Owl’s Stage (已結業)

以貓頭鷹佢主題嘅西餐廳+酒吧，入面有唔少貓頭鷹公仔同畫，公仔好似一家人好溫馨。餐廳有set dinner,包左甜粟米蟹肉沙律同餐湯飲品，我地兩個人叫左2 個sets🍠紫心蕃薯湯紫色嘅湯都係第一次見，好特別。飲落係帶淡淡蕃薯味嘅忌廉湯，如果再重d蕃薯味仲好。飲完呢個湯已經好有飽足感😋🍝黑松露忌廉汁煙肉野菌意粉忌廉味好香好creamy，忌廉味好飽滿，上面仲鋪滿片片芝士。每條意粉都掛滿忌廉汁。🐮燒澳洲特級肉眼扒8orz ,牛油椰菜花及四季豆肉眼扒好厚切，五成熟煎得剛好，內裡粉嫩夠肉汁，外表煎得夠香，食落唔會好多筋。配菜除左有椰菜花同四季豆，仲有烤大蒜，牛扒配大蒜食真係大大加分！🍟+$38 芝士肉醬薯條本身配薯條，加錢可以轉薯蓉/芝士薯條，芝士肉醬好香濃，不過如果分開放更好，咁就唔會俾牛扒嘅汁整淋左。🍓Salted strawberry賣相加味道都好出色嘅士多啤梨smoothie..味道唔會太甜，仲有其他芒果/berry 味。整體價錢親民，食物製作有心思。

這間西餐廳位於太子站附近，店內環境寬敞舒適，裝潢以黑色及仿白磚牆為主，相當型格，適合多人聚會。假日的Brunch有十多款選擇，包括沙律、三文治、意粉、漢堡、扒及自家製甜品，均配有咖啡或茶，更可加配餐湯、沙律及小食等等。蝦蟹膏蟹肉車里茄意粉 - $108煙韌彈牙的意大利麵掛滿了幼滑細膩的忌廉汁，特別加入蝦膏及蟹膏兩種，甘香得更有層次，更有絲絲香甜的蟹肉。蝦膏蟹肉炒蛋三文治 - $78麵包外酥內鬆軟，嫩滑的炒蛋加入蝦膏和蟹肉更加甘香鮮味，更有新鮮的沙律菜，清新又輕盈。Iced Chocolate +$15特濃朱古力富可可豆香，更有香甜的忌廉增添順滑感。Iced Mocha +$15香濃的咖啡夾雜絲絲朱古力味及忌廉的香甜，平衡苦澀味，更易入口。

今日兩個朋友去慶祝生日，中午時間選擇喺大家嘅中間位，又好近太子站嘅小餐廳，呢個時間有set menu同special drinks menu選擇。蕃茄蟹肉意粉好好食，真係做到意粉口感煙韌適中，西冷牛扒好味，擺碟靚，配搭啲蜜糖烤薯仔粒有心機整，整個蒜蓉煎焗過好香好淋，special drinks 叫咗mango tree，為炎夏正午解暑，魚漢堡包和薯條水準亦好， 餐廳廚師各人都畀心機做好啲食物同埋飲品，睇得出佢哋有誠意， 可能人手不足所以有時比較忙碌 ，未必照顧到啲食客，但係整體嚟講都係值得推介嘅一間餐廳，老闆見我四圍影啲畫，同logo招牌，埋單時佢話貓頭鷹招牌同D畫係有個故事，謝謝老闆告訴我們。

呢晚過左太子呢邊搵食本身想食餃子，但條隊實在太長！行過見到呢間貓頭鷹主題的西餐廳，幾特別，就入左去試試叫左兩個set dinner先黎左餐湯同沙律絕對同意前菜係好影響對一間對主菜既期待值！而我想大讚個忌廉南瓜湯，非常濃郁，我飲過好多出色既南瓜湯各有特色，呢個會飲到微薑味，同南瓜係出奇地夾，熱辣辣咁好飲又開胃五重芝士醬薯條我內心既肥婆魂又想食薯條，雖然因為我知識貧乏唔會講得出係邊五種芝士但呢個薯條確係唔錯牛油忌廉汁菠菜雞胸意粉我經常先入為主咁覺得意粉呢家野，出面食一定好唔抵例如卡邦尼乜乜不過朋友執意要食意粉，我就偷佢幾住食又意外地有驚喜喎，牛油忌廉香濃之餘，佢調味都幾細緻講究，面上有幾片芝士，同埋雞胸都嫩，所以我有偷多幾條黎食燒澳洲西冷牛扒生熟度要左五成配菜有蒜、豆、西蘭花，加燒汁調味切開佢就係你所見到既靚色澤外皮薄煎，入面牛香味濃，食落幾軟腍，加埋燒汁更可吊出甘香味呢個平民西餐價黎講，可以說得上非常好了值得一提既係店員既服務態度非常好，有禮貌本身入座時想揀二人枱，怕一間人多會變成霸佔店員隨即話唔緊要，四人枱坐得闊絡舒服d上餐時亦主動提供空碟供分享用淨係呢種服務都值得再幫襯～！

餐廳位於太子大南街，太子站C2出口步行兩三分鐘就到達，位置相當方便。餐廳主打西餐路線，牆壁有幾幅由駐場畫家畫既畫，裝修同燈光效果偏暗，而且放住令人輕鬆的音樂。午餐的餐牌由$58既沙律至$168既西冷，都包括餐湯同餐飲。今日我選擇紐西蘭肉眼8安士配甜蕃薯同露荀$168職員會問你想食幾多成熟我加$12可以食沙律，沙律用上外國青瓜加上沙律黑醋，好開胃🥬🥒今日係紫薯湯🍠食到紫薯的天然甜味大約等5至10分鐘肉眼上檯，好大塊因為有蔥同黑椒，所以充滿香氣，令我開啟了我的味蕾肉眼肉質粉紅色，相當有牛味🦬蕃薯角炸完再加蜜糖，好脆好甜加$20可以飲沙冰我揀雜莓沙冰用左生果的果糖同士多啤梨糖漿酸酸甜甜好飲夏天飲藍莓芝士蛋糕$58餐廳自家製甜品芝士好軟好香滑餅底好香脆再配上藍莓果醬食到多層味道雲呢拿雪糕$12用cocktail 杯，再配上薄荷葉，好有西餐feel

鮮蘆筍汁野菌牛油汁意大利飯意大利飯嘅熟度煮得啱啱好，而且米飯粒粒分明。忌廉汁啱啱好吾會太過膩飯粒分明吾會煮到太過淋👍🏻柚子雞翼，味道酸酸甜甜，十分適合炎炎夏日食香脆嘅洋蔥圈 ！外脆內軟！ 仲有輕輕的啤酒味襯托！ 雖然係啤酒味，但食完係唔會醉㗎！燒加拿大厚切保濕豬架🐖羊架牛肋骨就食得多，但係豬架真係第一次食😋是無污染的豬種，採用高科技保濕技術，令豬鞍能保存充足水份，使豬鞍製作時能保留肉汁，肉質更鬆軟，口感更嫩滑，肉質豐富🤩配菜是意式燴雜菜 ，烤過的蔬菜比較香口。再配上牛油焗薯角，非常酥脆內裡又軟軟的，有牛油的香味！好食到停唔到口🤣重點是有原隻烤蒜頭，吃起來既軟糯又香甜，用來伴烤肉一流🤗大飽足的一餐😋😋😋

在太子大南街發現一間新西餐廳［Owl’s Stage］招牌和擺設以貓頭鷹🦉做主題，有特色又可愛，餐廳老闆亦是主廚，擁有多年西廚經驗，善於用不同食材創作特色，例如主菜旁的伴菜亦花心思處理，質素高但價錢非常合理👍🏻👍🏻🥪▪️牛油果蟹肉醬意大利包 $ 88意大利包烘得香脆煙靭又鬆軟，好好味，老闆話之前係用法包，但焗完之後比較硬，不合心意，試過多款麵包覺得這款意大利包最好，非常用心，配合即打既牛油果蟹肉醬，香濃又香滑，必食推介👍🏻👍🏻🍔▪️ 流心車打芝士釀和牛漢堡配五重芝士醬香草牛油焗薯角、意式燴雜菜 $ 138漢堡包厚而鬆軟，用牛油煎香，和牛漢堡是手打的，充滿肉汁，有咬口又充滿牛香，配合五款芝士組合既流心醬，濃濃芝士味，高質又好味，配菜香草牛油焗薯角好香脆，意式燴雜菜味道香濃，好少會有呢個款式嘅伴菜，好有特色🐷▪️燒加拿大厚切保濕豬架配蜜糖芥末醬 $ 178升級田園沙律、五重芝士醬薯條 $32 燒豬架亦是水準之上，豬架燒至外層焦脆，邊位有少少肥膏帶油脂香，內質部份有咬口得來好鮮嫩，而且夠入味，怪不得老闆高度推介，配菜加少少錢就可以升級，芝士薯條嘅芝非常澎湃，就咁食已經好正，再配合埋松露沙律醬，又有

今晚嘅晚餐去左依間太子嘅Owl’s Stage 🔆👉🏻香草蒜油燒澳洲西冷扒，佢配咗特製燒汁同埋鐵板薯條/意式燴雜菜。啱啱上枱，啲西冷扒係啱啱燒好嘅，啲肉質好彈牙，仲有淡淡嘅香草同蒜味。燒汁香濃味美。薯條煮得金黃酥脆，外脆內軟，啲意式燴雜菜就有啲茄子、洋蔥、蘑菇同番茄，鮮味突出。👉🏻流心車打芝士釀和牛漢堡啦，佢仲有五重芝士醬同埋香草牛油焗薯角同田園沙律。啲漢堡整體嚟講好juicy，啲肉質好嫩，只係比起個包唔夠大塊🤣🤣🤣。啲薯角煮得啱啱好，啲表面都煮得香脆，入口就好好食🔆最後啦就係2杯飲品👉🏻Jo Mug Ale叫（做乜 L) (Orange Juice Peach Syrup Ginger Ale)Jo Mug Ale係啲淡啤酒入面加咗啲橙，peach同薑，啲味道好清新，薑嘅味道唔會太濃，入口好易飲。👉🏻Lychee Rose Mojito(Rum, Fresh Mint, Fresh Lime, Rose, Lychee, Soda Water)啲荔枝味好突出，啲lemon味道好清新，係幾好味🔆🔆🔆。今晚嘅晚餐真係好好食，令我好滿足啊！

最近男朋友做嘢辛苦，所以帶佢食好西慰勞下佢🤪今次經朋友介紹嚟度呢間幾趣緻嘅西餐廳🍴Owl’s stage 🦉 我哋叫咗個set dinner 🍽️ ，包一個沙律，餐湯同主食紅菜頭青蘋果🍏沙律🥗青蘋果食落又脆又甜😊配上黑醋汁，酸酸甜甜好開胃🥰餐湯，味道可以😌主食：燒澳洲肉眼扒(medium) 大大塊扒見到都垂延三尺🤪見到佢表面煎得好靚，證明火侯控制得不錯😌切嘅時候都唔難切，熟度剛剛好😇入口軟腍👍🏻配長個汁味道就更豐富，肉香味美！ btw黃色係芥末醬，喜歡嘅朋友都可以嘗試一下🙌🏻另外，我哋仲叫咗墨魚忌廉汁虎蝦意粉🦑一擺上台已經聞到佢濃郁嘅香味！撲鼻而來，好吸引！而且賣相都相當好👍🏻每一條意粉都沾滿汁，每一啖咬落去都好香！而且意粉硬度剛剛好！值得一讚！而個虎蝦🦐都好正！肉質爽口鮮嫩👏🏻 呢個意粉係先今餐嘅最愛🫶🏻小食：柚子蜜雞翼！係先今餐嘅第二至愛🫶🏻好香好脆！一睇就知道係即整！咬落口唔會乾/柴，肉質仲好嫩🫶🏻而且每一隻都沾滿柚子蜜，甜甜地好易落口，唔會覺得好油膩！真係大力推呢個！飲品：芒果沙冰，夏天飲一流💕店內裝修都好特別，亦如其名，好多貓頭鷹擺設，so cute !!!

太子神秘貓頭鷹有質素的西餐廳✨🦉🦥☀️貓頭鷹的圖畫遍佈餐廳，連招牌也是以貓頭鷹公仔為主，可見店主一定很喜歡貓頭鷹🦉食物有質素，用上高質的食材，以細心的烹調方式，就連餐湯、沙律、配菜的薯角也特別好吃，有驚喜！👍🏻是日餐湯是南瓜湯！勁！好！味！《紅酒汁燴牛肋肉意大利飯》$188餐廳是日特別推介的意大利飯，紅酒的香氣濃郁，芝士黏黏的口感，溶入意大利飯當中，加上牛肋肉軟熟的口感，整個意大利飯相當高分！👍🏻《燒加拿大保濕豬架 9oz 》$178極度推薦的主菜！✨豬架外層脆口，肉質鮮嫩多汁，豬味香濃，燒得很好！加上配菜意式燴雜菜和香草牛油焗薯角，令其主菜變得更完美！香草牛油焗薯角超級好吃！是即叫即焗得薯角！超！好！食！《法國 No.1生蠔》$48/一隻小食方面，可追加這款生蠔，很抵吃！生蠔來自法國！多汁鮮味濃厚！啖啖肉！《Butterfly》跟餐只需加$20餐廳有很多酒精類的飲品，這杯非酒精的特飲也很清新爽口！

太子大南街一帶好多餐廳，晚飯時間路過見到呢間餐廳唔算太貴🍻就同朋友入咗去鋸扒啦❣️燒澳洲特級西冷扒 80z西冷叫咗五成熟，一切開超級粉嫩啊！厚切嘅西冷口感帶點嚼勁，但一啲都唔韌亦都唔係口😚肉味濃郁，特別係西冷上邊嗰層薄油脂✨燒澳洲特級肉眼扒 80z肉眼叫咗七成熟，油花豐富，勁多肉汁🤤就算七成熟，肉質都好夠軟腍柔嫩！兩塊牛扒都好有炭火香，唔同部位嘅牛扒同樣無筋👍配菜嘅椰菜花、四季豆，有淡淡的牛油香氣，又幾好味😋套餐用包咗沙律、紫薯忌廉湯💓Owl’s Stage (太子)太子大南街27-31號富威閣地下3-4號舖

大南街向深水埗方向就出名多cafe啫，但太子方向就唔多，反而多低調高質餐廳其中呢間可能係啱啱開，未有太多人發現，先食為敬頭盤係甜粟米沙律同紫薯忌廉湯，沙律睇落好fresh，食落嗦嗦聲，沙律醬都好正紫薯忌廉湯第一次飲，呢種配搭幾舒服，一啲都唔滯原本想嗌吓扒，但感覺食魚會健康啲，諗住魚肉會平淡啲，但估唔到佢地整得好好，皮脆肉嫩，特製醬汁簡直畫魚點睛。伴碟嘅牛油椰菜花同四季豆，新鮮爽脆，蔬菜都可以好令人喜歡加錢可以轉配薯條，仲要係五重芝士醬，睇落平平無奇，但爽口香濃度令人驚喜唔知食咩意粉好，就嗌呢款睇嚟最common嘅黑松露忌廉意粉，咁先食到佢地功力，同樣食到眼碌碌，肉香濃郁嘅醬汁，煙肉同野菌嘅共舞，意粉嘅火候，太不可思議喇跟餐加廿蚊就可以嗌特飲，smoothie都係唔錯嘅選擇，果味出眾，又唔會太冰飲唔到鹽味草莓好味到提神，甜甜微鹹又幾得喎

太子呢條大南西街有好多酒吧同餐廳，見到呢間有岩食既set dinner就入左去試下😋😋餐廳嘅環境比較寧靜，適合朋友聚會傾偈談心🙈🙈Owl Stage's Set Dinner 包紅菜頭青蘋果沙律，餐湯同杯咖啡或茶(可另外upgrade)🐮燒特級澳洲肉眼扒8oz 配香草烚薯角及美國蘆筍牛肉好嫩身，肉汁鮮嫩，唔會太靭🦐🐙墨魚忌廉汁墨魚虎蝦意大利飯墨魚汁好creamy ，虎蝦都勁大條，好足料👍🏼👍🏼👍🏼

避開人來人往嘅旺角，其實太子都係一個食飯嘅好地方 🤍今日同朋友去大南街一帶搵食，經過一間以貓頭鷹為主題嘅間西餐廳，喺門口望落都覺得幾有格調😝 就決定入去食晚餐😋 估唔到食物質素有驚喜，價錢亦都合理😍Set dinner 🍽️ 餐廳提供set dinner，隨set有甘筍湯同甜粟米蟹肉沙律😍 甘筍湯足料，甘筍味道好出，好綿好滑😋 沙律就正常發揮，沙律菜新鮮淋上沙律醬幾開胃~香煎比目魚扒🐠 好彩有叫到呢一個，本身喺牛頰肉意大利飯同魚之間揸唔定主意😛 餐廳呢個比目魚扒真係整到皮脆肉嫩！個皮係脆㗎好正😍 魚肉都好嫩滑，仲有啲椰菜花同埋豆角做配菜，健康之選‼️澳洲肉眼扒8oz配菜加錢轉左薯蓉~第一眼係覺得個擺盤好靚好有心機🤍 五成熟嘅肉眼扒啱啱好，一啲都唔韌👍🏻 同埋塊扒嘅質素真係唔錯，切開都好多肉汁，呢個價錢食到呢個質素真係好有驚喜‼️❣️加埋鹽同焗蒜一齊食更加香口😍忌廉薯蓉好邪惡，仲要咁軟綿綿真係好易食唔停😍嘢飲方面加錢轉咗兩杯Special drink 🍹 strawberry 🍓 smoothie 同埋 Butterfly 🦋 睇得又飲得😍雖然餐廳嘅價格定位唔高，但老實講小店嘅食物同服務質素

今次黎到太子呢間西餐廳食dinner,有好多貓頭鷹🦉係入面😂店舖環境唔算好大,平日dinner都唔算太多人,都坐得幾舒服☺️《Set Dinner》甜粟米蟹肉沙律幾清爽,沙律醬幾份量啱啱好唔會過多,紫薯湯好特別,飲落好天然,係紫薯本身個甜味,好好飲👍🏻《燒澳洲特級肉眼扒8Oz,牛油椰菜花及四季豆 $228》肉眼扒叫左五成熟,燒得啱啱好,好靚既粉紅色☺️份量都幾大塊,食落唔會太靭但又帶少少咬口,另附上個燒汁提升個肉味,唔錯!《香煎比目魚扒配牛油椰菜花及四季豆 $198》比目魚煎得好滑,魚肉油脂分布剛好,魚皮煎得好脆,伴碟個醬汁調較得唔錯,同個魚肉好夾👍🏻《Many Berry +$20》跟餐加二十蚊就有杯Smoothie,揀左士多啤梨Smoothie,凍冰冰好爽,建議攪匀啲糖漿先飲,咁就唔會太甜😆Owl’s Stage太子大南街27-31號富威閣地下3-4號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️服務⭐️⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️