影片
港鐵奧運站 C1 出口, 步行約7分鐘
繼續閱讀
營業時間
星期一至日
12:00 - 00:00
以上資料只供參考, 請與餐廳確認詳情
食家推介
招牌菜
經住大角咀朋友介紹去到呢間西餐廳，地點唔算方便，主要都似係做街坊生意同回頭客，搭港鐵就去到奧運站/旺角站行10-15分鐘。雖然地理位置唔算太方便，但我係絕對會翻撻嘅！！！🤤👏🏻呢間餐廳係有生蠔吧嘅，全部都係即叫即開，由於我同朋友都係生蠔迷，咁就一定要叫蠔啦。我地叫左美國太平洋生蠔。 呢款生蠔係大隻得黎爽口，而且海水味濃嘅，我個人就鐘意海水味濃dd嘅蠔，不過聽職員講佢地仲有賣美國白珍珠生蠔，相對淡口同厚肉，今次就無試到，下次試試先！💫💫另外我地叫左個寶雲酥羊🐏架，酥皮係羊架畫龍點精嘅地方，羊仔肉比較嫩，脆卜卜嘅酥皮包住，口感即刻多左層次，但坦白講，如果羊架肉汁唔夠酥皮就好易分開同埋成舊口感更乾，呢次舊羊架啱啱好甩骨，嫩口唔會軔，所以火喉控制好重要，呢間西餐廳我覺得火喉控制上係出色嘅，，一陣提及到嘅戰斧扒會更明顯。主角黎喇！ 個美國安格斯戰斧扒真係扒如其名，成個戰斧咁大舊，😱😱肉質鮮嫩唔在講，整體燒到大約6成半熟，肉汁完全被鎖住，職員有原件上左比我地“哇哇哇哇”完先送翻入廚房幫我地切件，佢話太大件喇怕我地手軟呀，真係超級貼心！ 然後個安格斯戰斧扒真係無令人失望，一咬牛嘅油脂同肉汁完全係完美balance ，好香牛味，為左呢個牛真係值回成餐飯嘅價錢，重點係戰斧扒嘅價錢真係相當親民，只係要800蚊左右，我地4個成人食係飽有餘。本身驚唔夠飽我地仲叫左個飯打底，我地叫左個波士頓龍蝦併蟹爪肉意大利飯，我個胃仲留戀緊個戰斧扒，繳左械🏳️🙌🏻，只係食左幾啖，望住朋友開心食🥺，個蟹爪肉risotto真係好有誠意，啖啖蟹肉係上面，一隻蟹都無幾多肉，唔知廚師拆左幾耐🦀🦀先有咁多肉呢？？ 真係食誠意都抵呀！好喇，到🧁甜品了！ 我個胃都休息完，我地叫左個榛子批配窩夫，榛子批面係舖滿碎果仁，餅底係瑪利餅，配榛子凍餅，唔會太甜又香榛子味，感覺幾新鮮，另外個窩夫係有鮮士多啤梨配，味道真係相當唔錯。總括黎講，我覺得餐廳設計叫Paris 18除左餐碟同佈置有巴黎鐵塔之外，係同法國餐無太大關係，不過都坐得舒服又乾淨，8位以下朋友傾下計都坐到，今次4個人就perfect，佢仲有2人套餐，好似都幾抵食，等我下次帶男朋友黎再食過！！😍😍
繼續閱讀
平時比較少到大角咀這頭逛，有天百無聊賴地由Openrice看到這間好像不錯餐廳，便專程約了幾位吃貨朋友一同入大角咀試試。美國白珍珠生蠔拼盤朋友們都對生蠔情有獨鍾，我地叫了一碟美國白珍珠生蠔作前菜。大大隻的生蠔既creamy又夠爽滑，很滿足！寶雲酥羊架羊架的肉是來自bb羊，一點都沒有羶味。更可以要求一整個羊架上碟，自己動手切！1.6KG 炭燒美國戰斧頭扒 （早一日預訂）期待已久的主角終於出場了，這道菜是全晚的亮點！老闆上菜時我都不禁嘩嘩聲！早一天預訂，是讓師父有足夠的時間去慢煮牛扒！1.6kg的份量一點都不是講笑的！Size大概有6部iphone plus平排出來的大小，酷似一個大斧頭，份量足以令我們幾名女飽都嘔！雖然牛扒十分巨型並厚實，但咬下去時，仍然超級juicy！香氣四溢！最重要的是，性價比滿分。用$888的價錢能夠品嘗到這種美食，絕對是超值之選～威靈頓牛柳 這個是很傳統的英國菜，Gordan Rampsy是用長方形的做法，而這餐廳則是用圓形的做法，更加考驗師父手工！酥皮酥脆，牛柳香濃柔嫩，一同品嘗時，兩者十分match！波士頓龍蝦拼蟹爪肉意大利飯吃到Risotto做得好的餐廳真是很難得呀！飯粒軟硬適中，加上啖啖蟹肉，這個risotto真的令我很驚喜！沒有預期過一間小區的餐廳可以做到那麼好吃的risotto呢！60%朱古力心太軟心太軟中規中矩，特別地用了60%朱古力去製作，不會像平時坊間上吃到的心太軟般那麼甜。芝士蕃茄蓉批這個要特別一提！雖然這個是一件熱食鹹點，放在甜品時卻沒有一點違和感。口感像麻糬般，味道則像pizza，超級特別的！不能夠形容這個是pizza，可是又不是普通小批。大家可以即管一試！
繼續閱讀
第一次嚟呢度食食材新鮮又好味 環境舒服 性價比高今次一堆人試左好多主菜斧頭扒真係必食另外亦有自創菜式員工又有禮貌一定會再返尼食首先有2款蠔俾大家揀 試哂2款都好新鮮美國太平洋蠔 爽口creamy 美國白珍珠 淡口鵝肝黑豚腩卷鵝肝煎得岩岩好 不會太油威靈頓羊架火候控制好 外皮亦非常脆口美國安格斯1.5kg斧頭扒鎮店之寶 肉質鮮嫩 有肉味 多人去一定要叫溫馨提示 要早D預訂喔威靈頓牛扒 煙肉蘑菇蓉脆炸豬手脆口豬皮 調味適中龍蝦蟹肉意大利飯意大利飯個質地好好食 而且蟹肉好入味海鮮意大利粉茄汁底 海鮮份量多 榛子凍餅 擺盤優雅岩哂港女們影餐飽大家有機會一定要尼試下
繼續閱讀
Paris 18今晚一行六人一齊嚟到呢間位於大嘴咀嘅西餐廳食晚餐 雖然好少嚟呢到附近 不過朋友推薦 即管過嚟試吓環境設計唔錯 有好多復古燈飾同埋畫 呢間餐廳好多食材都係外國入口 本身鍾意食生蠔嘅我 今次試咗兩款生蠔美國太平洋生蠔美國白珍珠生蠔兩款都好大隻creamy 第一款就比較重海水味 而第二款厚身少少 鮮味亦都比較突出 配以檸檬汁已經好足夠頭盤我哋食咗白玫瑰刺身帶子併煙三文魚戀之花 賣相都唔錯 帶子刺身上邊仲有一啲三文魚子 前菜有香煎鵝肝配鮮蘆筍鵝肝到煎得幾香口 蘆筍用咗黑毛豬片包住再煎 層次感多咗亦都唔錯 而且個盤亦都好有格調 用嚟影相一流主菜首先上咗寶雲酥羊架 羊架一啲都唔羶 我好鍾意廚師用咗一層脆脆嘅包着羊架烤 而且配上旁邊嘅芥茉醬 味道好配合之後上咗1.6kg斧頭扒！呢個絕對係今晚嘅主角 因為要做三日之前預訂為確保食材新鮮 雖然塊扒咁厚身但係依然好多肉汁 外層亦都唔會烤得好乾 最難得嘅係 呢度做平民生意 所以呢塊咁巨型嘅斧頭扒比起出面嘅餐廳平起碼三成 再來一個威靈頓牛柳 因為要做成一個圓形 亦都見盡廚師嘅功夫同埋心機 切開呢個威靈頓牛柳隨即可以見到肉汁流出黎 酥皮內亦都包住煙肉同埋蘑菇去增加層次感德國鹹豬手 雖然呢度冇酸菜嘅配搭 但係我好鍾意呢度嘅豬手有好多好脆嘅豬皮 之前試過去某啲餐廳中過伏 試過啲豬皮好冧 俾我揀 豬手嘅best choice我會揀番呢間Paris 18波士頓龍蝦配蟹爪肉意大利飯 食咗咁多肉類 當然要食返啲澱粉質balance吓啦 呢個risotto煮得粒粒分明 飯入面亦都好重蟹味 而且賣相十分精美大虎蝦配藍青口伴他他汁意粉 隻虎蝦帶到同頭先隻龍蝦差唔多size 超級誇張 除咗青口之外仲有帶子 都係非常足料最後嚟到甜品時間 心太軟雖說賣相普通 但係朱古力明顯唔係用普朱古力整出嚟 問返老闆娘 佢採用左意大利嘅朱古力 呢個已經足以加分榛子批配士多啤梨窩夫如果鍾意食Nutella嘅朋友 一定要試呢個 因為佢就係nutella嘅味再配以一粒粒嘅榛子同唔同嘅果仁 盡顯心機整體而言呢間餐廳性價比極高 比起好多出面人均500-600既餐廳仲要好味 除咗食材新鮮同埋好多都係外國入口精挑細選揀出嚟 廚師嘅手勢功天亦都不錯 雖則唔算好近地鐵站 但絕對值得過嚟試
繼續閱讀
美國太平洋生蠔 & 美國白珍珠生蠔 美國太平洋生蠔 — 比較爽口creamy，海水味比較重。美國白珍珠生蠔 — 生蠔肉質比較有口感，而海水味較淡。鵝肝配黑琢腩卷鵝肝食落並不油膩，不錯的選擇。威靈頓羊架羊架普遍比較有羶味，但paris18用了BB羊所以食落一啲都冇羶味。加上油脂和肉既比例岩岩好，食落口更有層次。1.6KG美國安格斯斧頭扒夷個要早3日預訂，但一啲都有失望。1.6kg係冇偷工減料的，雖然斧頭扒肉身很厚，但切開時，肉汁係流出黎，仲要係非常多。肉質更是十分嫩口，並不是很乾的口感威靈頓牛柳市面上威靈頓牛柳多數是長條形，但paris18的做法是圓形，製作過程更是困難過平時所見的。酥皮下面用煙肉磨菇蓉包住牛柳，口感十分新鮮。脆炸豬手豬皮炸到非常鬆脆，配上芥末醬，十分之合襯。龍蝦蟹肉意大利飯意大利飯的熟度岩岩好，既大太硬又不太軟，而食每一淡飯也食到蟹肉的質感，真的是真材實料，絕不馬夫。芝士蕃茄蓉批這是一個很特別的甜品，是由法國空運到港，好值得去嘗試！60度豬古力心太軟這個比出面食的心太軟很不同，豬古力的濃量是60度，既不苦也不甜，十分適合不同人的口味
繼續閱讀