Oyster Moment (已結業)

葵涌區都是街坊生意為主 對比葵芳 相對上較少選擇交通 地鐵都無葵芳站接駁住大型商場所以想搵個靚靚餐廳休息一下 都有種似尋寶遊戲 發現時有小驚喜😆今次叫左行入#oystermoment 叫左一份set lunch餐廳設計好舒服玻璃窗外面係青山公路車來車往既景象餐廳內設計色調以白色 藍色 暖綠為主 配襯住暖暖橙黃吊燈就帶比人舒服既感覺如果set lunch 可以加$40就有兩隻法國聖馬天尼no.3既生蠔🦪 好吸引😆 食落好fresh 仲帶有少少鹹海水味 今次main course 係烤美國豬扒配燒烤汁菠蘿莎莎豬扒都幾厚 但唔會因為厚而唔熟或者overcook 值得一試👍🏻如果生酮飲食嘅朋友就可以走薯仔💃🏼不過好鍾意呢度既薯仔 個邊少少焦 值唔會焗得太林假日帶埋老公/另一半去啲人少少既地方撐台腳 呢度相當唔錯👍🏻♥️…查看更多

葵涌工業區要搵食其實又唔算太難,今日去食呢間係開左好耐既西餐,佢主打係食蠔,不過午餐我哋只order set lunch,有主菜,餐湯,沙律同餐包,如果想食蠔可以加錢order,講返佢個lunch set,今日主菜分別係食美國肉眼牛扒同豬肉眼扒,牛扒order 7成熟不過黎到係5成,但肉味都唔錯,而豬扒就好有驚喜,同牛扒相比仲要淋D,配埋菠蘿粒幾清新,一般而言主菜都合格,而餐湯今日就比較錯,味道淡又飲唔出到底係乜野湯,但不得不讚佢既餐包同沙律,餐包有心思,感覺似自家製,而沙律菜亦非常鮮甜,如果行開呢頭都會再次幫襯…查看更多

5月21 晴 勁熱勁好天星期六例牌訓到好晏 黎到都3點鍾 好彩趕到3點半落場前食晏餐廳環境幾好 樓底好高 係工廈林立有間西餐廳算係幾特別南瓜餐湯 打到好溶 加左忌廉呢啲例牌野 味道正常沙律菜都幾新鮮8爪魚意大利飯落足料既 夠芝士同飯夠濕成餐晏 最想講呢塊扒外表其實煎得唔錯，而家好多西餐廳都賣澳洲/紐西蘭草飼肉眼扒，因為來貨貨平過美國肉眼好多。但草飼牛相對上冇肉味，油花極少，真心好難食。我叫左7成熟 但最後黎到接近Well Done.又冇油 又乾又鞋 真係唔掂。塊扒太薄 廚師火喉好難控制 ，可惜。…查看更多

呢一間餐廳嘅地點雖然比較偏僻，係外面睇係一間唔起眼嘅西餐廳但由我一入去嘅時候，就留意到餐廳有雅致嘅裝潢 感受到係裝修都落左一啲心意 💙💭餐廳係繁忙嘅馬路旁 寧靜的餐廳更加添上一份嘅浪漫 係繁忙嘅都市中可以停下來 品嘗一下餐廳嘅美食 今日嘅餐廳人客唔多 顯得清靜 可以與友人慢慢享受😊 來到oyster moment 當然少不了點生蠔來試試今次點嘅係 💜法國亞歷山大no.2 同埋💛美國嘅黃寶石 💜法國亞歷山大no2口感食落好肥美 海水味濃郁 鮮甜💛美國嘅黃寶石都唔遜色 海水味並無法國亞歷山大咁重 反而更鮮甜 嘅肉都無法國亞歷山大肥厚 其後我地都點左set dinner menu首先上嘅係香脆內軟餐包同牛油溫暖嘅餐包再加上咬落去有陣陣香草味道🥰果然不錯 之後嘅係set dinner嘅starter 🥔焗法式脆殼田螺配薯仔蓉呢道菜出乎意料嘅好味 可以感受到薯仔蓉仲有白松露油嘅配搭 接著就係廚師推介嘅餐湯 今次係磨菇湯磨菇湯好 creamy 同好rich 好濃郁 一放入口就滿滿嘅磨菇味 跟住就係主菜 main dish 威靈頓牛柳配砵酒汁一黎呢道菜已經比佢嘅外觀所震撼 威靈頓牛柳嘅係燈光嘅配搭下更顯美味不過對於一個女仔來講 我始終都係太飽飽 食唔完🤣 最後甜品 donut 🍩 with ice cream (焦糖燉蛋 flavour )擺盤已經好顯得出餐廳嘅用心 一上菜已經對呢間餐廳加分 ❤very good 👍 最後埋單兩個人食左900幾個人覺得價錢合理 餐廳環境浪漫 食物嘅質素中上的確係一間好值得去體驗嘅餐廳🥰係平民邨一帶難得一遇嘅高質餐廳😘😘值得介紹朋友去食❤❤佢係值得大家去食同享受嘅一間餐廳…查看更多

早兩日好想食蠔，之後就搵到呢間唔算太貴嘅西餐廳，之前喺附近返工經過都見過呢間，就一於去試吓。葵涌附近都係工業區，lunch set 唔算太貴，都見到好多人lunch time嚟食。————————-———————-——————〈法國聖馬天尼 No.3〉Set$40/2 單叫$39/1雖然比較細隻但好新鮮，海水味唔重，偏鮮甜，有礦物味，$20一隻黎講質素好好值得一試！〈美國黃寶石 No.2〉$51/1呢隻比法國蠔就大少少，都好新鮮，肉質肥美，比法國蠔更清甜。但除左大隻少少，質素都同法國蠔差唔多，價錢就法國嗰隻抵好多。————————-———————-——————Set嘅沙律係胡麻醬沙律，正正常常，但係個人唔鍾意麻醬因為比較小朋友口味，如果用油醋就更好啦。意式香草麵包配上法國牛油都好出味，尤其係牛油真係同普通牛油有分別，比較香醇。餐湯係洋蔥湯，傳統法國洋蔥湯係會炒到啲洋蔥特別深色然後落湯水，呢個洋蔥湯就比較似啦。————————-———————-——————〈烤美國豬扒配燒烤汁菠蘿莎莎〉$128因為期待個菠蘿莎莎所以揀咗呢一個，不過有少少失望因為個菠蘿莎莎只係罐頭菠蘿，冇咩特別亦都提升唔到塊豬扒。我哋揀咗薯菜，做得幾出色，薯仔熟度啱啱好，保留少少爽嘅咬口。其他蔬菜都烤得剛好，好juicy。豬扒反而有少少遜色，熟咗少少導致無咩肉汁，有少少乾，不過真係好厚身好大塊。〈南瓜蟹子蟹肉意大利飯〉意大利飯煮得偏較身似係港式口味，甚至乎熟咗少少。Topping除咗蟹子仲加咗啲xo醬，但係比較少只係可以提升到嗰一啖嘅風味。雖然佢成個都係南瓜醬煮但可惜食唔到南瓜嗰種甜味。蟹肉同菇唔會太少。————————-———————-——————整體而言呢個價位算係做得唔錯，尤其是蠔真係新鮮，但係主菜可以再改善，係一間值得一試嘅西餐廳！…查看更多

在石梨這小區滿都是平民醫肚的餐廳，這家以藍白裝潢的西餐廳驟眼看似格格不入，但在柔和的音樂與精緻的食物賣相下餐廳就顯得像一道清泉：）-午餐價錢包括餐包，餐湯，沙律及主菜餐飲。餐包及湯都高質，南瓜湯香濃幼滑，附上的牛油更不是平時平價盒裝，充滿菌香～非常濃郁，沒有因為全黑的飯粒而偷工減料，吃到融於墨汁中的濃濃芝士咸香，亦有不少菇菇在飯內：）魷魚片口感亦佳賣相吸引，薯菜亦非常用心逐一將薯仔、南瓜、菇、秋葵烤過，看到用心。豬火候適中不乾柴，但芥末味不濃，主要靠附上肉汁提味，上面的酥酥也不太吃得出有味道，口感上略失色。整體用餐體驗好，洗手間都非常整潔，有裝飾令人感覺舒服用心，唯一問題是有些位置比較多小飛蠅…餐廳可能要放一些滅蟲用品去解決😂😂中途也聽到食客不滿換位但以中午這個價錢，會吸引人再來：）…查看更多

好耐無寫食評但遇到這間，係好值得去寫見食評上好多都寫高質，究竟有幾高呢！經過親身體驗，可以好確定咁答係中環$201-400餐廳的級數。而我食的lunch 加晒生蠔，加甜品，再加飲cappuccino 兩個人都係$400左右埋單，絕對係開心價。餐廳的set lunch 基本一個意大利飯/意粉係$108，但其質素之高係食第一口便會雙眼發光，充滿幸福的感覺。當求其食個拉麵都$80/90的時候，佢有餐湯/包/沙律/飲品，係超親民價。其實都有好多細心位要加分1. 沙律麻醬比得足夠，好多時d 醬都係比少少，但lee 間食蕃茄/生菜食到尾都仲會見到個麻醬，一定每一口都有麻醬唔使乾食菜，很好。2. $40 兩隻生蠔的醬，絕不馬虎！醬汁較得好好，襯出蠔的鮮味，仲有醋/檸檬可選。3. 當日的餐湯係洋蔥忌廉湯。加分位係以這價錢佢大可以整返基本的紅白湯，但佢無。厚切牛油配包加洋蔥湯係好夾，開心。4. 一個超值的飯，講真出街食好多時一個飯$150up 都好一般，但佢一定一定係會覺得自己比少左錢去食咁。5. 環境舒適，套杯好靚，好精緻。不論傢俬定餐具，好明顯係用心配搭。6. 佢個甜品係一定要讚！感覺係K11 musea 的精品蛋糕。超滿足的一餐！感謝…查看更多

《 聖誕之食好啲🍴》主菜+湯+沙律🥗+餐飲☕️另外加左個甜品🍰超豐富😍勁飽😋-🍴寶雲酥焗保濕豬肉眼扒配蘋果蓉配薯菜扒上面搽滿左蘋果蓉，勁開胃😋薯菜唔係淨係得薯仔，仲有南瓜、秋葵、菇，辣辣地好香口，超好味🤤-想Chill Chill地歎番餐，係個唔錯嘅選擇👍🏻…查看更多

葵涌近民居有間oyster Moment 主打食即開生蠔同傳統西餐～餐廳裝潢走典雅藍白歐陸風。紅酒 merlot $48/ glass 唔想飲凍野，就order左杯紅酒都易入口有果味！生蠔menu總共有6款最少叫一隻都得 （法國馬天尼No.3) $34海水味唔濃，蠔肉幾鮮甜！呢度最少點一隻都可以～附送嘅餐包前菜：烤美國和牛骨髓配慢煮砵酒乾蔥蒜蓉包 $148曾係酒店西餐廳食過，真係有番甘上下格調西餐廳先有烤牛骨髓～充滿牛油香氣，媲美鵝肝口感。蒜蓉包夠薄脆，加埋紫洋蔥更有層次～～主菜炭燒西班牙黑毛豬 配炒栗子椰菜仔（青胡椒汁）$248黑毛豬粉嫩唔乾柴，用青胡椒係有點想法，有辛感亦香料香氣。自家製雪糕 $38 不定時轉口味，呢日係#薄荷朱古力 口味雪糕有超多朱古力薄片，有口感之餘又可溶係口內，必試！…查看更多

今日黎到位於葵興既oyster moment 食飯，由港鐵站行去餐廳，十分鐘左右就到啦。時令生蠔每日既生蠔都係賣完即止，餐廳主要係賣2號，3號蠔，岩岩好可以一啖食曬。今次要左美國，法國蠔，入口creamy，蠔肉好厚，蠔味都好濃，好味。烤西班牙八爪魚腳配辣肉腸蕃茄汁燴意大利粉蕃茄汁味道好清新，八爪魚好彈牙，啖啖肉。意大利燴得好入味，配上辣肉腸好襯，依個主菜整得非常好。烤焗西班牙伊比利亞羊扒配自家製羊肉腸，白甘荀蓉，牛仔汁羊扒好厚肉，烤得岩岩好，有好濃既炭燒香味，羊肉入口仲係好嫩滑。羊肉腸亦都整得好有心思，羊肉味特出。阿拉斯加焗雪山依一個係懷舊甜品，入面係雪糕，出面係蛋白，外面係熱，入面係凍，有特色之餘仲好好味。今餐真係好有驚喜，每一道菜都食得出餐廳好有心思去烹調，估唔到係葵興可以食到咁高質素既西餐，今餐食得好開心。…查看更多

今晚又同老婆撐枱腳，天氣凍近近地搵間食吓。今晚ordered一個set，另配半打蠔、一份焗雪山。蠔點左兩款法國嘅，一濃一淡，爽脆而帶礦物味。另外一款南非更好，甜度同奶油感平衡，濃郁的after taste充滿整個口腔。晚餐set前菜係焗田螺薯蓉，太座很喜歡，田螺及醬汁嘅濃厚混合綿滑唔鬆散嘅薯蓉，再配以一個脆殼加強層次，有用心！餐湯望第一眼完全無甚特別，但喝一口，便會令人暖心，追住喝。無他，廚房加左比較多量嘅薑汁薑蓉，令寒冬夜嘅客人感受那份貼心嘅待客態度，窩心暖胃，很用心！主菜我地陷入選擇困難，最終選了羊膝薯蓉。羊膝燜煮得軟爛入味，羊油嘅香味溶入左碟底的薯蓉，再配以炸芋片同薯片作點綴，很不錯。要是必須指出改善的地方，那應是羊膝可以再熱一點。焗雪山已不是第一次食，質素保持得很好，一下子便被清碟了。葵涌區黎計，這間水準很好，而且待應服務細心有禮，差不多每道菜都幫我們換碟。期待下一餐！…查看更多

估不到在葵涌青山公路工廠區對面，有一家高級西餐廳，見到名字 Oyster Moment, 就知道一定有生蠔食，朋友愛吃生蠔，今晚終約來試試。這裏環境十分清靜，坐落在一段斜路的平台上，別有一番渡假風味。點完餐後，先送上溫暖香脆的麵包開胃。 麵包上灑了香草和少許蒜蓉，暖暖的塗上牛油，少少份量，吃出滋味。點了三款生蠔，由淡味至濃味吃起：愛爾蘭石蠔No. 3 $32每隻，即蠔的大小約66-85g, 蠔味與鮮甜味道皆淡，但帶礦物味道，口感爽。法國聖馬天尼No. 3 $34每隻，即蠔的大小約50至60g, 蠔味非常鮮甜，有淡淡海水味但不會太鹹，口感超幼滑，性價比之選，最為人接受，推介！法國阿歷山大No. 2 $39每隻，即蠔的大小約60至70g, 海水味極濃，會覺得太鹹，可以先倒去一點海水再食蠔，口感肥大肉厚。食完生蠔，再來頭盤，朋友真的很喜愛海鮮呢！點了澳洲藍青口配辣根忌廉汁. 法式蒜蓉包$128, 藍青口肉質嫩滑，本身已有海水味，配辣根忌廉汁煮，令味道更香更濃而帶清新感。法式蒜蓉包，焗得外脆內軟，蒜蓉味極香，配上香草的清新，點上辣根忌廉汁吃，味道更香，吃得津津有味呢！牛肝菌黑松露忌廉汁燴意大利飯$198, 別以為意大利飯份量很少，其實因為有忌廉汁煮 會更飽肚。牛肝菌脆炸過很香，粉醬不會太厚，外層脆卜卜加裏面厚肉多汁的菌， 配搭得非常有口感；還有什菌拌勻在燴飯，與黑松露的香氣一起吃，越吃越香，忌廉汁濃稠，意大利飯煮得煙韌又不會太軟，味道極香濃，是很高水準的意大利飯呢！沒想到雖然只吃了三款食物已捧著肚子走，食物屬於中高價錢，很有水準，服務也非常好，在特別日子，尤其是聖誕將至，可以再找個機會來吃頓飯呢！…查看更多

今日同朋友去咗葵涌食嘢，見到個餐廳名就知道佢哋係會有生蠔食😆當然除咗生蠔之外，餐廳都有其他前菜、扒類、意粉和甜品等等，今次我哋就試咗兩款生蠔同埋一個美國肉眼扒，仲有一個麵包殼蟹雞蛋意大利麵☺️Alexandra no.2 South Africa oyster no. 2 試咗兩款唔同嘅生蠔，南非嘅生蠔就會比較creamy同埋多海水嘅味道；另外一款法國亞歷山大3號就會比較厚實啲，都非常鮮甜同埋海水味都濃郁🥳美國肉眼扒牛扒嘅份量都非常大，而且牛肉烤出嚟的紋理都非常之靚，我哋叫咗五成熟，切開嘅時候見到係粉紅色啱啱好，火候控制得剛剛好👍🏻👍🏻而且切嘅時候都非常容易，肉質非常嫩滑手做意大利蛋麵配焗麵包蟹殼見到佢個意大利蛋麵非常吸引，首先佢嘅顏色非常鮮艷，而且非常香濃😚配埋個焗麵包蟹殼，令到成個意大利面嘅口感非常豐富而且好有層次…查看更多

一間位於葵興嘅高質西餐廳！距離地鐵站10分鐘路程，個人推介搭巴士過去會方便d～ 餐廳座位非常之闊落，藍色色調俾人非常之舒服嘅感覺💙雖然間餐廳係主打生蠔，但係今次決定試吓佢地嘅熱食。落完單之後侍應就會送上餐包🍞。餐包本身有意式香料係上面同埋包體非常之鬆軟。餐廳亦非常之貼心，會預先整軟牛油🧈，客人搽起上黎更加方便。🇦🇺澳洲藍青口配辣根忌廉汁.法式蒜蓉包 148HKD青口方面份量唔少，隻隻都非常之厚肉同飽滿😍醬汁方面用上經典嘅白酒忌廉汁，同青口食起黎非常之香甜。蒜蓉包亦非常之香口。🥰🐖碳燒西班牙黑毛豬配炒粟子椰菜仔,青胡椒汁 248HKD黑毛豬方面肉質結實 ，食落豬味濃郁同埋有好香嘅碳燒味😋唔好睇佢只有4舊肉，其實每一件都非常之厚🤩配埋青胡椒汁黎食真係非常之惹味。拌菜方面有炒粟子同埋椰菜仔，兩樣都好精緻同埋本身已經加左少少鹽作調味。🍝濶蛋麵配白酒辣椒蒜片.紐西蘭托托蜆 228HKD 一上碟已經聞到好香嘅蒜片味，同埋比托托蜆嘅Size嚇親，真係超級大隻！😱蜆肉煮到恰到好處，保留了海水嘅鮮鹹味。用上了白酒黎烹調令到成蝶意粉更加鮮甜，超鐘意食！❤️🌋阿拉斯加焗雪山 78HKD第一次吃呢一款火焰甜品而藍火焰賣相已經非常之吸引🔥外層係蛋白霜，被酒🍾燒過後味道少少甘苦，非常美味。內層就係冰凍嘅雲呢拿雪糕🍦同埋朱古力蛋糕🍫，兩樣都非常之好味。外熱內凍一齊食真係非常之正！📍Oyster Moment (葵涌)👣葵涌石文徑1號葵英樓地下G10號舖…查看更多

行完葵興的outlet, 想搵一間環境舒適的西餐廳，最後㨂左呢間Oyster moment。呢間餐廳的裝修令我諗番係之前去歐洲旅行食過的小酒館，座位好舒適，枱和枱之間唔迫，好啱朋友或情侶黎一邊食飯，一邊傾計。我地叫左兩個主食和蠔 -愛爾蘭石蠔 Irish Rock No. 3餐廳名叫得oyster，當然要試下佢地既生蠔啦，staff好細心，知你食蠔就比咗專門食蠔的叉和濕紙巾，揀咗最抵食既愛爾蘭石蠔，$32@1 配合檸檬、蒜油＆雞尾酒汁，海水味較淡帶有鮮味，好適合一D唔係幾食蠔既人都啱試，屬於入門級，對於我黎講，下次可以試埋其他no. 2＆no. 1既蠔！碳燒西班牙黑毛豬配炒粟子椰菜仔 $248一上枱就聞到黑毛豬陣陣的碳烤味，西班牙黑毛豬烤到網紋的外表加上椰菜仔的伴碟和粟子的襯托，幾好食，粟子炒得夠香夠腍。牛肝菌黑松露忌廉汁燴意大利飯$198 個飯送黎個時已經聞到好香的黑松露味，食的時候配合埋忌廉汁，好惹味。牛肝菌的整法好似令到你有食天婦羅的口感，好香口而不油膩。每份食物的份量都好大份，兩個人食都好飽，下次如果再經過這一區都會黎試多次。…查看更多