Plato Cafe & Bistro (裕民坊YM²)

今日約左朋友試下呢間屋企附近既餐廳 朋友食過油麻地既分店都話唔錯😌有信心保證！呢間位置喺裕民坊3樓 空中花園 環境幾舒服開揚～午餐有好多set lunch選擇 價錢都唔貴 我地最後揀左兩個set share~煙三文魚菠菜忌廉意大利飯 意大利飯口感岩岩好 唔會太淋太硬 最鐘意有勁多既菠菜同三色椒！泰式燒豬頸肉配薯條豬頸肉好煙韌 燒得幾好 配埋泰式辣醬又幾match食埋甜品真係好滿足！呢個自家製tiramisu 好好味 甜度適中 加埋星星餅又幾得意

朋友搬新居，特登放工之後去探訪。嘩！新居很漂亮🤩。之後朋友介紹話平台有間很好的餐廳『Plato Cafe & Bistro』，無論環境、食物、服務、各方面都是優質之選👍門口，感覺真不錯😍行到入面，簡潔光猛，座位坐得舒服，播放著柔和寧靜的音樂，感覺很舒服😌朋友選了一個二人套餐服務員很快便拿來兩碗熱「菜湯」🍲，香滑好味👍「酸忌廉芝士薯條」，出奇好味嘅薯條，哈🤗我哋要咗個「北海道帶子松露野菌意大利粉」及飯品「水果茶」，好味好飲😃服務員推介主菜王牌之選「炭燒澳洲肉眼牛扒」五成熟牛扒好好味😋，入口香，有牛味，有咬感，正😍配咗個焗薯，都係好好味👍食完之後，（心想渴口清水時）服務員已經很窩心地遞上兩杯清水，讚👍之後服務員更問上一句要食甜品時通知👍👍👍，比個讚佢👍最後甜品系一件濃濃芝士味嘅「芝士蛋糕」，好味😋今晚食得很開心，難怪朋友推介『Plato Cafe & Bistro』真係無論環境、食物、服務、各方面均是優質之選👍

今日去咗呢間餐廳食2人set dinner $458都幾抵食叫左肉眼扒五成熟，好有牛味，好香口！好食！叫左龍蝦意大利飯，龍蝦都好鮮味(不過肉細舊咗少少），個飯都好味，好濃龍蝦味，調味啱啱好！又有餐湯，前菜，野飲，甜品！ Staff 都好好，有禮貌，服務又貼心見我地兩個人，就主動問我地要唔要多兩隻碟俾我地share main course!見我地食完個龍蝦身，未食隻鉗，就問我地需唔需要個鉗去開個龍蝦鉗又主動幫我地加水，個個staff都好有禮貌野食又好食 又抵食！

今日同同事係觀塘食飯，擇左呢間係裕民坊商場既餐廳好掂👍👍價錢平平地但好高質。。🥢德國脆皮咸豬手配酸菜 $218呢個德國脆皮咸豬手真係一級棒！表面脆口，豬肉肉質嫩滑，咬下去有啲肉汁流出來，配上酸菜，味道更添層次，酸酸咸咸嘅，食得好過癮。價錢亦相當合理，真係高CP值！。🥢香草燒法式春雞配薯條及沙律 $178呢個香草燒法式春雞燒得啱啱好，外脆內嫩，香草嘅味道令雞肉更加香氣四溢。薯條炸得金黃酥脆，沙律又新鮮，整個餐點搭配得非常好，令人食完有滿足感。。凍果茶（跟餐送）凍果茶清爽，果味濃郁，飲落好開胃，令人感覺清新。。凍意式即磨咖啡 +$4凍意式即磨咖啡口感濃郁，咖啡香味十足，絕對係一杯提神嘅飲品，搭配餐點都好合適。。總結嚟講，呢間西餐廳無論係食物質素定係價錢，都非常之好，真係高CP值！

裕民坊三樓除了有舒適的空中花園外，周邊匯集各國高質貼地的餐廳，每次來都俾到我驚喜。今次發拓到依間cafe，餐廳人氣十足，環境舒適。有著cafe親民級價錢，酒店級水準的美味，的確抵食。套餐有好多選擇，樣樣吸引，三心兩意下，最終揀了二人套餐，亦相當滿意。龍蝦意大利飯出色一定要食。精選二人套餐 $458南瓜湯濃湯入口綿密，味道香甜。煙三文魚凱撒沙律沙律菜新鮮爽脆，有芝士粉、火腿碎和凱撒醬汁，酸酸鹹鹹勾起食慾，配埋軟滑的煙三文魚薄片，簡單好味。龍蝦汁波士頓龍蝦意大利飯龍蝦半隻肉確實唔多，肉質爽口彈牙。而個飯龍蝦汁味道濃郁，滲透每粒飯粒，即使飯粒口感軟淋唔係煙韌，已經不再重要，能把咸鮮味發揮到極致，有種被掉進海裡滿滿都是龍蝦游走的感覺，啖啖滋味幸福到呢。呢道菜本身主角係龍蝦，但就被意大利飯搶左焦，龍蝦情何以堪，真心覺得個飯好食。炭燒澳洲肉眼牛扒肉眼扒大塊且厚身，牛味濃口感軟嫩，七成熟切開色澤粉嫩有肉汁，炭燒過咩唔太覺，焦香味落空，有股衝動想叫佢燒下。媽媽持刀話ＯＫ好食，就此作罷。配紅酒燒汁惹味，仲有香甜的車厘茄，爽脆的露筍等配菜，整體唔錯。紐約芝士蛋糕蛋糕口感細膩幼滑，芝味濃郁食完又唔會好膩，作

其實食左好耐、一直唔記得出返個食評因為有朋友推介呢間cafe所以就襯放假，帶咗爸爸嚟試食位置超方便就喺裕民坊啲位置都超靚，超啱傾偈慢慢坐而且有晚市套餐都幾抵食～每人都有一個餐湯～餐湯係薯仔湯超濃郁龍蝦燒得好香、雖然有啲細隻 賣相超靚龍蝦鉗仲叫咗個卡邦尼意粉味道都唔錯豬手都幾大份兩個人都食唔晒皮非常香脆而且仲有兩個汁、同搭配左沙律冇記錯一杯係薄荷朱古力一杯係橙汁兩杯都好飲食物唔錯，環境又靚，下次應該都會再嚟

第一次嚟裕民坊搵到一間性價比高西餐廳😝位置係3樓平台，環境舒服，座位闊落🙌🏻晏晝人流一般唔使等位，上菜速度非常快👍🏻日式燒汁雞肉炒意大利粉午市套餐包餐湯，今日有南瓜湯😋濃郁嘅南瓜湯口感柔滑，帶有自然的甜味，好開胃🤤意大利粉份量好的色😂配搭日式燒汁中煮和蒜蓉粒，好惹味😍雞胸質感軟熟，整體唔錯☺️西班牙黑毛豬鞋配蘋果蓉超級鍾意酸甜嘅蘋果蓉，好特別😍兩大塊又厚身西班牙黑毛豬肉質今日比較老，不過易切開，食落有咬口自家製麻糬提拉米蘇食到有傳統提拉米蘇嘅香醇，再加上麻糬嘅Q彈口感🥳有層次感👍🏻好多cream食完好有罪惡感🙂‍↕️榛子鮮奶咖啡叫咗多忌廉，比較甜身少少，濃郁嘅咖啡搭配榛子堅果風味，好味Affogato al Cafe 經典意式甜品🤩將香濃咖啡淋係雲呢拿雪糕上，完美享受😋小心雪糕好快溶，可以叫後上☺️📍Plato Cafe & Bistro 觀塘協和街33號裕民坊YM² 3樓309號舖

今日唔想煮飯，同埋小朋友上網睇吓附近有咩好食，決定同佢去食西餐，上網見到呢間環境幾好，決定去試一試。穿過商場，去咗一個平台，環境幾舒服，就走進咗呢間餐廳。我哋叫咗兩份晚餐，一份澳洲肉眼牛扒，一份露絲瑪莉香草燒羊架。一杯鮮橙汁（+$10），一杯焦糖朱古力（+$14）。肉眼扒選了七成熟，唔算好大塊。不過都好淋，煎得好香。有薯蓉同少量蔬菜做伴菜，感覺可以健康啲。小朋友食燒羊架，都係七成熟，一嚟到就好香嘅羊味，另外同露絲碼利香草一齊去煎，真係好夾。我食咗一啖，唔算好腍，小朋友好牙力就OK。小朋友叫咗杯焦糖朱古力，樣子好靚，有好多cream，我見佢都飲得好開心。我飲鮮榨橙汁，正常發揮。環境舒適的，有機會會再黎。😋Yummy Yummy: 7/10😋

今日唐曆七月十四，一家人燒衣後，出去食返餐飯，沾沾旺氣先。Plato Cafe & Bistro (裕民坊YM²) 觀塘協和街33號裕民坊YM² 3樓309號舖PLATO柏拉圖，這間餐廳頗有名氣，近日在各商場開了新分店。裕民坊這間分店貫徹一向裝修風格~歐陸風，餐廳內樓底比較高而且座位闊落。所有晚市套餐都包是日餐湯，主食及基本飲品，價錢由$98至$200幾都有，豐儉尤人。我們四人，今日想食好啲，揀咗一款二人套餐$546，包括有頭盤、餐湯、主食、甜品及飲品和另外二份晚市套餐。🍽️二人套餐頭盤︰白酒鮮忌廉煮青口🦪呢個頭盤係我超級鍾意食㗎，味道唔形容啦，我淨係突然間有一份好掛住一位好朋友嘅感覺。餐湯︰蘑菇湯🥣🍄‍🟫湯底杰身，就像加了很多蘑菇烹煮而成。主食︰西班牙黑毛豬鞍🍖🐖豬鞍好厚身，黑毛豬肉味濃郁，肉質鮮嫩juicy🥩 厚切澳洲肉眼扒，肉眼扒點了五成熟，表面煎得焦香，切開仍是粉紅色，廚師掌握得火喉和時間非常之好；食落軟韌適中，牛味頗濃🐮，配菜的薯蓉亦很出色，🥔薯仔味道突出又不會過漏，夠晒飽肚😚。甜品︰檸檬芝士蛋糕🧀濃郁細緻的cheesecake, 非常出色，令人食得滋味又想再吃。麻薯千層酥盒子

懶得諗揀精選二人套餐，包括餐湯、前菜、飯或意粉、主菜、甜品及飲品，前菜揀咗酸忌廉煙肉薯條，及餐湯係甘筍湯～波士頓龍蝦意大利飯係半隻龍蝦，會提供工具俾你拆肉，肉質都幾爽口，本身龍蝦湯飯底好香，而且龍蝦有好多龍蝦膏及蝦籽，可以加埋落去撈飯令成個飯底龍蝦味更加濃！炭燒澳洲肉眼扒配奶油薯蓉及西蘭花，我地揀5成熟，油脂不算多，口感比較實淨。甜品係日式芝士餅，味道唔算太甜，正常發揮～（仲有其他特色甜品可以加購）

Plato Cafe & Bistro⭐️BBQ 雞翼⭐️煙三文魚牛油果忌廉意大利粉⭐️炭燒BBQ豬仔骨配薯條及沙律⭐️冰果茶琴日去左觀塘做facial，randomly 揀咗間Cafe同屋企人食Dinner。首先叫咗個炭燒豬肋骨嘅dinner set，入面包一個椰菜花湯、主菜同埋飲品。個豬肋骨食落嘅感覺有少少似Outback，有少少燒嘅香味，BBQ醬落得唔算話超級多，個人比較鍾意呢一種。而作為配菜嘅薯條偏幼身，即叫即炸熱辣辣。三文魚牛油果意粉都唔錯，除咗煙三文魚之外，餐廳亦有加入三文魚肉碎落個意粉度，加上少少嘅三色椒，就算個意粉本身用忌廉汁為主，食落去嘅味道唔會膩。我覺得呢間Cafe嘅水準喺觀塘嚟講都算幾ok，聽講係啱啱新開，希望佢會繼續做落去啦。

成日都喺觀塘區覓食嘅我其實未去過裕民坊嫁😆今日見有時間就行過去行吓😗😗去到3/F花園平台都有好幾間餐廳幾吸引😍最後揀咗間環境幾靚幾舒服嘅西餐廳🥰我哋揀咗兩個晚餐😁包咗湯、主菜同$32以下飲品🍸飲品menu選擇好多🤩只需補差價就可以😉🥩澳洲肉眼牛扒 ($238) 自己用app落單好貼心地有得揀生熟度😙我哋揀咗5成熟，火喉控制得唔錯😌外表焦香，切開粉嫩嘅色澤，咬落軟嫩唔靭🤤🍖德國脆皮咸豬手配酸菜 ($218) 豬手好大份🤩已經切好哂，食落方便😙豬手皮真係脆卜卜，肉又唔算好乾，又唔會好硬😋調味適中，咸香十足但唔會太咸👍🏻🍫特濃朱古力 (+$16) 🍯蜂蜜柚子茶 (+$4)

Plato Cafe & Bistro 位於觀塘裕民坊YM²商場三樓，常常環境優雅，坐得舒服，很適合朋友聚聚🤭🤭午市套餐都算多選擇，而且可以追加小食同甜品🤭🤭蟹肉蟹粉忌廉意大利粉….. 蟹肉蟹粉足料，醬汁夠濃意大利粉軟硬適👍炭燒雞扒配天多利醬配意粉…炭燒雞扒，肉質鮮嫩皮脆肉嫩！追加小食日式天婦羅魷魚鬚$38…..份量不少，而且香脆可口😬芒果沙冰🍧……唔會太甜不錯！特濃朱古力…..朱古力好香濃👍

同朋友做完運動，梗係想食餐好！😋特登嚟到裕民坊呢個花園嘅位置，坐得舒舒服服咁嘆個靚tea~澳洲肉眼牛扒 配紅酒燒汁 配沙律 ($138)肉質非常嫩滑，入口真係有差啲即融嘅感覺，以呢個價錢食到咁高質嘅牛扒算難得！😙柚子雞翼（3隻）配薯條及沙律 ($48)唔算太甜嘅柚子味，食落去都幾開胃，薯條量都好多！😍朱古力心太軟配雪糕 (+$48)比想像中細舊，上菜時已經裂開咗，啲朱古力醬流晒出嚟，有啲可惜🥲Oreo奶昔 (+$26)大大杯加埋cream真係好邪惡！相對上淡味啲，奶味較重🙈芒果沙冰 (+$26)非常清爽，解渴一流！個人感覺甜度啱啱好👍🏻

位於觀塘的「Plato Cafe & Bistro」，唔單止交通便利仲要環境舒適，食物仲要多元化。見到Menu就嗌個dinner set，叫左個「西班牙海鮮飯」，呢個有驚喜，啲飯吸收左海鮮的鮮味之外，仲有啲香料味，每粒飯都夠濕夠滋潤。而且仲搭配不同既海鮮，如鮮蝦和貝類，每款都極新鮮同大隻，呢個價錢絕對抵食。另一個叫左「德國脆咸豬手配酸菜」，脆皮的豬手外焦內嫩，豐富的肉味配合酸菜的清爽口感，令人食過返尋味。又係大大碟，份量超多，重點係個醬同個豬手勁夾，仲要豬手啲骨膠原爆哂出黎，絕對係必試菜式之一。飲品方面，無論是「Oreo奶昔」還是「香蕉朱古力奶昔」，都非常吸引，同時仲要加上忌廉。Oreo奶昔甜而不膩，綿滑的口感與餅乾碎屑完美結合，令人食副停唔到口。而香蕉朱古力奶昔則完美結合了香蕉的清新與巧克力的濃醇，食完會令人好開心。西班牙海鮮飯 $148德國脆咸豬手配酸菜 $218Oreo奶昔 +$26香蕉朱古力奶昔 +$26