前排係旺角突然好向食韓國菜，就諗起outdark。好彩當日時間尚早，所以上到去都有位，如果係正常食飯時間想去，就book位好D~
ps而家outdark由evening 5pm 開始有得食dinner，可以食到12am！無論幾時來，食物都一樣好有水準。
🌟海鮮辣炒麵$108
-食過後一定會覺得性價比好高~拉麵好彈口，配上香辣湯底，越食越辣但超過癮。
- 難得嘅係，拉麵好多配料，尤其喜歡大大隻青口，另外仲有墨魚、蝦、菜、洋蔥等
🐷烤豬梅頭肉(韓式調味醬）$188
-上菜時真係超正，剛剛烤好熱辣辣出曬煙！豬肉texture軟熟有嚼勁，肥瘦均匀，慢滿滿油脂香。
-特別欣賞調味，酸甜汁加上粒粒，令豬肉味道同口感更升華。下面嘅金菇更加係精華所在，香口入味，滿滿豬肉甜香。
🌟海鮮炒粉絲$98
-粉絲滿滿麻油香味之餘夠乾身，仲撈上好多菇、芝麻蘿蔔、洋蔥、紅椒等，配埋小海鮮真係健康得來啖啖滋味。
已經好期待再去~~
