PHI Coffee & Pancake (MOSTown新港城中心(4期))

營業中

休息中

今晚同朋友係馬鞍山食晚餐，見呢間的menu同環境都幾吸引就試試佢。我地叫左兩個意粉+一個梳乎厘，全部都有驚喜。意粉分別係辣味蕃茄蟹肉同蕃茄海鮮，意粉係岩岩好El Dante，調味都剛好。海鮮就中規中矩啦。梳乎厘叫左海鹽焦糖，好好味！！梳乎厘入口即溶，齒頰留香，配合焦糖脆脆，出色！另外不得不提係優質的服務，餐廳的一位短髮女侍應好細心，好多時我地都未開聲已經留意到我地的需要。佢的推介亦都冇伏！

PHI pancake好似拜拜肉咁彈彈下 食得好開心😛試過原味 蜜瓜 士多啤梨最喜歡還是原味意粉都好彈牙入味 份量好足每次來都會諗加唔加pancake 又怕食唔哂但又想食特別一提喺2025年 香港餐廳服務一直令人不忿呢間餐廳 有位服務好好既服務員短髮爽朗姐姐我和家人/同事黎過好幾次每次都好nice 也好好服務有傾有講 亦會真誠介紹有時餐廳好食 會因服務而卻步但呢度係靠呢位友善既服務員令我食完又食希望香港服務業都可以做得好似佢咁友善

**📍 整體評價** 這次在**PHI Coffee & Pancake**的用餐體驗令人失望，食物質素一般、服務態度欠佳、上菜次序混亂，整體來說不推薦。 **👎 問題總結** ❌ **食物溫度**：主食上菜時已經是微凍，我食的是意大利飯，餐湯也是凍的。 ❌ **上菜次序錯亂**：竟然先上主食，再上沙律和餐湯，完全打亂用餐節奏。 ❌ **服務態度差**：職員回應語氣不耐煩，當詢問Pancake製作時間時，大聲回應「要等30分鐘」，毫無歉意。 ❌ **飲品份量少**：咖啡/朱古力的份量比預期少，性價比低。 **💡 真實體驗分享** - 點餐後等了近20分鐘才上第一道菜，而且還是主菜先來，沙律和湯之後才到，感覺廚房流程混亂。 - 向職員反映食物不夠熱，對方只是敷衍回應「幫你問下」，之後沒有任何跟進。 - Pancake製作時間長（30分鐘），但上桌時並沒有特別驚喜。 **💰 性價比** **2/5** － 以這個價錢（人均約$200），食物和服務都未達標，同區有更好選擇。

一直知道梳乎厘係即叫即做所以專登喺main dish 未食完之前同待應講叫「起」而坐我隔離嗰一枱遲我5-10分鐘叫「起」佢哋個梳乎厘到咗兼食完我嗰個都仲未到當我見到隔離枱食緊梳乎厘時我有再一次舉手回應我嗰個侍應就係我第一次舉手叫「起」嗰個當時待應唔等我開口就話已經幫我叫咗「起」坦白講我覺得嗰個侍應好冇禮貌但我都算我一直等等等等等等極都未到我就估應該係我第一次叫「起」時嗰個侍應根本冇幫我同廚房講其實你漏單唔緊要你都要老實同個客人講嗰刻作為客人個感覺真係好差因為等得太耐最後我冇等到個梳乎厘就埋單走人梳乎厘嘅錢我都唔介意照俾因為已經食咗一肚氣落肚就算梳乎厘幾好味都補唔返了公平啲講一句其實店內有啲侍應係幾好嘅知道客人嘅需要但某啲同事嘅服務態度同質素就要多加培訓

母親節套餐性價比好高2人餐包括沙律、蘑菇湯，薯餅雞翼小食，2個人主食（選了油鴨肶飯和帶子意粉）一件cheese cake和一份疏乎厘，2杯飲品，才488元另加龍蝦蟹肉意大利麵，4個人食得非常飽服務態度值得一贊，一位短髮女待應，對老人家極是照顧，不時加溫水，遞上餐巾紙👍🏻今時今日，很少見到年輕待應那麼好的服務質素

🍽️ 是日餐點 套餐A+B/C+Drink: $138我地簡左A: Signature +B: Souffle1️⃣ A:【傳統卡邦尼意粉】👍 芝士控大推！醬汁濃郁creamy，每一口都掛滿蛋奶香👎 培根略鹹，建議搭配飲品平衡味覺2️⃣ B: 【黃金比例・原味梳乎厘】💯 每次必點！空氣感十足，蛋香輕盈不膩，打卡與美味兼備🔥 隱藏吃法：一塊梳乎厘點上香滑奶油，有點提拉米蘇咖啡可以點上提拉米蘇咖啡上面的cream，多一個口味3️⃣ Drink:【抹茶鮮奶 (跟餐+$28)】🍵 中規中矩，茶味可再濃些，但朋友喝完超提神==4️⃣ 【單點飲品】> ☕ 提拉米蘇咖啡 咖啡味主導，期望更多提拉米蘇的口感> 🍹藍莓梳打果香清新但糖漿偏甜，記得「走甜」或另上糖漿📌 總結推薦✅ 必點招牌：梳乎厘絕對驚豔！⏰ 時段優勢：平日午後人少，梳乎厘即叫即製需耐心等20分鐘#沙田美食 #梳乎厘班戟 #打卡咖啡店 #下午茶推薦💬 回訪指數：會為梳乎厘再來，但飲品期待改進～

「油封鴨腿Risotto — 法式與義式的完美碰撞」   這道菜絕對是驚喜之作！油封鴨腿外皮酥脆，肉質軟嫩到幾乎入口即化，搭配濃郁的Risotto，米粒吸滿鴨油香氣與高湯精華，每一口都帶有微微的香氣，層次豐富卻不膩口。「芝士貓耳朵粉 — 濃郁奶香×彈牙口感」   貓耳朵粉（Orecchiette）煮得恰到好處，邊緣微厚、中心彈牙，裹上濃稠的芝士，奶香濃郁卻不過鹹，還能嚐到帕瑪森芝士的鹹香餘韻。「原味舒芙蕾Pancake — 空氣感與蛋香的極致平衡」   招牌甜點果然名不虛傳！原味舒芙蕾Pancake蓬鬆如雲朵，切開時能感受到輕盈的空氣感，入口蛋香濃郁且帶微微焦糖香。搭配鮮奶油，甜度恰到好處，完美收尾一餐。  環境：簡約木系裝潢搭配暖黃燈光，座位間距寬敞，適合朋友聚餐或獨自放空。午後陽光透過玻璃窗灑入，格外愜意。  服務：店員態度親切熱情，上菜速度中等（主菜約等待20分鐘）。  

今日得閒，想在工作日中午偷閒一下，於是同朋友來到馬鞍山這間PHI Coffee and Pancake。之前聽朋友講過這間的梳乎厘很出色，加上地點方便，就決定來試試看，慰勞一下辛苦工作的自己。環境：店內裝潢簡約舒適，座位之間不會太擁擠，可以讓人放鬆心情，享受午間的片刻寧靜。 * 蕃茄海鮮意粉:先上的意粉，份量足夠，以午餐來說很令人滿意。蕃茄醬汁味道濃郁，酸甜度適中，不會過於膩口。意粉的軟硬度煮得剛好，不會太硬或太軟，整體來說中規中矩。 * 石板街梳乎厘:這絕對是今日的亮點！上桌時，熱騰騰的梳乎厘脹卜卜，賣相已經非常吸引。淋上濃郁的朱古力醬，再灑上杏仁片、棉花糖和Oreo碎，簡直是視覺和味覺的雙重享受。用叉輕輕挖開，內裡非常鬆軟，入口即化，蛋香味十足。朱古力醬的香濃和梳乎厘的輕盈完美結合，甜度也控制得很好，不會讓人覺得過於甜膩。配料也為梳乎厘增添了不同的口感層次，每一口都是驚喜。強烈推薦喜歡甜點的朋友一定要試試看這款石板街梳乎厘，絕對不會失望！總的嚟講蕃茄海鮮意粉表現中上，足以填飽肚子；而石板街梳乎厘較為驚艷，無論是賣相還是味道都令人非常滿意。服務方面，店員態度親切，上餐速度也很快，非常

野食差左 服務極差請各位避雷服務員有‘求’必不應 一個訴求講三次講完就消失 催就黑口黑面扮聽不到 見不到 雖然服務員門檻不高 但都希望餐廳有篩選燴飯好難食 意麵還好以後不會再來

今日送亞女返學，係馬鞍山新港城搵食中午飯。成日都聽馬鞍山是美食沙漠，見到這間餐飯都多人排隊就來試下，排左大約十五分鐘就入座，不算太耐😃辣蕃茄蟹肉扁意粉🍝-好彩侍應同我哋講話好辣，我地order左小小辣。份量夠，不錯🤭傳統卡邦尼意粉-煙肉又鹹香味，有咬口，同平時其他舖頭不一樣。個醬不會太稀，亦都不會太杰剛剛好。同埋冇用生雞蛋啱小朋友食，下次都會帶阿女嚟食🫶🏻Lotus 海鹽焦糖疏乎厘-本身我不喜愛食疏乎厘，呢個疏乎厘出奇地好食😋唔會腍啤啤，有pancake嘅感覺👍🏻反而咖啡相比之下遜息咗少少，冇乜啡味太多奶。lunch set $138有意粉有疏乎厘又有咖啡就相當之抵👏🏻

叫2個set lunch，等30分鐘先有第一碟飯，再等多15分鐘先有第二碟（前後成45分鐘），已經即刻叫佢上埋個梳乎厘（落單有講15-20分鐘），最後等左40分鐘個梳乎厘先黎，仲要係我話未做就取消埋單啦，先話5分鐘就有（當然唔係5分鐘後就俾到我啦，仲要等成10分鐘）完全唔知佢地用咩準則出單，前後左右遲過我入黎遲過我落單都埋單走埋免費都唔會再黎食當然大家係想同朋友坐一日呢到係好選擇，因為你哋傾完呢10年嘅事，佢應該會上到杯野俾你飲住先

對屋苑商場冇乜要求，食飽就算，都費事考究係唔係沙漠。呢間叫做朋友來訪，搵間Cafe仔傾吓偈餐廳。服務整體都算好好招呼。除咗一個長髮經理就比較特別啲，可能有啲高層嘅包袱。叫咗個意粉，釀雞翼，同佢主打嘅pancake餐牌上嘅意粉都試咗7788 ，最普通嘅cabonara反而OK，但係唔知點解成個餐廳，出餐啲嘢一概唔熱。當然pancake除外。pancake係好食嘅，特別鍾意佢唔係散晒黏立質地，佢蛋味比較重，用嘅蜜糖伴碟都係唔錯，見佢點綴都用食用花，都有啲成本嘅。但係佢個membership真心有問題，明明熱食再叫pancake係可以減$25 ，我，用積分去換$10扣減張單，佢竟然攞走返我$25嘅優惠。要扣我分仲倒加我$15 ，餐廳經理，係唔係唔鍾意我先？

之前嚟過幾次，每次都會遇上短髮侍應姐姐，服務超好，佢按住每個人嘅需要而去做介紹，超貼心！ 每次都係同小朋友一齊過嚟，佢會按住我哋嘅需要而去介紹食物，配合到每個人之餘唔會浪費食物🙏🏿會因為有佢再次光顧💪🏿

岩岩開業經過嘅時候，每日出面都排曬長龍， 賣相都幾吸引，都好想去試下， 第一次去叫咗杯tiramisu咖啡，扁意粉，risotto，仲有pancake，整體咖啡好好飲，甜品賣相靚，意粉都好好食🤤🤤但係個意大利飯係個敗筆，味道同賣相都唔太好，啲飯好似Bb食啲粥仔咁，口感極差😓😓簡直係非一般既意大利飯😂😂第二次去打發一下時間， 叫咗杯熱嘅latte 同埋pancake，熱咖啡有拉花賣相不錯，温度又夠熱，最岩呢幾日天氣凍，飲杯熱野暖下🤗🤗今次叫左第二種口味既pancake，賣相一樣不錯👍🏻但係食落pancake入面好似有啲濕patpat，感覺有啲唔熟🤔🤔不過都唔會影響到我下次再想黎食既念頭😂😂值得一讚既係，俾我偷聽到隔離枱🫣🫣食個唔知咩脾飯😂店員教個客人點樣依次序食，仲好貼心咁問需唔需要起骨👍🏻👍🏻店員又nice又貼心😬😬讚！！

今日行過見到少人排隊，又未試過佢，今日就同囡囡試吓先！我哋叫咗 卡邦尼意粉醬汁濃稠，味道厚，但意粉略軟，整體來講中間肉醬意粉醬料足，味道適中，意粉都係比較軟，吞拿魚貓耳朵成碟好可愛嘅粉紅色，吞拿魚處理得恰到好處，不會太過火，味道略嫌淡，醬汁估計係火龍果，視覺上幾靚，配搭比較新奇，可以一試原味pancake+雪糕Pancake鬆軟香滑，熱辣辣，配合忌廉及雪糕，一流享受，果然係招牌作品另外飲品係凍美式凍焦糖咖啡，兩杯嘢飲正常發揮，小朋友點嘅係蘋果汁，中規中矩。後記：整體上嚟講中規中矩，唔係特別好食，尤其是意粉類，pancake係比較好食，服務方面：一個短頭髮，戴眼鏡的侍應姐姐，有禮招呼周到，值得一讚。戴返頭盔先，我覺得好唔好食≠你覺得好唔好食，好唔好食因人而異。