情緒結帳時第一張卡話唔得（係佢地話唔得，完全沒碌卡的程序發生過）完因不明，唔收銀聯？再比第2張卡之後，在等待中，在整理銀包時，收銀竟然突然說ae唔收，你收唔收ae關我咩事，我整理我銀包又關佢咩事，做咩要偷睇我銀包內容，行為完全令人討厭

樂拉麵 @ 九龍灣megabox 推介⭐️⭐️⭐️/5星滿分今次試左夏日限定: 軟殻蟹柚子冷麵$108軟殻蟹有三舊 比我想像中多而且冷麵仲有肉絲呢個價錢CP值都高味道都幾好 唔錯赤貓 $98(辛辣豚骨湯叉燒拉麵) 都真係幾辣 正正常常

【 抵食晚市套餐 】🍜帶小朋友去MegaBox玩，6點就去揾餐廳食晚飯，小朋友話想食拉麵，上網睇吓就見到幾多人推介呢間「Rakuraku樂拉麵」，我哋早去到，唔使等位就可以入座，之後到晚市時間人龍都幾長。⚡️我哋點了兩份拉麵套餐:🔸白貓豬骨湯叉燒拉麵，配日式煎餃子。叉燒煮得夠林，大塊又好味，日式煎餃子就不過不失，沒有太特別。🔸特濃櫻花蝦龍蝦湯叉燒拉麵，加$20叫了一份鐵板北海道牛油帶子。鐵板北海道牛油帶子比較失望，帶子好硬，好難咬，食咗幾粒已經放棄。反而特濃櫻花蝦龍蝦湯叉燒拉麵就有驚喜，龍蝦湯湯底濃郁，拉麵吸晒啲湯汁，所以淡淡都好香口。🥤另外套餐仲有送飲品，我哋叫咗兩罐汽水。🌈整體來講，「Rakuraku樂拉麵」質素唔錯，多選擇，價錢大眾化，幾好！

大家應該都好掛住日本嘅拉麵🍜，今日就試Megabox的Rakuraku樂拉麵🍜。晚市都有套餐非常抵食，除咗拉麵之外都有石鍋飯可以選擇。💫白貓（豚骨叉燒拉麵）$98正宗嘅叉燒拉麵，叉燒可以揀肥或者瘦，Melody當然揀瘦叉燒。拉麵也可以選擇淋身中等或硬身的麵。拉麵非常之掛湯，吃完後幾乎沒有湯了。上面有炸蓮藕片、一隻糖心蛋，糖心蛋非常流心。💫赤貓（辛辣豚骨叉燒拉麵）$98赤貓比較辣，上面的材料跟白貓一樣，拉麵非常掛湯，每一口都非常辣，幸好店員提供了一碗豚骨白貓湯，可以洗走辣油，才能吃下整碗麵。🥵🥵🥵不吃得辣嘅朋友要注意啊‼️💫鐵板牛油帶子（+$20）牛油帶子以鐵板上，保持帶子嘅新鮮度，上面加上香蔥、大蔥和洋蔥🧅，有六粒帶子非常之香口。💫日式煎餃子🥟傳統嘅日式煎餃子🥟，煎得香脆可口，鎖住了肉汁。✅ 套餐包沙律菜/飲品+小食‼️食飯時間人比較多😍😍😍同場加映迪士尼系列場景佈置，飯前飯後可以落去睇吓📍 Rakuraku 樂拉麵 (MegaBox) (九龍灣)九龍灣宏照道38號企業廣場5期MegaBox10樓9-10號舖5⭐️評分好食指數：⭐️⭐️⭐️餐廳環境：⭐️⭐️⭐️

其實我一直麻麻地拉麵因為有味x拉麵嘅陰影💀所以依家除咗一蘭之外我都非常抗拒拉麵嘅不過友人又偏偏好鐘意食拉麵咁間唔中都要陪下佢嘅🙂黎到mega box經過呢間拉麵友人即刻試探下我今日有無得食拉麵😅咦有其他嘢食喎唔止拉麵好啦陪你食下拉麵啦🍜😛🥢黑貓 (黑麻油豚骨叉燒拉麵) ($108)麵有得揀軟硬西生揀左正常叉燒就揀左厚叉燒不過職員提提我哋厚叉燒滑d不過肥d😌又有隻溏心蛋拉麵唔係印象中嘅所以唔錯😆少少硬係我鐘意嘅質地👍🏻湯底好濃豬骨湯味加埋麻油味好正🤟🏻我已經講定我下次都要食拉麵😆😆🥢日式炸豆腐 (+$10升級嘅)套餐本來包2款小食不過友人想食呢個😅日式炸豆腐就係炸豆腐加汁我就無咩興趣😅所以3件比哂佢食啦🤪🥢溏心蛋泡菜雞扒石窩飯 ($92)石窩飯一向都係我心水不過太多太多其他選擇所以好耐無食今次揀泡菜因為天氣熱覺得食少少辣野可能會開胃d雞扒似係半煎炸皮脆但肉質仲keep到有汁唔老不過可惜嘅係無飯焦🥲石窩飯就係想食飯焦嘛🥺🥢唐揚雞軟骨 (+$10升級)雞軟骨又係all time favourite 炸嘢又係雞軟骨無得輸啦😀🥢日式煎餃子 5只 ($38)呢個係額外加嘅小食其實order 嘅時候

Megabox餐廳林立, 而且種類繁多, 12:30pm前嚟到餐廳, 暫時都未見人龍! 溏心蛋叉燒石鍋飯 $76午市套餐包沙律或汽水。溏心蛋賣相好靚, 蛋黃呈膏狀, 好食。叉燒肥瘦恰到好處, 份量亦唔少。可惜個飯無汁, 加上石鍋底部有飯焦, 整個飯越食越dry ☹️ 欣賞餐廳非常細心, 因為石鍋飯熱辣辣, 會主動奉上碗仔, 等客人分開慢慢品嚐。午餐加$15 三隻煎餃子, 皮薄好食。朋友食嘅清雞湯叉燒拉麵賣相吸引, 下次都係穩陣啲試番拉麵!