Outback Steakhouse (形點 I)

營業中

休息中

假期放假, 午餐想食牛扒, 最後選擇左outback. 中午好到, 人山人海, 超多人等候. 好彩餐廳地方比較大. 人流比較容易疏道. Outback 的午市套餐性價比確實高, 價錢由$88-$228, 豐儉由人. 每個套餐都包餐湯, 包和餐飲. 餐廳座位舒適, 好適合一家大小. 2大2小, 點左3個套餐,  份量完全足夠. 點左蕃茄肉醬意粉, 烤帶子煙肉白汁燴飯和一份美國精選肉眼扒. 因為太肚餓,忘記影另多個碟. 我個人比較喜歡食肉醬意粉, 對比其他餐廳, 肉醬冇咁咸, 混埋意粉一齊食, 味道剛剛好. 烤帶子jumbo size, 大大粒, 鮮甜. 燴飯很淋, 小朋友會啱食多d. 肉眼扒不過不失, 牛味濃郁,  不會太韌. 小朋友最喜歡吃既係薯條, 真係炸得很脆. 下次會再光顧.  P.S. 免費做會員, 可享9折. 

一直都只係食dinner,從未試過食佢地既lunch,可能都好多人 服務一般，但坐就坐得幾舒服，筆嬲佢地d野食都幾好食既呢樣招牌 一定讚啦炸磨菇 我真係未食過，又好好味😂😂😂😂你地下次去可以試下叫 襯熱辣辣炸好就要食 幾香口呢個就一般啦，岩哂我唔鐘意食有骨既魚，啖啖魚肉 不過都係襯熱食，唔係會有d腥上面個幾粒帶子幾好食，飯就正常薯條好味 中間夾住d芝士 要快食 否則唔流心

中秋之後嗰日放假去yoho 食個tea, 點知周圍勁多人, 用個app拎位攞位度度都full, 係outback 出奇地好快有位咁就去。其實好耐之前食過幾次,雖然份量唔細但價錢唔平又唔係話特別好味，所以己一排無食過。不過有位就食啦….就咁一個意粉一個意大利飯加個沙律就4百幾5百，野飲睇完個drink list 都無咩吸引到我叫…..我覺得成餐最好味係送嗰個黑糖包….蟹餅牛油果沙律: 蟹餅確實有蟹肉既,牛油果都唔少。但成個沙律唔多汁,變左每樣野分開獨立食咁….蝦意大利飯: 加左d我最唔鐘意既青豆落去，同埋雖然我鐘意食意大利飯但呢個感覺好漏，食左幾啖己唔係好想食….蝦肉質感都一般雞肉+蝦闊條麵：一般

Outback 有好多的分店，元朗這間也開了一段時間，我也經常光顧。下午茶時段，去食下野，因我真的好鐘意食cheese fried with blue cheese sauce！去到叫了一份炸洋蔥、雞肉夾餅和steak，真心小食、炸野，真的好味，因為可以配搭好味的醬料，仲要可以refill~但steak真是要改善下，叫了medium，但依然好硬和難咬，沒有牛肉味，一般般，白白浪費了🥲整體來說，小食最好味😋，會再次光顧。

今天和朋友於元朗形點午餐，她想吃一個簡單的沙律，我想吃黑糖包，那麼去Outback Steakhouse。今日餐湯是粟米忌廉湯，湯底濃厚加上原粒粟米粒，好味。我喜愛的黑糖麵包，每次都保持水準，即使未想好吃那個餐，我都會諗起黑糖麵包，太愛吃！「燒蝦凱撒沙律」是女士喜愛的餐點，大大碟的羅馬生菜，烤好的麵包粒，巴馬臣芝士，再加上烤過的鮮蝦，一個清新輕盈的午餐。「燒盲槽魚柳」魚肉烤得不錯，外層香脆，魚肉保持濕潤，配菜是甜豆、甜椒、甘筍、西蘭花🥦，這都是我喜愛的，清甜爽口。

The steak was really good. The staff recommended us to ordered medium rare as it is served on a sizzling plate so it will cook a bit more because of the heat and she was right. The steak was super juicy and tender. It was seasoned well as I didn’t need to add any sauce with it. The mango mojito was refreshing and light up the night.

朋友生日想食outback，估唔到呢度平日都咁多人，好彩有訂位，7點幾已經有人排隊等位了。點咗個斧頭扒大餐。粟米忌廉湯幾大碗，可以分出4碗，味道唔錯。小食拼盤，肉類味道鹹咗少少 ，芝士薯條香脆可口。蘑菇薄餅，薄餅唔係脆，但芝士蘑菇造到少少拉絲效果，味道尚可。主菜係斧頭扒，好香嘅燒烤味，分量十足。可惜切開就熟咗少少，而且脂肪太多，有四分一左右係肥膏嚟嘅，肉質有少少嚡，牛味唔算好濃，有少少失望。帶子意大利飯，帶子size有大有細,唔太平均，飯有好香胡椒味，食落唔會太濕，唔錯。成個套餐都好豐富，由前菜， 小食到主菜，飽到捧住個肚。成餐飯嘅重點就係生日驚喜啦。侍應好幫忙呀，真係要讚一讚一位短髮，唔戴眼鏡嘅男侍應。 只係同佢打一打眼色，佢就好醒目咁幫我收拾張枱，仲好有技巧咁問邊位係主角，幫我點好蠟燭，拎住個蛋糕去主角隔離，講生日快樂，完全做到驚喜生日的一刻，超讚。謝謝你們的用心服務。

Outback 這連鎖餐廳分店多，香港人一般都食過。其實唔使我嚟寫食評。他們食物的水準一貫都是正常合格。值得讚的是午餐有無限量麵包供應。我今次來寫食評是想建議，他們連同麵包一起上的牛油，請他們改用真牛油，而不是一直沿用的植物牛油。稍為有常識都知道，其實植物牛油才是最不健康的。植物牛油的真面目就是反式脂肪！ ！ ！反式脂肪是所有心血管疾病的最大元兇！反而真正的牛油是沒有問題的！請outback這間餐廳為了顧客的健康着想改用真牛油，而不是植物牛油！！

Outback一直係我帶住小朋友外出用膳嘅好選擇👍🏻 餐廳提供小朋友餐具、highchair、兒童餐，又有蠟筆同圖畫紙比小朋友安靜畫畫，父母可以食啖安樂茶飯😂黑糖包每次都會追加，鬆香甜甜好味道。近年好多人都嘗試買黑麥粉、黑糖蜜自己整，但功夫繁多，喺餐廳食又可免費追加，十分電得算呢烤雞肉芝士夾餅配薯條 $88特濃車打芝士配厚切雞肉，味道香濃，入口滑喉。沾醬帶甜酸味，一開四份大件又好味。餅皮挺身而不硬，不會上手就散開。粗切薯條小孩更是搶食的😝燒盲曹魚柳 $118魚柳肥美，燒得皮脆肉嫩，舖面蕃茄調味醒胃。飯底調味較甜，配上紅蘿蔔、西蘭花、甜豆，都是小孩愛吃的健康蔬果。 🥕 🥦個人認為兒童餐份量和選擇較少，也多重複大人menu食物，性價比不高，以上兩份也很合小朋友口味呢。

招牌墨西哥牛肉粟米脆片 $78第一次試呢個墨西哥菜 一上菜以為係幾塊薯片加啲芝士🧀🤣試完原來係脆薄餅黎既 薄餅加埋啲辣肉粒又幾夾 再加埋d cream cheese 令到口感更加豐富 值得一試〰️👍🏻美式慢燒安格斯肉眼牛扒(12oz) $328叫既時候啲fd話3成都得🥴我就話5成啦🤣上到黎個個嚇親：咁鬼生點食呀我食完又覺得幾好味😋肉質林得黎好濃牛肉味 本身牛肉有小小既酸味再加埋個紅酒汁令到個鮮味更上一層樓 👏🏻 ❤️❤️❤️P.S幫我地落單個待應好nice 同我地有講有笑 食到一半又問我地好冇味 唔好味佢就同廚房講呀 🤣

已經有2 年沒有去這裡吃飯，剛巧今天放假，突然想起這裡的黑糖麵包，午飯時間碰碰運氣，真好不用等位。我們一行三人加一個手抱嬰兒。點了三份午餐和一份炸磨菇，午餐分別是燒蝦凱撒沙律、香辣燒蝦飯和烤帶子煙肉白汁燴飯。一如既往，2 份新鮮熱辣的黑糖麵包極速給我們估清，味道也是一如既往的好吃。午餐餐湯是粟米忌廉湯，夠濃郁creamy 和粟米粒有口感。凱撒沙律和香辣飯的燒蝦估計是同一樣的，蝦肉爽口、新鮮和烤得夠乾身，白汁燴飯夠入味，而且不算油膩，三個人分享份量剛剛好。最後上菜是炸蘑菇，金黃香脆，炸粉份量和油炸技巧配合得不錯，炸得外脆而入面又可保持菇的濕潤度。想讚一下餐廳服務員，他們見到有小朋友，我們一入座就送上顏色筆和畫紙給小朋友。總括依然，食物質數、餐廳服務水準得以保持，價錢差不多$400。

之前食個一次覺得佢比其他分店差.呢一次再同屋企人去食.都係覺得好難食.以後都唔會去食呢一間分店.澳海城尖沙咀銅鑼灣平時都食開.呢間係與眾不同地好好好難食😂😂

放假雖然想周圍試小店，但奈何地方細，食完就要即走因為想同朋友傾下計，入商場搵食，最後決定-outback座位嘅空間大而且環境舒服，野食選擇比較多，慢慢食慢慢傾計一流由於太肚餓，招牌黑糖麵包一上枱，秒消失😆午餐連餐湯飲品,商場來講價錢尚算正正常常餐湯 意式青瓜湯(好似)味道唔錯嘅，但想像中一直以為係類似忌廉湯，落差有d大，所以有少少失望😅🔸燒雞肉芝士夾餅($98)啖啖芝士+烤到微脆嘅夾餅，再配上蜜糖芥末醬，冇得輸，每次都係我outback lunch既首選❤️🔸燒肉醬味豬肋骨($128)朋友點嘅主菜就失色好多，雖然入味今次豬肋骨除咗完全無肉汁之外，內層外層都烤到好乾幸好薯條係熱辣辣上枱，伴菜嘅椰菜沙律調味亦剛剛好PS:有時去大型餐廳/連鎖店食嘢真係要睇彩數,萬一撞正廚師狀態唔好，就有機會出現唔好食嘅情況🙈🙈🙈

第一次寫食評，因為真係太差太差！今日同屋企人去食晚飯，我order咗份7成熟嘅美國厚切牛柳配烤龍蝦尾 。等咗無耐好快嚟到，切開一睇竟然係全熟嘅！同經理講完佢都好好禮貌幫我換過另一份。等咗大約30分鐘終於重新上另一份比我，即刻切開睇下，點知今次生到。。。叫經理過嚟睇，經理都有馬上道歉，提議比塊鐵板我自己整熟啲，因唔想再等30分鐘唯有接受經理嘅提議。非常失望！去過兩次都係咁，第一次食豬又係全熟，勁鞋！第二次食牛又係全熟！唔想煮先比錢去街食，點知去街食都係要自己煎

同男朋友去食outback，一次比一次失望，廢話少講，睇圖，一塊扒1/2都係筋,點食？？芝士夾餅正常水準，同其他食評一樣，薯條都好食，但餐廳最重要既牛扒竟然咁既水準，好失望，果種港式餐廳都好過佢。以後唔食了，失望。成餐最好食既係個送既黑糖包。完。