OVO CAFE

營業中

休息中

跟朋友在灣仔找午飯吃，盲矇矇地闖入這素食餐廳。一進門不覺得是一間餐廳，因為門前是售賣植物的地方，環境十分優美！至於食物，我們點了兩份午餐，我自己吃了泡菜意大利飯，配有南瓜蕃薯湯，湯夠味，但飯偏重味。朋友仔食雲吞都覺得味道偏重。

超中意食刀削麵。個冬蔭功汁掂到爆！杰杰地，又夠辣。同埋都幾大份，差D食唔曬 朋友的 紅菜頭茸燴意大利飯配法邊豆、雞心豆、珍珠荀、鮮菌我試咗少少，幾好味，好鮮甜同creamy呢個蒜蓉包唔同出面西餐廳嗰D，個包本身冇蒜/牛油嗰D，只係加咗細細粒黑蒜。烘到脆脆地幾香口個烤白蒜好正～

平時成日食肉多難得試試素食。之前未去過舊灣仔街市，故不到這座建築物咁靚，圓形的外表，現代綠化的內部裝飾好適合這間餐廳，裡面還有間花店，滿室芳香。食物方面：我們點了superbowl, 瑪格麗pizza 及意粉。superbowl有驚喜，紅菜頭、牛油果、無花果、三色藜麥、沙律菜非常夾又美味。本身麻麻食紅菜頭，但這個佩得好好又飽肚。Pizza方面車厘茄、火箭菜+芝士不錯。可惜意粉有點辣所以食不到太多。今餐食得好enjoy 及relax。

次次約親食飯唔係韓燒就放題😣😣我個胃都頂唔順😑，係我強烈要求下，友人們終於同我食返餐green Monday dinner 🍴 既然咁難得嚟一次素食主義，千選萬選終於揀咗e一間晌灣仔舊街市入面環境都好舒服😌我們各人都係叫咗dinner set包沙律🥗主菜友人點主菜 （類似野菇意大利飯）是日湯-係粟米湯（普通😑）餐飲我點咗杯cafe mocha 整體來說，食物質素普通😯，係屬於食環境果type，個人覺得同朋友傾下計，食少少野就好，如果一心諗住為食而去就可能會有少少失望🙄

雖然餐廳以素食為主打，但味道絕對比得上其他餐廳，絕對絕對值得encore burger 味道好juicy 一d都唔乾，有大啡菇仲有素肉 菠蘿 蕃茄 生菜！好充料又好味，叫set好抵食 墨西哥脆片又係超脆口 好味到爆！有superfood 既菜同果仁 蘿蔔 蕃茄 杏仁 加醋 ，完全係超越味噌的享受，唔鐘意食菜都要引唔住食多幾啖！另一個沙律有蓮藕片 紅菜頭 麥 菜 麵包，麵包既口味非常特別 絕對唔係hea果種，食落去感覺就係新鮮同健康！Pizza又係勁好味，上面有d苦苦地既菜，但係口味唔會乾同重口味～甜品為晚餐完美地總結，蘋果肉桂waffle好好味，waffle品會太甜 亦烘得剛剛好！三個字總結：無得輸！^^

Boxing day呢晚同朋友去利東街影完相就諗住搵問靚靚餐廳食晚餐，行行下就搵到呢間餐廳。一入到去就俾個環境吸引住，啲植物令人好relax!由買野食，到拎餐具同斟水都係自助形式，我都幾鐘意，夠free呀嘛。首先黎個精選雜菜沙律配香橙醋汁，沙律菜幾新鮮，加埋個酸酸甜甜嘅汁，成件事好fresh好開胃。瑪嘉烈芝士薄餅係薄批黎，芝士拉到絲，蕃茄仔酸酸地，完全唔覺得膩每一條長通粉都俾香草醬包着哂，好滿足。牛肝菌寬條麵一黎到就好香，見到都流哂口水蒜香意粉都幾辣，但辣得黎好刺激惹味！雖然幾好味，但可惜價錢都幾貴下

星期天朋友相遇天朋友食素的當然遷就他吧偶然食一下素也是好事環境優美以半自助形式經營選好食物了後到收銀處下單職員會自動送上今日餐湯是南瓜湯滿滿的南瓜蓉素漢堡配墨西哥片墨西哥片香脆停不了口素漢堡多層次番茄菠蘿菜不得不讚 菠蘿燒到恰當好處又甜又多汁超級正

近年香港開咗唔少西式素菜，呢間係其中一間我覺得唔錯嘅，特別係午餐，78就有一個主菜,加沙律/咖啡/甜品，食得健康之餘亦都好滿足餐廳係舊灣仔街市入面，旁邊仲有個小小嘅地方賣植物，係餐桌上都有啲小植物點綴，雖然可能唔夠陽光嘅關係佢地唔係生長得好健康。室內以木傢俬為主，感覺比較放鬆，如果一個人我通常坐佢係收銀旁邊嘅位，高咗幾級樓梯可以俯瞰成間餐廳。午餐通常有三至四個不同主菜，佢地嘅risotto好香，麵包同墨西哥nacho就會配粒粒蔬菜同芝士，仲會有齋喇沙或者其他東南亞粉麵，幾得意，但個人認為都係西式岀色啲~我通常都會加咖啡，有次都有加沙律不過份量就小咗啲，雖然係素菜，但其實有唔少澱粉質同多數有芝士嘅關係都幾飽肚。飲埋杯咖啡，發呆一陣就又要番去開工！

This is a cute self service cafe that caters to the somewhat healthy conscious crowd. There are lots of veggie options and everything is tasty. I like the different flavors they have and it’s quite comfortable to sit there. It is a bit inconvenient that it is located in a hotel but yet they do not accept credit card payments.

家人係素食者，家庭聚會就會揀素食餐廳今日揀左呢間靚靚素食餐廳，環境佈置幾靚同舒適，食物個樣都唔錯，成餐我只覺得杯Latte唔太得黎到餐廳，家人已點好食物，個人最欣賞個意大利飯，味道幾好。素漢堡，大大片鮮菠蘿，多汁清甜，完全蓋過素肉漢堡的味道Pizza , 夠脆夠薄，ok4個人，每人百幾蚊，合理其實香港素食者都幾幸福，有好多唔同選擇，而且好多素食店都有水準，呢幾年在香港相繼都有好多素食店開將，相信同香港人愈來愈多人轉食素有關不過，最緊要keep住水準，做得好，自然有人欣賞

同友人A相約灣仔皇后大道東LATE LUNCH, 每次來都會諗起羅大佑同蔣志光那首於91年大熱的歌, 91年或者講90年代的皇后大道東同依家有幾大分別? 都應該好大囉! 講返呢間活化建築! 由灣仔街市改建而成的豪宅地下, 只有一間咖啡店/花店同一間家具鋪, 家具鋪以前入過, 幫襯呢間Café今次係頭一趟, 食物以素食為主, 亦有未來漢堡, 但今日唔叫呢樣啦, 沙拉係Baby Spinach and Apple Salad in Granola Yogurt $78 色彩繽紛嘅沙律, 以菠菜做底, 側邊放上開邊車厘茄,青蘋果薄片,迷你紅蕪菁薄片 再兩至三湯匙乳酪, 上面再灑一堆這裡的GRANOLA, 不過我會覺得這GRANOLA同一般的唔太一樣,反而似即食麥片多D, 一般GRANOLA是由雜麥片堆成一舊舊烘焙成相當脆口感的物體, 而這裡的是一片片的碎片,食落除咗麥片食唔出其他乾果片,果仁碎之類總之呢度嘅GRANOLA好淡味 但GRANOLA都有好多唔同嘅款式所以好難斷定佢用的係哪一類型嘅穀物?友人A甚為喜愛佢呢個乳酪沙律汁但我只覺得其實佢唔知有否察覺到沙律內有加到蜜糖?! 講真乳酪同蜜糖

周末做完運動想食light d, 黎到出名既OVO cafe, 試下素食西餐。位於灣仔舊街市既翻新大樓內，落左單後有小木牌俾佢送餐用，幾得意。我叫既長通粉，單點已經$118，無野飲，俾想像中貴好多⋯但勝在材料幾新鮮：pesto sauce唔濃味，整體pasta 唔油同乾身，煮法真係健康d既；olive/蕃茄乾都屬於嚼落濃味果種，唔會有乾貨果種油益味；上面既豆芽仔（唔知叫乜）都好fresh，加上松子又好香，令成碟pasta加左分！不過$118確實貴左d..All day breakfast 吸引好多，蛋蛋好多汁，要加d salt n pepper先夠味；沙律菠菜都好新鮮，唔會放太多油，會抵食過pasta 。另外試左杯mint green apple soda 好好味！唔會太甜，d冰溶左都夠味；但我杯熱朱古力雖然好濃但太過甜⋯同埋超細杯⋯（飲完好似無飲過咁）環境搭救啦，室內環境就好似花店/植物店咁，雖然open kitchen 但唔會有油煙味，光線充足都幾舒服既。（題外話：落完單後等左半個鐘都未有野食⋯遲黎既隔離台上齊晒食物我地先驚覺係咪漏單，一問之下侍應姐姐如夢初醒，見到廚房都即刻攞番

為食脆最愛揾食，友人介紹素食餐廳，果然猶如置身綠色的花園內，品嚐美食，環境舒服也好重要。餐廳雖大，好多影相靚位，但座位有限。我地點了幾樣食物羽衣甘藍雜菜沙律（配香橙醋汁）為食脆第一次食羽衣甘藍，沙律配橙醋汁的味道，好奇妙的味道，完全沒醋味，但成個口腔都充滿橙汁的味道。，果仁有加分，又清新又好味!蕃茄乾松子仁香草長通粉配香草醬通粉有的乾，友人卻話好好食，瞬間又清空了。素漢堡配墨西哥脆片素食的漢堡，賣相好吸引，燒菠蘿好甜，面包烘得脆脆的。瑪嘉烈特芝士薄餅餅底好脆好薄，芝士及小蕃茄又多，沒有油膩的感覺。當然少不了飲品……caffe latte荔枝蘆薈梳打蘋果蜜桃沙冰環境太舒服，令人可以好好享受一個放鬆的時間。

諗住go green, 就選左呢間灣仔餐廳， 環境裝修幾好， 但坐位與坐位太逼， 有時想講下祕密野都唔係咁方便 ... 食物還可以， 但就性價比不高不算抵食Salad 算fresh, 亦有 nuts, 選了香橙汁， 但偏甜 味道ok, 但份量男仔應該唔夠食， $108All day breakfast， 基本質素， 不過不失這間餐廳0服務， 基本上自助， 唔明白點解要用自助形式， 地方不大， 客不多， 但侍應多， 接平常serve 客應ok 試左一次， 都無興趣再試多一次 lu

是晚慶祝本大姐的生日啊 友人最近常皮膚過敏 大家決定清清淡淡食素菜先想當年與友人的第一頓晚飯是在「AVA」是日就在「OVO」自我感覺是個延續餐廳指引在灣仔街市附近 新界/ 九龍人口表示疑惑 但沿住google map其實都算係方便的大路啊 迷路二人組表示欣慰店子比想像中細 但看到綠草如茵既環境 視野心境都開闊了餐湯- 粟米湯 $36 OK以公雞碗放湯 感覺中式 但配上這軟包 感覺西餐粟米湯略嫌不夠濃 Latte $36 OK 橙汁 $40 很喜歡這杯子 羽衣甘藍雜菜沙律（香橙醋汁）$78 賣相靚 食材新鮮 羽衣甘藍處理良好 沒苦澀味菠菜芝士意大利雲吞配茄子番茄汁 OK意大利雲吞皮略厚及乾 汁醬醒神 尤喜歡火箭菜提提味蒜香辣椒扁意粉配秋葵番茄乾 $95 OK蒜及辣度都適中 秋葵夠薄香但太少了 粟米仔亦夠惹味 可惜意粉時間控制不夠好 略乾瑪嘉烈特芝士薄餅 $105 薄餅脆香 芝士香味並非單一化 車厘茄也香甜 兩個人食唔晒 打包左幾件回家 翻熱都仲係香氣四溢 大愛小店採取自助下單再由店員送餐的方式 期間食客都能舒適享受食物及閒談 加上望住咁多綠色既草草草草 都幾寫意架 食素 都可以係一種新享