Pizza Max Bistro

營業中

休息中

一個人的午餐。係附近做完野，想搵間坐得舒服d既餐廳醫下肚 順便休息下。呢頭唔係好熟路，所以即刻openrice下有咩選擇。呢頭茶餐廳 粥粉麵店就多，比我睇到格離街有間食印度及意菜既餐廳，環境好似唔錯，於是就跟住地圖黎左。當時4點左右，餐廳得一兩枱客人，寧靜又舒服，岩哂我。裝潢簡潔舒適 好喜歡牆上既油畫。點左個牛油果雞蛋沙律。牛油果好大舊，非常足料。充滿芝士粉既沙律菜同青瓜味道新鮮又爽脆感覺清新。英式紅茶。平時中意加奶飲，今日想飲茶，唔加奶都好香茶味另一種飲法，別有一番味道老闆係尼泊爾人，佢好nice, 過黎同我寒暄兩句，問下食物質素如何，閒談兩句。見我用laptop做緊野，佢又好識趣離開。就係咁，悠閒舒服咁坐左兩個鐘 哈哈。

今日約左朋友食飯輕鬆下，想搵fusion餐廳試下見到呢一間環境唔錯就入左去試講左叫左咩食先1. Bruschetta 布斯加達麵包濃濃的芝士，芝士仲係加上唔少香草，對於芝士控黎講，真係欲擺不能😍加上少少嘅蕃茄碎，以一個前菜黎講，有少少蕃茄酸味，真係極之開胃！😍👍🏻 麵包唔淋，反而好脆，每一啖都好似食緊薯片咁。正！😋2. Baby back ribs 燒豬仔骨豬仔骨我本身都食得多，而佢嘅豬仔骨我覺得有翻咁上下水準！唔係講笑，用叉一拆，根本唔洗好刀慢慢切，就已經原舊拆出黎！配上濃味燒烤醬汁，多肉汁多醬汁嘅豬仔骨，邊個可以抵受得住誘惑😍而我最欣賞嘅，係佢嘅配菜沙律，佢用嘅特別醬汁，食落好match我覺得大家不妨試一試！3. Meat ball pizza 肉丸薄餅大大粒袐製肉丸配上海量芝士 大家睇下！可以做到拉芝士架！落足料👍🏻仲有唔同種類既香腸 每啖滿足滋味 本來仲擔心烤過的肉會否又硬又乾 點知食落出奇地juicy入味 份量同材料一啲都唔吝嗇 難得一見的良心小店環境方面 黃色而份外有情調嘅燈令餐廳充滿和諧感當晚有客人生日 老闆及員工專門為生日客人播放生日歌成間餐廳客人都為佢拍手祝賀 好少餐

是日同朋友係佐敦，行行下覺肚餓，見到呢間餐廳個feel幾正就入左去試講下環境先，餐廳crossover酒吧之飾，仲有地方供客人食水煙，不過我就冇試鐘意shisha既朋友，放咗工同朋友過黎食翻餐，飲下酒吹下水再shisha真係好享受😎Brushchetta 布斯加達麵包法包＋蒜蓉＋olive oil＋勁多芝士＋蕃茄粒 作為starter真係好開胃 份量適中3個人share岩岩好👍🏻Meat ball pizza 肉丸pizza宜間餐廳啲pizza好特別 有中式有印度有正宗意大利既入面有大大粒肉丸，徳國腸，辣肉腸，芝士，茄膏啖啖肉同cheese好惹味 肉食愛好者及芝士控一定鐘意 十分推薦👍🏻Prawn butter masala 馬薩牛油大蝦係menu見到張相好似好吸引咁 味道更驚喜蝦好多每隻都大大隻好彈牙 今時今日咁真材實料實在好難得到個source 個味好特別好好食 明明已經好飽但都清囇成碗 味道好有層次先係甜甜地然後有少少辣同酸 一啖接一啖就食曬宜個dish直頭係全餐飯既主角 為成餐飯錦上添花整體黎講服務，環境同食物質素都好好，一定會再食！

一間喺佐敦區既西餐廳 入面有西餐 印度菜 意大利菜 種類好多 食店環境舒服 除左酒外 仲有cocktail. 同啤酒飲Margarita( veg) 健康素食薄餅 中size 109 蚊 有意大利水牛芝士 牛至(香草) 茄醬 薄餅揀左脆身薄餅 厚度偏薄 中size其實都幾大個 切開有六片 一上枱味道香濃 有好張時蕃茄味 食落口感鬆軟 下面時餅皮又帶有少少脆 另外仲有一種獨特既香味 應該就係嗰d牛至 再加上溶左既水牛芝士 令到口感又香又滑 正！Tandoori chicken印度烤雞 half 89 蚊 袐製既印度烤雞 配薄荷沙拉香辣薯角 仲有印度 甜酸茄醬 原個半隻雞上時印度烤雞 烤雞 烤得好香脆 入面時肉比較有口感 而且香料味十足 側邊時薯格整得十分香脆 可以連同烤雞點以 酸辣茄醬 茄汁或印度香料醬 十分滋味

這間餐廳室內佈置巧妙地運用色調配搭及擺設，營造出華美舒適的進餐環境及展現出高雅品味！• 餐牌中英對照清楚列出食物成份！• 雞肉牛油果沙律熟透的牛油果配蛋黃醬特別好吃！• 蔥蒜忌廉白酒煮纽西蘭青口，濃汁很細滑，青口沒有冷藏雪味！• 肉丸薄餅薄餅上的拉絲芝士既邪惡又吸引，還有肉丸,幾種香腸，口感豐富！店內的小酒吧，這裡有售各式紅白酒,特飲等。完餐後去洗手間時發現了這店的令一片天，露天區私隱度高，除可在這裏用餐更可舉行私人派對，電視音響齊備！見到掛牌水煙只售$150，完餐後準備離開都被吸引了下場....• 水煙點了雲哩拿味！把酒談心怎可缺少酒呢，開了兩枝紅色！

$236叫左...一個羊肉卡巴餐一客芝士蕃茄蒜蓉包一碟烤雞肉餃 卡巴係菜肉圈可以揀羊或雞肉架不過我同老公都鐘意食羊肉入面d 蔬菜絲 食落好清新蒜蓉包就好香D 蕃茄配搭得幾好好開胃雞肉餃 有得揀蒸定烤既我地揀左烤 可能本身d 餃又辣 感覺有d 太熱氣不過個秘制醬汁又幾好食好香 又唔會太辣岩哂好似我呢d 鍾意食辣又食唔到辣既人

係柯士甸做完野，同partner 一齊行返佐敦果邊搭車。沿路經過呢間西餐廳，睇睇餐牌 幾特別喎，以為係印度菜，點知原來混左意大利菜元素；一於同partner食埋飯先返屋企。餐廳地方唔大，不過非常寬敞舒服。有幾幅好靚既油畫，格調不錯。意大利餐廳點少得薄餅~~~呢度既薄餅好得意，除左有好多款選擇外，心大心細既客人仲可以自己DIY , 製造岩自己口味既pizza! 我地就簡單點左個芝士肉丸pizza(厚批）呢度既pizza係新鮮即點即焗的，所以批底食起黎特別香脆可口！肉丸係豬肉黎既，大大粒，感覺非常豐富。芝士相當十足，啖啖都有香濃芝士同肉醬味道，滋味非常。我地仲點左半隻燒雞。燒雞面頭既香料味道好香，有點似孜然粉加迷迭香；加上燒雞外層脆脆地，但肉質仲好鮮嫩，好好味。本來仲想點個沙律清清地refresh下，不過真係太full食唔落。下次有機會再過呢邊做野 就返黎再試！

雖然openrice中指出這間店是從佐敦站b1出口，不過從柯士甸站出會較近。😛入面既裝潢好有特色，令人在內吃都感到格外寧靜，舒服。☺️一開始就來了這碗忌廉湯，有磨菇的味道。雖然有些稀釋，但亦挺入味，很開胃。接著我們點了lunch set 的意粉。熱騰騰的煙顯出他們是即叫即做，十分新鮮！意粉好好吃，而且價錢不貴（$65蚊），還包飲品。正😋這個薯條（$35）份量很多！金黃脆口！ 如果喜歡麥當勞那種幼薯條定必喜歡這個薯條，而且這個更優勝是較少鹽量又更有味😄然後來到店名有pizza的店怎能不試他的pizza。 於是我們點了這個lunch set pizza ($65) 是turkey，pineapple 再加些 bbq的醬料和芝士。個薄餅批好脆，亦能拉出一絲絲芝士😍還叫了雞肉串加飯 。建議不能吃辣的朋友別點那個辣醬，真的很spicy! 不過雞肉還是好吃的😄雞翼也很好吃😋😋好香脆最後3個人吃了這麼多，還吃不完，是抵食之選☺️

環境乾淨又寧靜 叫7up有埋檸檬清新啲無咁滯忌廉湯 雖然有點稀，但有碎磨菇粒，好有忌廉味，覺得好好飲，唔會係味精湯！尼個係叫lunch set $65 肉醬超級多，有時出去食肉醬意粉覺的味道好怪 （可能係我嘴挑剔😂）但尼間完全唔會 係我平常食開既味道。薯條份量好多, 熱辣辣炸起 仲叫左個菠蘿肉pizza😍😍 薄皮 酸酸地茄汁 好開胃😋😋左上係雞翼 香脆 留意個醬好酸辣 我食不到但就咁食唔點任何調味都好可口😍 雞肉好滑

2016年就黎尾聲,帶住小胖女同友人們周圍食野,今次黎到佐敦呢間PIZZA MAX BISTRO,見門面有齊西餐,意大利同印度餐食,大包圍得黎又一定岩食餐廳環境十分雅致,好RELAX 各人各自點左一個SET 分黎食套餐包左湯同沙侓比食客開開胃,首先黎到係火雞菠蘿BBQ醬Pizza有別於其他店既PIZZA,呢到做得好脆,醬汁同配料熱辣辣,入口啖啖滋味黎到話有得食印度菜,點少得係咖哩雞配''南"包呢?有軟有硬,點黎食又得,淨食雞都得南包非常鬆軟,點左汁咬落去好有得味,之後就到小弟點既羊肉卡巴出場啦由於小胖女唔吃羊,太可惜啦,卡巴包住左烤得好香既羊肉同配料,好味都回神時已經食哂壓軸出場係餐廳既招牌菜baby back ribs,烤得外脆內嫩,醬料酸酸甜甜又夠大份真係好滿足,值得一提餐廳店員好高質,服務周到,真係抵比個

雖然食西餐的次數不是很多，但貴價的、扒房、觀塘工廈的，都試過。也沒這家的好吃，而且性價比十分高！！！！是晚點了一份rock of lamb, 一份肉眼扒，一碟雞餃，一杯白酒及一杯cocktail。賣相不錯，肉眼扒及羊架都點了五成熟，但肉眼扒稍微過熟了一點，而羊架是剛剛好。所以個人認為羊架比較好吃哈哈。最令人驚喜是它的配菜！大冬菇上鋪上一堆不知什麼醬和菜，很好吃！該醬雖有點膩，但因份量不多、點到即止，故不覺濟。至於甘筍、焗薯這些配菜不會淡而無味，好吃！（每份$198）這個雞餃也是好味到不行，大大力推薦！皮的厚薄適中，雞餡份量適中，雖然是steamed, 但咬下去是有雞汁流出的！中間那個特製醬汁是整個菜的靈魂！辣度足夠，不會只有色而淡味，是可以辣到耳仔覺熱，但又不會很想喝水沖淡味道。簡單而言，這種辣我喜歡哈哈！（每份$60）cranberry cocktail 甜甜的，不太覺有酒精味。一般。白酒，麻麻。可以唔點。總結而言，食物十分好！！！drinks 麻麻地。但依然值得試啊！而且仲不收加一服務費！服務態度良好！好食過好多懶高級嘅西餐啊！！！性價比十分高👍👍👍👍

印度生日晚餐朋友話想試下印度餐廳，真夠特別，所以找到呢間，係佐敦都算方便，食完仲可以去食其他嘢，哈。店員問需要叫嘢飲先嗎？我就叫左杯banana twist 香蕉味就不是太重，可能有菠蘿關係，所以有點帶酸，不過還算新鮮吧。 $42黎印度餐廳，當然一定要叫印度咖喱加薄餅啦。 我地叫了份chicken tikka masala 啲雞又幾好味喎，唔係太辣，可以接受到，都幾香咖喱味。 $99原來係無包括薄餅，我地另外叫了份，garlic naan 呢個食完好飽肚，蒜味就不是太重，有點油，不過點咖喱一齊食係不錯的。 $28

感覺好新鮮喔，第一次食印度嘢，感覺又不錯喎服務員都好nice，佢地都係講英文，入面多數都是外籍人士在用餐，呢度地點可能有點遠離地鐵，不過都不算難找。 我先點了一杯飲料先，strawberry smoothie，賣相還不錯，啖啖士多啤梨香，加埋雪糕，乳酪，奶，口感更滑，顏色都好靚叫左呢度招牌雞翼，好特別呢，外面係一層脆漿，面頭有點調味粉，咬落內肉就不算多，不過點埋佢配既印度超辣醬，超惹味，唔想要辣，仲有另一只既沙律醬，都幾特別。 呢個係雞牛油果沙律，超愛牛油果既我，好愛吃，佢呢只沙律醬好好味，有點蜜糖味，甜甜的，加上少許芝士食，更好味，不過熟蛋就較一般，有點硬，菜同牛油果都好新鮮

每年聖誕同元旦假期最好既活動就係囤脂(由朝食到晚) 襯住假期既尾聲 我同小胖男友仲有兩位朋友係佐敦發掘左一間既抵食又好味既多國菜餐廳餐廳唔算好大 有個開放式酒吧 環境雅致舒適 估唔到小小既餐廳 lunch set已經有非常多選擇 pizza, 卡巴, 意粉, 咖哩, 就連燒豬肋骨都有我地點左4個set lunch齊齊share. 跟餐既蘑菇湯非常濃郁 既香且滑Greek salad 希臘沙津係清新既田園沙律上配上一粒粒feta cheese同令整個口感豐富起黎火雞菠蘿BBQ醬Pizza好有驚喜 pizza焗得好脆 bbq醬味道好特別 難怪餐廳叫Pizza Max Bistro咖哩雞配薄餅 咖哩味道剛好 唔會過重香料味 配薄餅yummy由於小妹唔食羊肉所以無試到卡巴 但朋友們都讚口不絕 最最最抵就係呢個半份既Baby back ribs 半份都勁大碟味道同肉質都好有水準總結呢間多國餐廳 性價比頗高 服務親切 絕對可以再戰

同朋友聚會，試下不同style餐廳，次次放題都好伏，又貴，兼吃吾飽。入翻正題，呢家餐廳對我來講有點難找，當晚去到，不太多人，而且地方不是太大，座位空間有點窄，同埋覺得好焗，店主怕客人凍？！但是，裝修和氣氛還是不錯的，牆上的畫好靚。講完環境，就到food啦。畢竟第一次試，吃ge野比較保守，叫左沙律，pizza，飯，面饃加咖喱雞。沙律有大大塊白色ge芝士加番茄，淡淡的味道。pizza系thin base，粵式，口感好，很讚哦。飯的分量不多，但個碟好大，有不同材料的，但只試出了芝士味。印度的面饃軟軟的（有點多油），點下咖喱雞醬，味道不濃，幾好吃。今次first try食物不伏，但drinks伏。每人叫了一杯cocktail，2杯難以入口（淨系記得呢兩杯名字都系m字頭的），怪我真系吾識欣賞，美中不足在於此。下次再去就會試下其他菜式，同埋，吾飲cocktail😂，總括呢間餐廳都值得一試。ps手機不能upload 相吖，what a pity