Plato Cafe & Bistro (裕民坊YM²)

慶祝自己生日約埋朋友黎試下觀塘裕民坊3樓餐廳，價錢方面二人餐都係4百幾有交易，而食物質素方面都唔錯，個人覺得牛扒7成熟，如果再生少少會更好。地鐵附近，環境優美，今日早左黎，行左一圈，附近都有幾間餐廳，呢間裝修簡約，坐得舒服。晚餐Menu 都有十幾款選擇。今日揀左呢個至尊二人餐，賀一賀自己。佢另有一個精選二人餐。甜品Menu 則有6款選擇。第一道菜忌廉湯好creamy 好好飲。加錢叫左杯紅酒賀一賀自己生日。呢道白酒煮蛽，好香白酒味，如果多啲就好喇。炭燒澳洲肉眼牛扒7成熟，略為熟了一點，如果再生少少會更加好。反而Rosemary羊架7成熟就非常好，唔係好酥羊有羊味。甜品係我至愛，呢個竹炭千層盒子配雲呢拿雪糕好好味，估唔到塊餅乾都好好味。最後一道菜，朱古力心太軟甜品，作為總結今餐好滿足，食得好開心。

同朋友慶祝生日，知佢鍾意食西餐，上網見觀塘裕民坊有間環境幾靚嘅西餐廳可以帶佢去試下。Plato Cafe & Bistro餐廳裝修簡潔優雅，令人感覺舒服relax。點了個精選二人套餐$458甘荀蓉餐湯夠濃稠，甘荀味道很香甜，好好飲😋酸忌廉煙肉薯條薯條炸得好脆，原來薯條配酸忌廉係好夾比茄汁更好味，越食越開胃，食到停唔到😂北海道帶子松露野菌意粉，帶子飽滿煎到表面焦黃但裡面還是嫩滑，恰到好處不會過熟，意粉充滿著松露及野菌香味澳洲肉眼扒點了七成熟，份量十足，外面焦香脆，肉質鮮嫩多汁，不過下次會叫五成熟應該會更軟腍，更好味。 叫了兩柸飲品，1柸係凍雜苺乳酪，另一柸熱培茶鮮奶。雜莓乳酪酸酸地又不太甜，味道非常清新。甜品當然唔少得芝士蛋糕又綿又滑。竹碳麻糬千層酥盒子配雪糕千層酥鬆化，麻糬煙靱，再配埋冰凍雪糕多重口感，極之豐富。

OT完在觀塘區食埋飯先返屋企之前在佐敦食過既Plato Cafe在裕民坊的3樓開了分店主打各式各樣的意粉、意大利飯意大利西餐 //西班牙風乾火腿薄餅 $118//薄餅底的pizza上枱時熱辣辣香噴噴餅底入口口感香脆西班牙火腿咸香味十足加上大量拉絲既芝士及火箭菜是絕配二人份量 唔怕食唔晒 //北海道帶子松露野菌意大利粉 $148//帶子煎到金黃色 肉質爽口彈牙意粉亦好掛汁松露味香而且濃郁重點係有好多野菌 //自家制麻糬Tiramisu $58//一上桌已經見到個賣相好打卡呢個Tiramisu有驚喜 加上了麻糬估唔到成件事又幾夾佢地既麻糬真係做得相當出色 重點係夠大粒 清楚食到麻糬煙韌的口感而且Tiramisu 底做得好出色 咖啡味好出//Latte $46//溫度同奶泡都控制得好奶泡打得夠穩 就算放涼了也不起泡飲落奶滑而豆味香濃屬高水準的咖啡

今日收工同朋友一起去左呢間佢極力推薦既餐廳話打卡一流，食物又好食，食完仲可以係靚靚既平台散步。我地今次都叫左個精選套餐試下先，有前菜，主食，甜品及甜品，分量好足，咁多先$458，真係超抵食🌟是日餐湯我今次係南瓜湯，個湯整到好綿密，飲落去有南瓜既清甜🎃南瓜味好重🌟天婦羅魷魚鬚送到黎就已經熱辣辣，師傅岩岩炸起，一食落去係脆卜卜，每一舊入面既魷魚都好肥美🐙超彈牙又好香口，外脆內香，仲可以點咪個酸忌廉醬汁，超惹味🌟波士頓龍蝦龍蝦汁意大利飯一眼望落去就見到半隻龍蝦🦞好似我手臂咁大隻，肉眼可以見到有好多既膏，仲有雪白既龍蝦肉，d肉係好鮮甜，好彈牙。而個意大利翻係用左龍蝦汁去煮🦞龍蝦既鮮甜裹滿左每一粒飯，入面仲加左好脆口既竹筍，成個飯好濃郁龍蝦味，好鮮甜🌟澳洲肉眼牛扒今次我地叫左7成熟，成塊牛扒都係好大塊🥩入面一咬落去係好嫩口，又煮到好入味，仲可以點咪個黑椒汁，超推薦🌟芝士蛋糕個芝士味好重🧀又唔會好甜，好足料，一啖落去係好鬆軟🌟冰果茶好fresh，入面仲有d果肉🍍唔會好甜又好大杯

今日約左朋友去觀塘食飯，經過裕民坊見到間餐廳好靚、環境舒適就入左去。餐廳安排左我地坐窗邊高枱，方便同朋友傾計。一坐低就睇下食咩好，最後揀左2個dinner set卡邦尼意粉、西班牙海鮮飯，同埋2個頭盤天婦羅魷魚、蒜蓉牛油炒什菌。叫完無耐好快送左個餐湯過黎。今日嘅湯係忌廉甘荀湯。湯唔止幼滑，每一啖都有甘荀蓉，口感十足。飲緊湯無耐，好快就送左天婦羅同炒什菌過黎。先講天婦羅，明顯食得出係新鮮炸起，食落都冇油益味，同埋天婦羅外脆內軟，配埋佢個酸忌廉醬，真係愈食愈停唔到口。至於個炒什菌同樣咁正，食落勁重蒜蓉味，岩哂鍾意食重口味嘅人。雖然用牛油炒但唔覺油膩，食落十分清新。終於到主角出場，先講西班牙海鮮飯，海鮮材料種類非常豐富，鮮味十足，同埋佢個飯底有濃郁嘅蝦湯味，唔會太咸，食落味道岩岩好，值得一試。之後到卡邦尼意粉，醬汁黏稠岩岩好，每啖汁都有煙肉嘅肉香同洋蔥嘅香味，意粉食落有嚼勁，口感十足。餐飲揀左凍朱古力同熱抹茶鮮奶，凍朱古力飲落唔覺有粉味同埋十分香滑，味道亦都有豐富嘅可可味，重有勁邪惡嘅cream，超正。而熱抹茶鮮奶茶香濃郁，口感綿滑，甜度亦適中，值得推介。

晚上同朋友行過裕民坊嘅空中花園，發現呢間高質抵食西餐廳😍❣️餐廳座位舒適，望住窗外嘅花園景色幾有氣氛，職員既服務態度好好👍我地叫咗精選二人套餐，包哂前菜、餐湯、主菜、飲品、甜品！整體環境、服務、食物質素都好好，呢個價錢真係好抵食，十分推薦😎‼️🧡是日餐湯🥣南瓜湯甜甜地，質感濃稠綿滑，飲到南瓜嘅顆粒感幾好味🧡煙三文魚凱撒沙律🥗🧀🧀份量都不少，煙三文魚肉質軟滑，新鮮嘅沙律菜加上香脆麵包粒、煙肉碎、芝士粉、沙律醬作為前菜夠fresh夠開胃🤤🧡北海道帶子松露野菌意粉🍝香煎帶子幾有鮮味，野菌、三色椒炒得惹味，忌廉蘑菇汁充滿香濃既黑松露味，而意粉硬度適中，掛滿哂醬汁非常好食！！令人一口接一口😋🧡澳洲肉眼牛扒🥩🥩擺盤有心思，一上碟已經聞到好香嘅炭燒牛味🤩叫咗medium既肉眼牛扒，熟度都啱啱好，外層煎得焦香，肉質鮮嫩多汁有咬口，油脂分布平均，啖啖都爆汁🫢配菜都幾多夠豐富，食得又飽又滿足😋😋❣️🧡熱抹茶鮮奶🍵🍵🧡冰果茶🍹估唔到鮮奶會配埋精緻既拉花，幾有驚喜💕抹茶味道勁香濃😍又靚又好飲‼️冰果茶味道幾fresh也不錯！🧡芝士蛋糕🍰甜品也不馬虎，蛋糕質地綿密，芝士味濃郁，甜度適中幾好食～為晚餐畫上完美句號👍💕📍P

主打意大利西餐既「Plato Cafe & Bistro✨」終於開到觀塘區，餐廳不同款式既意粉、意大利飯、burger等等，不同款式既美食，而且仲有午及晚餐，非常抵食又好味，套餐仲有餐湯及飲品，性價比十分高。主菜方面, 首先係「松子仁欖油蒜片意大利粉」🍝,意粉彈牙爽口,配搭上香濃的欖油,加上碎松子仁和蒜片,好鮮味又咸香,每一口都讓人難忘。 😋另一款係「卡邦尼煙肉意大利粉」🍝,煙肉鮮嫩多汁,配搭上蛋黃和芝士的醬汁,既豐富又濃郁,吃落好厚實,好滿足呀!🤩最後係「鮮菠蘿牛肉漢堡」配薯條和沙律🍔,漢堡餅又厚又實在,牛肉鮮嫩多汁,加上脆脆的菠蘿片,好開胃又清新!薯條酥脆豐厚,沙律又清甜可口,實在好味。😋🍟

餐廳環境舒服，氣氛輕鬆自在，食物種類都唔少，亦有套餐供應，套餐包是日餐湯及飲品一杯鮮茄煙肉水牛芝士蝦意大利雲吞雲吞一碟有6隻，配料有好多煙肉，磨菇，紅青椒同芝士，蕃茄味濃郁，成個味道好意大利德國脆皮咸豬手配酸菜外型大份嘅豬手燒至金黃，豬手切好一件件，外皮入口香脆，肉質飽滿嫩滑，食落唔韌，配上酸菜可以解解膩椰菜花忌廉湯淡淡椰菜花甜味，加埋薯仔好creamy，而且又夠熱薯條炸得金黃香脆，不油膩西班牙海鮮飯有蝦，帶子，青口，魷魚同大蜆，西班牙飯硬度剛剛好，吸哂海鮮嘅鮮味，味道層次豐富香芒牛角窩夫配雪糕牛角窩夫表面灑上糖漿，好香蛋味，口感酥脆，窩夫夾住新鮮芒果肉，帶出天然香甜，配埋雪糕冰火體驗好過癮竹炭麻糬千層酥盒子配雪糕黑色嘅甜品帶點神秘，千層酥中間夾住麻糬，咬落軟糯，而忌廉打得幼滑，加埋雪糕口感豐富

Plato Cafe係觀塘裕民坊開咗間新分店。餐廳的氛圍舒適。今晚去食晚餐。我地揀咗Set dinner，包了餐湯、主食、飲品。是日餐湯係甘筍湯🥕 質感濃稠。✪ 澳洲肉眼牛扒 ✪ 牛扒上枱時聞到好香！煎得恰到好處，保持肉質的鮮嫩口感。軟嫩多汁，搭配著一些西蘭花同薯蓉。但份量不算多。餐飲升級了薄荷朱古力奶昔，口感冰涼，有著醒神的薄荷香。✪ 炸軟殼蟹忌廉意大利飯 ✪ 軟殼蟹炒得外酥內嫩。忌廉意大利口感濃郁，口味偏清淡。加返黑椒就剛剛好。蜂蜜柚子茶散發出柚子的清香和蜂蜜的甜味，感覺溫暖和舒適。【 Plato Cafe & Bistro 】📌 觀塘協和街33號裕民坊YM² 3樓309號舖

今次同朋友去左位於裕民坊嘅西餐，好耐冇黎，依家嘅裕民坊有種新潮高雅感覺呢！我地點左兩個一人餐，首先要點評下呢度餐湯「大蒜薯仔餐湯」,呢道湯頭既濃郁又實在,香氣四溢,單單聞到都令人好胃口。而湯底滲透咗大蒜嘅芳香,更提升咗整體鮮味。當中嘅薯仔又軟滑可口,遠勝過一般嘅薯仔湯。然後就試下「鮮菠蘿牛肉漢堡配薯條及沙律」。漢堡包個整得十分鬆軟,牛肉質地細嫩彈牙,配合酸甜適中嘅菠蘿,令人回味無窮。薯條炸得金黃酥脆,沙律亦新鮮爽口,係多重滋味嘅好菜式。 最後,我最喜歡嘅就係佢嘅「德國脆皮鹹豬手配酸菜」。脆皮豬手十分厚實,入口即溶,肉質鮮嫩可口。而醃製咗嘅酸菜更為整道菜式注入了一份酸甜提神嘅滋味。至於飲品,「芒果沙冰」清冽爽口,十分消暑,而「熱Cappuccino」濃香濃郁,令人神清氣爽。整體嚟講,餐廳嘅菜式不僅味道豐富,而且分量十足,真係物有所值。而環境優雅,服務親切周到,絕對推介呢。

南瓜湯溫厚濃郁嘅南瓜湯,質感綿密滑順,香甜清新,入口即化,暖胃療癒,既健康又美味,一湯一碗已足夠滿足,好適合閒時慢慢品嘗。燒黃油春雞💰178燒黃油春雞好出色，雞皮金黃脆爽,一刀下去油花四溢,入口即溶又帶點煙燻味,香氣四溢。雞肉亦幾嫩滑多汁,毫不乾澀,好飽肚。配上特製醬汁,又鹹又香,簡直完美配搭!性價比高,無論幾次也吃唔厭!炭燒BBQ 豬仔骨💰188肉質肥瘦相宜,咬一口即溶於口,充滿煙燻香氣同齒頰留香。外層焦脆,內裡軟嫩鮮甜,簡直係幾好食!配搭薯條同沙律更加完美,薯條炸得金黃酥脆,沙律新鮮脆口,為整個餐點增添清新感。份量十足,絕對飽肚。環境舒適,服務周到,性價比超高。無論係朋友相聚定係家人聚會都好,呢道炭燒BBQ 豬仔骨絕對係最佳之選。真係又平又好食,難怪會叫咁多人光顧!雜莓奶昔💰58雜莓奶昔好清新甜美呀,酸香味就剛剛好,低脂又好營養,真係夏日飲嘅完美選擇!口感濃滑,顏色亮麗,一睇就好靚,忍唔住就要一飲而盡!薄荷朱古力💰48薄荷的清新與朱古力的濃郁完美融合,口感綿密細緻,甜中帶涼,層次分明。入口即化,餘韻持久,令人欲罷不能。這也是消暑解渴的清新佳品。

餐湯：今日嘅餐湯係甘筍湯，甘筍Blend得好幼滑，無渣，味道口感都唔錯。煙三文魚凱撒沙律：作為前菜梗係要食返啲沙律，開下胃先啦，沙律菜都頗新鮮加上煙三文魚作為點綴。肉眼扒：叫左份medium 既澳洲肉眼扒，賣相靚仔。肉味香濃，油分十足，脂肉比例平均，外層焦香，鎖住牛扒既牛汁，認真唔錯。黑松露帶子意粉：意粉硬度適中，廚師帶子煎封技巧唔錯，半生熟狀態更顯帶子既鮮味，加埋黑松露醬就梗係一流意式切餅：cheese cake味道濃郁而油膩，為呢餐劃上完美句號。總結：二人餐四百零蚊食到呢個質素算係唔錯，性價比高值得一試。

今日行開歡塘裕民坊呢邊搵到呢間正嘢☕️🍝🍰🍵🍹位置於裕民坊商場3/F餐廳裝潢設計靚座位寬敞舒適非常之乾淨企理👍👍👍真係坐喺到靜靜地食下野飲下野既好地方亦適合三五知己飯局的好選擇由於時間尚早仲趕得切叫lunch set當晚餐***西班牙黑毛豬鞍配蘋果蓉配沙律菜***$128味道吸引黑毛豬鞍的肉味配蘋果蓉帶來的清新口味味道相當夾食材用料新鮮***Iced Hojicha latte***Lunch set餐湯***紅菜頭湯***味道濃郁出色好飲😋好想再飲多碗加$38有日式芝士餅上碟裝飾精緻味道😋Lunch set的其他選擇有輕食沙律到豬鞍牛扒都有照顧到唔同胃口的人士埋單連加一服務費$200價錢合理絕對係可以舒舒服服坐低休息的好地方推介😙

今日去裕民坊，上咗3樓嘅花園餐廳食lunch，最後去咗Plato Cafe & Bistro。入到餐廳，環境闊落，主要有4人卡位同靠窗邊嘅2人座位，可以一邊睇景一邊食嘢。Lunch set包1份主餐、田園沙律/是日餐湯、1杯$32飲品。另可追加小食同甜品。我地點咗2份lunch set，一份西班牙黑毛豬鞍同一份澳洲肉眼牛排，另加$28點咗一份日式芝士餅。前菜點一份田園沙律同一份是日餐湯。是日餐湯係蕃茄紅菜頭湯，味道唔錯。西班牙黑毛豬鞍配蘋果蓉，蘋果蓉嘅甜味配豬鞍都幾夾。主食點咗意粉，意粉煮得啱啱好，唔會太硬或太腍。澳洲肉眼牛排配紅酒燒汁，牛排可選三成熟、五成熟、七成熟同全熟。我點咗七成熟，主食點咗飯。飲品點咗一杯英式奶茶同一杯cappuccino。奶茶係紅茶同奶分開上，可以自己調配鍾意嘅奶茶比例。

今日晚餐同朋友去左裕民坊嘅餐廳食飯。裝修左之後，多左唔少餐廳有室外座，我地就去左3樓空中花園嘅其中一間Plato Cafe & Bistro, 餐廳裝修簡約，有窗邊嘅高枱可以望到花園，都幾寫意。食物選擇都唔少，我地叫左一人一個dinner set,加多個小食 炸蕃薯條。卡邦尼煙肉意大利粉。經典菜式，賣相唔錯，卡邦尼汁濃稠度剛好，掛到意粉但唔會太挺身。味道香濃，配上煙肉嘅鹹香好夾。配堆雜菌多左一重口感，味道唔錯！另一個餐叫左 德國脆皮鹹豬手配酸菜。上枱勁大份，而且已經切好左排得好整齊，食起上黎好方便。鹹豬手調味聞落有鹹香，食落剛好唔會過鹹，而且豬皮真係好脆！！肉質有咬口但唔會乾。配上芥末醬同酸菜去膩，食落更清新。隨碟有沙律菜，食落新鮮。餐配是日餐湯，今日係甘荀湯，飲落有甘甜，口感順滑，食到粒粒甘荀，整體清新。小食 炸蕃薯條份量適中，熱辣辣，脆卜卜，帶微甜味，好食！飲品一杯叫左冰果茶，味道清新開胃，啱哂呢d悶熱天氣。另一杯叫左熱嘅焙茶鮮奶，淡淡嘅焙茶，飲落幼滑，味道舒服。食物質素唔錯，環境安靜，店員有禮。之後到涼涼地嘅天氣可以考慮下坐室外座，感覺會更悠閒寫意。