Outdark (飛達商業中心)

營業中

休息中

慶祝朋友生日選擇了韓國菜，這餐廳人氣、口碑高企，所以好期待去試試。當日平日book左晚餐7點，用餐時間1.5小時，一入坐見到座無虛席，餐枱同椅都特別高嘅設計。海鮮炒年糕大大盤，份量十足，炸魷魚好好食！脆口而且啖啖肉，魷魚唔會靭，炸得恰到好處！炸魷魚底部係配菜同年糕，熱住食煙靭嘅年糕好正，配菜超入味，周圍還有菠蘿，泡菜，紫菜飯，同芝士。泡菜煎餅好多三色椒同洋蔥絲在煎餅上，有少少蓋過泡菜嘅味道，但整體味道好食。香蒜蜜糖炸雞（全份）份量都多，可惜主角炸雞肉質炸得比較乾，有種外硬内乾嘅感覺。薯條唔夠脆，格格脆就中規中舉。藍檸檬梳打🍹只是外表藍色特別，感覺只係凍檸檬水。整體可能過高期待，炸雞沒有想像中好食，但環境坐得舒服。

旺角既韓國野，選擇眾多。而氣氛好野食又好食既，outdark係做得唔錯。環境暗暗地幾有氛圍，門口仲有勁大幅情人鎖既牆🥰🥰🥰真心好有氣氛，而且餐廳暗暗地俾人一種chill既感覺，坐位舒適，岩晒同朋友/情人黎食野傾計👍🏻前菜有蘿蔔仔酸酸甜甜好開胃👍🏻我地叫左幾樣野食，有蜜糖炸雞、牛肉飯卷、海鮮煎餅同埋柚子米酒。佢地既韓式炸雞外表酥脆，入面鮮嫩多汁，口感非常好👍🏻👍🏻雞肉質感嫩滑，口感酥脆，咬下去有很多層次。我地叫左蜜糖味，醬汁唔止增加味道亦都增添口感😍咸甜度度適中，對於唔食辣炸雞既人黎都係一個不錯的選擇😚😚炸雞除左雞，仲有炸薯條同薯格。一樣炸得夠酥脆，沾埋佢地一開始俾既醬，食下食下就清哂。我地都叫左份韓式海鮮煎餅🦐🦑煎餅充滿了海鮮的鮮美風味，煎得非常酥脆👍🏻👍🏻煎餅厚度好夠，外脆得黎，入面除左有餡料既口感，仲有黏黏地既餅漿😚搭配埋佢地又酸又咸帶少少辣既醬汁，味道十分濃郁。整體來說，呢份韓式海鮮煎餅做得唔錯，滿足左我地既味蕾。主食我地仲叫左韓式牛肉飯卷餐廳精心製作既飯卷，切開左個樣好整齊唔會散收收牛肉醃得夠入味，咸咸甜甜，搭配埋其他配料，爽脆青瓜、甜蛋同醃蘿蔔，平衡得黎又惹味，係簡單但回味無

每次去食outdark 都覺得香港人都真係幾鐘意食韓國人，因為次次去食都係爆場嘅，走個陣出面等緊嘅人永遠係有多無少，哈哈。烤牛肉 見佢好似係新出嘅，所以就嗌左嚟試試佢！佢係用一個鐵板咁上菜嘅，所以都會keep住暖，唔會凍晒咁。牛肉份量都多，有啲年糕配埋，底下有洋蔥，金菇同韭菜，唔會好寡咁。芝士豬肋骨 呢個可以話係呢到嘅招牌菜呀，接近每一枱都有嗌呢個。大量芝士配埋好入味好紅嘅豬肋骨，係睇得又食得。店員會幫手整埋，只需要坐定定咁等食就得啦！

係韓式電視劇或者綜藝節目入面，成日都見到主角宵夜會食炸醬麵🍜或者韓式豬腳🐷，睇到佢哋食到好滋味，一路都想試下係唔係真係咁正，終於有機會同🐹🐹一齊黎到呢間出名氣氛好，食物味道正宗嘅韓式餐廳😀。一入門口就聽到餐廳播緊韓式潮流歌曲🎵，座位間隔好大，坐得好舒服，氣氛非常適合情侶黎呢到約會👩‍❤️‍👨menu有齊各式各樣嘅韓國菜式，炒年糕，魚糕湯，辣海鮮麵，炸醬麵，豬腳應有盡有🥰但睇隔離枱樣樣都好大份，於是我們決定嗌住兩樣食住先😆豬腳（Normal size) $288韓式豬腳成日都出現係節目上，今日終於可以一試佢嘅味道😍，豬腳超大份，即使我們嗌嘅係normal size，都足夠兩個人食有餘😆豬腳經過長時間的煮燉而成，豬腳帶有濃郁的肉香味和豐富的醬汁味，肉質柔軟，入口即化，食到滿滿嘅膠原蛋白☺️，而且好有咬口，讓人一試難忘，而且伴碟仲有蒜同埋青，紅辣椒俾我們用黎同豬腳包生菜食🤩，生菜的清爽和脆爽同豬腳的柔軟口感形成鮮明的對比，如果再加埋辣椒醬的話🌶香辣味道能夠為整個菜餚增添更多嘅風味，令人回味無窮😋咁出色，唔怪之得見韓國人宵夜都會叫一份豬腳😆炸醬麵 $108呢到嘅炸醬麵真係超。級。好。味🤗熱辣辣嘅炸

📍 Outdark 🌍旺角彌敦道613號飛達商業中心2樓2/F, Fee Tat Commercial Centre, 613 Nathan Road, Mong Kok📝整體評分：8 ／10🥢魚糕湯 Oppa Fishcake Soup🥢 $218韓國經典街頭小食，精髓在於個湯到，本身個湯就岩岩好，好濃厚但會愈煮愈濃縮，食完先試湯就會偏鹹，建議飲湯先~🥢泡菜豬肉炒飯Kimchi Pork Fried Rice 🥢 $98五花腩肉有少少焦脆又唔會好肥膩，加埋好多泡菜同栗米平衡下，仲有麻油芝麻增添香味。🥢原味炸雞 bonless chicken🥢 $138 (半份)酥脆多汁嘅炸雞，仲有蘸滿芝士粉嘅薯塊，份量好多~

好鍾意食佢呢間的炸雞，甚至旁邊得炸薯系列，都好好味😀😋揀左甜辣，蜜糖蒜蓉兩種味道😀😋..紫菜手球飯😀😀.海鮮煎餅👍🏻.後期芝士愈煮愈濃，就變左有d 咸～不過個pork ribs 都唔錯😀👍🏻.藍莓乳酪。。用乳酪粉沖出來的乳酪，見起韓國都比較多類似產品，味道都唔錯😋👍🏻

Outdark 真係不論幾時都係咁多人星期六日多人星期一至五晚都一樣大排長龍因為真係係好食既，又好坐，無論係兩個人，還是一大班人，都好岩。辣炒豬肉這個辣炒豬肉，配合埋韓色辣醬再加芽菜，真係好香好正。加上佢連爐一齊上，熱辣辣咁食，非常正。每片豬肉都沾到個辣醬，所以好惹味，熱愛大豆芽既我食到每啖都好爽口。旁邊仲有芝士- 熱溶芝士個拉絲感真係好正。另外有紫菜飯，非常好味仲有菠蘿，如果覺得太辣或者太濃，食完又會覺得好清新。辛辣炸雞叫辛辣，有3個辣椒，應該係咁多款裡面最辣。配有薯槍薯條薯寶。食落其實都真係幾辣。佢既炸雞都真係幾正。食落雞件脆 ，而且不會有雪味，個雞肉亦都好滑。比甜辣更刺激🤣兩杯飲品-西柚梳打柚子梳打$38有咁大杯 其實好抵

專係食韓國炸雞嘅專門店，佢嘅炸雞非常之野味，脆皮又香口 ，種類仲有好多，叫埋朋友一齊嚟食真係最好不過， 飲品方面除咗好多cocktail仲有果汁， 性價比都幾高相當唔錯

呢排疫情緩和咗，所以都多番出街拍拖食晚餐，本身老公麻麻哋鍾意食韓國嘢，但係依度就例外，連老公都大贊好食值得encore！加上卡座多，坐得比較舒服😌，座位之間比較闊落，傾偈又方便！我哋最鍾意食呢度嘅炸醬麵，夠晒正宗👍加上麵條勁掛汁，煙韌嘅麵條配上黑蚊蚊醬汁，食起嚟甜甜地好開胃！仲加咗好多洋蔥、木耳、肉片，份量都夠晒多，滿足大胃王！韓國人好興落雨嗰陣食煎餅，所以煎餅都係國民美食，呢度嘅海鮮煎餅好足料，用咗好多唔同款嘅海鮮！譬如有八爪魚仔、蝦、配上大量蔬菜，煎到香脆可口，一定唔可以錯過！第一次試呢度嘅炸雞，揀咗蒜香蜜糖炸雞，原來好好好食🍗唔怪得知見到隔籬枱差唔多台台都有叫啦！個炸雞非常香脆，到肉質非常Juice，蒜蓉味好香，但係又唔會太辛辣，想要辣啲可以點佢提供嘅辣汁。而且配以大量嘅薯條、薯格，又係脆卜卜軟綿綿，而且份量好足，冇諗過份量咁多，如果唔係唔使嗌炸醬麵😂

平日依然好旺場，出門等位既凳仔永遠坐滿人，絕對係好食既保證。餐廳環境偏暗，但座位好闊落，坐得舒服先會食得舒服。呢個DIY飯糰之前有試過，性價比好高，份量多夠曬飽肚。芝士蕃薯條脆卜卜，熱辣辣即刻食，芝士又可以拉絲，超正。芝士豬肋骨賣相好吸引，份量夠3、4人分，店員等啲芝士煮到差唔多之後會幫手過黎將佢撈勻鋪係豬上面。不過同樣要趁熱食，等啲芝士仲係半溶狀態，與鮮嫩多汁既豬肋骨相結合，營造出豐富而美味既體驗。海鮮餅有啲似大阪燒，質感同風味都差唔多。餅上面既材料有紅有綠，賣相非常吸引。唔同種類既海鮮更豐富左佢既口感，份量同樣係多而且都幾飽肚，一定要幾個人share啊！

旺角呢間Outdark間中都會同朋友嚟食下唔單止環境氣氛好好食咗幾年食物水準依然仲keep到仲會有新菜式試下雙拼炸雞 (全份) $208次次嚟親都必點炸雞無骨炸雞啖啖肉 外脆內嫩夠juicy炸粉夠薄 炸得香脆熱辣辣今次揀咗甜辣炸雞同香蒜蜜糖炸雞甜辣炸雞辣度啱啱好唔食得辣嘅都可以試下香蒜蜜糖炸雞蒜味香濃甜甜地好開胃仲配搭咗三款唔同嘅醬汁同蘿蔔另外仲有三款炸物有粗薯條 薯角同薯格超豐富烤豬梅頭肉 (韓式調味醬) $198呢個梅頭肉好有驚喜烤梅頭肉肉質細嫩 唔肥食落爽彈 肉質厚實配埋韓式醬好惹味香口Strawberry Yogurt $48最愛嘅士多啤梨yogurt 味道natural唔會死甜士多啤梨味唔會太搶同Yogurt配合得啱啱好

前排係旺角突然好向食韓國菜，就諗起outdark。好彩當日時間尚早，所以上到去都有位，如果係正常食飯時間想去，就book位好D~ps而家outdark由evening 5pm 開始有得食dinner，可以食到12am！無論幾時來，食物都一樣好有水準。🌟海鮮辣炒麵$108 -食過後一定會覺得性價比好高~拉麵好彈口，配上香辣湯底，越食越辣但超過癮。- 難得嘅係，拉麵好多配料，尤其喜歡大大隻青口，另外仲有墨魚、蝦、菜、洋蔥等🐷烤豬梅頭肉(韓式調味醬）$188-上菜時真係超正，剛剛烤好熱辣辣出曬煙！豬肉texture軟熟有嚼勁，肥瘦均匀，慢滿滿油脂香。-特別欣賞調味，酸甜汁加上粒粒，令豬肉味道同口感更升華。下面嘅金菇更加係精華所在，香口入味，滿滿豬肉甜香。🌟海鮮炒粉絲$98-粉絲滿滿麻油香味之餘夠乾身，仲撈上好多菇、芝麻蘿蔔、洋蔥、紅椒等，配埋小海鮮真係健康得來啖啖滋味。已經好期待再去~~

我終於揾到嗰兩人👩🏻‍🤝‍👨🏽嚟食outdark嘅最佳配搭😚 成日為咗食炸雞都會捉埋男朋友嚟同我食😂 但次次嗌完炸雞都唔知應該嗌咩好，樣樣都想食，但又眼闊肚窄😮‍💨今次嗌咗半份炸雞🍗 要香蒜蜜糖味，呢到除咗炸雞好食，佢啲薯角、薯格、薯條嘅配搭都好正‼️一次過滿足哂我對薯嘅執着😂 仲有原來可以加$28要炸芝士條🧀 另外嗰個就係豬肉炒年糕 $288😚 想食嘅嘢應有盡有😚 有粟米水牛車打芝士、紫菜飯、菠蘿粒、泡菜😚 又足料好好食🤤 啲豬肉就算煮耐咗都唔會Un🤤嗌咗兩杯飲品，今次完全食得哂😚 埋單$638，呢到環境真係好正，傾偈一流😚

同HONEY韓食日，去左OUTDARK食，真的好MISS佢的芝士豬肋骨，點左芝士豬肋骨，另外點左烤牛肉飯捲，芝士甜薯條，同埋點左蜜桃梳打~~芝士炸甜薯條芝士炸甜薯條真的好正，4條小食，拉絲後果一流，熱熱地好好食~~烤牛肉飯捲烤牛肉飯捲真的HONEY最愛，牛肉烤得好好，另外有不同的蔬菜包住，真的爽口又唔會有飽的感覺~~芝士豬肋骨芝士豬肋骨真的好正，職員會幫手整好左芝士同埋加在排骨上，仲會用心地整好曬D芝士系排骨到，唔會有芝士硬左的情況，另外其他有飯，PINAPPLE，同埋KIMCHI ，真的好正的一個主菜~~蜜桃梳打蜜桃梳打唔錯，食左咁多濃味野，真的一流!!

又係我最愛既Outdark ! 又抵食又大份，食完一次無得返轉頭😂😂😂。今日人少少叫3樣野share食，叫左「香蒜蜜糖炸雞 拼辛辣炸雞 $208」辛辣味必點，辣到不能自拔，要狂飲野先掂，但又好過癮，個炸雞超滑。。之後叫個「豬腳 JOKBAL(Large size 600g $318)」，其實係滷過既豬腳，但肥瘦分明，好有咬勁，加上啲生菜蒜頭真係好食。。「海鮮煎餅 $138」都好食，但就覺得蔥味太over，喜歡蔥既應該ok ge. 。野飲好飲！芒果梳打 $38唔甜又夠大杯，Soju 都係$68。