Outdark (H8)

營業中

休息中

之前見到旺角店好多人等位，心諗下次一定要去試下。琴晚去到話冇book位要等，會超過1個鐘。點知最後要等到2個幾鐘，心諗要2個鐘咁耐又唔講聲...都算。坐低張枱又高張櫈又高唔舒服，叫杯水又要等。幾個人叫左韓式芝士炒雞，望落真係好似幾得。個waitress會幫手炒埋先，又係照舊黑晒面😑。認真乜咁樣煮個雞好食咩？我淨係食到辣同甜，冇雞味一堆濕既粉加芝士炒埋一齊，好食? 之前都食過類似既但中間係鐵板燒還可以，佢呢個整法over晒食甜芝士咁，真係好食?😧😧個蛋煮到熟晒，失敗。煎海鮮餅d油係不合理地多，海鮮冇味又係辣加甜，好食? 唯一可取係紫菜飯團，終於食到紫菜味😂。環顧四週都係女仔，終於明白點解咁多人等，裝修有韓劇feel又星星又暗暗地……食店都係focus番食物質素好，其他野都係襯托黎啫，唔係咩？食完番屋企個胃滯左成日食唔落野，真係冇下次😣😣

炸雞狂迷 呢排隔幾日就想食炸雞🤣 今次去食返都算係韓國炸雞過江龍既始祖👍 佢真係開左好多年喇！半份炸雞 ($119)叫左次次都要食既香蒜蜜糖炸雞🤣 覺得佢最正既位係除左炸雞 仲有好多薯條同薯格 全部我中意既野食😋😋唔會淨係得炸雞咁悶 同埋有好多唔同款既醬😋 雞亦好滑 唔會食到最後覺得個咀要裂既感覺🤣🤣-Sweet potato cheese stick (+28/ 3pcs)本身諗住就咁叫 但原來叫炸雞有得+$28配埋😍 menu話得3條但佢比左4條我地🤣 都好好味😍 仲有d拉絲架！-炭豚飯卷 ($88)好多餡 得好少飯 豚肉亦食得出有炭燒既感覺👍 同埋佢唔係出面食既kimbap 咁油 感覺健康少少🤣-串串魚糕湯 ($198)好comfort food既感覺 如果冬天飲應該好正🤣 好多款魚糕 入面仲有獅子狗 金菇 木耳 白蘿蔔 薯粉等 兩個人呢兜應該都夠飽了🤣

呢次係周末約左朋友黎到尖沙咀嘅韓國菜餐廳，食下炸雞，飲下啤酒，過下韓劇癮，因為成日睇韓劇，見到啲場景都係好似呢間店咁，好有feel。店內好熱鬧，事前好在有訂位，唔使點等。主角炸雞當然唔少得，我地叫左兩隻味，香蒜蜜糖炸雞同甜辣炸雞，兩隻味都各有特色，店員隨雞附送左碟醬汁，但我覺得就咁食已經好perfect，或者留返黎點薯條或者薯塊食都可以嘅，其實呢個份量可能要三至四個人先搞得掂，證明呢個性價比有幾高。之後我地叫左韓式烤牛肉，佢係鐵板上，熱辣辣，炸炸聲太好聽，牛肉食落無起根，易咬有牛味，味道唔錯。炭豚飯捲係好奇想試下，但食落有驚喜，因為餡料好足，而且就算食炸雞食到幾飽，都會想係咁食呢個飯捲，好有魔力。食咁多野，緊係有飲野嗌，我同朋分別嗌左Corona with Blue Curacao Flavour同埋Corona with Apple Flavour，兩杯無論係賣相定味道都係好正。呢間性價比高，環境好，係絕對有下次嘅系列。

長期walk-in都爆嘅熱門韓式黃店好耐無食過喇🥲今次我就醒少少 因為知嗰日會去尖咀就一早Openrice book定位(建議早一個禮拜訂位😉)一坐低就會擺低3個醬汁 + 醃蘿蔔醃蘿蔔正常發揮 都係開胃菜而醬汁有一個茄汁一個辣醬一個類似甜蘿蔔?嘅嘢辣醬就同甜辣醬有少少相似 係辣少少DIY Rice Ball $45 🙆🏿‍♀️之前都次次叫 覺得幾特別其實啲料好簡單但撈埋一齊好特別仲緊要熱辣辣咁食 好正😋蟹籽絕對更加口感搵日有閒情逸緻喺屋企都可以試吓整韓式紫菜 蟹籽 飯 (想香啲 可加少少麻油)🤤🤤雙拼炸雞全份 (原味 x 甜辣) $192 🙆🏿‍♀️一上枱依然覺得好大盤因為佢除咗炸雞仲有薯條 薯角 薯格上面仲要撒咗啲芝士粉而炸雞方面 原味無乜味都正常 但稍嫌少肉汁感覺就會有啲乾 同平時韓式炸雞爭少少咁🤏🏻個人覺得李家好食少少 (但李家就未見有立場)但都合格嘅相反甜辣炸雞醬汁味道適中👍🏿令舊炸雞增加層次感如果佢啲醬再多少少就perfect池士多啤梨乳酪奶昔 $45 🙆🏿‍♀️比較重奶味 味道算唔錯但小妹對牛奶同乳酪都麻麻 唔會係首選如果鍾意呢2樣嘢嘅就試吓啦😆芒果梳打 $34 🙆🏿‍♀️嗰日炎熱

與朋友短聚燈光比較暗，尤如餐廳名字 outdark 的特色環境舒適限餐時間為1小時30分飲品：Mojoto Ade 味度帶點兒7upIce Peach Yuzu以上三杯飲品已叫餐廳少甜，還是有點甜Corona + 檸檬食品：香蒜蜜糖炸雞辣炒豬肉海鮮炒粉絲炸雞加上了醬汁變得不夠酥脆有薯條配上薯格加回少許分數辣炒豬肉配上大豆芽菜顯得更加美味肉配上芽菜剛剛好，不會太油膩芝士味道不夠濃厚海鮮炒粉絲味道剛好不會太濃或太淡顏色鮮豔有青椒洋蔥配上海鮮💓

烤牛肉炒粉絲～上枱熱辣辣，有青椒絲和少量洋蔥，甜醬油風味嘅牛肉都幾嫩滑，唔會太油，提升整個粉絲嘅味道，肉汁滲入粉絲同埋椰菜，更加突顯鮮味。份量唔算好多，我哋食完仲唔係好夠喉添🥰豬肉$288～原個拼盤鐵板上，用outdark特製辣椒醬配上香濃芝士，配菜有飯團、燒菠蘿、粟米芝士、蛋，仲可以refill添，窩內有以前韓國掃街一定會食炒年糕，但係呢度用咗得獨特嘅辣醬代替辣椒醬，甜甜地，令味道更上一層樓。

✨就好似去咗韓國嘆cafe咁幸福🥰雙拼炸雞全份$192～原味加蜜糖炸雞🍗，$200都唔洗嘅炸雞，可以咁大碟😍上枱嘅時候我哋都感到非常驚喜，除咗波浪形嘅炸薯條之外，薯條夠粗身，外面脆卜卜，內有薯蓉。炸雞食落有Juicy感，有肉汁，唔會太乾，好高質！烤牛肉飯卷$88～有新野呀😍，韓式飯卷同日本嘅分別，我自己覺得係飯嘅份量比較少，相對著重餡料比較多，而且以熟食為主，所以小朋友都會啱食，飯卷嘅牛肉好入味，同其他配料好夾，配搭咗酸蘿蔔同埋紅菜頭，特別開胃🙌🏻

好多朋友都推介我食outdark今日終於試到😋店內燈光偏暗 有好多星星裝飾 好好氣氛 ⭐️✨芝士炒雞份量夠2-3人食 我地兩個人食完呢個已經食唔落其他嘢😂等到芝士開始溶嘅時候 會有店員過嚟幫我地撈唔使自己整😌芝士超級多 好邪惡個sauce有得揀普通或者辣味我地揀左普通 都會有少少辣 除左雞之外 佢仲會有啲年糕係入面 年糕好煙韌 好食佢側邊仲有雞蛋卷 紫菜飯 泡菜同埋菠蘿粒

之前聽好多朋友講過哩間餐廳,但都未試過,終於就到時間,決定放假試下,今次揀左下午食無咁多人!!食物方面:⚪️芝士豬肋骨(韓國雞蛋卷.水牛車打芝士.泡菜.菠蘿.紫菜飯)上枱後店員會幫手炒芝士,熔哂之後就可以食啦!排骨好入味好淋,微微辣味配埋紫菜飯好夾😍加埋芝士又有另一份風味.蛋卷好滑.唔錯!⚪️烤牛肉飯卷好足料大大件壽司,好香麻油味,🤪烤牛肉好香好好味!!⚪️士多啤梨奶昔超濃郁好滑既士多啤梨奶昔,有士多啤梨既酸味好正,而且唔會太甜👍⚪️Peach Flavor Corona食韓國菜必飲,今次揀左Corona酒,酒味唔重好易入口,好香桃味.大大杯!!整體方面:餐廳唔算好大,但裝修好有氣氛💕食物都幾好食,真係有韓國既感覺.見到有部分店員都真係韓國人,有種短暫去左韓國既感覺!!

1️⃣豬手 (Normal size)🐷🖐🏻首先個份量係大到令人產生懷疑，上台後特登同oppa確認呢個係咪真係Normal size。Oppa斬釘截鐵咁話yes! OK Fine, 大到咁，你贏🤣 食物方面，每塊豬手肉切得大小均勻，上方豬皮、肥膏、精肉既位置恰到好處，食到香膩肥豬味🥰 最中意個韓式醬，點落去錦上添花。豬手底有一堆乾淨，炒熟左嘅椰菜，好食又解膩🔥.以下特登擺包Tempo比大家感受下個巨大程度🌝🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸2️⃣ 倒掛1664呢款gimmick野好多年前已經興起，藍色呢隻係橙味，但飲唔出橙味，幾乎成杯都係1664🤣🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸間野咁熱門，好彩提早成個月訂咗位。有趣既係，就算book左位都淨係留檯5分鐘。更有趣既係，樓下上樓搭𨋢條隊長過長城，晚飯時間起碼排到去厚福街中間。預少啲啲時間都食唔到呢間野😌🌝.另外，落單嘅係韓國oppa，雖然間野黑咪蚊但都隱約睇到係個靚仔oppa🥰😏.Secure!

好耐冇同朋友仔食飯，所以就決定咗嚟呢間好出名嘅韓國餐廳嗰度食啦以前呢好似都係有好多韓仔侍應嘅但係呢而家呢就多數都係香港人得返個疑似係老細嘅係韓國人咁樣😂可能係因為疫情返晒鄉下今次都係叫咗最出名食嘅炸雞， 蜜糖未係最好食嘅，因為今次人少少再食咗半份算啦。另外就叫咗一個之前冇叫過嘅泡菜海鮮烏冬，個樣睇落好啦但係識落其實都可以接受，問我仲有叫咗一個泡菜豬肉炒飯上邊仲有隻蛋添，另外最後叫咗一杯嘢飲就係藍莓smoothie🤪感覺可以清新d同埋冇咁熱氣健康啲嚟咗咁多次都係覺得呢度好友韓國氣氛，好似去咗一個短暫嘅旅行咁，同埋啲食物又唔會太油膩，食落加埋呢個嘢飲剛剛好，所以下次想食炸雞嘅時候都會過嚟，份量都幾多適合一班人一齊食

最近疫情好轉， 雖然仍不能飛， 但可以跟朋友外出用膳， 還是覺得很高興。今次就挑了吃韓式料理， 特愛辛辣濃味菜式。這家餐廳的菜單非常全面， 而且都是很下菜的， 有鐵鍋烤的、湯鍋、炸雞、飯卷等等。可惜今日我們只有兩位，不能點多， 如果人多可多點幾款再分享。我點了芝士炒雞，因為在家很少會做要溶芝士的項目。這盤芝士炒雞其實是一鍋到底，同時有不同配料。除了主角大量芝士配已經炸過的雞件之外， 附加有年糕。周邊有雞蛋、紫菜飯、菠蘿及泡菜去解膩。飲品隨便點了Mojito, 日光日白就不好意思喝酒呢。炒雞份量十足，雞肉嫩滑， 其實兩個人吃都會覺得有點多。芝士混和著雞同年糕特別好味， 不過如果可以再辣一點更好。下次來想試炸雞呢。

呢排睇得韓劇多，見到劇中好多街頭小食，又掛住之前去韓國嘅美食，去食韓國菜解下心癮先。一出lift見到成個牆都係鎖，好有特色。串串魚糕湯 $198呢個係韓國街頭係必食！有幾款唔同嘅魚糕，粉絲，香菇，年糕等，魚糕好有咬口幾煙un，估唔到仲有鵪鶉蛋同蘿蔔，好入味好食。豬肉炒粉絲 $88醬汁好惹味，豬肉肥瘦適中，炒到少少焦香，材料都幾豐富，有木耳，紅青椒，紅蘿蔔等，粉絲唔會過林仲有口感。炸蝦飯捲 $88炸蝦炸到脆卜卜，材料有青瓜，醃蘿蔔，蛋，生菜等，一口食，層次豐富。柚子梳打 $34柚子味好濃郁，酸酸甜甜咁，好解膩。

一入門口就見到掛滿愛情鎖嘅牆入邊係偏暗嘅燈光加上滿天星感覺浪漫星期三嘅午市唔算太多人可以靜靜享受一吓環境嘅情調～韓式烤牛肉 $188BUTTER FLAVOR BEEF BULGOGI 牛肉用醬油蜜糖同蔥蒜醃過食落唔油膩，有少少辣椒更加惹味開胃用鐵板上，咁可以keep住溫度配菜仲有少少金菇同年糕年糕煙韌有咬口，配甜醬油好食～豬肉鍋 $288PORK邊食邊用gas爐煮住雖然睇落紅卜卜不過其實只係少少辣醬汁係偏甜帶辣幾惹味，豬肉爽口配粟米車打芝士勁香芝士控仲可以要 extra cheese仲要有紫菜飯，食完真心飽Staff有禮貌同熱情有主動問要唔要水同會間唔中過嚟睇住個爐總結:價位中上，有質素可以encore因為仲有仲想試炸雞同米酒

係尖沙咀行完Cotton On掃減價貨，緊係去厚福街搵野食醫肚。.忽然想食炸雞就揀左呢間OpenRice 火熱韓國餐廳。.打開lift門，一幅扣滿愛情鎖既牆映入眼簾，去過首爾南山塔一定知我講咩，所有韓國旅遊回憶逐一浮現。.坐底打開餐牌，見到餐廳簡介先知原來係由釜山開業，2015進軍香港，開到宜家。.📸️蒜香蜜糖炸雞 半份$118 雞件痴滿蜜糖醬，蜜糖味道比蒜味重，雞件咬開嫰滑、有汁，一碟有好多薯條同薯塊，兩人share岩份量。.📸️ 烤豬梅頭肉 $188 👍🏻👍🏻梅頭肉好軟熟，咬落去又有啲彈性，醬汁好惹味，配個飯更滋味。.📸️烤牛肉飯捲餡料豐富，飯質地適中，滲出牛肉香.📸️ Strawberry 🍓 Smoothie 乳酪溝士多啤梨醬搞拌，好香，好滑。.📸️西柚梳打汽量足夠，啖啖清爽，搞混唔會太甜