Pizza Max Bistro

營業中

休息中

同朋友黎呢間印度意大利餐廳食晚餐，朋友話呢度嘅印度菜唔錯，講真自己對印度菜麻麻，但食過呢間餐廳嘅菜式真係對印度菜改觀。印度人老闆同侍應都親切友善，入到去即刻招呼我地坐同幫我地倒水。餐廳裝修得唔錯，燈光柔和，幾有格調，檯與檯之間嘅空間適中，坐得都幾舒服。佢地嘅餐牌大概分為頭盆、沙律、薄餅、廚師精選、意大利菜、印度菜同甜品，餐廳名叫Pizza Max，主打一定係pizza，所以我地叫左一個意大利薄餅，當然我地亦都要試下呢度嘅印度菜，所以就叫左咖哩菠菜羊架。意大利薄餅味道唔錯，我地叫嘅係medium size，厚度叫左thin，好彩冇叫large size，唔係兩個人真係食唔囇，薄餅上面放左好多菜，感覺好健康，洋蔥同火腿比例平均，芝士有覆蓋到整個薄餅，所以食起黎味道配合得剛剛好，惹味得來唔會太重口，幾恰度好處。咖哩菠菜羊架好特別，雖然賣相唔太吸引，但味道真係一流，幾好食嘅印度菜式，話就話係咖哩，不過味道同一向食開嘅咖哩唔係好似，出奇地冇羊羶味，有點奶油嘅感覺，羊肉肉質幾嫩，不過味道有少少濃，所以老闆建議我地配烤餅或者飯一齊食，應該係印度食法，烤餅有白烤餅、牛油烤餅、蒜茸烤餅選擇，我地叫左蒜茸

朋友介紹佐敦呢間印度+意大利菜餐廳，所以黎試下，估唔到有驚喜。餐廳老闆同員工都係印度人，老闆熱情招呼我地入去坐，我地7點鐘入去餐廳唔係好多客人，餐廳入面嘅燈光暗暗地，有一d印度色彩擺設，好似籐製嘅大象頭裝飾咁，餐桌座位闊落，環境都幾舒適。雞肉牛油果沙律以為呢個雞肉牛油果沙律嘅份量會好輕盈，估唔到咁多咁大碟，同朋友兩個人分都好夠，裡面有沙律菜、牛油果、車厘茄、青瓜、雞肉、麵包粒、雞蛋，全部新鮮蔬菜，牛油果係我嘅至愛，健康又好味，雞肉唔係普通白烚雞肉，係烤過嘅雞肉，撈埋沙律醬好好食，沙律醬汁味道唔錯，比普通沙律醬帶d香甜味，食完好開胃。意大利薄餅呢度嘅薄餅有中批同大批、厚底同薄底選擇，我地叫左中批同薄底嘅意大利薄餅，意大利薄餅餡料有巴拿馬火腿、洋蔥、芝士，歐芹香草醬汁配火箭菜，薄餅烤得好香，上面鋪滿火箭菜，應該係成日用黎整沙律果隻菜，就咁食會有d苦，不過配埋薄餅一齊食又感覺唔錯，薄餅材料雖然唔特別，火腿加洋蔥同芝士，最普通嘅材料，但味道比出面食到大集團多款式嘅薄餅好食得多，果然愈簡單嘅菜式愈考廚師手藝。餐廳食物有水準，價錢亦唔貴，會再黎幫襯，下次想試下佢地嘅印度薄餅。

今日 諗住帶老婆一齊出去搵食， 因為 好耐冇同老婆婆二人世界， 有個朋友話呢一間西餐廳 pizza max 介紹 這裏是 主理 正宗西餐， 而且價錢 合理、 份量十足 ，所以就 決定 去 這裏 開餐餐廳裏面燈光非常 柔和， 服務員態度親切， 不過你哋要識些少英文呀， 因為佢哋都係外籍人士， 不過以我是有限公司嚟計都可以應付 因為有中英對照圖文並茂Mexican Nachos $95 墨西哥脆片經過烤焗嘅粟米脆片份外香脆， 鋪上咗滿滿烤過嘅芝士 和酸忌廉， 上層 伴以 美味濃郁 牛油果醬， 頂層還有辣椒粒洋蔥粒和蕃茄莎莎醬， 甜甜酸酸辣辣滿足曬 味蕾 味道清新 非常開胃， 而且份量 大得驚人 抵食baby back ribs$99 (半份) 醬燒豬仔骨最愛食肉嘅我 覺得這個菜式非常 出色， 肉質嫩滑 而且有肉汁， 一啲都唔韌 入口即溶， 醬汁調教得非常 惹味， 配以香辣薯角， 炸得非常香脆， 還有香脆清新嘅沙律菜伴碟 而且呢個份量 一啲都唔似半份 超勁汽水仲有檸檬添今次我朋友真係冇介紹錯 ，菜式味美而且 價錢超值

佐敦各式食店林立，今次特意來到，就是要一嚐印度風味！一入店，已聞到陣陣獨有的"印度"味！店內裝璜亦很有風味，是拍照的好地方！午餐的選擇都唔少，點了Curry chicken with naan bread. Iced lemon tea的茶味與港式茶餐廳的味道不同，不知該如何形容，飲過就會明！磨菇湯味道香濃，飲到不少磨碎的菇粒！一端來咖哩雞的時候，飄過的味道好香，這就是專程要來吃的正宗印度咖哩味！基本上只用咖哩汁配薄餅食已經一流！暖乎乎的Naan bread是即造，煙韌帶甜，真的令人回味無窮！之後來個Chocolate brownies with vanilla ice-cream. 嘩！Brownies是熱騰騰，朱古力味香濃，喜歡朱古力的朋友一定要食這道甜品，很有o趙口，與雲呢拿雪糕是很好的配搭，一熱一冷，一濃一柔，推介！

今日約咗好耐冇見嘅老友相聚，朋友話想食吓Pizza，而且佢又想行下街，所以就去咗寶靈街逛逛，行完街經過上海街見到一間叫做Pizza Max Bistro嘅餐廳，外邊招牌寫住西餐，意大利餐，印度餐咁就入去即管試吓啦餐廳入邊唔係太大但係坐得好舒服好有異國風情嘅feel，入面見到啲客人大部份都係外籍人士，而且見到佢哋好似係熟客成日同店員傾計，感覺非常友善。我地點左一個Mexican Nachos＄95真係分量十足可以話超大大大份，頂層有辣椒粒，蕃茄粒，洋蔥粒，配以濃郁嘅牛油果醬有少少辣辣甜甜酸酸，還有乳酪醬，然後一層一層嘅鋪滿芝士嘅Nachos非常香脆，一啲都唔會油膩，非常清新可口 Italian delight pizza＄135意大利煙燻巴拿馬火腿有洋蔥配以歐芹嘅香草汁，採用巴馬芝士頂層在鋪滿火箭菜 Pizza餅底焗得香脆非常，仲有好多拉絲嘅芝士，醬汁調校得啱啱好問侍應攞辣椒仔，佢竟然有兩款提供超正最後點了我最鍾意嘅Baby Back Ribs(Half)＄99豬仔骨焗得啱啱好一啲都唔乾，保留左好多肉汁，燒烤醬調校得非常香濃，配以外脆內軟嘅香辣薯角，還有酸酸辣辣嘅沙律菜伴碟減低油膩感整體

努力工作左5日💪，終於等到Happy Friday’s Night。聽聞呢間餐廳環境舒適😇，而且開到好夜，又有酒飲，係我公司行過黎15min度，所以就揀左呢間。我地叫左好幾樣野食，質素中上，其中以下幾款較特別，推介!Brushchetta蒜蓉包+芝士+蕃茄包好脆，配撘好Fresh，正。Mexican Nachos估唔到成坐山咁📷，呃like咁哂。Nachos+幾種芝士+蕃茄焗到脆卜卜，好香口，送酒岩哂🍻。個啤酒杯好靚

很少踏足上海街，這晚，友人再次提到想吃pizza，並埋怨著說過無數次想吃pizza都被忽視，所以，立即上openrice 尋好西。這裡的環境很舒服，燈光很柔和，亦不會很嘈吵，所以絕對適合聊天談心👍🏼我們看了又看，想了又想，最後點了以下兩款👇🏻❤️ lamb curry (咖哩羊腿) $99 + butter Naan (牛油烤餅) $ 25來到印度餐館，當然要選擇咖哩，這裡有四款咖喱，分別是咖喱雞、海鮮、羊和蔬菜。以我們選擇的是咖喱羊，因為我們已經選了個有雞的pizza，故吃另一款肉類，便是羊了👍🏼開頭還擔心着這類的印度咖喱會否有很多香料，過於濃味會使人很口渴，岀奇地，這裡的咖哩不會過份濃和辣，味道更帶點甜甜的，十分適合香港人口味😍，羊肉很嫩口，亦不會很羶，極之推薦給愛吃羊的朋友。為左配合咖哩，我們點了一個牛油烤餅。不要看它反著油光，吃上口一點也不膩，口感鬆軟酥脆，再吸收了咖哩和羊肉的精華，令人吃過返尋味❤️ Texas pizza (德州薄餅) $135這裡的薄餅有分中批和大批，亦有厚底和薄底供選擇，十分貼心。由於人數不多，我們選擇了中厚批，薄餅上有甜酸醬，酸忌廉，燒烤醬，烤雞和蘑菇等等

每分每秒流逝的節奏是一樣的但奇怪是在office 面對四面壁的時間總是很漫長；但放工放假玩樂的時間總是轉𣊬即逝今晚放工約左一個好耐冇見既好姊妹食飯。真正的好朋友即使不是常常見面，但見面時總是有聊不完的話題。只是相聚時間有限呢今次約會既地點挑選了佐敦，其實依帶有頗多質素很高的餐廳，今晚聚腳既餐廳係其中一間呢見依間餐廳既食評唔錯，而我同朋友又想試下fushion 餐廳。所以Book 左Pizza Max Bistro (西餐.意大利.印度 fushion)本身約左1930，但我同朋友都難得可以準時收工，由佐敦地鐵站行去，大約5-10 分鐘到。我們1845 就到左，餐廳侍應好有禮貌，亦可安排我們早些入座。餐廳唔算大，座位唔多。裝修簡潔舒服，環境都很乾淨。餐牌選擇都很多，想試想食既野有好多兩個女仔雖然為食，但又唔算大胃我地叫左三樣食物1. Chicken & Avocado Salad雞肉牛油果沙律份量都大碟雞柳、水煮蛋、牛油果 係我地至愛配上蜜糖蛋黃醬 ，雖然少少邪惡，但味道甜甜地，配上新鮮蕃茄同沙律菜，真係好正。值得一試呀2. Linguini Vongole 蜆肉扁意粉D 蜆多到呢～～好

今日約左朋友食飯，佢帶我去左間餐廳，我地bk既間6:15，環境唔錯，乾淨又裝修得幾靚，燈光暗暗地有個細細既bar位，有紅酒白酒啤酒烈酒cocktail！因為呢到既老闆同侍應唔係本地人，所以點菜果d都要用英文！但佢地好好人，又有笑容會同你傾下計！會問下你d野好唔好食呀？會唔會再見到你呀之類，真係好親切我地兩個女仔，叫左個中pizza，咖哩雞加白薄餅，同埋豬肋骨～加兩杯啤酒，哈哈啤一啤佢呢餐飯真係好好食，特別係個咖哩雞，真係好好食，係一路食一路係咁話好好味！真係必食！勁推介！同埋每一樣菜，一道道上， 每一樣都熱辣辣，白薄餅，薯角，pizza全部都好香脆！讚我一定會再幫襯！

今個月嘅飯聚，朋友話想食pizza，係openrice搵到呢間餐廳，睇落好似唔錯就決定去食下。餐廳唔大，得幾張枱，我地book左都被安排坐門口位😟好彩人唔多，唔會成日出出入入...我地叫左幾樣野一齊share~雞肉牛油果沙律 HKD99好大碟呀！有幾種菜，雞肉同埋牛油果。有好多牛油果而且好大舊好正😋不過個汁太甜，令到成個沙律失色不少.....Nachos HKD95又係好大份！nachos用左芝士味，比起原味濃味好多，我個人覺得ok嘅，但有朋友就覺得搶晒其他醬嘅味。佢最上面果個蕃茄辣椒source係好好味嘅，但係中間好大堆沙律醬就有啲over啦.....Italian Delight Pizza(L) HKD165好大個！原來14寸係咁大，等我地仲驚10寸唔夠食🤣pizza揀左厚底（其實唔係好厚）。味道唔錯嘅，不過越食就越覺得咸😖Baby Back Ribs (hlaf) HKD99半份都好多👍🏻我地以為叫左全份🤣Ribs肉唔會好「孩」，個汁都ok不過偏咸....薯角好好味～佢啲野咁大份，下次可以唔洗叫咁多野🤔

同朋友經過呢間Pizza覺得幾吸引咁，就入黎試下啦～估唔到會一試難忘，絕對物超所值，一定會做回頭客！第一時間當然要叫個pizza試下啦！所以就叫左午餐嘅Cajun Turkey & Pineapple with BBQ Source～表面厚厚一大層芝士真係香到爆，拉起可以連到有咁高得咁高！味道香濃～餅身偏林但不失少少香脆，材料都落得非常足好重手，保證啖啖都有蕃茄同香腸～各種味道嘅融合超級好，份量都適中！另外仲叫左Chicken Kebab with fries!Kebab真係超級好味！餅皮少少韌，味道上係比較甜同埋係溫熱嘅，絕對係新鮮整出黎！中間嘅餡味道上較為咸，但係凍凍地嘅，一冷一熱口感真係絕對新鮮到不得了～材料好多又香，蔬菜好新鮮，我都係第一次就咁食蔥而唔覺味道重呢～值得一提就係佢啲雞肉，一試就知係同蔬菜分開處理因為雞肉應該有炸過，味道咸味又有少少辣，肉質好嫩，誠意推介！薯條都絕對唔輸蝕，新鮮炸但一啲都唔油膩，食到停唔到手！我自己仲叫左一杯Strawberry Daiquiri，本身都唔係飲得好大嘅人，就揀一杯低level嘅試下啦～呢一杯賣相絕對係一流，粉好紅好靚靚味道上的確偏甜似

唔好日日食日本野韓國野咁悶今日黎到食印度西餐朋友帶我黎，話好好味Lunch menu都幾抵，幾十蚊包一杯野飲點好餐後，就端上一碗忌廉磨菇湯比我賣相好靚仔！飲落非常creamy非常滑好香的磨菇味加小小打碎的磨菇，正！叫了烤雞share超級推介同驚喜！烤得極香 食落又唔肥唔油佢無加好重的調味料，反而有香香的烤味咖哩魚配薄餅好正啲咖哩又唔係好辣好濃反而係幾香，最鍾意佢唔太重口味啲魚好香亦好滑薄餅都好鬆軟香口叫了long island份量配得幾好，濃濃酒精味，加上檸檬的酸味好自然，又好好飲一直以為印度菜會好重口味但原來印度菜可以煮成咁

一個人的午餐。係附近做完野，想搵間坐得舒服d既餐廳醫下肚 順便休息下。呢頭唔係好熟路，所以即刻openrice下有咩選擇。呢頭茶餐廳 粥粉麵店就多，比我睇到格離街有間食印度及意菜既餐廳，環境好似唔錯，於是就跟住地圖黎左。當時4點左右，餐廳得一兩枱客人，寧靜又舒服，岩哂我。裝潢簡潔舒適 好喜歡牆上既油畫。點左個牛油果雞蛋沙律。牛油果好大舊，非常足料。充滿芝士粉既沙律菜同青瓜味道新鮮又爽脆感覺清新。英式紅茶。平時中意加奶飲，今日想飲茶，唔加奶都好香茶味另一種飲法，別有一番味道老闆係尼泊爾人，佢好nice, 過黎同我寒暄兩句，問下食物質素如何，閒談兩句。見我用laptop做緊野，佢又好識趣離開。就係咁，悠閒舒服咁坐左兩個鐘 哈哈。

今日約左朋友食飯輕鬆下，想搵fusion餐廳試下見到呢一間環境唔錯就入左去試講左叫左咩食先1. Bruschetta 布斯加達麵包濃濃的芝士，芝士仲係加上唔少香草，對於芝士控黎講，真係欲擺不能😍加上少少嘅蕃茄碎，以一個前菜黎講，有少少蕃茄酸味，真係極之開胃！😍👍🏻 麵包唔淋，反而好脆，每一啖都好似食緊薯片咁。正！😋2. Baby back ribs 燒豬仔骨豬仔骨我本身都食得多，而佢嘅豬仔骨我覺得有翻咁上下水準！唔係講笑，用叉一拆，根本唔洗好刀慢慢切，就已經原舊拆出黎！配上濃味燒烤醬汁，多肉汁多醬汁嘅豬仔骨，邊個可以抵受得住誘惑😍而我最欣賞嘅，係佢嘅配菜沙律，佢用嘅特別醬汁，食落好match我覺得大家不妨試一試！3. Meat ball pizza 肉丸薄餅大大粒袐製肉丸配上海量芝士 大家睇下！可以做到拉芝士架！落足料👍🏻仲有唔同種類既香腸 每啖滿足滋味 本來仲擔心烤過的肉會否又硬又乾 點知食落出奇地juicy入味 份量同材料一啲都唔吝嗇 難得一見的良心小店環境方面 黃色而份外有情調嘅燈令餐廳充滿和諧感當晚有客人生日 老闆及員工專門為生日客人播放生日歌成間餐廳客人都為佢拍手祝賀 好少餐

是日同朋友係佐敦，行行下覺肚餓，見到呢間餐廳個feel幾正就入左去試講下環境先，餐廳crossover酒吧之飾，仲有地方供客人食水煙，不過我就冇試鐘意shisha既朋友，放咗工同朋友過黎食翻餐，飲下酒吹下水再shisha真係好享受😎Brushchetta 布斯加達麵包法包＋蒜蓉＋olive oil＋勁多芝士＋蕃茄粒 作為starter真係好開胃 份量適中3個人share岩岩好👍🏻Meat ball pizza 肉丸pizza宜間餐廳啲pizza好特別 有中式有印度有正宗意大利既入面有大大粒肉丸，徳國腸，辣肉腸，芝士，茄膏啖啖肉同cheese好惹味 肉食愛好者及芝士控一定鐘意 十分推薦👍🏻Prawn butter masala 馬薩牛油大蝦係menu見到張相好似好吸引咁 味道更驚喜蝦好多每隻都大大隻好彈牙 今時今日咁真材實料實在好難得到個source 個味好特別好好食 明明已經好飽但都清囇成碗 味道好有層次先係甜甜地然後有少少辣同酸 一啖接一啖就食曬宜個dish直頭係全餐飯既主角 為成餐飯錦上添花整體黎講服務，環境同食物質素都好好，一定會再食！