Park café

有人請食lunch..我地唔客氣揀左buffet 一坐低，waiter哥哥問有無人當月生日，birthday boy or girl free...同行75折...原價$228..(每4個可free一個)折後每位$150左右！平到傻！睇睇有乜食基本海鮮3款...可惜無蟹腳但呢個價錢黎講...唔好要求咁多啦刺身有三款..要讚...厚切而且生鮮！其他熟食...冷盤...都係個句..呢個價錢...唔好咁高要求讚下呢個燒牛肉...入面好嫩..無overcooked !冷盤海鮮雖然選擇少..但新鮮！蝦同青口都好爽口！我本身係豬腳薑fans..所有有得食..我已經好happy..但平心而論...係有好過無咁樣囉...另外，炸三文魚頭...好脆！甜品好多款...可惜..lunch真係食唔落咁多

雖然東西很少，但這價格可以吃的飽算很值得。週五下午茶最便宜，用餐人不多，但服務生收盤很快，態度也不錯，如果預算不夠建議試看看一天就吃這一餐，甜點準還行，熟食就吃的飽，一分錢一分貨，這價格這水平是OK的。

放假來試了這兒的「仲夏鮮果派對」下午茶自助餐。中湯值得一試，是沒有添加的烏雞湯，濃郁的烏雞味，好甜，好味！韓式柚于雞中翼可能已經炸了一段時間，不算很脆口，但是柚子味清甜，令人一食再食。迷你和牛芝士竹炭漢堡的和牛有點老，沒有想像的好味，但賣相吸引。XO醬蝦乾炒年糕切成一口年糕，是蘿白糕的口感，不錯。串燒有豬和牛，燒得有點過火，表層有點焦，但味道尚可。如果怕辣的人士則不要試了，因為我不能吃辣，一吃就覺得不適。同場有無限量供應的青口、海蝦和白蜆味道有一陣雪藏味，味道淡淡的。甜品不錯，選擇也不少。個人很喜焗半熟芝士撻，淡淡的甜芝士味，剛出爐，暖暖的，一吃再吃！還有必食的是榴槤慕絲蛋糕，濃郁的榴槤味，食完整個人都精神了！香蕉奶蓋奇亞籽杯也值得一試，健康美味！還有Dreyer's雪糕可以食，但是可以選擇的味道不多。

我真係對吃要求唔高，諗住同朋友食吓生日tea,平日的下午茶自助餐呢間先有。見好評都多咁就去呢間啦。openrice訂座有75折，吸引人去結果就係伏。食物選擇少，熱盤少選擇，冇味，肉類乾，壽司飯又乾又硬，沙律係唔凍唔新鮮，西瓜變味，甜品較可以接受但都係唔好食，又唔夠凍。好在食完未有肚痛。所以全場得小貓三兩隻，呢個價錢食日本放題仲好。完全係伏到唔伏。侍應們係企埋一邊係水巴，細聲講大聲笑。真係送都唔會再去。賣單有coupon送都唔想攞走。

🎂今日係朋友正日生日, 🎊佢提議去尖沙咀Park cafe吃Tea buffet. 🎈响Park Hotel百樂酒店4樓📍。 起初以為tea buffet只是😋吃一些輕便的食物， 去到的時候真係好🤩surprise， 由🥗沙律，🦞冷盤，🐟海鮮， 🥘熱薰， 🍉生果到🍨甜品， 樣樣齊全， 仲有個🍫chocolate fountain⛲️， 甜到漏曬油! 仲有一個意外😍😍😍生日月的朋友原來是免費的😍. 和朋友去慶祝, 呢個係一個👍🏼很重要的選擇👍🏼

星期五有下午茶buffet的酒店不多，Park hotel環境舒服，食物多選擇，服務好。有熱盤，新鮮salad,fruits,三文魚，海鮮，等等.....有好多甜品，仲有炸榴蓮甜品，好滿足! 有open rice coupon又有75折。慢食兩小時，輕鬆傾吓計。推薦!

上次食過Lunch Buffet 已經不錯，今次特登帶仔仔一家三口嚟食Tea Buffet，結果出嚟又唔差喎！仍然用2個字形容「抵食」。這次用openrice coupon, 兩個成人有75折，小童半價🤭以一個Tea Buffet 嚟講真係好抵食，平均都係170左右。 食物種類都唔算太少，一般都巳好足夠，味道唔差，坐位舒適。下次有時間都會再去多次。

今次和朋友再去食下午茶自助餐，3點至5點，今次主題係櫻花，門口有櫻花裝飾可以影下相。食物大路，有幾款熱，也有即煮湯粉麵，麵包有部機可以焗熱，有pancake機，甜品幾好味，有即焗迷你蛋撻，布甸，有 Haagen dazs杯裝雪糕等。

種類不多，無論熱食，冷盤或甜品。熱食方面，當晚有碟類似扒菇西蘭花，這個中規中矩，焗薯都ok，這兩味已算熱食最好食的。其他差的有四川麻辣烏頭魚，不麻也不辣;蕃茄焗忘記了什麼螺，明顯是用茄汁，但不夠份量，不酸也不鹹;咖哩也有兩款，港式及印度式，港式難吃，印度式也普通，咖哩不夠香也不辣;好像有泰式炒蜆，不過不失。冷盤海鮮如蜆，花螺，蟹腳等，全都像用白開水烚熟，不鹹切無味也不鮮。魚生有三文魚，鯛魚，菁魚，都算新鮮，象拔蚌欠新鮮。每人奉送一少煲的雞燉翅，雞只用雞扒切粒，當然無雞味，勝在夠熱及調味適中。甜品有各類蛋榚，芝士蛋榚，焦糖燉蛋，布甸，豆腐花等，都普普通通不過不失。飲品喝了橙汁及檸檬利賓納，兩者都溝水溝淡了，可樂算正常，但因為在大缸中有個水龍頭自己斟，不是雪櫃中自取，所以因不夠凍而欠汽。還有手切烤羊架及牛扒，牛扒勁靭欠牛味，羊架勁生像喝血，吃時帶點自腥味，之後同事拿了另一件羊架，應該從另一排羊架切出來，熟了，無血，同事說像用水烚熟，難吃...其他的不寫了，不能盡錄

第一次嚟到這間餐廳，估唔到服務好好，坐位寬敞，環境不錯，比我想像中好好多。用openrice訂枱仲有75折 以尖沙咀嚟講，$200左右1位 都算好抵食。食品種類都唔少，味道一d都唔差；好肯定我會再去🙊。

晌FB某飲食專頁見到介紹依間酒店dinner buffet有長腳蟹生蠔同片皮鴨任食, 即時book黎試下, 6:30pm去到waiter就好快帶我地坐低, 服務態度唔錯, 跟住我就出去食物區巡下睇下有咩食, 點知出到去, 生蠔係有既, 但唔見長腳蟹同片皮鴨, 於是我就問waiter點解冇? 原來係要7點半後先會出, 咁即是話, 7點半前入坐果D, 好容易會唔小心食飽左都未有蟹腳食, 咁其實都唔緊要既, 食住等, 最特別既係佢有個好大既海鮮粥底蒸鍋, 上層係蒸海鮮, 下層係粥, 開頭因為未想食熱食住所以未拎住, 點知轉頭已經冇左上層, 得返下層個粥... 諗緊究竟佢會唔會refill, 點知原來係我太天真...  終於等到長腳蟹喇, 嘩! 一出不得了, 唔洗幾分鐘洗晒, 好彩我又唔岩出左去拎緊食物先見到佢出長腳蟹, 有幸食到頭輪長腳蟹, 但係原來唔好開心得咁早, 蟹肉係霉既, 完完全全地唔新鮮, 失望, 後黎見佢成半個鐘先再refill蟹腳, 但我已經唔想再食... 好喇, 有片皮鴨食喇, 望住個片皮鴨師傅晌度處理隻鴨, 但佢似乎係唔識片既, 見佢切左幾野跟住徙手扯甩隻鴨塊皮... -_

7大宗罪：1 食物如蟹腳，燒牛肉refill很慢，基本上長時間未能提供。未試過食酒店自助餐要搶！2 人手明顯不足，很耐沒人收碟，一人serve刺身生蠔，其他取食物位都大排長龍。3 竟然連碟碗都洗唔切要等。4 熱盤竟然冇樣好食，根本係兩餸飯味道。5 冷盤唔新鮮，d cold cut 放咗成日吹到乾哂。6 甜品好淡，完全無味。7 個場好細，d 枱好迫。我好唔明白點解一間酒店既cafe可以管理得咁差。食物質素差固然係死罪，但連基本服務都咁樣真係完全唔能夠接受。如果你收200樓下都重免強可以,但你收528一位就不合理，雖然有7折，食物及服務質素同普通人對酒店自助餐既合理期望有明顯出入。

雖然已經5月還補食生日飯，我同細妹喺同月同日，而哥哥就喺5月頭，咁家姐就話一次過請我哋食飯，所以就搵咗今晚，本來去龍寶價錢平買一送一，大約300蚊左右，而我已經食咗二餐，我就提議差額我比去百樂，每日都喺多50蚊左右, 因為我有生日優惠，生日唔洗錢只比加一服務費，而同行就8折還有蛋糕同紅酒送，百樂無論熱盤，冷盤都好豐富，今次每人還有鮑魚雞煲送，雪糕有movpack同dryer, 二只都喜歡可惜太飽只係食少少，所以我自己最喜歡百樂覺得抵食又唔差，款多而且味道都唔錯，今晚好開心邊食邊講又喺時候各自回家

又係同屋企人去食自助餐既日子，今次揀左一間做緊食海鮮主題既「百樂酒店」。環境座位寬敞，光線充足，食物擺放集中，擺盤都唔會馬虎。收費 「海陸空之旅」海鮮自助晚餐(18:30-21:30)，星期一至四$498，星期五至日、公眾假期及其前夕 $528，供應日期由即日起至7月3日，like佢地facebook就有7折，Openrice都有優惠，抵好多！麵包及飲品區要留肚食海鮮同其他野食，冇幫襯麵包冷盤區—前菜不少得各式沙律、芝士、刺身、什錦凍肉拼盤、煙三文魚拼盤等等呢啲大路冷盤，但都有多款精緻同特別少少既，例如燕窩藜麥天使冷麵、鮑片鮮蝦芝士串、龍蝦菠蘿黑魚籽沙律等等。沙律都好新鮮爽脆，刺身切得好大塊，試左三文魚，紋路好靚，食落魚油香都好重。冷盤區—生蠔、海鮮食自助餐既重點當然係食海鮮，加上呢個自助餐都係做緊海鮮主題，冷盤類海鮮有海蝦、花螺、白蜆、加拿大鱈場蟹腳、紐西蘭青口，海鮮類既融雪處理都無問題，無食到有壞既情況，食物Refill都好快，相對上蟹腳Refill速度就慢少少，肉質比較薄啲。至於生蠔係供應紐西蘭生蠔，已經預先開好哂，每人限攞3隻，開蠔同洗蠔都乾淨，食左咁多隻都唔會食到有蠔殼碎，

看之前的食評， 反應很正面及抵食。 所以以一試無妨的心態帶兩位老人家及小朋友來。 我先試招牌菜， 冬蔭公焗海鮮很足料。 但食長腳蟹時就有少少難度。 因為無提供蟹鉗。 很喜歡他們的 前盤， 沙律吧。甜品， 最喜歡他們的濃朱古力蛋糕。 姨生仔最喜歡他們的自助 pancake 機及朱古力 噴泉。 昨天因有一位生日，免收一位費用。加埋有二位長者， 一位小朋友，3個大人 。 人均消費$184。 超抵。 除了上茶樓飲茶外， 一家人又有一個聚餐的地方。 一定會再來。