Passion (朗豪坊) (已結業)

與友人參觀完觀塘band房，就到了旺角閒逛。最後去了朗豪坊覓食。友人說想試試這間的Pizza(坐下來卻沒有選Pizzaz，反而看到鄰座的法式鄉村煲就轉軚了)沙律有大有細。大的可以選四款，細的可以選三款。本身沙律幾有特色，味道也很出色。其中有薯蛋的味道香濃，值得推薦。豬腓骨的賣相不太好。這照片是一出菜的樣子，我們還沒有動過分毫。但滿以為很難拆肉的豬肋骨卻出奇的變成煲湯豬，一拆即離骨，味道一般。欠缺了咬口和肉味。這是比較可惜的。甜品是拿破崙，紅莓味道帶酸，但拿破崙皮又脆又薄，挽回不少口感。因為味道不太甜的關係，令人感覺清新爽脆。看很多食評都有講過服務不太好的問題。浪子遇到的服務生卻很好，主動收餐盤，有禮貌和工作勤快，值得一讚。唯獨有一樣嘢會令浪子再回來光顧，就是那種自己搵位，任由其他食客站在背後等。雖然浪子都是那種食飽就起行的人，但還是覺得這種找位子的方式有著頗大的壓力。如果在大食代吃飯，我反而沒有所謂，因為打正旗號是一條食街。而這兒的裝璜看來並不是走這種路線的，上檔次的裝璜卻以這種方式找位子是比較有趣的配搭吧。

真係被到歐洲嘢所以唔好食其實唔係好啱我但係佢做到地道的味道值得一讚一份普通嘅沙律可以揀三隻味道 蔬菜非常新鮮 california嘅螺旋粉真係好好味 sauce very creamy又有乾蕃茄腸仔勁正 chewy!!!連奶茶都超水準西餅就比較甜應該會返去

食物有素質，惜員工只會各自各做自己的事，缺乏溝通，客人想點餐，即使站到食物櫃前，有員工不願理會，亦有稱非自己工作。第二次再光顧，亦見員工仍是各自各的，以致已非一次予人高傲、輕漫之感，對待客人無眼神接觸，故虛有𣎴錯餠食，此等服務，真浪費品牌，難道品牌要打造的是這樣的形象。

一直好想試 無機會 今日終於比我食到你其實我系為甜品而黎😂😂😂只不過果日五係好舒服 所以無得食gelato😭💔 只有試住其它甜品先☹️但係阿媽又係都要我食正餐🌚唔比我齋食甜品😒所以我只係要左一個tiramisu😭😭😭不過好彩個tiramisu無辜負我❤❤😋😋😋同埋個latte真係好好好creamy 仲有塊餅仔送🍪好食d salad好fresh好清甜🍽食極都五厭☺☺總而言之 一個字 好jeng ahhh👍🏻😂😂其它五想多講(其實系懶得打字😆ummm果度既atmosphere好好gaaa得閒去坐下 食翻件甜品 就係一個好relaxing既hightea laaa☺☺☺

夏天甘熱絕對是吃雪糕的好季節！所以揀左呢間食下午茶～因為之前有個朋友說幾好味我點左一杯 三角朱古力味，奶味好重，口感豐盈，是比較rich的gelato中間有d朱古力碎但份量比較小如果有多d朱古力碎會更好！同埋坐嘅空間可以大點就好啦

今日諗食咩諗咗好耐，本身想食tea buffet，但係最後行咗入朗豪坊決定試下呢間西餐。呢間店都幾多人，要等位，但係要自己等，無飛攞。好在咁o岩有人走，我地就坐低咗。其實一行入去，已經見到有個鬼佬客食緊碟意粉好吸引，同埋甜品櫃d蛋糕都好精緻！我地叫咗一個忌廉蘑菇長通粉、手撕豬肉pizza、焗千層麵，一杯raspberry lemonade 同一杯apple cider。長通粉有d黑松露同少少黑椒味，同忌廉蘑菇汁好夾Pizza熱辣辣，手撕豬肉好惹味，芝士夠多，餅底夠薄，兩個人食每人食3件唔會好飽。焗千層麵略嫌有d滯，但味道都唔錯。食到八成飽之後，我地都係不敵蛋糕嘅引誘，叫咗一件紅桑子朱古力蛋糕同朱古力青檸蛋糕。兩件蛋糕個賣相同味道都有酒店嘅水準，不過甜咗dd除咗座位唔夠舒服之外，食物、飲品、甜品都好正

好多人來食甜品、下午茶，不過我這次選擇晚餐時間來吃正餐。豬仔脾，味不算特別，但肉煮得夠淋抵讚。重點是用LC煲上。還有這裡取餐用的托盤是Baker's Secret，這就是生活態度。在潮濕、胃口又不太好的天氣下，吃沙律及三文治是好選擇！

一直未有機會試呢間新店朋友介紹，請我飲咗杯Hot Chocolate果然冇介紹錯呢杯朱古力同一般完全唔同一上枱就飄住濃濃朱古力香氣聞到已經好似飲左咁而每飲一啖都好似食緊流心朱古力好濃好厚嘅感覺杯面再加朱古力粉上到抬都未溶就知道呢杯朱古力濃度有幾高但係係有dd甜左d嘅

今次嚟到Passion搵食！上次經過朗豪坊已經好想試一下～但因為佢舖仔細細又係半自助式～太難搵位就放棄了！今次一去到就咁啱有位！lucky!!因為得2個人～可以試嘅款式不太多～就揀咗重點想食嘅～其實我好都想試pizzaSmall Salad Box 250g ($45)可以喺8款裡面揀3款沙律（介紹書有12款但實物冇咁多的)。我哋揀咗Royal Potato,Bounty of Eden,Californian Shell PastaRoyal Potato係相中左下～就係有幾舊烚完搵沙律油撈過嘅薯仔份量不多～味道較普通。Bounty of Eden係圖上嘅沙律～以醋為車厘茄～西蘭花～椰菜花～南瓜等調味。車厘茄好甜好好味！其他菜就被醋蓋過咗蔬菜本身嘅甜味～但一條白色大蔥size嘅東西係好難食的.....Californian Shell Pasta就係圖右的cream貝殼粉～味道也是普普通通，不過個粉軟硬適中，有點咬口。Roasted Vegetable Quiche ($34)什菜蛋批～2年前係日本第一次食蛋批呢様嘢～先知道有呢道菜～仲以為只係日本先有（大鄉里）一直都對蛋批念念不忘～

旺角其實好多餐廳但要想食咩好 總是想不到！這夜突然想起朗豪坊4/F這間餐廳二人食量叫了三樣食物沙律（250g) 可選三款 $45都ok，不錯！呢個價錢來說，不算貴，多款選擇～煙肉薄脆餅 $62味道ok 有肉汁 不會很乾的口感！肉醬意粉 $88很像很不抵叫的東西味道清淡 只重黑胡椒味若下次再來 我只會選甜點/包點類！因這裡的雪糕類/蛋糕類/麵包類 貌相更吸引！

食完正餐都未滿足,大概是所有女人的通病本想在這兒一併解決午餐,但正餐沒有面包甜點來得吸引,於是食完午飯再回來這兒買幾件蛋糕回公司當下午茶每年蛋糕平均價錢大概$42,我們選了三件朱古力狂的我選了兩件都有朱古力的,一件搭配青檸軟心,而另一件則是開心果本以為甜和酸混在一起可以令蛋糕吃落去不太膩,但酸的程度遠超朱古力的甜,令我不太喜愛還是朱古力+開心果比較好,甜而不膩最令我喜出望外的反而是同事選擇的mango caramel,兩個味道都很突出,夾在一起又非常合拍,很讚它的蛋糕還有很多款式選擇,看來我每次經過都會按捺不住買幾件品嘗

espresso朱古力真係第1次飲,份量雖然得約1.5shots espresso 的朱古力,但每一啖都好濃香.而且面層還放有一朱古力薄片,慢慢睇住佢溶化,感覺好令人平靜個心情,整杯朱古力可可濃度好高,比較"杰"身,但不太苦澀,好岩我呢D朱古力迷。

係灣仔買過包，食過早餐，幾滿意，成日想試下食主菜，一路無機會。上次路經朗豪坊見到，先知佢地係到有分店，今日同老婆係旺角行街，岩晒！入面好自助、自己搵位、自己Order、自己捧餐、自己斟水。我地坐低之後就走出去個櫃到睇下有咩食，最吸引我既，當然係甜品同包啦，點左個Mushroom & Thyme Ravioli同Chocolate Cube!!!收錢阿姐講英文，不過我英文差，佢每句我都聽兩次先聽得明，阿姐塊面都幾黑，唔係好友善，Order時候要戰戰兢兢，收咁既價錢，係咪應該態度好少少呢？…同灣仔D Service 差好遠，唔通係旺角區？Mushroom & Thyme Ravioli都幾香幾Creamy，係個皮厚左少少，整體都滿意，不過收88蚊其實唔平，出面中檔有service食一個set都係收梗約160蚊到，有湯有包有Desert……..呢度得個main…….諗落有少少唔扺！Chocolate Cube好好食，朱古力淋漿set到但無凝固，Chocolate mousse硬度適中，朱古力味濃郁！中間有層開心果paste同紅莓漿，濃郁既朱古力味都同紅莓好襯，就係開心果本身味道出唔到黎。座位

今日放工約左中女去旺角買衫，最後行左2個鐘都無收穫，唯有去揾食。原來朗豪坊間Italian Tomato已經執左，開左Passion by Gerard Dubois，咁當然要試下啦。入面啲裝修好雅緻，可能樓底高，感覺好開揚，入可以見到晒入面侍應忙碌的畫面。我地叫左個大salad 同pizza。salad 可選4款，我地揀左紅菜頭、薯仔、炒飯同埋蜆殻粉。拼成一碟，顏色好豐富。紅菜頭好酸，但配合埋橙，兩者又好夾好醒胃。蜆殻粉好creamy，炒飯就有點硬，但勝在料足，薯仔就嫌大舊左啲，細返少少，會方便好多。Pizaa揀左4季，有4種面料，我最鍾意煙三文魚同磨菇，雞肉略乾，蕃茄就普通左啲。但拼埋一齊，個樣又係好靚。因為新鮮即烤，所以個批皮好香脆，好好食。2個人坐左成個鐘，因為店座位較多，所以唔迫，亦舒服，下次一定再黎試埋甜品。

檸檬忌廉蛋糕，有好香濃嘅檸檬味之餘帶少少creamy，甜度適中，份量適都岩岩好，食完過到口癮而唔會太膩。賣相好精緻，係半個亮晶晶嘅波波，加上少少檸檬皮同朱古力做點綴，附以passion嘅logon，用可可粉做伴碟，都幾特別。但代價係蛋糕表面要用好多糖膠，先會有亮晶晶嘅造型，以致每口都食到凝固左嘅糖膠，影響口感，但味道仍然係唔錯，而且其他地方未必可以食返呢種味道，所以值得多試。另外點左伯爵茶，但估唔到佢會比個茶包，加杯熱開水我，要我自己沖，咁又真係成個感覺跌左一下。地點黎講，只適合一嚐美食，由於太多人又擠迫，真係唔係好好享受嘅好地方。