Outback Steakhouse (形點 I)

營業中

休息中

好耐好耐無食outback 既然生日 就黎食下啦叫左西冷牛 12oz 加左$32 要沙律同薯條 另外配蘑菇湯 牛扒叫左五成 但送到黎唔似 有啲老雞肉意大利粉 $148好多芝士喺面 份量少左好多比之前 唔太值依個價錢 以前仲有兩塊蒜蓉包 依加無咗 雞肉份量都好少咁耐無食 質素差左好多 應該唔會再黎

我其實係第一次寫食評, 因為真係太差, 今天的午餐 order 咗匯豐咭推出嘅美國穀飼斧頭豬扒2人套餐, 首先嚟指定麵包, 之後就餐湯, 但唔熱且面層多油, 然後就係沙律, 不過份沙律就好似將其他客食剩嘅沙律撈埋一齊咁, 話明2人套餐, 又冇碟喺枱, 要叫服務員攞至比, 仲要比面色我哋睇, 跟住嚟海鮮意粉, 侍應只放在枱邊就走咗, 呢度菜叫做煮得好啲, 之後見到主角 - 穀飼斧頭豬扒, 外觀都唔錯, 但一切開就失望, 成塊豬扒熟晒, 我哋叫7-8成, 咁我哋以為外圍有可能熟晒, 可能中間會好啲, 再切都係失望, 跟住同門口同事講, 但佢仲話有小小粉紅就係啱 我即時比碟上嘅豬扒佢睇, 全白色且鞋, 佢至肯叫經理過來, 但仍然冇講一聲唔好意思或對唔住等禮貌語, 經理過嚟後都話係熟晒, 都同我哋講唔好意思後, 就見議我哋可 order 另外嘢食, 因煮豬扒會比較耐啲, 於是就 order 另一個 set, 豬助骨配烤雞套餐, 嚟之前侍應將我哋啲污糟碟收咗, 換2隻乾淨碟及用回我哋用過的刀义, 但就收了我朋友的刀, 以為會比回我哋, 怎知又係要問佢攞至有 又係要睇面色！有刀义後就食烤雞, 點知

Lunch time 大約1:30去食，排隊等位大約等五台客，等左15分鐘就有位坐。二個人叫左三個餐，正所謂眼闊肚窄就係我哋呢啲女仔😂黑糖麵包係幾好食，上熱門菜式合情合理。不過想講侍應唔知點解俾咗個全新嘅黑糖麵包，但係就配一個有人用過而且用晒嘅忌廉兜俾我？？😨我見到咁嘅情況問侍應可唔可以俾個忌廉我？侍應竟然答我你係咪需要refill.........我話我都無用過，個麵包都仲未食，係你擺底個時個忌廉已經有人用過你再俾我😅個侍應先話唔好意思拎新既俾我.....燒肉醬味豬肋骨外脆內軟，入面啲肉係超軟熟超淋，每一啖都食到有醬汁味，反而薯條就麻麻地。雞肉芝士夾餅口感幾得意，黃色嗰個醬汁甜甜地，我將啲醬汁倒晒落塊芝士餅上面，配搭埋一齊幾好食蕃茄肉醬意粉普普通通冇咩特別不過唔難食，最後因為眼闊肚窄嘅關係，呢個意粉係食唔晒要拎走返屋企食嘅😂其實係因為Lunch time每間餐廳都排長龍，見呢間小人排啲先食㗎咋，有得揀其他都會試其他。

晏晝四點左右, 本黎想飲茶, 不過幾間都已經無左茶市同堂食, 所以就去outback食 , 相信唔少人同我一樣因為酒樓已經無堂食, 所以outback裡面差不多坐滿. 套餐十二款由$88-$218, 有湯, 好味黑糖包, 主餐同一杯飲品,飲品可叫茶, 咖啡,或汽水, 主餐有沙律, 意粉, 飯, 豬肋骨,牛扒, 鮮柳, 漢堡, 我同朋友叫左燒雞肉芝士夾餅, 同植物肉漢堡, 兩款有跟左薯條, 燒雞肉芝士夾餅我一向好鍾意食, 因為裡面芝士好厚, 夾埋雞肉清清地好好味. 至於植物肉漢堡既植物肉口感同味道好似食緊肉咁, 都幾好味, 可以試下🍔🍟

預計取餐時間只有15分鐘揀，咁我提早揀定，佢顯示預計取餐時間18:16，去到未拎得。唔緊要等一陣，但等極都未有，最後取餐時間18:47！咁我提早預定有咩意義？仲要我主動去到問先知原來拎得，個app仲係顯示「準備中」。食物如果等得耐又會凍晒，唔好味，建議安排人手搞搞個外賣情況，一係就唔好joinOpenRice 外賣自取。

因為媽咪未食過黑糖包，所以帶左佢去outback試試。黑糖包相當鬆軟，而且份量唔細，不過就唔太熱，亦食唔出黑糖味。叫左2個set，一個係香辣蝦炒飯，佢有少少地中海風味，加左唔少香料。一條條脆薯絲，令口感更特別。另一個叫左墨西哥脆餅。佢整得都唔錯，不過就太膩，食2塊都頂唔住，建議蕃茄仔數量可以增多少少，特別係烤過，會開胃d。反而值得一讚係薯條，烤得好脆，唔會一口粉既感覺。至於餐湯就不過不失，埋單2百可以接受，不過黑糖包比之前食差左d，短期未必會再去。

其實這間餐廳的東西質素是正常的，勝在份量足，頭盤熱辣辣的麵包無限供應值得欣賞！只可惜以往一直套餐包括的西湯及沙律，現在只有包西湯，沙律沒有了！如果你要吃沙律，便要另外再點。另外值得讚的是這裏的湯曾經是不冷不熱的，我曾經投訴過，之後發覺的確有改善，上菜的湯都是熱的。在今日百物騰貴的香港，$100左右有一個套餐包括湯，無限量麵包，主菜及餐飲的午餐其實性價比已經是10分高了。套餐中我會推介黑毛豬，好正！

因為疫情好耐冇出街食飯，好掛住黑糖包🤤一坐低單都未落就食咗兩條黑糖包😂原來餐牌已經唔同晒，好多小食都冇左😢肉眼扒🥩叫左五成熟，嫩口多汁蜜糖蒜頭：唔夠甜，比以往失色羽衣甘藍沙律：太多洋蔥粒，反而主角羽衣甘藍得幾片😢味道尚可炸蘑菇好好味😋 外脆內軟，入面粒菇唔會好乾身，多汁👍🏻配埋醬料一流炸洋蔥每次黎都必叫，但今次有d失望😔炸過火啦，濃左🤯🌚味道苦苦地，唔好食👎🏻黑糖包😍😍😍必食！必食！必食！黎outback冇可能唔食😤剛剛焗起上碟，微暖，點朱古力醬 / 牛油一流依家諗起都想食🤤🤤🤤

Outback最出名嘅當然就係「黑糖麥包」，雖然預咗元朗分店呢間服務態度唔係咁好...食物質素比起其他幾間分店都係屬一般，但係因為太耐冇食個黑糖包，所以好掛住佢，於是今日lunch就同朋友兩個人嚟食！「黑糖麥包」依然冇令我哋失望，微暖嘅飽切落去好軟熟，沾埋個忌廉醬，感覺真係好幸福！可惜個沙律賣相就差咗啲，望落去已經唔係好想食，而且啲菜都唔係好新鮮！我同朋友分別叫咗豬胺配飯同埋鱸魚配飯！講真比起元朗其他高質素西餐廳，元朗呢間分店喺服務食品賣相方面應該要認真改善下！

平日來outback 晚餐，都唔少人，要等左一陣位，很多人買外賣，因為都幾優惠，今次我哋嚟食堂食，都有好多做緊優惠的餐選擇，亦有匯豐信用卡的優惠餐，這晚我們點了一個豬肋骨配薯條晚餐和加拿大無激素黑毛豬肉眼扒餐，朱肋骨肉質比較林，有啲似煲完湯的湯渣感覺，個人喜歡有啲咬口多些，而叫黑毛豬肉眼扒時都有講明係七成熟，果然冇咁嚡，不過黑椒汁就真係唔係幾似黑椒汁，個汁真係麻麻地。雖然晚餐做緊優惠價，不過只有湯，而沒有包餐飲。連小食都有好幾款做緊優惠，眼見很多枱都有點小食，我們也點了香辣炸雞鎚，有成八隻都唔少，辣味就唔覺，不過都很惹味。現在連基本會員都可以優惠價上再九折，抵食，服務都唔錯。

最近疫情緩和，即刻約好朋友食個lunch係商場周圍搵下睇下有咩岩食，而好朋友話想食意粉，經過outback見到個餐牌都唔錯，咁就試一試先我同朋友都叫左個午餐，芝士白汁大蝦意粉，送黑糖麵包同餐湯一黎就黎左個黑糖麵包比我地食，食落都好新鮮滾熱辣，再配埋個醬都幾好食而個芝士白汁大蝦意粉真係好出色，賣相已經好靚，個面頭仲要有芝士醉，食落勁重芝士味，仲有蒜蓉包做配菜不過食到一半就已經好飽，太膩整體黎講都好滿意，值得推介既西餐廳

之前啲人要等成鐘，今次由落order到取餐大約25分鐘左右。不過外賣質素比堂食差很遠，烤雞好乾同"鞋"，蝦亦一樣。。。。 但黑糖麵包ok.一分錢一分貨，係平左但我寧願下次留番堂食

冇堂食諗住幫襯吓Outback外賣支持吓⋯點知叫咗個香辣燒蝦飯點知一隻蝦都冇⋯由面搵到底一粒蝦殼都冇⋯好失望😞😞係咪違反商品說明條例呢🙄🙄仲有條包包⋯明明招牌菜都硬蹦蹦⋯冇曬胃口吖🤢🤢

今晚試咗Outback外賣半價，用Openrice落單，準時拎到外賣，嗌咗燒雞肉芝士夾餅，芝士白汁燒蝦寛麵，澳洲安格斯牛肉芝士漢堡，兩個黑糖麵包，兩個人食$216。燒蝦寛麵-食落係普通無殼急凍蝦仁，同整體有啲乾。澳洲安格斯牛肉芝士漢堡-個漢堡唔係全熟嘅，打去問，職員話係正常，話預啲客返去會翻熱，所以係七成熟上，我驚漢堡會溝啲豬脂肪豬肉，但職員話係全安格斯牛，味道就一般。燒雞肉芝士夾餅-較上兩個好食。

上星期六開始outback 出左六款半價食品第一日出甘岩放假，梗係要試下平時yoho outback 都係多人，今次半價梗係要一早打去叫定因為outback 網有寫openrice apps 都可以叫到點知apps 係叫到尖咀，cwb 分店，但元朗店係唔得架！！最後唯有打電話落去叫，都要打左一陣先通，講明七點拎本身叫左大蝦沙律同海鮮意粉點知佢六點半話大蝦賣哂，甘我轉芒果雞肉意粉但我五點幾已經落order..照計唔係應該留左一份比我架咩。。點會六點半先話賣哂不過第一日做半價，可能做得唔好掛？七點去到門口已經超級多人，仲話唔接單添真係好彩叫得快呀海鮮意粉d 料都算足，意粉量都ok但點都唔會係堂食甘好食架啦沙津份量感覺比堂食少d, 芒果得勁幼一條好彩d 醬料比足哂～外賣都有送黑糖包依點唔錯～～百四蚊三樣野，食飽兩個人，就算水準比堂食差甘d, 都可以接受最好就間唔中換下個六款啦～大家想食真係提早order 定呀