Plato Cafe & Bistro (Mikiki)

叫左個二人餐，份量好夠，食到頂哂胃，抵食！1. 餐湯：蘑菇湯好香既新鮮蘑菇味，絕對唔係出面沖粉個種假味，口感唔錯因為仲有好多細細粒既蘑菇粒，而且好夠，唔錯，至少食得出餐廳係有心煮～2. 白酒忌廉汁煮青口白酒忌廉汁煮得好creamy好rich好濃結，好想配個飯/意粉一齊食。個汁超舒服又夠濃味～青口大大隻，又唔會有雪藏味，真。有驚喜！3. 波士頓龍蝦龍蝦汁意大利飯呢個價錢食到半隻龍蝦抵到爛，大大舊龍蝦肉勁邪惡，個人認為都夠新鮮～龍蝦汁唔假，好新鮮，意大利飯份量都多，口感唔會套淋夠正宗，抵食又飽肚。4. 炭燒紐西蘭肉眼牛扒叫左五成熟，煎得勁靚岩岩好，本身係到諗塊扒會唔會好薄，點知都厚又大塊，口感好淋又夠牛味，好好食！！我同朋友都話真係好正，就算唔點汁都好夠香味同牛味，個人認爲必點，最重要出面俾貴一倍都唔會有呢個質素！配菜焗薯都好多份量，焗薯仲配有芝士醬同煙肉粒，有誠意，但作為芝士控既我，多d芝士醬同煙肉就好啦！5. 芝士蛋糕、牛角窩夫伴雪糕正常唔錯，好香好濃芝士味。牛角窩夫好chewy，大愛呢個水感，唔會死甜超好食。下次我再泥食一定會再點泥食！

去完啟德玩，嚟呢度食飯 晚餐都幾抵食，由$78起，包括是日餐湯 / 田園沙律另外，仲可以以半價追加飲品及特價追加小食及甜品🍧 我哋點咗: 🥩 紐西蘭肉眼牛扒 $188點咗個 Medium，廚師控制生熟程度掌握得好好呀! 塊扒好有牛肉味，夠淋，配上燒汁份外好味! 👍🏻跟餐仲有蔬菜同焗薯，焗薯好有誠意，有齊 sour cream同煙肉碎🤤 🥘 軟殼蟹黑松露忌廉意大利飯 $112軟殼蟹嘅份量都幾多🦀，炸至乾身好好味!  意大利飯吸收晒黑松露同忌廉汁，粒粒飽滿，軟硬程度適中! 🥐 牛角窩夫伴雪糕 +$38呢度都有而家好流行嘅牛角窩夫，有食用花去裝飾，賣相幾靚! 🌿牛角包夾成窩夫造型, 脆脆的，加上雪糕同朱古力醬以及脆脆米同星星餅去增加層次口感味道唔錯!  🍰 自家制麻糬提拉米蘇 +$48上枱造型成個首飾盒咁好精緻!  ❤️面頭有 Lotus焦糖餅乾，脆脆米，星星餅同玫瑰花瓣。Tiramisu 加入了自家制麻糬，有咖啡香同麻糬嘅軟糯質感。 🍹香蕉朱古力奶昔 半價追加 +$29雖然係邪惡一點，但係見半價都忍唔住要追加呀! 香舊朱古力奶昔味道好濃，仲有少少沙冰嘅質感，夠晒冰凍 👍🏻 🥭 芒果沙冰 半

近日我去咗位於新蒲崗嘅Plato Cafe & Bistro，真係俾我一個驚喜。餐廳環境雅緻舒適，適合朋友聚餐或約會。我哋點咗精選二人套餐，首先上嘅係是日餐湯，湯頭清甜，味道非常濃郁，口感滑順，絕對係開胃嘅好選擇。接住嚟就係風乾火腿伴哈密蜜瓜沙律，火腿鹹香，搭配清甜嘅哈密蜜瓜，口感一流，清新又不膩。然後就係主菜，波士頓龍蝦龍蝦汁意大利飯，粒粒米飯吸收咗龍蝦汁嘅鮮香，米飯煮得恰到好處，配上鮮美嘅龍蝦肉，簡直令人陶醉。而露絲瑪莉香草燒羊架，五分熟，肉質軟嫩，香草味道濃郁，真係好好味。甜品方面，我哋叫咗牛角窩夫伴雪糕，酥脆嘅外皮加上香滑嘅雪糕，口感上乘，完美收尾。仲有係日精選甜品同芒果沙冰，清甜可口，十分解膩。最後，仲有一杯即上嘅美式咖啡，味道濃郁但唔苦，少冰正好，正好為呢頓豐盛嘅餐宴畫上完美句號。總括來講，Plato Cafe & Bistro嘅食物質素高，服務亦相當周到，價錢合理，真係值得一試！我一定會再嚟光顧！

今日嚟新蒲崗做嘢，見到一間叫Plato Cafe & Bistro嘅餐廳裝修得幾靚，就行咗入嚟試吓叫咗一個燒春雞配薯條，個燒春雞外皮燒得好香脆，入面嘅肉質保持鮮嫩多汁，至於薯條係幼身嗰種，炸得香脆可口唔會過分油膩，成碟餸都好出色；另外叫咗個相對清淡嘅白酒蜆肉意粉，蜆肉份量好慷慨，配埋份量適中嘅白酒汁，成碟意粉味道好鮮甜；至於沙律方面叫咗個火龍果煙三文魚沙律，清新可口又健康；最後加咗個炸蕃薯條，番薯薯條甜甜地好好味；餐湯方面係濃郁嘅南瓜湯，入面夾雜着唔少嘅南瓜蓉，真材實料呢間餐廳環境清新，裝修摩登，而食物味道好出色，份量十足，值得推薦

今日在新蒲崗見到一間西餐廳，便進去試試。田園沙律酸酸的醬料配上新鮮的蔬菜，令人開了胃口，想繼續吃下去。 軟殼蟹黑松露忌廉意大利飯 $112軟殼蟹又熱又脆，應該是即叫即炸，而且吸了油份才送上，脆而不油，真的令人回味。每口飯也有黑松露及磨菇，有幸福的感覺。 是日餐湯：甘荀湯甘荀湯香濃有質感。 紐西蘭肉眼牛扒 $188五成熟，面積差不多兩隻手掌般大，配上燒汁，味道及質感也很配合，令人滿意。薯蓉加上沙律醬，軟綿綿的好吃但又不單調。 飲品跟餐半價特濃朱古力（熱）$23喝一口上唇有一片軟綿綿的雲送入口中，舌頭就有香濃的朱古力。加在一起，香滑又不失香濃。 藍莓水果茶$29吃飽後來一杯微酸的果茶來解口中及胃中的油膩感是不錯的選擇。 朱古力心太軟配雪糕 $48朱古力心太軟加朱古力雪糕，雙重享受。心太軟外脆內軟，而且一切開，朱古力慢慢流出，好像熔岩漿慢慢流出，感覺寧靜又舒服。周邊有不同的脆脆，加上雪糕或心太軟一起吃，2種不同口感同時存在，令人感到這個晚餐完滿的結束。 #小師奶 #美食 #新蒲崗

話說同朋友想搵個地方hea吓，見有間新開嘅「Plato Cafe & Bistro」，聽講環境靚靚又chill，食物仲好有水準，於是book咗位試吓！😎 餐廳位於Mikiki 1樓，入到去見到金色拱門窗同大片落地玻璃，望住街景好有feel～🏙️ 環境溫馨又光猛，坐低即刻覺得幾放鬆，啱晒同朋友聚會！今次我哋叫咗 休閒美式精選二人套餐，價錢親民又豐富，試咗以下嘅菜式，全部都好正！😋 🥣 甘筍湯首先上枱嘅係甘筍湯，一睇到個橙色已經好吸引！湯質creamy得來唔膩，甘筍味濃郁，飲落暖胃又順滑，仲有少少香草提味，作為開胃湯真係一流！🥕 好似一啖就將胃暖晒咁，開啟咗今餐嘅好心情！👌🐚 蒜片白酒煮蜆跟住係蒜片白酒煮蜆，一上枱蒜香即刻撲鼻！🧄 蜆肉夠大隻，粒粒飽滿，咬落鮮甜juicy，煮得啱啱好唔會過熟。白酒醬汁帶點酸甜，配上蒜片嘅香氣，食到停唔低！😍 呢道前菜真係好開胃🥰🍤 龍蝦汁波士頓龍蝦意大利飯一睇到個賣相已經覺得好豪華！🦞 龍蝦汁夠濃，膏好純，仲好多，飯粒吸晒龍蝦汁嘅精華，每啖都好creamy又充滿海鮮鮮味。龍蝦肉爽彈有咬口，仲有香草點綴，味道層次好豐富！😋 份量都夠多，食完已經有啲飽肚感，真

最近個個都去啟德體育園，上網睇好多人都推介呢間西餐，於是我研究吓就發現如果成為佢哋嘅會員，就可以係mikiki分店換免費小食一客。呢度性價比好高，食物嘅味道亦都唔錯。最緊要就係呢度裝修都好靚，喺度食飯都覺得好舒服！夜晚呢間餐廳有dinner menu，我揀咗佢哋個燒黃油春雞，同埋個紐西蘭肉眼牛扒，之後再追加咗北海道帶子沙律同日式天婦羅魷魚鬚，本身餐湯都已經有跟，今日係我最鍾意飲嘅甘筍湯，所以就冇再加錢要法式蟹肉龍蝦湯，甜品方面就要咗個牛角窩夫伴雪糕。首先講吓就係個餐湯，完全唔會有苦澀味，加埋口感幾好，唔會太濃郁搞到滯咗個胃，反而係少少暖暖地，都幾開胃。天婦羅魷魚酥炸都好酥脆，而且每一條粗幼度奧軍人，咬落口感都好好！北海道帶子沙律都好新鮮，啲菜都食得出係清脆嘅，好refreshing。個春雞真係燒得好好，出面雞皮好脆，入面啲肉質保持到好嫩滑， 十分juicy！牛扒亦都真係好抵食，絕對唔會蟹，好厚一塊牛扒，一般香港西餐廳都真係唔會有呢個質素！甜品方便亦都好正，牛角窩夫新鮮上，熱辣辣，好酥脆。配埋雪糕一口食，真係有冰火嘅感覺。

之前喺佐敦分店食過，覺得唔錯，今日過嚟佢得，順便穿過airside去mikiki商場覓食。今次叫咗個晚市二人餐，性價比真係好高！全部嘢都好好食，職員服務態度又好，主動幫你收碟同埋斟水。🍽️🍽️精選二人套餐是日餐湯：南瓜湯🎃田園沙律🥗🐚前菜：蒜片白酒煮蜆蜆肉大粒又新鮮，而且煮到好入味😚🍛波士頓龍蝦龍蝦汁意大利飯呢個飯真係超正，每一啖飯都充滿龍蝦汁嘅香味，龍蝦蝦肉🦞都好新鮮彈牙。🐖主菜：德國脆皮咸豬手等咗成30分鐘以上先整好，但係超正！嗰層皮真係超級脆，肉質煙靭帶鹹香，點埋個特製嘅蛋黃醬仲好味😋。🍰是日精選甜品：芝士蛋糕蛋糕賣相唔錯，味道都係好濃郁嘅芝士味。套餐追加飲品嘅話所有正價飲品🍹半價，點咗我最愛嘅🍵抹茶鮮奶，抹茶味好香又唔會太甜。🌟🌟食晒成個二人餐真係好滿足，仲有多款精選晚餐可以揀，依家做會員係mikiki店消費可使用兌換券兌換小食一客。

而家有啟德站，去新蒲崗《Plato Cafe & Bistro》好方便，由地鐵站C出口，經 Airside (上兩層)，行過天橋就直達Mikiki, 呢間Cafe就在Mikiki 一樓，好易揾到。呢度裝潢時尚優雅，乾淨企理。坐位寬敞，坐得自在舒服。今晚食左：✨️風乾火腿伴哈蜜瓜沙律風乾火腿鹹香四溢，質地柔軟，包著哈蜜瓜一起食，味道十分匹配✨️波士頓龍蝦汁意大利飯龍蝦Q彈多汁，睇見都想食。意大利飯煙煙靱靱煮得啱啱好。✨️炭燒紐西蘭肉眼牛扒肉眼牛扒大大塊，牛味香濃，有嚼勁。伴有焗小暑，美味香口。✨️田園沙律有雜菜和小番茄，非常新鮮。✨️芒果沙冰杯面有薄荷葉，沙冰內有鮮芒果粒，甜甜地，冰涼清甜。📍新蒲崗 太仔道東 Mikiki 1 樓 116号店

今日同朋友經過新蒲崗Mikiki廣場，見到呢間餐廳性價比非常高，一個價錢有齊餐湯、前菜主食、甜品🍮同埋飲品，而且環境非常之舒服，位置相距遙遠，坐得非常之舒服精選二人套餐 是日餐湯(甘筍湯)每日嘅餐湯都有機會唔同，今日係甘筍湯，飲落非常之順滑白酒忌廉汁煮青口作為前菜，份量非常多，而醬汁方面亦都調配得好好👍🏼，忌廉汁帶陣陣白酒香，配埋大大隻肉質飽滿嘅青口一流，仲有少少蘆筍、蘑菇配搭波士頓龍蝦龍蝦汁意大利飯估唔到呢個價錢仲可以揀龍蝦意大利飯，飯方面粒粒分明，而且配搭濃郁嘅龍蝦汁非常之出 色，龍蝦鮮嫩，啖啖肉🦞🦞🦞炭燒紐西蘭肉眼牛扒🥩選擇咗五成熟嘅牛扒，果然啱啱好，內裏保持粉嫩，肉質鮮嫩多汁，再配埋個醬汁不禁一啖接着一啖，另外仲有焗薯和西蘭花，令到成個菜唔會太單調🥔自家製開心果麻糬提拉米蘇加錢升級咗自家製嘅甜品，十分之有誠意，而且夠特別。店家落足心機😍😍，有好多嘅開心果碎同大大嚿麻糬，配搭埋提拉米蘇估唔到係咁夾，味道又唔會過甜是日精選甜品🍰🍰精選甜品係紐約芝士蛋糕，芝士味濃郁，口感幼滑黑牛Oreo奶昔而且跟餐可以半價加購飲品🥤，甜度剛剛好，配搭成餐飯非常完美💕Plato Cafe & Bist

是日餐湯（甘荀忌廉湯）甘荀忌廉湯入口順滑，淡淡嘅甘荀天然甜香，呢款湯感覺健康又幾開胃西班牙黑毛豬鞍 $178豬鞍烤得外層微焦，肉質鬆化，入口嫩滑，充滿濃郁嘅豬肉香，切開好juicy，脂肪分佈均勻，油脂甘香，配上酸甜嘅醬汁味道好醒胃，配菜薯蓉軟滑，加上西蘭花，平衡肉嘅濃郁明太子虎蝦意大利粉 $118虎蝦爽彈，明太子醬濃郁咸香，包裹住每條意大利粉，非常creamy，意粉軟硬適中啱啱好Hoegaarden 50cl +$44Hoegaarden啤酒冰凍清爽，$44加購50cl份量夠大，性價比都幾高凍意大利即磨咖啡 +$18凍意大利即磨咖啡香氣濃郁，飲落好醒神西班牙風乾火腿伴哈蜜瓜沙律 ($88)風乾火腿入口咸香濃郁，哈蜜瓜清甜多汁，包住一齊食啱啱好 ，沙律菜新鮮，配上黑醋醬，酸酸甜甜提味好開胃墨西哥芝士焗粟米片 ($68)粟米片烤得香脆，配上酸忌廉、牛油果醬同莎莎醬，食落唔會太油膩，作為配酒小食一流！

呢間商場入邊嘅餐廳價錢唔貴，坐得幾好。晚市有晚餐有散叫，食物種類多選擇。我叫咗個龍蝦🦞全日早餐。龍蝦肉質彈牙爽口，配埋香脆嘅牛角窩夫、炒蛋、薯餅、香腸、烤蕃茄、沙律菜及水果，真係豐富又滿足！另外，仲叫咗杯抹茶鮮奶。抹茶味香濃，有靚靚拉花。晚餐揀咗香草燒羊架。羊架燒得啱啱好，肉質夠嫩，充滿香草嘅香味！配菜有焗薯。套餐仲包埋是日餐湯同熱檸檬茶。最後，當然唔少得甜品啦！我叫咗個朱古力心太軟配雪糕。心太軟一切開，濃郁嘅朱古力漿就流咗出嚟，好味😋

餐廳可經由啟德站的airside商場，通過寬廣的有蓋天橋就到，快要到mikiki商場時，在天橋往右望就見到餐廳了。點了晚市精選二人餐，性價比相當高，食物有水準、價格合理、400多就由頭盤到甜品一律齊全，加上環境和服務也不錯，屬回頭之選。 湯足料溫熱；田園沙律新鮮。 龍蝦汁波土頓龍蝦意大利飯，好睇又好味。炭燒紐西蘭肉眼牛扒的脂肪恰到好處，有肉汁，煎得香口。 優惠：餐廳設「啟德春日祭」以配合啟德體育園開幕及啟用，推出多款精選晚餐，凡成為餐廳會員，即可兌換小食一客，mikiki店限定！！

估唔到新蒲崗都開咗呢間Plato Cafe & Bistro嘅分店啦！餐廳主打價錢親民嘅西餐！店內裝修走輕奢華風嘅路線，仲有落地玻璃可以望到外面嘅街景，環境舒適雅致～✨紐西蘭肉眼牛扒肉眼牛扒大大塊，肉質柔嫩，而且肉味濃郁！食埋旁邊嘅焗薯配沙律醬，真係超飽肚啊～✨香草燒法式春雞法式春雞皮脆肉嫩，帶有淡淡嘅香草味，點埋燒汁更惹味～✨開心果麻糬提拉米蘇表層充滿開心果碎碎，開心果的獨特堅果香氣同提拉米蘇嘅經典咖啡香味完美融合，中間仲有兩大塊Q彈嘅拉絲麻糬～✨朱古力心太軟配雪糕溫熱濃郁嘅朱古力心太軟配搭冰涼香甜嘅雪糕，層次感好豐富～✨是日餐湯南瓜湯飲落去啖啖都係綿密嘅南瓜蓉～✨凍 抹茶鮮奶濃郁奶香之中帶有抹茶嘅清新茶香，味道恰到好處～

位於出名寵物友善Mikiki商場商場多咗好多人氣食肆,依間之前都想試觀塘分店,價錢唔貴,裝潢好清新舒適🌿Special Dinner for Two $456🔸是日餐湯x2當日蕃茄甘荀湯,酸酸地幾開胃🍅🔸 西班牙風乾火腿伴哈蜜瓜沙律風乾火腿捲哈密瓜鹹甜中和😋沙律加左黑醋好醒胃🥗🔸 龍蝦汁波士頓龍蝦意大利飯意大利飯軟硬適中,好濃郁龍蝦汁味🦞龍蝦肉質啱啱好👍🏻🔸 炭燒紐西蘭肉眼牛扒都幾大塊,煎得啱啱好,好Juicy🥩🔸 是日精選甜品當日係芝士蛋糕🧀有驚喜😍濃郁芝士味配埋玫瑰花瓣好香玫瑰味同清新唔膩🌹🔸 +$28 自家制麻糬提拉米蘇（原味) 估唔到見到Chiikawa係個甜品上面😍好濃酒味,加咗lotus 餅乾味道好豐富好大塊麻糬係入面,再配埋提拉米蘇香滑口感好有層次