Paper Moon

營業中

休息中

餐廳位置, 睇夜景 , 拍拖紀念, 最緊要價錢合理, 就算冇優惠券都值得一試 !要留意使用優惠券, 是不可以揀選套餐, 一定要在主餐牌揀選,  晚上用餐使用時間, 分別18:00   或20:30 , 建議預先訂座, 比較容易有窗口位置 . 

原本係book咗室外枱，點知去到朋友被安排坐室內，後尾講返都可以去返室外，第一印象差。侍應一開始會問要唔要水，朋友唔知啲水原來要比成$78 ，所以要咗，所以記住話淨係要普通水就得。室外好多人食煙，食物分量少、價錢貴，餐廳齋食海景。

無敵海景下午茶☕️XPaper Moon友人生日要搵一個好地方同佢慶祝✨就黎個港女下午茶💄💋🍴食物🍴價錢$488（另加一）甜點有6款，咸點有6款，另外飲品除左果汁/咖啡/茶外，還可選擇Mocktail🍹Mocktail的strawberry味道不錯，特別於有生蠔同魚子醬，意大利芝士餅份量大，而且可以生日寫字✍🏻總括來說味道整體不過不失。💥環境💥遇着好天氣環境，加上大海景感覺非常好😍需要預早book位可以坐室外或者室內，室外地方比較曬記得搽好防曬最好戴眼鏡😂💥服務💥服務屬一般水平，但沒有網上講到服務很差的情況，而且超出了離座時間都沒有趕你走。⚠️總結⚠️如果是慶祝或影靚相真的很值得來，食物是其次，唔好有咩期望。（5❤️為滿）食物：❤️❤️服務：❤️❤️❤️環境：❤️❤️❤️❤️❤️

話說我個朋友唔食牛又唔食豬，同佢食飯諗食咩頭都痕😂 好彩海鮮類佢都仲食🙈果日佢仲話想食西餐😂 好彩諗起之前食過既Paper moon 記得佢個menu 好多菜式都符合到佢嘅要求🙉頭盤叫咗半打生蠔🦪當日既生蠔中規中矩但都算新鮮，加少少檸檬汁同Cocktail sauce提升蠔既鮮味！ 再嚟就係朋友最愛嘅手工水牛芝士配蕃茄水牛芝士好軟滑帶有啖啖奶香夠creamy都幾好食，配上新鮮小蕃茄同沙律菜一起吃減輕了膩的感覺. 主食叫左PIZZA🍕 PORCINI E TARTUFP 牛肝菌、牛乳芝士、火箭菜、黑松露Pizza. 佢地既Pizza一向都唔錯即烤即焗. 🍕 係一如既往既薄底鬆脆，不過當晚唔知廚師係咪太重手，個Pizza好咸😭但其實牛肝菌黑松露呢個配搭係幾好，食到好香濃既牛肝菌菇菌香味pizza配上少量黑松露片大大提升左食物既味道. 可惜今次太咸😢另外叫左我次次都去食既海鮮risotto味道無之前食咁濃郁,感覺有點退步了. 不過海鮮份量都幾足.最後叫多個Tiramisu甜品😝佢地既Tiramisu 我覺得幾好食. 好香滑好creamy , 正！Paper Moon都食過幾次，岩岩新開無耐嘅

Paper moon既afternoon tea 勝在有景，坐outdoor既view真係唔錯，可以飽覽維港兩岸既景色💜 但係服務就真係一般，等左成十分鐘先有人見到我地幫我地落order😣 食物整體都ok，正常味道，無覺得話特別好好食或者好難食!! 比較特別既係佢地有魚子醬同埋生蠔，可能想營造得高級d😂 個Tiramisu 賣相幾好，但太creamy! 同埋一個afternoon tea無左scone就好似無左靈魂人物一樣😢 有埋scone會更好💖 整體黎講，價錢ok，當黎食個景都唔錯，不過不失咁啦🤡

海港城新裝修的地方一直有聽聞很美麗，可以望出整個維港。這個無聊的下午決定去海港城逛商店，三個人又食了午餐，不肚餓，便找個地方飲東西。在這餐廳門口望餐牌，下午茶一個接近100元，內容可是只是一件蛋糕，不包咖啡。由於不想內子走來走去，便問店員可否只飲東西，她說可以，便入內坐下。我們叫了三杯飲品，分別是媽媽的咖啡、仔仔的西瓜汁、我自己的無酒精雞尾酒（Mocktails）。這個方法是我是跟朋友D學的，有次約了他在太子見面，不熟太子的他找了帝京酒店的Lion Rock Cafe等我，我初時很驚訝，以為是收費昂貴的酒店餐廳，但原來只叫飲品，不會貴過Starbucks等咖啡店很多，這次經驗令我知道，原來可以花少少錢，便坐上這些酒店地方好幾小時。這間餐廳的飲品當然不是很便宜，但可以對著270度的維港，便不算貴了。當日所見，很多食客在食High tea，希望有日再帶太太到這裡二人世界。

有朋友見到介紹叫我地來食Sat Brunch , 難得唔洗我揀，就去下，不過原來係去到LCX 既最入六公館樓上，遲到既我行得好趕！環境真係一流，無得輸，無敵大海景，仲訂到Window seat ，正！之後上面包，無乜特別，最特別既我地一致認同佢地既油醋好正，可能唔係最貴，但係最岩我地口味，正到要佢添😂頭盤係沙律加個凍肉拼盤，本來以為係4人分量，原來只係2人，即係我地打孖上！咩Parma ham 個d 我平時唔多鍾意，但配上個哈密瓜係正既！最好食既我覺得反而係上面既蕃茄乾同埋個水牛芝士！個人認為如果有湯揀呢個option 會好d , 因為我同另一個朋友都唔多食凍肉，我地兩個爭晒d 沙律食，好新鮮！到主菜，原來一人揀一個，我本身又以為係4個人2個，有個朋友揀Pizza ，本身心諗，咁簡單，點知，竟然超好食，真心有水準，走個時經過門口我仲專登多謝大廚！揀燒春雞要加$50 ， 但覺得物有所值，係脆加滑，火侯剛剛好，勁多車厘茄，但薯條好普通！再到豬扒，又加$40 ， 無想像中好食，有dd overcook 同韌！呢碟嘢配菜好食過主菜最後係唔洗加錢既意大利飯，聞落好香，食落唔覺得好食，晒左d 松露

同男朋友慶祝生日專登book左呢間fine dining🍽因為聽過朋友介紹同埋openrice都幾多好評，最緊要係貪佢個景夠靚❤️不過可能因為我太遲book位 無晒海景位😭所以如果想book海景位一定要早啲打去book啊！職員仲會好細心晏晝打比你remind你book左幾點～雖然當日book左8點半但我早左去到，但職員都好快安排到座位比我～因為唔係好肚餓既關係我叫左個牛排同煙燻豬肉闊條麵再加個心太軟～個牛排我叫左medium，牛排肉汁豐富又嫩口，個闊條麵唔好睇佢細細碟，兩個人食都非常之夠㗎，佢個闊條麵有濃郁嘅芝士味，再加埋煙燻豬肉，有口感得黎個麵質仲好creamy～最後就係個心太軟，喺book位嘅時候request左要唧Happy birthday，去到就咁叫個甜品就OK 㗎啦～

星期五，約7:30分，現場walk in，有位即入座，通常早book都未必有位，而且仲有分時段，6:30-8:30，8:30-10:30。Dinner set買一送一，每位原價$988，有四個course,加70可選一杯指定白或紅酒。有口罩信封放在餐桌上，印刷晒集團各食店名稱，確實係有腦嘅宣傳方法🤑餐包是order了餐，在等待食物時送上的，還暖暖的頭盤吞拿魚他他，我本身唔多吃生嘅食物所以只食咗少少，但係魚切碎碎一點都冇鯹味而且調味及配菜都好有心思燒牛仔肉伴松露,呢個唔係跟餐，另外order嘅，牛仔肉好嫩，松露一大片的，有小許沙律菜伴碟底，味道非常夾白汁松露意粉，味道比較濃食完有D滯燒鱸魚，其實食西餐叫魚類通常都冇咩驚喜唔同食海鮮，始終西餐用D都係急凍嘅材料咁呢個燒西冷牛扒就算出色，伴菜亦十分考究👍甜品係椰子雪葩，伴朱古力薄片，不過不失四個人埋單連加一差不多二千八元，食物質素係上佳嘅，但始終冇乜太大驚喜，所以覺得買一送一係唔係真係咁抵呢🤔🤔🤔下次都係散叫食吓pizza(pizza就做得非常好食）蟹肉沙律或春雞仲正😘

有一晚同2位舊同事約左去Paper Moon 食飯，Paper Moon 屬1957 & Co. group, 個人試過其他幾間都okay, 所以有相對期望。我地叫左個salad 同salmon tartar for sharing，味道正常，冇咩特別。另外每人叫左一個main，我揀左spring chicken. 雞皮煎得乾身香口，唔油膩，可惜雞肉偏乾，佢嘅sauce 好味，但份量唔多，未能補救雞肉乾身嘅問題。本身佢有跟zucchini 同mini potatoes as sides，zucchini味道正常，但薯仔係白烚嘅味道，整體失望。另外有朋友都係叫左Spring chicken, 但佢個份入面近骨嘅部份唔熟，係好大嘅問題，同侍應反映佢地都有換過一份。我同另外一位朋友唔夠喉叫左甜品，味道正常，每人叫左一杯chamomile tea 作為總結。全單大概$1800， 食物質素同埋service 個人認為over-priced。成間餐廳除咗海景之外，餐枱位置，service，食物賣相同味道，都俾人一個「求其」既感覺，下次去Harbour City 嘅話，會選擇其他餐廳。

呢度嘅afternoon tea好特別，有一盒魚子醬、迷你龍蝦湯、生蠔同大大份嘅tiramisu,仲有靚靚嘅海景，未食已經覺得身心舒暢～龍蝦湯好香，第一道菜飲龍蝦湯，暖下胃，唔錯唔錯。食落生蠔都尚算新鮮，魚子醬冇乜特別，但食個下午茶包一盒魚子醬，已經好好。最好食係Tiramisu,個底有酒味其他食物普普通通，建議加魚子醬落最底層嘅食物都一齊食，冇咁鹹。餐飲可以揀無酒精飲品，好過飲茶，望到咁色彩繽紛嘅飲品，人都開心啲

今年生日去左Papermoon 慶祝 上次黎過覺得個海景好無敵 所以生日想再感受下!已經早左好多book 但都係book唔到近窗既枱😫 無窗都唔緊要 點知安排左張放係走廊既枱咁 時時刻刻都有唔同既人行黎行去 有幾個員工長期企係我背後 感覺好似怪怪的講番餐飯 叫左3個main, 呢個risotto 偏淡但開胃 唔會有好漏既感覺呢個海膽意粉都係偏淡既但我都覺得唔錯 因為食3個main既話如果樣樣都好濃味會好太飽 塊海膽都幾新鮮最好味係個pizza, 好香脆又多海鮮!呢個甜品都唔錯 唔太甜! 但得地真係食到太飽了 最後都唔係好食得晒.今次個experience比上一次黎差好遠 d staff又好似唔想show我地咁 唔知係咪因為無嗌到酒 下次如果book唔到窗邊位其實未必會黎 因為食物方面只係合格

上星期同家人一齊慶祝生日。入去到去環境都係舒服嘅。但係食物嘅水準一般。另外一提當日那個服務員態度非常差，開始落單嘅時候已經感覺到對方嘅不耐煩，及後提及到我想用飲食卷時面色都吾同曬⋯⋯一令我感覺用海港城飲食coupon不受歡迎。我想講下我都係要响海港城消費先換到coupon，點解用嘅時候就要受啲咁嘅氣。食依餐飯認真受氣以後亦唔會再去😡😡😡

原來都有期望它的三層下午茶，但不應該有期待。見到其他人都話服務態度好差，都幾有性格，我哋入餐廳揾朋友係完全冇人帶過位或者問我哋有位未。個日食下午茶咁岩係好好天，非常之曬，記得訂位要訂入面。仲有它的下午茶set都係要提早訂。至於食物方面，都覺得一般，他的鹹點我覺得還可以接受但是覺得這個價錢是為了看海景嘆下午茶！至於甜品方面個人覺得太甜，我不太喜愛。他的下午茶貴在魚子醬配埋他的其他鹹點食就啱啱好。其實下午茶都食得飽，不過這間下午茶試一次，打過卡就夠認為黃昏去飲杯嘢應該會好過去下午茶

同男朋友兩個黎到海港城想食西餐結果又再一次去左意大利嘅過江龍 - Paper moon之前已經黎食過一次架啦好好食！所以今次再黎好開心！算係我食過數一數二好味嘅pizza因為佢係用佢獨特嘅1.4 噸烤爐，令佢嘅pizza 有陣特別嘅味道！因為我地無book 枱，都驚無位架不過估唔到去到有位，仲唔駛等tim坐低左waiter 就上左碟麵包比我地佢啲麵包可以一可接一口不過因為一陣要食pizza，所以都唔可以食太多雖然佢有set，但我地得兩個人，食唔到咁大份量所以最後只係叫左兩款食物我地叫左個紅蝦皇帝蟹肉牛油果沙律價錢黎講係貴嘅，蔬菜幾新鮮但係牛油果嘅數量有啲失望嘅不過個紅蝦同皇帝蟹肉夠鮮甜之後就到萬眾期待嘅pizza 啦！我地最後揀左Pizza Edi佢係由辣肉腸、番茄、牛乳芝士、洋蔥、新鮮辣椒組成呢個組合真係好好，雖然簡單，但好好味一人食3舊啱啱好，唔會覺得太漏！黎呢度真係為左佢個pizza最後都無令我地失望兩個人食一份salad同一個pizza剛好，唔會太飽。我會再黎的！