Oyster Moment (Closed)

Oyster Moment 葵涌☀️性價比好高的西餐廳😋☀️今日難得另一半嚟接放工，當然要搵間好嘅餐廳慰勞下自己！😆喺葵涌石文徑附近見到呢間西餐廳，門口擺放得好精緻，就決定入去試下。頭盤：生蠔，兩隻美國黃寶石，兩隻南非納米亞蠔。我哋先試咗美國黃寶石，食落去好鮮甜嘅海水味😋😋😋好爽口！好fresh！鍾意爽口嘅朋友可以試呢隻😆南非納米亞蠔比較creamy，分量好足！差唔多成隻手掌咁厚！好厚肉！唔太鍾意海水味嘅朋友可以試下呢隻😆我個人就鍾意美國黃寶石多啲🥰小食：鵝肝多士配鴨肉批芒果莎莎，呢個十分推介！！🌟🌟多士吸入咗鵝肝嘅油香，咬落去好鬆脆！時間烹調得啱啱好嘅鵝肝，配上多士，兩者加埋入口即溶！🤩🤩再加上上面嘅芒果莎莎醬，成個感覺好fresh，好清新！真係要encore！🤩主菜鱈魚扒配法式海龍皇湯，入邊有唔同種類嘅海鮮，包括青口、蜆肉、帶子、海蝦配上鱈魚扒，鱈魚扒食得出有用牛油煎香咗先，魚皮煎得好脆，咬落去入口即溶🤤配上蕃茄雜菜雜菇汁，好鮮甜！甜品阿拉斯加焗雪山，呢個係因為見到隔離好多張枱都有叫，我哋又叫黎試下😆外觀已經200分！！入邊原來係朱古力蛋糕包住雲呢拿雪糕，再加上最外層嘅火山，簡直係多重享受！！食落去嘅時候燶燶哋，味道好神奇好好食！…Read More

黎到葵涌唔熟路，當然又係時候等朋友帶路😜今次黎到食西餐，見個店名就知出名食生蠔，不過近排腸胃有D唔舒服，唯有忍忍口唔叫生冷野先，今次叫左 牛肝菌黑松露忌廉汁燴意大利飯($198)、碳燒西班牙黑毛豬配炒粟子椰菜仔,青胡椒汁($248)、薯仔蓉配白松露油($38)、咖啡朱古力蛋糕($58)、焦糖燉蛋餐廳空間感十足，裝修色調都令人舒服😄餐包：先免費送上餐包，牛油好香兼軟滑，簡單塗上餐包已經好好食😄牛肝菌黑松露忌廉汁燴意大利飯：份量十足，意大利飯嘅飯粒軟硬度煮得啱啱好，煮嘅時候亦都好吸收晒黑松露忌廉汁嘅味道，所以食落味道香濃之餘口感都好好😍而牛肝菌有油炸過所以更加香口，炸得熱辣辣嘅同時間菇亦唔會炸到乾身，幾有咬口同香濃，幾高水準👍🏻碳燒西班牙黑毛豬配炒粟子椰菜仔,青胡椒汁：呢碟MAIN一上碟時已經聞到好香碳烤味，而且睇落去D烤紋亦都好靚仔😍廚師會將黑毛豬切件，然後再好有心思搬盤，望落去賣相更立體，而且切件後方便食用😄西班牙黑毛豬肉質嫩滑唔鞋口，食落去豬味好濃郁同埋帶點碳烤嘅燒香味，再輕輕點埋青胡椒汁作調味，惹味無比🥰薯仔蓉配白松露油：點MAIN後可以加配SIDE DISH，由於加入左白松露油，所以D薯蓉食落更加軟滑，味道帶點松露香，比起普通薯蓉更加滋味😋咖啡朱古力蛋糕：由於榛子朱古力味賣晒，所以改左做咖啡朱古力口味，蛋糕口感軟滑，味道好有層次，甜度剛好😋焦糖燉蛋：上面層焦糖好焦香脆口，而內裡嘅燉蛋好嫩滑，唔會太過硬身老晒咁，唔錯😋呢到嘅MAIN水準都幾出色，如果有埋SET DINNER MENU嘅話就更加抵食😉等遲D身體好返D，一定要再過黎食下呢到嘅生蠔先至得🥰補MENU…Read More

「葵涌區內少有既高級西餐廳」餐廳環境好舒適，座位寬闊、坐得好舒服，擺設高雅大方，好有氣氛。店員服務好好，菜式質素高之餘，好吸睛🤩個餐牌整得好靚，連埋食物圖😋菜式擺設吸引，菜式名同樣令人好期待！款款菜式都好吸引，唯有下次再黎試其他，今日試住幾個先😋餐包配牛油 餐包外層好鬆脆，內裡鬆軟，夾住半溶既牛油，好香口。 餐包都咁好味，好期待其他菜式😋🥰烤美國和牛骨髓配慢煮砵酒乾蔥，蒜蓉包$148🤩 烤到好香，烤過既牛骨髓多左份煙燻香味，油脂味好濃郁，入口好順滑，蒜蓉包烘得好脆身，同時內層又保持小許鬆軟，牛骨髓本身香味為主，連埋個砵酒乾蔥、蒜蓉包一齊食，又另一番味道！🐷碳燒西班牙黑毛豬配炒栗子，椰菜仔，青胡椒汁 $248煮得啱啱好，表層小許酥脆，陣陣碳香味，肉質嫩滑多汁，豬既香味突出，配栗子真係幾特別，呢個天氣清涼，又幾適合，栗子炒得好香，正😍🦐烤10吋澳洲大虎蝦配海膽燴義大利飯$298好大隻虎蝦！蝦肉彈牙，鮮甜有口感，蝦頭d膏烤過之後更加香🥰 義大利飯煮到奶油般既濃郁質地，又保持咬勁，掛上海膽同高湯，味道好豐富。阿拉斯加焗雪山🏔️$78食好野，又可以打卡😉，表層雪山忌廉好綿滑，內裡係雪糕加餅底而成，幾有心思，影完就快啲吹熄個火啦🤣 如果唔係燒焦既地方會有小許苦。雪糕款色每日都唔同，餐廳會因應每日最好既食材而創造！…Read More

每日都會經過的餐廳，對佢一直都無特別的興趣😄直至有日睇到食評，見到其他人會刻意過嚟食🤩見Halloween餐牌咁得意就過黎食😋叫左一個Halloween👻 dinner set🥘前菜南瓜🎃都咁有心思有刻樣😄而且味道都好有驚喜😍紅菜頭湯 🍲 和牛臉頰人頭🍞 好有特色和牛仲好淋🥰再+4隻生蠔🦪 龍蝦🦞海鮮繪飯全部味道都好食，無失望而回🤗完美結束萬聖節🎃 聖誕節🎄可以再黎唔洗出去逼近近地都幾好🤪…Read More

呢間餐廳位置比較隔涉，唔就腳，唔係旺區，亦唔近地鐵站，因為男朋友住附近，所以就發現左佢開舖第一星期，男朋友已經去試過不斷讚好，話下次一定要帶我去食佢誇張到一星期可以幫趁三次到而家，呢間餐廳已經變左我地經常食野嘅地方，間唔中，過一排就會去食因為食過太多次，至少7次以上所以我就唔逐樣食物作評論，我會整體咁講以下相片亦只屬部分，openrice限po12張相所以唔可以盡錄，以下我將會簡單咁講下，點解會咁鍾意呢間餐廳首先，以佢呢個食物質素黎講，呢個價錢絕對係超值，味道完全在價錢之上，so far食過咁多次，食物暫時都仲保持到水準，而家份量好足料，最特別嘅一點係，呢間餐廳會定期換menu，有好有壞啦😂，有啲食過想再食，下次黎未必有，但都欣賞佢會花心思諗新菜式，每次黎都可以試新野，我下面show嘅野，去到唔知仲有冇得食架食物方面，我食過午市同晚市，個人覺得午市比較低食啲，食午餐套餐，會包主食＋餐湯＋沙律＋麵包＋野食，百幾蚊絕對值，最欣賞嘅係，佢個餐湯同包一啲都唔求其，我好鍾意食，包好軟熟，餐湯（會定期轉款）好足料，好好味。主食方面有豬扒＋牛扒＋魚＋意粉＋意大利飯為主，我同男朋友最鍾意食黑毛豬扒，之前食過菠蘿豬，覺得好夾好好味，仲食過蘋果豬，都唔錯，豬扒厚身大舊，但入面又好 juicy，肉靚烹調好，每次都必食！！！我男朋友鍾意食蠔，每次黎都食，因為我唔好蠔，所以就唔comment 啦，另外仲想講個手工雪糕一定要試，跟餐加錢就可以加，每期都唔同味，雪糕真材實料，我最鍾意食朱古力雪糕，推薦！呢間餐廳整體都好好，所有食物質素都唔錯，環境又坐得舒服，服務態度都ok，只係交通唔太方便，所以每次walk in都一定有位，唔洗等😂😂😂…Read More

Oyster Moment (葵涌).呢頭附近好多隱世小店，今次係被佢環境同埋食蠔所吸引，雖然地點係偏遠左少少，但所有野都值回票價🥰.▪️France Normandie Krystale Oyster/ France Alexander No.2 Oyster ▪️.前者甜得來較爽口，充滿海水味；後者肥美得來，肉質厚實啲，都幾creamy😛偏愛後者！.▪️餐包▪.包夠熱夠脆，牛油一夾入去半溶，香口又好吃😋.▪️青口配辣肉腸蒜茸包▪️.係茄汁青口，青口唔算好大隻好肥，但醬汁夠惹味，再有四片好香嘅蒜茸多士！.▪️野菌黑松露忌廉汁燴意大利飯🇮🇹▪️.飯粒軟硬度適中，飯內有大量菇菌切粒，黑松露香配上忌廉汁不會太膩！.▪️薯仔蓉配白松露油▪️.薯蓉好出色，個人覺得必吃之選，先$38但大大碗，白松露油令到薯蓉更香，入口綿得來又細滑(˶‾᷄ ⁻̫ ‾᷅˵)本身仲糾結要食薯條定佢，好彩揀左薯蓉！.▪️阿拉斯加焗雪山🏔️▪️.又一抵讚出色又igable嘅甜品，白雪雪上枱，店員一點火，火焰雪山登場！ψ(｀∇´)ψ雪山忌廉外層，燒焦部份微苦，入面包住雲尼拿雪糕，外熱內冷係冰火嘅衝擊！底層係oreo餠底，成個都好啱我心意😋.📌 Oyster Moment (葵涌)葵涌石文徑1號葵英樓地下G10號舖環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️…Read More

呢間餐廳睇個名就知有生蠔bb提供🦪🤣，佢環境真係好舒服🥂，前菜、扒類、意粉類都有👨🏻‍🍳：-1️⃣「野菌黑松露忌廉汁燴意大利飯🍄($158)」醬汁好香濃! 充滿香菇香味😍，重點係夠有咬口！～Wild Mushroom Risotto w/ Black Truffle Cream Sauce: al dente! Creamy and rich blakc truffle and mushroom sauce👍🏻-2️⃣「碳燒西班牙黑毛豬配法國薯蓉·法式燴梨·印尼燒烤汁🇪🇸🐖🍐($238)」係好食嘅豬豬😌🤤！煮得岩岩好，有碳香味，薯蓉夠creamy，而且充滿豬嘅香味🥔，配甜甜地、有肉桂香味嘅燴梨好夾🤙🏻～Grilled Spain Lberico Pork Rack w/ Potato puree, Poached Pear, Indonesia BBQ sauce: perfectly grilled, the pork is good, perfectly matched with the pear and mashed potato👍🏻-3️⃣「香煎鵝肝多士配鴨肉批荔枝莎莎🦆🥖($158)」鵝肝夠肥美🤣，不過少貴~French foie gras, duck terrine, rambutan salsa: the foie gras is nice but not very affordable -⚠️：附送餐包🥖🧈(+$0)…Read More

呢間又係推介，地點比較偏僻但係夠晒正同埋好有情調，主要食西餐，佢有好幾隻生蠔俾大家挑選，我覺得食最平嫁嗰個都已經好鮮甜！🔺青口配辣肉腸蒜蓉包$128分量很多，不錯吃，記得要將個青口同埋辣肉腸放喺蒜蓉包上面一齊食，令到成個口感同味道都提升晒！ 🔺美國安格斯肉眼扒12安士$298大大件，我叫咗五成熟，如果在山少少會更加理想，個牛都係好味😋🔺irish rock no3 🦪$32@1 呢款係最平,已經覺得好鮮甜🤪鍾意食號嘅可以去起碼六款以上用餐心情：服務好好，坐得舒服，一家大細都可以試吓,或者情侶談心都好適合,好有情調味道👅: 7.9/10環境：8.5/10服務：8/10…Read More

雪山上的蠔🎈Oyster Moment/藍藍火焰嘅雪白山峽 將雪山燃燒成金黃色/塔斯曼尼亞煙三文魚芝士卷配尼哥斯沙律Tasmania Smoked Salmon Cheese Rolls Nicole Salad ($138)外型似三文魚壽司卷 但原來係芝士沙律卷黎煙三文魚包住忌廉芝士同青瓜絲🥒鹹香細膩而又不失一點清新可能呢種煙三文魚本身鹹度比較高搭埋底下嘅沙律菜平衡返就更好🥗碳燒西班牙黑毛豬 配法國薯仔蓉 • 法式燴梨 • 印尼燒烤汁 Grilled Spain Lberico Pork Rack w/ Potato Purée • Poached Pear • Indonesian BBQ Sauce ($238)黑毛豬肉質結實 有陣陣碳燒味♨️欣賞印尼燒烤汁嘅味道 香辣帶甜酸味 兩者配搭起嚟好夾😝燴梨好甜 食到冰糖味 係另類嘅甜品呀🍐手造意大利闊蛋麵配焗法國麵包蟹殼 • 南瓜汁Homemade Fettuccine w/ Baked French Edible Crab Shell • Pumpkin Sauce ($228)呢個好有驚喜 估唔到佢有海量蟹膏蟹肉🦀手工意粉韌度高甜甜地🍝原來係南瓜汁嘅天然甜味將蟹膏 蟹肉 同芝士撈落意粉度一齊食 滿足感爆棚🥰阿拉斯加焗雪山 Baked Alaska ($78)好少見到呢一款火焰甜品包住藍藍火焰嘅雪白山峽內層嘅雲呢拿雪糕🍦中層嘅海綿蛋糕🍰外層嘅火焰形蛋白霜🥚冰與火嘅交融🧊🔥將雪白嘅雪山燃燒成金黃色🧡…Read More

唔知幾耐無食過蠔，心血來潮就book咗呢間試試。店員會先介紹推薦食蠔次序，由淡到濃味。首先愛爾蘭石蠔比較鮮甜，有點海水味；法國聖馬天尼就味道平均；而法國亞歷山大蠔金屬味比較重，肉質亦都係最厚實。全部都係就咁吱檸檬已經好鮮！之後試咗個青口，要讚讚個汁真係好夠香濃嘅蕃茄味，配上香脆嘅蒜蓉包真係一流，青口份量都多，辣肉腸口感扎實幾特別。而主菜羊排外表平平無奇但食落真係超有驚喜，外表係典型寶雲酥咁青青綠綠嘅芥末醬加上麵包糠同香料，底部仲有成棵燒蒜頭添！食落去好香羊味超軟嫩又唔羶，薄荷汁令肉味道更出同清新。而燒蒜頭超驚喜，口感已經唔似蒜頭而係似蒜味薯蓉咁淋，我唔係太鍾意原粒蒜頭都覺得好食。車厘茄多汁偏酸，可以幫手消除肉類嘅油膩感，真係唔錯！每食完一道菜店員都會好快咁幫你換碟，而且好有禮貌，成餐飯食得好舒服！可惜兩人只得兩個肚，真係食唔到太多嘢，如果唔係仲想試埋佢哋嘅意粉！即使地點比較遠但都非常推薦！…Read More

搭車經過葵涌一帶唔難發現開咗間西餐廳，星期日晚就過去試試～ 雖然舖頭叫Oyster moment，不過唔係好食得生冷野，所以淨係叫左熟食。佢哋都提供好多熟食/steak既選擇，打開個餐牌都見到好多唔同種類:)　叫左1個main, 1個Pasta和1個甜品有香草麵包打頭陣, 之後就上主菜喇～碳燒西班牙黑毛豬配法國薯仔蓉 ($238) 𝓖𝓻𝓲𝓵𝓵𝓮𝓭 𝓢𝓹𝓪𝓲𝓷 𝓛𝓫𝓮𝓻𝓲𝓬𝓸 𝓟𝓸𝓻𝓴 𝓡𝓪𝓬𝓴 𝔀/ 𝓟𝓸𝓽𝓪𝓽𝓸 𝓹𝓾𝓻𝓮𝓮. 𝓹𝓸𝓪𝓬𝓱𝓮𝓭 𝓟𝓮𝓪𝓻. 𝓘𝓷𝓭𝓸𝓷𝓮𝓼𝓲𝓪𝓷 𝓑𝓑𝓠 𝓢𝓪𝓾𝓬𝓮用碳燒煮法一上菜就已經聞到好香，黑毛豬軟腍腍，配上牛油香的薯仔蓉，加上充滿酒味嘅梨，覺得成個配搭唔錯～ Indonesian BBQ sauce微微辣吊起手造意大利闊蛋麵配焗法國麵包蟹殼 ($228) 𝓗𝓸𝓶𝓮𝓶𝓪𝓭𝓮 𝓕𝓮𝓽𝓽𝓾𝓬𝓬𝓲𝓷𝓮 𝔀/ 𝓑𝓪𝓴𝓮𝓭 𝓕𝓻𝓮𝓷𝓬𝓱 𝓔𝓭𝓲𝓫𝓵𝓮 𝓒𝓻𝓪𝓫 𝓢𝓱𝓮𝓵𝓵. 𝓟𝓾𝓶𝓹𝓴𝓲𝓷 𝓢𝓪𝓾𝓻𝓬𝓮鍾意食手工意粉嘅我哋，見到homemade fettuccine一定要試！南瓜汁杰身掛在麵條上，面層加上焗過嘅芝士，麵包蟹非常多蟹肉阿拉斯加焗雪山 𝓑𝓪𝓴𝓮𝓭 𝓐𝓵𝓪𝓼𝓴𝓪 ($78)本身想睇火嘅表現，不過倒落去個角度影相唔啱要求自己倒，侍應哥哥都好好人俾我自己倒，不過冇咁專業，個火效果唔係太明顯 酒又倒多咗少少所以有啲啲苦，不過外層燒香，蛋白微凍，內層冰凍vanilla雪糕，蛋糕索曬酒味～…Read More

出咗糧想食餐好，去試呢間位處幾偏僻嘅餐廳食晚飯，朋友話啲嘢食唔錯，尤其係啲蠔 （my favourite 😍）餐廳附近後面有幾個街錶停車場，唔難搵到位，泊好車，2分鐘就行到餐廳從正門望裝潢都幾別緻，門外仲有一個露天嘅空間，有兩張枱，下次可以帶埋狗仔嚟食飯 ,室内坐位闊落有情調頭盤當然係立刻要試下佢啲蠔，睇下我個friend有冇跣我。當晚有六款可以選擇，我哋最後揀咗三款都係法國生蠔，分別係 聖馬天尼 亞歷山大 同埋諾曼第水晶 （各二）三款蠔各有特色，海水味十分濃厚我尤其鍾意食諾曼第水晶嗰一款，好大隻，鮮味十足 法國泥蟹湯唔係好多西餐廳有泥蟹湯提供,相信是成本和工序關係. 呢個泥蟹湯性價比高，蟹肉足料，海鮮味濃，質地微微杰身 香煎鵝肝多士配鴨肉批荔枝莎莎鵝肝多士水準高，咬落去爆哂油，配上旁邊乾身啲嘅鴨肉就會好好入口，香而不膩。炭燒西班牙黑毛豬很香的炭燒味， 黑毛豬非常淋軟, 炭燒好處是鎖住肉汁令食材更鮮嫩，吃落還以為是經過慢煮呢！ 伴上的薯蓉也非常香滑。…Read More

Tucked away in an unassuming sloping path in Kwai Chung, Oyster Moment is a lovely neighbourhood restaurant that makes me feel reminiscent of a small eatery in Europe. With a cozy patio and romantic vibes, this lovely spot is a delightful little secret that you’ll love to keep all to yourself!Complimentary BreadFrance, St. Martin No.3 (@ HK$34)The flavour of the oyster was mild, fresh with salty taste, the flesh was creamy with a clean briny finish, with a squeeze of lemon juice and you can taste the natural flavour.Grilled Spanish Iberico Pork Rack (HK$238)This grilled bone-in Iberico pork came with celery root purée, poached pear with Indonesian BBQ sauce. The meat itself was tender with just the right amount of fat you would expected from pork chop. The spicy Indonesian BBQ sauce and the poached pears help to balance the rich flavour of the meat.Grilled NZ Lemon Sole Fish (HK$248)The whole fish was packed in the parchment paper packet and baked with clams, cherry tomatoes, garlic, herbs and olives. This cooking method created moist heat where the fish cooked in its own juice and preventing the fish from drying out. The steam billowed out and the aroma was incredibly irresistible!Storefront Interior Menu …Read More

多謝住附近嘅朋友仔介紹先發掘到呢間隱蔽西餐小店，雖然地理位置有少少隔涉，不過食物質素先係最重要🤩法式紙包原條檸檬鰈($248)紙包魚係一道傳統嘅法國菜，做法介乎烤同蒸之間，比起蒸煮更加可以保持食物嘅原汁原味，所有嘅鮮味同精華都鎖住咗係呢個紙包入面，魚肉亦都相當嫩滑多汁🤤手造意大利麵配蕃茄汁、意大利布袋芝士($168)布袋芝士係用牛奶製成，由於佢屬於未熟成嘅芝士，所以外層煙韌，但係內層就會軟滑細膩，撈埋蕃茄汁意大利麵一齊食，口感特別豐富😋！意大利麵口感都好彈牙，而且份量十足，兩個人食都差啲食唔晒😂阿拉斯加焗雪山($78)柔軟嘅蛋白霜外層帶少少焦香，雪山中心係雲呢拿雪糕、方塊蛋糕同埋oreo餅底，外暖內冷同時又外軟內硬，層次好豐富呀😍薯仔蓉配白松露油($38)薯蓉配松露永遠都係perfect match，食極都唔厭，呢到既調味啱啱好，唔會過鹹，口感亦夠晒幼滑😚…Read More

< Oyster Moment > 📍葵涌葵涌入面要搵一間有情調嘅西餐唔容易，今次喺路口位見到一間食蠔嘅西餐，望落個裝修都有心思，試一試咗佢嘅晚飯☺️🦪生蠔（半打）生蠔總共有六款揀，豐儉由人，第一次食呢間餐廳揀咗最平嗰三款睇一睇個質素👍🏻 愛爾蘭石蠔食到有礦物味，法國聖馬天尼同美國黃寶石就比較重海水味，整體係講三款都唔錯，肉質爽口🥩美國安格斯肉眼扒12安士12安士上枱都幾大塊，叫咗五成熟，邊邊位比較熟，切開中間都粉嫩，個肉眼扒燒得好夠香味😆💙澳洲藍青口同西班牙辣肉腸蕃茄汁+白色蒜蓉包嚟得西餐廳食海鮮，諗住試埋個青口，個醬汁幾有特色🥳 啲汁最尾要嚟配埋個蒜蓉包，蒜蓉包好脆口，淡淡蒜蓉味，最緊要係個青口好鮮甜…Read More