OVO CAFE

營業中

休息中

Went here twice for lunch and dinner each time. Dinner menu had more interesting variety. Ordered mushroom risotto which tasted okay but sadly the rice was undercooked. I also saw other tables had yummy-looking ravioli and though I'd come here again to try that.Second time was for lunch. There were about 5ish set lunch available and we couldn't order from the non-lunch menu. So we chose pasta and pizza with soup and salad on the side.Ranking from good to bad:1. Pizza - actually yummy, good chees

我的食堂推出新嘢了「喇沙」.....以素食為主的一間Cafe, 我平常選擇沙律多，今日被推介有新出品, 無理由唔捧埸嘅！我喜歡濃味一點的湯麵類，喇沙最合我心意👏先嚐湯底，好濃稠的椰香味，辣度適中不過份。麵質幼細有蛋香，但如果換成米粉，卦湯力會更強，相信更加美味。配菜的大菇好鮮甜好有口感💕，魚蛋有弾性爽囗，另外蕃茄，菜蔬⋯⋯亦非常新鮮，值得推介。套餐再配一杯香濃的cappuccino, 己足夠我一天的動力了。

星期六行完山，一行四人去了OVO Cafe下午茶傾下計。今次一來到就有服務員帶位，真係好彩。我曾經來過三次，三次都無位，可以話食唔食到係好睇運氣。首先講下環境環境，呢度真係有好多綠色植物，牆上面有，隔離左右有，台上面都有植物。所以喺度食野同飲野系非常之悠閑同享受嘅。我們點左四杯飲品、一個意粉和一個意大利飯。飲品約40-50玩。意粉同其他熱食約100元。未入門口已經覺得好靚。坐位唔會太貼近朱古力第一杯是不夠熱，所以同服務員反應，佢地即時話整過第二杯俾我。服務唔錯！荔枝蘆薈梳打蘑菇意大利飯，好濃好香，飯的口感剛剛好。推介！蒜蓉辣椒點意粉，比起意大利飯呢個普通左d。

很久沒有好好記下吃過的餐廳，人大了就越多事煩。最討厭的是這些煩事並不是努力解決就能清理掉... 廢話少說，今日吃的這間餐廳讓我找回微笑，提醒我生活中的小確幸，簡單的幸福。地方不大lunch來吃的話稍為遲少少可能已滿座。環境很特別! 裝潢風格走大自然風，枱枱櫈櫈是木製的，四周被一大片的植物包圍著，一入去感覺就已經很寫意，尤其在香港這石屎森林更珍貴。今天green monday，set lunch有四款 (available from 11:30am-3pm):A) 墨西哥薄餅B) 意大利飯配炸芋頭C) 意大利芝士素漢堡配芒果汁D) 俄羅斯沙津我們選了Set B and Set C，一份配上摩卡咖啡一份配上熱湯。 Set B  意大利飯配炸芋頭一看就是很健康的感覺。沒有一向稠密risotto的creamy cheese顏色，取而代之的是清新特別的淡紫色。吃不去口味其實偏淡，朋友就不太喜歡這味道，吃得較淡的我就覺得OK。沒有像某些過份creamy risotto那樣的油膩感，不會吃到一半已吃不下去。這碟每口都吃得很舒服，不過如果材料配菜份量能增多會更理想。Set C 意大利芝士素漢堡配芒果汁

係一個假保育半活化的文物下，有間好綠色的咖啡店，係幾靚既，食完仲可以去對面藍屋行個圈。呢個烤菇蛋批足料味又唔濃，岩我呢啲追求健康又瘦既人食同hea😬🍄🍳沙律就真係好清，清到呢，牛仔食草咁😂但真心係健康既！🍀呢到可以hea好耐，環境好舒服，周圍都係綠色「雖然係膠野」，望落係舒服既。💡呢間cafe係香港三級歷史建築的舊灣仔街市內，現在只係得番外牆與部分位置留番係到。樓上仲改建成豪宅，景象已全非，就算隱約見到昔日建築的影子，我們都已經找不回當日的味道。有時好多野，我地唔好好保存珍惜，就永遠消失於我們身邊。

餐廳唔算大，入面有好多盆栽同植物，感覺好清新舒服，好配合素食嘅主題。呢度嘅野食種類唔算多，但好好味。值得一試！有個自助區，餐具要自己拎。我地叫左壺藍莓番石榴茶，好香，好飲，飲完可以加水。佢有個dinner set 148有沙律，湯，主菜同野飲。但主菜得兩樣野揀，所以我地冇叫到set。蕃茄乾扁意粉，碟野放上枱時已經聞到好香。意粉除左蕃茄乾仲有放左秋葵，粟米芯，好健康。食落去辣辣地，好開胃好野味😋牛肝菌意大利飯，又係聞到好香。飯軟硬適中，仲有濃濃嘅牛肝菌味。可惜太少芝士......呢度係逃離城市嘅好選擇👍🏻

喜歡去 cafe，幸好身邊有志同道合的朋友會不時一起周圍搵不同的 cafe 吃飯聊天。記得雜誌介紹過這家素食cafe, 樓底很高，佈置也多用田園系，感覺舒服。紅菜頭牛油果藜麥  所有食材都很新鮮，麵包也烘得香口，藜麥用的是紅藜麥，營養價值更高，值得一讚。食完非常飽肚，誰說素食會不飽的？cappuccino奶泡打得略粗，畢竟這裡主打的不是咖啡，期望不會很高，味道還可。在寫意的環境邊享用美食邊與朋友談天說地，心情特別愉快。

經朋友介紹下，試下這間西式素食cafe，環境唔錯，中意夠清靜。食物方面，點了乳酪及刀削面。蔬菜新鮮與乳酪味道較清新，合口味；冬陰公刀削刀幾特別，酸酸地幾開胃。如果想扮下文青，可以約朋友來一聚。

中秋節正日, lunch 同同事食好啲, 揀咗 OVO Cafe, 其實想嚟試好耐。驚 lunch time 多人, 特登提早 20 分鐘離開 office 去等位。見地方唔係好大, 但係全場有好多植物, 環境令人好舒服。叫咗一個意大利飯配沙律, 同事就配紫薯湯, 成碗紫色嘅湯, 賣相好吸引! 我哋都認同食材好新鮮, 份量啱啱好, 食完之後成個人都覺得好 fresh!不過唯一美中不足嘅就係安排客人入座嘅方法, 話說我哋一共 3 人去食, 我哋嚟到嘅時候係排第二, 但係排隊期間, 個職員係咁安排喺我哋後面嘅兩位或者一位嘅客人入座先, 我覺得對我哋好唔公平囉, 我哋咁早嚟就要排咁耐, 遲過我哋嘅就有得坐先, 可唔可以喺呢方面改善下呀? 其他方面我覺得冇問題。

假日係最適合拍拖行街既日子，今日同女友睇完一個有趣又刺激既展覽後，就一齊去搵野食。我地最鐘意就去去一d特色既cafe嘆tea，之前去過貓貓cafe、兔兔cafe，及其他文青cafe。最鐘意就係一齊歎美食，一路觀賞周圍既環境，一路談心。之前從網上既1d網站介紹，原來香港有唔少cafe既，係呢d cafe，入面種左唔少既植物，令食客好係置身於森林一樣，親親大自然，而其中一間呢就係ovo cafe，我地決定要黎試一試。呢度既環境真係唔錯呀，好多草，又有樹，有名種唔同既植物，最搶眼就中間既。筆者一入黎，就feel到1種好清新好frush既感覺，個人都精神d青春d。呢個沙律真係好正，d波菜好幼嫩，還有可口脆脆粒粒和提子乾。d蘋果片好甜好清新，過有細細粒又甜既蕃茄仔。配合yoga酸酸地一起吃，真係perfect match~~!!牛肝菌意大利飯好香，離遠已經聞到陣香，意大利飯煮得剛刪好，又不會太濕，又不會太乾。牛肝菌味極濃，刺激了筆者的食慾。還有美味的火箭菜和芝士片，值得一讚。

我不是素食者，但一星期總會有兩至三餐前往我最喜歡的素食cafe店。簡中清清腸胃也不錯！今天點了個芝士甜椒意大利飯。不要看造型孤寡，萬白叢中有一點點色彩，甚為吸睛。芝士溶化浸入飯中，多了幾分芝味。淸甜的各式椒也起了很大作用，清淡得嚟又帶點味覺。Cappuccino無須講太多，每次都是它的忠實粉絲。濃郁甘香。每次都感受到完美的一頓午餐。

幾年前同朋友來過OVOCAFE, 今次同另一半造訪緣石前來食一個靚午餐餐廳環境和以前一樣，充滿著綠色，在綠色的環境吃一個 All Day Breakfast是一種多麼好的享受呢今日外面落著大雨，不需要輪候就可以進入餐廳Order餐要出去先付錢order, 服務員會送餐到自己的座位, 餐具需自己外面取, 感覺都算幾smooth我和另一半都選擇All Day Breakfast, 本來想試下lunch set, 但週末假日是沒有的我們每人都選了朱古力咖啡，朱古力味濃, 不過自己會希望有柸更熱咖啡All Day Breakfast最吸引我的是牛角包, 面是麥包, 這様配搭很match, 其餘也不錯, 唯是冬菇不太熱整體來講, 環境氣氛是不錯的, 始終大家都好懷念街市地標, 食物方面希望可以再更上一層樓，這樣才是色香味俱全, 最緊要另一半滿意

繼試過上環OVO的午餐後，對它一試傾心，今天要到灣仔買點東西，便特意走過來試試灣仔這間分店。小妹都找了一陣子，進店內，有置身花園般的感覺，由於都頗多人，我只能坐Bar枱。 見到這個午餐餐牌，好像找不到一樣自己想吃的，不過專程來到，就試試吧！ 是日餐湯，南瓜湯，這個湯像是近期熱門，很多餐廳也用此作餐湯，這個湯南瓜味濃，口感細滑，咸度剛好。 選了我最不喜歡的墨西哥菜，這個墨西哥夾餅，內有茅屋之士、蕃茄、菠菜，這些配搭乃穩陣之選，味道不錯，不過口感有點寡，味道ＯＫ，不算有驚喜。 這裡是自助形式，先買票，再有店員送餐，無service下要收這個價錢，食物又普通，有感不值，實在和上環分店差太遠了。

星期四，又是練歌的日子🎤。因練習地點更改到灣仔，兔小妹便相約友人放工後到灣仔吃點簡單的，再回去合唱團。相約灣仔地鐵站見面，原本打算隨便吃個快餐便算。可是，友人最近胃口不太好😯，想吃得清淡一點，但又不想吃粥麵，兔小妹想起附近有間挺具人氣的素食餐廳 OVO Café, 便提議到那兒用餐。從地鐵站走約十分鐘，就來到由昔日的舊灣仔街市活化改建成的 OVO Café 了。從店外窺探，餐廳內滿佈綠色植物🌵🍀，猶如一個迷你森林🌳，不說的還以為只是間大型花店，怎會知內有乾坤，經營一所健康素食店呢~餐廳面積不大，位置不多。我倆因為沒有預約，地下的座位早已給預留了🙈，只得坐上層的吧檯。但這也好，景觀開揚之外，還可以環視整間餐廳。👀以健康素食作主打的OVO Café, 餐牌當然少不了沙律，還有少量的意粉🍝﹑意大利飯🍛﹑薄餅🍕及麵包🍞供選擇; 相對飲品則選擇較多，有各口味的咖啡☕﹑花茶和沙冰🍧。至於價錢，還算可以接受吧。兔小妹點了芝士忌廉牛肝菌🍄意大利飯 ($118)，而友就點了嫩菠菜蘋果🍏沙律伴燕麥脆片乳酪 ($78)。餐廳是半自助形式的，客人先到收銀處點菜付款，然後拿好木牌回到座位，職員便會送上餐食。而餐

Firstly let's just say that the atmosphere and appearance of the cafe is stunning! Also the staff was very lovely on explaining what was on. The food I wouldn't say was amazing but it was definitely nice! Would revisit and recommend.