Owl’s Stage (已結業)

以貓頭鷹佢主題嘅西餐廳+酒吧，入面有唔少貓頭鷹公仔同畫，公仔好似一家人好溫馨。餐廳有set dinner,包左甜粟米蟹肉沙律同餐湯飲品，我地兩個人叫左2 個sets🍠紫心蕃薯湯紫色嘅湯都係第一次見，好特別。飲落係帶淡淡蕃薯味嘅忌廉湯，如果再重d蕃薯味仲好。飲完呢個湯已經好有飽足感😋🍝黑松露忌廉汁煙肉野菌意粉忌廉味好香好creamy，忌廉味好飽滿，上面仲鋪滿片片芝士。每條意粉都掛滿忌廉汁。🐮燒澳洲特級肉眼扒8orz ,牛油椰菜花及四季豆肉眼扒好厚切，五成熟煎得剛好，內裡粉嫩夠肉汁，外表煎得夠香，食落唔會好多筋。配菜除左有椰菜花同四季豆，仲有烤大蒜，牛扒配大蒜食真係大大加分！🍟+$38 芝士肉醬薯條本身配薯條，加錢可以轉薯蓉/芝士薯條，芝士肉醬好香濃，不過如果分開放更好，咁就唔會俾牛扒嘅汁整淋左。🍓Salted strawberry賣相加味道都好出色嘅士多啤梨smoothie..味道唔會太甜，仲有其他芒果/berry 味。整體價錢親民，食物製作有心思。