Papaya Pok! Pok! (已結業)

叫左個肉骨茶飯，諗住差極都有個譜 點知一見到個樣已經唔開胃.一大碗好似湯渣咁既野，份量小價錢貴就冇得講，宜啲都係自己揀，但個質素真係搞唔掂!碗野啲味又奇怪，係甜架!同平時食開嗰啲肉骨茶完全唔同，入面啲肉又老又’鞋’，真係好似煲湯骨咁。啲豆卜又硬，好似未熟咁。全程覺得自己咬緊擦膠，練牙力。最後頂唔順食左三分一就放棄。本身都知food court唔會太高質，但都冇諗過會差到咁離譜。真心勸大家食food court唔好揀佢🤢

旺角朗豪坊行到攰攰地～加上晏晝食得太飽～咁夜晚就隨便係food court食D嘢啦～可能係聖誕呀依度人山人海～都有4-5個選擇有中式、日式、韓式同泰式我最後揀咗依間泰式快餐～泰式雞肉金邊粉加熱柚子蜜～賣相吸引～有：雞肉、芽菜、蛋絲、青檸檬、花生碎一齊炒～仲有生嘅韭菜做裝飾～如果嫌味道淡～仲有三種醬汁～有：新鮮指天椒粒魚露、酸醋、糖～各有所好啦～我就選擇加少少魚露～因為個粉味道偏淡～加咗魚露食落好似正D

夜收工，諗住快快咁搵啲嘢食下填飽個肚就算！去到朗豪坊，除左麥當勞之外，food court係另一個選擇！可能因為入夜關係，food court人唔算多，兩個人好容易搵到張吉嘅四人枱！我地決定係韓國屋、coco壹番屋同泰國嘢三揀一，泰國嘢贏，因為唔使排隊！揀左個泰式雞肉金邊粉同海鮮菠蘿炒飯，等號碼攞單！兩個味道都偏淡，炒飯係用無味形容，賣相都麻麻，係港版嘅金邊粉同菠蘿炒飯，同出面正宗嘅差太遠喇！感覺好似中伏咁，只不過旺角地段，food court收費，填肚係終極目的，算係咁！

foodcount野食，一般都比人入唔到口既感覺，但自從有幾間做得出色左之後，相對質素都帶動上升左。朗豪坊呢度既foodcount，除左鐵板飯，韓國野之外，我多左呢間推介:喇沙湯麵$60原本我想食佢個新加坡雞飯，但好耐無食喇沙，就揀左佢。我本身無諗住寫，但佢有兩隻蝦，有隻蛋，各樣配菜同湯底都可以比美啲泰國餐廳，最後我連個湯都飲哂，喺食個老麥都要39.6既時勢，呢碗麵我比80分我會再去試佢個新加坡雞飯，睇佢其他野得唔得先~

第一次食朗豪坊呢一間，一個女仔，中等食量，叫咗個燒豬頸肉飯，佢話係有蒜香味，初初食頭一兩啖覺得冇咩感覺，越食越好食，真係好想再去食第二次，分量一個人啱啱好豬頸肉燒得唔會太硬，出邊有好多都燒得好硬，勁難咬開，呢個完全唔會呀，而且好少配飯係有埋蒜頭，真係開正我個飯，蒜香味好好食呀另外仲叫咗兩個雞肉全消，啲沙嗲汁好惹味，而且好多，仲可以到埋落去撈埋啲飯一齊食，真係好正啊！同埋都好多位，唔會話太難有位坐。。環境好舒服

大頭蝦冬陰功金邊粉 +  青檸梳打麻麻地。蝦肉 “實的的”，一點Q彈口感都無。湯底更加麻麻地，只係感覺到少少酸味同死辣，並不是冬陰功嗰種好多香料煮出嚟好豐富嘅香辣。加錢嘅青檸梳打一樣係唔掂。並不是用新鮮青檸做。

今晚即興同朋友出旺角，為求快手食野，去左朗豪坊4樓 food court, 食平價泰菜！點左泰式雞肉金邊粉，$52,food court食的好處就是唔洗加一。可以撈辣的魚露和酸的醋食，加添酸辣度，我兩樣都落晒。金邊粉炒得未算乾身，可以再乾d, 但我都喜歡少少濕的口感。配料還有芽菜和花生碎，撈埋一齊食，令口感又爽d又香d。我撈晒魚露和醋，本來咸咸地味道變成酸酸辣辣，好惹味，金邊粉口感軟軟滑滑同炒河一樣，我鐘意！會再幫襯。

行經朗豪坊，去咗價錢比較實惠嘅food court 開餐，由於已經晚上九點幾，即使星期六，都仲揾到位坐嘅。平時food court好多人嫁，要等一等先入座，今晚一行入去就可以坐低啦，唔想同人迫，睇嚟都要避開繁忙時段啦！金邊粉：味道OK啦，偏濕、清淡，顏色偏淡，不濃味，加咗青檸汁，就酸酸地，都算開胃嘅。雞肉就應該唔係雞絲嚟嘅，比較接近雞柳，白雪雪咁，朋友話似白烚後加入粉度炒我覺得就可接受範圍啦！另外加咗碟菜，都尚算新鮮嘅。

朗豪坊food court貪佢夠就腳，最難食係韓風屋，實物同display係兩回事。成日食pepper lunch，夠香夠惹味，今次第2次試呢間泰式野。款式多，而且有醬汁自己“畢”，一碗係魚露，一碗係醋。叫咗個燒豬頸肉配蒜香炒飯。豬頸肉好香，乾爽唔油膩，唔會太咸，蒜香飯唔重蒜味但好好味，微咸，少少油。飯$54汽水另加5蚊。簡單一餐 food court嚟講好滿意

自選泰式湯河:泰式雙拼湯河:雞肉拼牛肉(48元)D粉勁咸，牛肉鞋，罗白勁咸，味精湯底星加坡雞飯(六十元)雞飯無雞油香小食炸雞翼，中間竟然吾熟(跟餐叫加十六元)全部不包飲品真係吾会再黎食

從來都唔會選擇食foodcourt, 因為人多又難搵位拎住個餐返埋位 又怕比人撞到 好危險但今日心血來潮想食喇沙, 一查之下, 發現朗豪坊有間食星馬菜, 決定破例一試2個人, 分別揀左喇沙面同炒金邊粉喇沙, 因為係餐牌寫住星加坡, 所以我知道唔係魚湯底湯底色水夠, 但味道不夠濃, 椰味同蝦味都可以再重啲,不竟湯才是靈魂,不過個人認為可以接受而麵底竟然係米線, 米線偏淋, 一匙羹湯加一注線配菜方面有魚片, 蝦, 豆腐卜, 雞蛋魚片彈牙爽口, 份量相當充裕, 食極都有蝦亦爽口,味道正常, 而豆腐卜吸晒啲湯炒金邊粉賣相討好, 但味道偏淡, 正常應該是較酸但取餐處有酸汁, 魚露, 辣粉被客人自行調味面質煙靱, 配上芽菜共嚐, 口感甚佳不過鑊氣欠奉, 實在有點平平無奇....最後係+$16兩件炸蝦餅蝦餅比平時食嘅細件少少, 但炸得好香脆而內裹嘅蝦肉亦結實, 雖欠鬆軟度, 但感覺很足料需配合酸甜醬享用, 令味道不會太寡

係朗豪坊行街，就近揀左呢間餐廳食野，去到果陣係勁多人，搵位都搵左好耐(佢d座位係幾間餐廳一齊用)，可能得兩個人易搵位d，所以等左唔係好耐就有位。講下我食嘅野，由於夏日炎炎，我又唔想食d重口味嘅野，我就揀左湯麵黎食(湯麵好似係間餐廳為數不多淡口味嘅野)，我揀嘅餸係牛肉丸同雞絲兜湯河總括黎講冇驚喜，牛肉丸真係好普通果種丸(類似係街市秤去BBQ果種)，唔好對佢期望太多。至於雞絲，我覺得煮得耐左少少，有d「鞋」，如果時間控制得好嘅話應該唔錯嘅。我屋企人揀左冬陰功湯粉，充滿好奇心嘅我想知係咩味所以我試左佢一啖湯，湯底好酸…酸度同辣度嘅比例完全唔啱，同埋湯粉嘅配料少得可憐，最後我屋企人食左一半就放低筷子了。兜冬陰功湯粉連埋杯可樂(汽水或熱飲要加五蚊先有)成六十蚊，咁樣睇黎並唔實惠。經過呢次之後，我諗我唔會再去呢間餐廳食野，希望呢間餐廳只係因為多人所以食物嘅質素比平時略低，而平時食物嘅質素唔會係咁啦…

朗豪坊food court， 難食到冇朋友既喇沙， 椰奶冇椰味，湯又唔夠味，米線又唔索湯， 米線煮得過淋， 幾十蚊一碗米線真係食三哥米線好過， 豆卜好似煮左好耐咁， 蝦又唔新鮮梅梅的感覺， 魚片最正常爽滑又彈牙， 食完e碗嘢，只係感覺到好似為咗填飽個肚而食，完全唔稱得上係正常或者好味

星期六朗豪坊特別多人，趕時間睇戲所以事但去左food court 搵食幾經掙扎下，揀選左呢間泰式食物，金邊粉賣相好似唔錯，但...第一啖食落口好難食！同泰國食果d差勁遠，佢地唔知用咩醬炒，味道怪怪地，感覺似*益益*地禁，D粉又乾，蝦又唔新鮮有雪藏味，真係金邊粉都可以炒到禁難食禁奇怪既味都係第一次見！

今日到旺角走進朗豪坊，想搵間清清地既野食，就去到food court找找！睇到周邊都比較多係濃味，烤炸既食物比較多！而呢間細心搵搵見到有清湯粉麵！ 有一/二/三餸選擇，仲有湯底選擇！基於身體有點唔舒服，就點了清湯+雞肉絲、豬肉！ 都唔想完全清湯，都有想有小小味道，就在旁邊的自助調味位度倒了點酸甜汁！清清地中又帶一點味道吧！ 進食後飲清甜茶，可以消除到口中食物的味道