PRET A MANGER (港鐵中環站)

營業中

休息中

(19/5/06)好耐前睇過雜誌介紹Pret的肉桂提子酥,今朝就買黎試,大大個,暖暖的,好多提子乾,吃下就是又脆又鬆化,真係從未如食過咁香的牛油酥呀!

今日lunch又係幫襯呢度，買左件意式烤什菜糙米卷，拎上手熱辣辣，感覺好幸福啊(笑)。D烤什菜好香好香，而且好爽脆，又多汁～芝士味唔太濃唔太淡arm arm好，反而D糙米就一般，如果可以有咬口D就更好啦～

今日lunch冇乜胃口，又唔想食太多野，所以就落Pret A Manger睇下有咩arm食，最後買左半件Smoked Salmon with Cream Cheese Sandwiches。其實裡面得一塊薄薄既煙三文魚，所以煙三文魚既食味都畀其他材料蓋過晒，cream cheese係幾厚既一層，但味道都係比較薄。反而o個D菠菜呀紅洋蔥呀等等既菜味就好出。我本人就覺得呢款麻麻喇。

(21/4/06)好耐無來,原來出左好多新野,例如三文魚意大利飯卷,tiramisu,etc.但o黎,係想買湯的。青豆煙肉薄荷湯,湯是金寶牌,見咁多料,應係再有加工。一打開,嘩!好杰的豆蓉呀!薄荷味輕輕的,又好熱辣辣!公司咁凍,o岩晒。貴得合理,size都ok架!

次次都係食有honey,granola既yoghurt....十個好味囉....仲有食煙肉,雞cesear salad....ｄ沙律醬好食呀

呢日是本小姐生日的大日子,男友仔安排與我下午到中環搭船入南丫島遊玩。到了中環途中,我們沒有食lunch,所以諗住買d野上船食,男友仔提議來這裡買三文治,因為大家都未試過~三文治好多款呀,樣樣都想試,而且價錢仲...$$,我諗應該會幾好味呢;我地揀左一冷一熱,分別係男友仔喜歡既蛋沙津三文治(冷)同埋司華力腸卷(熱)。上左船了,終於有得食;我地食左熱既司華力腸卷先,不錯呀,個皮都幾好味,質感亦不俗,裡面配料有青瓜等等,唔太記得lu,食落覺得幾大條,一個人食晒的話都會幾飽~至於蛋沙津三文治,味道同平時食開果d好唔同架!唔識形容,頭果幾啖有d唔慣,之後食食下都OK;不過下次有機會再黎幫襯,我會揀香芒雞肉三文治囉~其實本身都想食呢個架喇,但係男友仔先一步話要蛋沙津咪算囉>.<,嘻嘻...

今朝趕返工, 買左個細龍蝦仔波菜三文治。凍食, 兩片三角去皮麥碎包中間夾住D料。賣點肯定是健康衛生, 味道都好, 價錢就平5蚊會開心d。

兩星期前出風疹去中環看皮膚專科，見完醫生都成一點，回程經地鐵站這店，就試試。雖然皮膚敏感，但仗著有藥食，無有怕，買了玫瑰小龍蝦三文治（＄３２）。麥包新鮮鬆軟，小龍蝦都幾多，青瓜只有數片略嫌少，美中不足是坐了三十分鐘車回家才吃，醬汁和瓜出了少少水。玫瑰醬沒什麼玫瑰味，可能未病好，味覺未恢復？以一份三文治來說，價錢不便宜，男士作午餐可能不夠，最要清淡健康不肥膩的女士。

趕返工,行到熱辣辣,買支野飲先想飲yoghurt drink,幾隻之中只有mango yoghurt呢隻冇用蕉,$23一樽都幾貴喎~飲落都幾香芒果味同埋都算幾thick,不過實在太太太甜對我黎講,如果甜味減半相信會much better試過就算~

唔記得食lunch,經過地鐵站見到pret a manager,就走左入去,可能已經係下午啦,所以無咩choice,我要左一個好似叫"全天候早餐"(???)既sandwich,真係好好食wor,下次有機會會再食,因為o個陣太rush,唔知o個度有無coffee賣呢?有就perfect啦

昨晚因有事到中環，但又沒有時間食晚飯，所以來這裡買三文治食。我們買了脆味煙生蕃和芒果雞肉三文治。脆味煙生蕃三文治- 煙生比較硬，蕃茄就很新鮮，但我自已唔多喜歡食凍的食物，所以感覺一般。芒果雞肉三文治- 芒果很香，雞肉唔韌，味道比脆味煙生蕃好味好多，雖然係凍的，但也很好味。價錢一d都唔平，但就好多人買，相信健康也是原因之一。

lunch 想食light d, 於是去左呢度買左個petite o既辣波菜三文治. 食落感覺好特別, 有朕微辣同非常獨特o既香味, 我諗o係一d不知名香料, 而蛋黃醬味道剛好. 同d咬落去索索聲o既菜葉同幾爽o既蝦肉食真o係好惹味非常正! petite size 真o係有d唔夠o候, 不過其實o岩晒女士門o既胃o既容量. 有下次!

I love their sandwiches. Although some have heavy spices that I myself found too strong, but those sandwiches that doesn't use spice are very very good. I got addicted to them already!1) Chicken Ceasar Sandwich2) Avocado Formaggio Sandwich (similar spelling.. dont' remembered exactly)3) All Day Breakfast Sandwich4) Smoke Salmon Salad (super yummy)5) Avocado Chicken (have spice & herbs)6) Mango Chicken (have spice & herbs)7) Potato Wedge (new.. quite good)8) Chocolate cake (they rarely have it b

好怕加糖既果汁,哩度所有果汁都係100%鮮榨,所以我最捧場~carrot juice 係我既first choice,好鮮甜, 又香濃,一樽都用左唔少甘筍去榨ga~

肚餓想食d野, 買個sandwich食~真係好fresh, 好好味!d 生菜仲好脆口tim!下次試下其他味sin.....