Patisserie Tony Wong

營業中

休息中

難得九龍城係附近放工, 之前試過同事係九龍城Tony Wong買返黎嘅Cake, 一試難忘, 趁今次機會買返2件返屋企同老公share, 俾個小驚喜佢^^果然老公食完都讚不絕口, 雖然Tony Wong d Cake價錢都唔平, 不過味道咁好, 一有機會我都會再買^^

今日經過九龍城，見到有間唔係好起眼既蛋糕店，隔住玻璃望入去見到見到有一大班人排住隊等買cake，所以自己都跟埋入去睇下熱鬧入到去樓面非常寛闊，但座位得2個，大部份人都會take away d蛋糕，蛋糕種類都好多，樣樣都非常有特色同埋超級精緻，我就叫左個t-bag食，盛惠47蚊t bag最外邊搽左一層鮮紅色既果醬，酸酸甜甜好開胃~跟住入邊仲有幾層唔同既材料，例如有蛋糕，berry cream同埋小小脆脆地既餅底，口感十足!

是日係母親節，帶母親大人黎食佢最愛既tony Wong叫左兩件cake堂食，分別係blueberry cheesecake 同母親節限定既t bag。Cheesecake質感濃厚而香滑，而且食完唔會有膩既感覺，但藍莓略酸。而t bag就整到好似個真既手袋一樣有清新既柚子味，酸酸甜甜，口感好smooth。份量雖然略小，但睇落精緻，而且作為飯後甜品一人一件啱啱好～員工好有禮貌同耐性，尤其是短頭髮個位女店員，值得一讚。

媽咪生日去左呢度買花花蛋糕，公司啲同事成日買，所以特登搭車去九龍城買，蛋糕好靚，好味，但酒店價錢，服務勁差，服務員白鴿眼加唔想做咁嘅款，非常無禮貌，直情趕客咁嘅款

之前一直有聽到身邊朋友們講“TonyWong”嘅蛋糕有幾好食，自己都有買過佢嘅甜品書，但就一直無機會去試下到底有幾好食。琴日去九龍城搵食終於可以一試。一入到門口，目光就比展示櫃入邊琳琅滿目嘅精緻糕點所吸引住。向店員點完餐之後就返左埋位，係開動之前目光係店內嘅環境上打個轉，店內裝潢簡約而高貴，感覺真係好似係五星級酒店入面嘆緊下午茶咁。American Cheese Cake口感幼滑,芝士味濃郁而不膩，餅底實淨唔易散。上層嘅酸忌廉同糕身結合左，唔會一叉就分開晒。試完個Cheese Cake，就向朋友嘅Chocolate Truffle埋手。方才滿腔嘅芝士味瞬間就被香濃嘅朱古力味掩蓋。通常有鏡面朱古力嘅蛋糕對我黎講都覺得太甜，但呢個甜度我覺得岩岩好。雖然價錢上黎講係有啲貴，但整體CP值高。會再去食！

一早都知道Tony wong好出名，係蛋糕專門店。不過今次就無試佢出名嘅玫瑰花蛋糕，因為媽咪鍾意食拿破崙多d。所以就訂左個芒果拿破崙蛋糕俾媽咪。芒果都算新鮮，裏面嘅吉士幾好味，有淡淡奶油香味。不過賣相就一般，同其他蛋糕店差不多，但價錢就貴一倍

女朋友生日。唔想又係一般嘅乜乜娜、美乜 同東乜乜蛋糕？專誠早一個禮拜走到嚟睇下有咩選擇。但離不開呢朵招牌玫瑰蛋糕，我見到都開心。有大細size仲有幾隻色揀。我就揀咗細size嘅粉紅色，而表面仲有微微閃粉。睇起上嚟大方又唔誇張，不過我嫌有d單調，所以加多個細size 嘅tirmisu。安排一個星期後送貨！送貨好準時又好禮貌。又有雪櫃運送。夠晒誠意！服務值得一讚玫瑰花瓣朱古力食落唔太甜。亦唔似其他糖膠咁起沙又無味。今次睇得又食得至於tirmisu就同一般無乜分別。上面嘅士多啤梨應該有揀過。因為幾甜唔會太酸。整體都幾滿意。同你特別關心嘅人慶祝嘅必選之一。

Waited for around 10 minutes before I got the Mixed Berry Napolean. The staff advised the cake to be eaten within 4-5 hours of collecting. However, we ate the cake much later in the evening. Luckily, the puff pastry layers were still crisp and not soggy at all from the cream in between the layers. The whole cake was delicious, although there aren't that many special flavours. It is an alternative from your normal sponge cake though.

Cakes of this brand name shop were quite expensive and so I saw reviews in openrice before buying Uji Matcha Mousse at the price of $45.  I liked this 3-tier Mousse as it was not only Matcha flavour, but also coconut and two levels of matcha flavour.   A thin layer of coconut cream was sitting on moderately smooth and matcha flavour mousse with the darker, firmer and more mathca flavour mousse at bottom.  To add more complex in flavour and unique, there were some tasteful candied soft black be

之前買過small rose cake ，價錢合理而且好靚，今次呢個款式係朋友訂，款式普普通通唔覺有咩特別，而且唔係話特別靚，花朵係忌廉做，唔係糖，味道普通，價錢好貴唔抵。

話說今日去Tony Wong攞訂好左嘅蛋糕，不過攞左又要等媽媽揸車過黎接我🚗，由於廢事喺街行下行下Fing到/撞到個蛋糕⚡️，所以就坐低叫左一件cake試下。成個Display櫃嘅蛋糕對於作為甜品控🍩嘅我當然每件都好吸引，不過得一個胃，一間又仲要食飯，只好揀左外表夠哂少女👸🏻，又係最新出嘅Ruby Diamond💎。唔講味道，剩係賣相已經完勝✨，粉紅色💓嘅朱古力外殼，再加上有金箔裝飾💰嘅榛子做點綴，影相呃like一流。朱古力係濃度唔高嘅牛奶朱古力🍼，甜而不膩，裡面係榛子同朱古力慕絲，好似食緊高級版kinder繽紛樂🍫，當然質感會幼滑得多。至於生日蛋糕，今次揀嘅係Mango Napoleon，用芒果砌花當然唔係咩新鮮事，但我特別中意佢用半圓嘅芒果粒喺側邊襯托中間嘅四朵花🌼，成件事grand得啱啱好，唔會太累贅。切蛋糕嘅時候，用隨盒嘅膠刀會比較難切，建議用金屬刀🍴就唔會切到散收收。切嘅時候感覺餅身好硬，但係食落竟然非常鬆脆🎉，果然我嘅擔心係多餘嘅。屋企人每食一啖，就講一句好好味😋，連本身唔食拿破崙嘅我，都對呢樣甜品改觀。Tony Wong果然係名不虛傳嘅甜品大師！🎂

係上年食既，見到d相就寫返個食評，大家唔好介意本身我唔係特別鐘意食芒果既，但個朋友好鐘意就嚟試下啦。我就是但叫左個類似芒果四重奏啦，個芒果拿破輪好脆同同芒果幾夾我以為會酸，但無既。

之前一樣都有手機食先嘅習慣，覺得有感覺時或開心嘅事要同大家分享，但好多時影完就算，眼見電話冇乜位，清下相簿，咁多食物相又不捨得down，所以開返個acc，等我真係好好開心share返，寫返兩隻字share下。tony wong大名應該聽過吧，呢個係我生日時男友送我的，還記得當時仲比佢覺得吸引，所以一見到就好開心！除左有咁靚嘅外表，心裡還怕不好食，但又信住tony，試下，都算吾錯，但我覺得都係較甜，個花瓣其實真係感覺好似食緊糖，但cake都算好食，軟身，咁食又冇個花瓣咁甜，男友不告訴我價錢，但應該都吾平，但外表吸引，男送女一流，哈哈！

久仰Tony Wong大名，倒是第一次光臨。五彩繽紛的甜品櫃非常吸引，還看到一個客人訂造的精緻玫瑰蛋糕。最後千挑萬選了這個看似香濃的朱古力撻。店內有兩張桌子供客人堂食，環境整潔舒適，很適合姊妹淘來吃下午茶。Amedei Chuao Chocolate $45上網查到Amedei是意大利一個相當有名的朱古力品牌，而Chuao屬其最暢銷的一種朱古力，特別之處在於由委內瑞拉北部生產的頂級可可豆製成。簡單來說就是這件朱古力撻來頭不小！本以為這些精緻高級的甜品通常味道偏甜，幸而不是。中心的Chuao朱古力吉士醬質感幼滑，可可味甘香醇厚，略帶果味的微酸，頂級可可豆果然不同凡響；撻邊以甜杏仁碎點綴，增加口感；頂層有一小件朱古力馬卡龍和一小片Chuao朱古力，前者味道稍甜，質感略軟，幸好有後者的甘苦平衡一下；最驚喜是撻內加了朱古力爆炸糖！在口腔中霹啪作響，口感創意十足。終於一嘗享負盛名的Tony Wong甜品，沒有驚為天人的感覺，但不失為一客賞心悅目的甜點。

各式蛋糕，樣子精緻，每件都是藝術品一樣，叫人不捨得食落肚。多得同事唔怕食我口水尾，我先可以每款都試下。Yummy!呢件糕上面有脆餅，焦香可口，中間夾紅莓，cream清新有少少檸味！柚子味糕餅，好香柚子，上面有銀萡，內裡有三層的，我都食不出只什麼了，總之好食，清清地。雜莓拿破輪這個比較甜，只有最上層有水果，中間的只有cream,餅脆cream滑。chocolate cake就最甜，上面舖有金萡，表面厚厚朱古力層，內裡朱古力蛋糕。雖然甜，但甜而不膩，喜愛朱古力的朋友，必試！