PAN de PAIN Pancake & Sweets (K11購物藝術館)

營業中

休息中

每位客人都需要點食物。這個是可理解，但店員態度不友善，香港既餐飲業真的要多多反省，食物價格唔夠競爭力。但總要有一様令客人滿意吧！提供優質服務是餐飲業的一環吧！希望餐廳改善

😍屹立不倒咁多年係有原因, 兩年後再去都咁出色。🍵Uji Matcha Soufflé 😋首先嗰個主角！ Soufflé pancake超厚超鬆軟，巨空氣感係一個出色嘅Soufflé，做到入口即溶，而且好香蛋味！抹茶雪糕嘅抹茶係好明顯嘅宇治抹茶味！配搭埋抹茶嘅絕配紅豆！簡直係一流！簡單一句一定會回頭！

一入座，侍應已經急不及待上前告知有最低消費，咁都ok的,明白的，但係跟住我問是否一定要叫嘢食，飲品可以嗎？她就開始黑面，話最少要有一項是食物，目無表情都算。跟住落單叫了兩個餐，因為第三位未決定食咩，她又再上前語氣極不友善：’你未夠最低消費wor',我話我知道，但係我可以諗多陣嗎？跟住她又走開。在等食物過程中，旁邊有一台有兩位女士的因為咖啡不夠奶，叫她再比多少少奶，她一放下奶就話’你咁樣我地下次喺要收費架喎',跟住客人已經好客氣咁話’唔好意思‘’跟住唔夠30秒，應該一位貌似經理的又走過來跟她們説”下次要多奶我地喺要收費㗎‘’wah, 果丁丁奶，巴閉到呢果兩位客人好人，仲猛講唔好意思。比我感覺，侍應黑面，無服務，一心衹為錢。

喺K11行到攰，見佢$88有梳乎厘茶餐，唔太餓，但就當去hea下都好😀可能呢個價錢都吸引，所以一直有小人龍，幸好店鋪頗大，都客如輪轉，我平日4:00等幾分鐘就可以入去啦！😀⭕️梳乎厘🥚都算軟滑，唔太甜，可惜空氣感唔重，無鬆郁動感😅，蛋味爭啲。合格嘅，但無乜記憶點。⭕️抹茶鮮奶（大約+ $20）上枱時估唔到都幾大杯，幾抵飲。抹茶味都香，算濃郁，熱辣辣，好舒服。但最驚喜係幅畫，個伯伯好過癮🥸😂。

Pancake burgers are all the rage recently and Pan de pain also have their version of the pancake burger.The pancake was really fluffy and even softer than some souffle pancakes of other restaurants. The buttery aroma was so heavenly when it was served. I also loved how salad was the side dish instead of fries. The patty was also really thick and juicy.Despite being a pancake burger, it is difficult to compare it with McGriddle given the price is almost a 5 time difference. However, definitely wo

BERRY CHEESECAKE SOUFFLE🍮鬆軟既梳乎厘班戟 食落空氣感滿滿 好似疏乎厘咁😍配埋藍莓醬一齊食酸酸甜甜令你忍唔到口加埋士多啤梨加藍莓兩個SHARE食就岩哂🩷

食物分別叫左souffle同pancake都好一般，質素中等偏下，但服務態度極度差，應該為香港服務態度惡劣嘅名聲出左唔少力，大家千祈唔好花錢去受氣……………..

嚟到尖沙咀，同朋友講突然間好想食梳乎厘，佢就推介呢間位於K11嘅俾我🥰⭐️Original Soufflé $98佢嘅質地算係厚身，食落蛋味重同埋好鬆軟，個人覺得還可以，但係價錢就比較進取！⭐️Créam Brûlée $98呢一款係傳統pancake配上面頭嘅焦糖，反而呢個比較有驚喜，質感實在，配個焦糖嘅微甜，香脆口感！而且佢嘅雲呢拿雪糕十分有水準😋⭐️Cappuccino $48食完甜品就緊係要有杯咖啡啦，質素就不過不失！

放假同小朋友去科學館行吓，出到尖沙咀打算食埋午餐，但唔知食乜好，於是喺K11行咗一陣，就發現依家有pancake食嘅餐廳，小朋友見到好多唔同嘅pancake就垂涎欲滴，於是就入咗而家餐廳試吓。我哋叫咗一個all day Breakfast pancake，一個士多啤梨pancake，聽人講依間餐廳嘅pancake要快啲食，因為會好快有熱變凍，所言非虛，估計係因為玻璃碟嘅關係，不過食物味道都唔錯，小朋友話下次都想繼續食甜品，有機會會再嚟食過，但只限甜品。All day breakfast pancake賣相一般，食落都一般，有d over cook士多啤梨pancake士多啤梨都算新鮮，甜得來又冇酸味，小朋友食得津津有味

諗住星期五晚撐香港消費食吓甜品🍮點知排隊嘅時候同我講又要限時75分鐘我們一行四人連同小朋友，排隊當中因為小朋友要去洗手間，等了一輪當輪到我等入座嘅時候，因為未見到人頭齊人，未能進入，一定要要見齊人才可以進入，無奈解釋去咗洗手間都唔得，當我們入座嘅時候，因為食飽飯所以嗌咗兩個pancake甜品，點知道又話唔得，每個人頭一定要叫一樣嘢，我們問小朋友都需要嗎？原來過咗三歲必定都要叫嘢真係好無奈唯有叫多兩杯咖啡，點知杯latte超級苦好難飲，兩個pancake不過不失，不過時間還要30分鐘才上枱，但係75分前就要趕你走合共價錢兩個甜品兩杯咖啡就食咗$345現在實在真係用這個價錢喺香港消費，匆匆忙忙要還枱之餘，還要用咁嘅價錢咁嘅規矩，實在好難回頭再幫襯

食完飯雖然已經好飽，但點都要食返個甜品先夠完滿，揀左食同場來自日本既「PAN de PAIN」Uji Matcha Soufflé梳乎厘班戟即叫即整，淋上濃郁既抹茶醬，配以一球抹茶雪糕、抹茶蕨餅、紅豆蓉，梳乎厘班戟雖然夠晒fluffy，但我覺得整體質感較濕Citrus Soufflé淋上果醬再加左d蜜柑，配以一球雲呢拿雪糕，酸酸甜甜幾清新既味道Creme brûlée Signature Pancake 呢款就好似平時既熱香餅一樣，口感較實，有香蕉、士多啤梨同一球雲呢拿雪糕，至於層creme brûlée係帶微微既焦糖味，但我就食唔到香脆既口感，味道一般無論soufflé pancake定signature pancake我都覺得一般般，質感同味道都遠不及F個間，CP值低，試一次好了

有外國朋友到訪，想帶佢試一下香港嘅甜品，叫咗宇治抹茶Soufflé，同士多啤梨pancake，兩樣嘢落單唔駛五分鐘已經上檯已經心知不妙……兩樣嘢都喺一種好奇怪嘅室溫底下，唔熱唔凍又唔暖，pancake已經擺到乾乾地，水準確係比以前差咗，一個難得食甜品嘅quota又嘥咗了。

點了一個柑橘梳乎厘pan cake雖然說是梳，感覺上完全好似食緊空氣咁。之前都有食過呢個品牌其他分店，但今次真係好失望，點解一間品牌係唔同分店既出品可以差咁遠，係唔係冇標準？

早排試咗間甜品店嘅宇治抹茶梳乎厘同法式焦糖燉蛋班戟，真係好好食！！！首先係宇治抹茶梳乎厘，只係$118。佢嘅抹茶味道好濃郁，仲有抹茶味雪糕。而梳乎厘軟滑綿密，滋味到真係抹茶控嘅必試之選！！！仲有法式焦糖燉蛋班戟，只係$98。佢少少燶嘅焦糖配上香軟班戟，再加上雪糕，香蕉同士多啤梨，每一啖都可以有唔同嘅配搭，真係絕對嘅享受！！！如果你係甜品迷，呢兩款絕對岩晒你！食完之後真係心滿意足，絕對會再去試其他嘅甜品🍮

見以前好多人排隊，menu望上去又幾吸引裏面冇乜人，所以入咗去試下啦啲嘢食嘅價錢都幾貴，睇menu已經預知個餐都細，我叫咗兩個$128嘅pancake burger食落真係好失望同好嬲😡 pancake食落好黏口好難食，個口感嘔心到已經食唔出蛋味定奶味，可能我唔識欣賞佢個「半熟」口感啦🤢 第二係漢堡扒極難食，食落去一Pat嘢咁，陣味又怪。以$128價錢嚟講麥當勞早餐餐pancake好食好多🫨🫨最後食咗近$300，咁難食休息唔飽仲要比加一服務費，心理好唔平衡☹️☹️以後唔會再去