14
6
3
港鐵元朗站 K 出口, 步行約1分鐘 繼續閱讀
所有分店 (11)
電話號碼
31028688
開飯介紹
老牌澳洲菜餐廳,首設café區,以地標Ululu作設計,亦有迴力鏢、風車等充滿澳洲特色的裝飾。並設有露天座位,感覺悠閒。 繼續閱讀
營業時間
今日營業
11:30-22:00
星期一至日
11:30-22:00
付款方式
Visa Master AE 現金
座位數目
200
其他資料
Wi-Fi
酒精飲品
自帶酒水
電話訂座
外賣服務
加一服務費
室外座位
電視播放
食評 (24)
豐盛午宴 焦點食評
等級4 2017-10-09
953 瀏覽
由於賴生今日係新界區有野做既關係,體貼既屈小姐今日都專程入到黎陪賴生,做野之前當然要注入足夠既能量,同時又要獎賞下呢個咁體貼既女朋友(有小小作感冒都專登過黎陪賴生,辛苦你了),所以賴生一早就訂左位帶屈小姐去Yoho Mall新開既Outback食牛扒同黑糖包!(2款都係屈小姐喜愛既食物)黎到Yoha Mall 1期2樓,係正C.S.Counter正對面,就見到Outback既outside seating,座落正係商場正中間,其實都好容易搵到! 係呢度有個貼士比一比大家,因為Yoho Mall既outback都幾多人食(特別夜晚),假如你唔想等咁耐,梗係打電話訂左座先啦,如果都full左,有一個方法可以快少少拎到位,就係用設立於係商場唔同位置柱上既電子商戶指南,入面可以拎飛先,選擇outback之後,輸入人數,再用手機影到張飛既號碼,就可以當排左隊拎位,而且部機仲會顯示埋現時既叫號,方便你因番時間過去嫁!!聰明既屈小姐一早就提左賴生訂位啦 今次就坐內廳,樓底超高,空間感好大! 而賴生同屈小姐仲坐到卡位添,好舒服同闊落,正! 賴生仲留意到今日有好多Family一家大細黎outback食lunch丫!! (唔知幾時到賴生同屈小姐一家人咁去呢....)望住呢張餐牌,對於對外聲稱減緊肥既我地黎講,只係見到2隻字 - 『邪惡』! 不過即使幾邪惡,都要豁出去一次嫁喇! 食lunch set 真係好抵呀!! 包左餐湯,沙律同餐飲,仲要平夜晚好多,一塊Rib eyes由3xx 變 2xx 仲包咁多野,間唔中食下真係幾抵架!!  當你落完單之後,outback既皇牌就會準備為你送上....1) 黑糖包配牛油 :爆 5⭐️黑糖包係免費嫁!!仲可以追加添!! 只要你叫左野食就得啦!! 新鮮熱辣既黑糖包就會為你送上!! 呢個黑糖包真係OUTBACK既神作,可以話係最好食既出品!!  個包內層鬆軟香甜,外層就焗到有層有咬口既外皮,再係面度"嬸"左D谷麥粒,令個包既外層帶咬口得黎,又會有粒粒脆卜卜既口感!! 再者,你切開左個包之後,係包中間用刀開個窿,擺少少牛油入去,等熱力將佢融化,咁樣個黑糖包就更香,內層仲會滑左!! 讓人欲罷不能!!牛油又唔會太重味,同一般食開既牛油唔同,但同個黑糖包夾埋一齊,就將成件事昇華啦記得上枱就要趁熱食!! 佢既味道係同溫度成正比嫁!! 由於係免費既野食都可以做得咁有心思同水準,值得比爆5⭐️2) Tomato Basil 餐湯 : 4.5⭐️個餐湯係橙色既,唔係蕃茄既鮮紅色,但味道都有好香甜既蕃茄味嫁!!  除左蕃茄同Basil,仲加左甘筍,洋蔥同Cream。加cream令個湯更濃郁,屈小姐飲左幾啖都覺得好好味,但係就太杰身,杰到似醬汁咁。 甘荀同洋蔥提升左蕃茄湯既甜味,中和晒蕃茄既酸味,再有Basil既香料味滲入整碗湯入面,入口先甜帶微酸,再有香料味侵襲,層次豐富,(怕肥既)屈小姐仲出讓左個湯比埋賴生飲添3) Salad : 4⭐️減緊肥既我地,為左可以減輕少少罪疚感,我地2個麻煩寶寶要求左Dressing on side,擁有超強自制心既屈小姐冇點到個dressing,而為食既賴生為左試味點左一點,係蜜糖芥末汁,甜甜地,都幾好食! 至於沙律菜有好多種,有甘筍絲,羅馬生菜,紫椰菜同蕃茄粒! 要讚既係蕃茄粒好fresh好juicy,粒粒都爆汁咁,甘筍絲就稍為乾左d啦~~~可能擺得太耐4) Rib eyes(10oz) : 4.5⭐️趁住lunch time比較平既關係,我地叫左塊邪惡到爆既rib eyes食!! 熟度係medium,邊位呢,就稍微過左火,un左少少,但到中間既位置就好淋好嫩!! 不過,本身牛肉味就唔太出,佢配左個黑椒汁比你點,但你點左既話,就會淨係食到隻醬既味同塊扒既口感如果你同我地一樣,都鍾意食到牛扒本身既牛肉味,你可以拎枱面樽鹽,係2邊牛扒面度落少少,個牛肉味即時逼晒出黎,連同屈小姐食到好西既幸福樣一齊出現!! 如果近邊位既牛扒都控制到火喉,呢塊扒既CP值同美味值都值得比5⭐️5) Beef  Skewer  Creamy  Risotto : 4⭐️愛好食牛肉既我地,另一道菜都叫左牛,不過係烤牛肉串配白汁意大利飯!烤牛肉串 : 牛肉就UN左D,牛肉味唔重,落少少鹽食會好D,不過D烤磨菇呀,椒呀,洋蔥就好正。磨菇好香,洋蔥同椒好淋好甜!!白汁意大利飯 : 個意大利飯好Creamy,不過飯就煮得太熟,無左咬口! 但佢落左芝士碎,溶晒落個汁度,仲加左青豆,補番D口感,同埋加左蕃茄仔,帶少少酸味,中和番白汁既油膩感5)  熱檸茶 & 凍檸茶 : 4.5⭐️我地好欣賞佢既貼心服務,凍檸茶既糖漿係分開上既,可以自由控制甜度! 而熱檸茶佢就分開茶包同檸檬比你,檸檬浸得熱水太耐會有澀味,分開上就唔怕啦!! 唔錯唔錯!#好滿足既一餐#偶而都要放縱一下#秋風起牛扒肥#要好好寵愛你 繼續閱讀
(以上食評乃用戶個人意見 , 並不代表OpenRice之觀點。)
等級4 2017-09-22
802 瀏覽
從家來Yoho Mall只是三個站, 很便利, 是晚就一家人來到Outback Steakhouse在Yoho Mall的全新分店吃晚餐.還好一早訂了位, 店子是相當旺場, 聽到walk in客要等起碼三十分鐘才有位, 是晚還是星期一, 人氣認真強勁. 這裡的裝修別有特色, 以Ayers Rock為主題, 感覺很有澳洲風情.Bushman Bread: 例牌由Bushman Bread開始, 熱辣辣而鬆軟的麵包, 微甜, 其實不用塗上牛油吃, 已經吃得滿足. 要連吃兩客呢.Kid’s Pasta 茄汁通粉 $55: 每次來Outback, 也會選兒童餐, 是晚就選來茄汁通粉, 還包括飲品一盒, 小晴晴當然喜歡.Crab Stuffed Mushrooms 蟹肉釀蘑菇 $82: 8分, 來客新品吧, 說的就是蟹肉釀蘑菇, 五粒蘑菇內藏鮮蟹肉, 加上檸檬牛油醬, 挺惹味的.USDA Ribeye Steak 精選肉眼牛扒 $298: 8.5分, 在Outback, 沒有理由不吃扒, 是晚就選上兩款肉眼. USDA的, 是12安士, 要了medium, 肉質幾嫩滑, 肉汁豐盈, 當然不要錯過跟著脂肪的部份, 相當肥美. 配菜選了薯條, 以及焗甜薯. 當然以前者成為小晴晴搶吃的對象, 又真的很香脆.另外還能夠選擇沙律或湯, 這客凱撒沙律, 份量也不小, 羅馬生菜爽脆之餘, 加上香濃的巴馬臣芝士, 不俗.Australian Ribeye Steak 精選肉眼牛扒 $258: 8.5分, 另外一款肉眼是澳洲來的, 10安士, 沒有那麼肥美, 但一樣有肉香. 配菜就選來薯條, 以及雜菜, 感覺上健康一點嘛. 至於忌廉粟米湯味道濃郁, 喝完一碗也會飽了一大截.Pesto Vegetables Pasta 羅勒香草醬意粉 $128: 8分, 好像還不太足夠, 那來客澱粉質的選項, 就是羅勒香草醬意粉, 意粉加上香草醬, 味道香濃, 配上雜菜, 烤番茄, 松子, 以及巴馬臣芝士, 挺豐富的配搭.Chocolate Thunder from Down Under 雪糕朱古力軟餅 $65: 8.5分, 甜品方面, 還是選來這裡的名物, Chocolate Thunder from Down Under. 朱古力合桃布朗尼帶濃烈的朱古力味道, 面頭的是一大球雲尼拿雪糕, 相當香滑, 再加上暖朱古力醬, 以及忌廉, 相當邪惡而甜美.Outback Steakhouse在Yoho Mall的全新分店, 裝修以Ayers Rock為主題, 有不少新菜式供應, 如蟹肉釀蘑菇以及羅勒香草醬意粉. 當然, 最愛的還是Bushman Bread , Ribeye Steak, 以及Chocolate Thunder from Down Under, 必吃. 繼續閱讀
(以上食評乃用戶個人意見 , 並不代表OpenRice之觀點。)
開學暨生日午餐 焦點食評
等級4 2017-09-06
1067 瀏覽
暑假過去了,兩兄妹開學了,日子也就好過了!最近打風連連,慶幸開學日也算順利,當日兩兄妹都放學後,更約同兩老到 YOHO 的 Outback Steakhouse 吃午餐,因為那天正是開學B妹妹生日! 我們一家都對 Outback 有不錯的印象,覺得它提供填色、有 kid's menu 很 kid-friendly;而元朗新店暫時還是超多人,還好一早訂了位~最近上檯的黑糖麵包還是那麼好吃,4大2小要清光兩條?一點難度都沒有! 妹妹4歲了,兩個都大個了,要麼不點兒童餐,要點肯定要一人一份。Outback 兒童餐附送 Qoo 果汁,兩兄妹都選了白提子味,當是開心一下~ 囝囝選了 Kid's Burger ($55),份量不小,他吃了一半也不夠;除了因為感冒初癒,媽媽我試了1/4件,那漢堡肉實實的不似屯門店鬆香好吃,最吸引只是芝士夠多,薯條也香脆。 妹妹則要了 Mac & Cheese ($55),雖然簡簡單單,由於芝士味很濃厚,這個反而很好吃,而且別小看這兜粉,甚有深度(肯定比我優勝!!)非常飽肚的~ 同行婆婆選了 燒牛肉白汁燴飯 Beef Skewer Creamy Risotto ($98),大大的一份,別介懷意大利飯偏軟身的話,它稱得上是又好吃又抵食,挺不錯! 爺爺則點了 燒鯛魚柳 ($108),重點是配飯,他與身處悉尼的嫲嫲都是傳統中國胃呢!魚柳份量十足,他分了一半出來給兩兄妹,但因面層調味輕帶辣意,媽媽起了中間魚肉分給兩兄妹後,自己也至少吃了1/4份魚~ 最後是媽媽與姐姐分享的 意大行香草牛肉三文治 ($98),還好這次成品不算太大,因為主菜前還有是日餐湯(瓜湯姐姐不喝)及沙律(爺婆都不吃),食物真的吃不完呢! 成人的午餐還另外有咖啡/茶,不過與餐湯沙律一樣沒拍了。最後又是 Outback 的生日福利,這次不是芝士餅也不是曲奇,而是士多啤梨新地,賣相挺美的,祝妹妹生日快樂! 開心吹蠟燭後,其實這新地並不好吃,黑糖麵包會好味很多啊... 不過總的來說也是愉快的一餐,下次等爸爸放假又可以再來 encore。 繼續閱讀
(以上食評乃用戶個人意見 , 並不代表OpenRice之觀點。)
有驚喜嘅午餐😋 焦點食評
等級4 2017-09-06
790 瀏覽
食Outback 嘅 lunch 對於住市區嘅人嚟講可能係一件容易嘅事,但係對於我呢d元朗人嚟講就真係有d山長水遠。今次終於等到新商場開,可以食下d連鎖式食店。之前睇完早場出到嚟已經見到呢間鋪頭有好多人排隊,本身都唔係好明點解會咁多人,上網一睇先發現原來佢係有lunch set,而且對比晚餐係平d嘅,所以吸引左好多人排隊試新野。今日為左試佢嘅lunch set,我特登早d起身過去食,免得一陣到左食飯時間要有排等。當然今日早左起身梗係好順利可以頭輪用膳啦,不過鋪頭嘅入座已經有7成,應該好多人都同我一樣有相同嘅諗法諗住食頭輪唔駛等位。佢嘅Lunch menu都算係幾多選擇,lunch set 包埋餐湯、沙律及飲品。當然除左飯意粉三文治佢仲有ribs同埋牛扒,不過我唔習慣一大早就食咁多肉,所以都係叫三文治同埋飯試試先。落完order之後先上左黑糖包先,有食過Outback都知佢有黑糖包食,不過我無食過lunch我唔知原來lunch 都有黑糖包。黑糖包外脆內軟而且仲係熱嘅,保持到一定嘅水準!Lunch set 有餐湯同埋沙律,佢一次過上晒附近所有枱嘅湯同沙律,香港人真係好有效率,總之就係落左order無耐就開始有野食。今日嘅餐湯係粟米湯,而沙律就無咩特別,都係一般嘅西餐沙律。食完包,飲完湯再食埋沙律,未食主菜已經飽左一半喇!飲完湯之後都等左一段時間先上主菜,大概因爲太多食客廚房唔能夠短時間內應付到。終於等左一陣主菜終於上場。香辣燒蝦飯除左有燒蝦之外,仲配埋辣肉腸一齊炒飯。飯嘅味道有d似西班牙炒飯,佢嘅辣肉腸都算幾辣,蝦亦都算大隻,感覺無將貨就價。至於香草意大利牛肉三文治就真係有d驚喜!佢個三文治雖然要成舊水,不過食落又真係覺得值得嘅。佢用嚟做餡嘅牛肉雖然唔係一塊扒,但係同樣食到係有肉汁同有牛味。諗住佢用嚟做三文治應該會用無咁靚嘅牛,但係食落又唔覺wor!包入面加左芝士,芝士已經係半溶嘅狀態。牛肉本身唔差,牛肉加芝士令我諗起漢堡包,當然佢係靚牛肉嘅漢堡包,不過今次換左用意大利香菜包夾住。食材本質素唔差,所以廚師都唔需要用太多調味料醃肉已經覺得好好食。三文治隔離有d酸菜,味道都唔錯,可以解下膩!雖然佢嘅lunch set 唔算係平,不過間唔中一次半次去商場食好西又點可以唔試新野呢?下次再嚟試下其他嘅 set lunch,或者等多人d試埋佢嘅扒或者ribs 先。 繼續閱讀
(以上食評乃用戶個人意見 , 並不代表OpenRice之觀點。)
Yoho Mall新分店 焦點食評
等級4 2017-08-24
885 瀏覽
Yoho Mall這個場, 跟昔日新元中時期相比, 起碼有一大分別, 就是多了很多新餐廳, 這次我們再來, 為的是Outback Steakhouse的新店.雖然還沒有去過澳洲, 但總算認識Ayers Rock吧. 離遠就看見這個仿Ayers Rock的設計, 很特別. 而這裡另一特色是有戶外的位置, 這個也是Yoho Mall不少餐廳的共通點吧.在Outback, 甚麼也不吃, 也不會錯過Bushman Bread. 細食的朋友, 吃完Bushman Bread, 應該也會飽了一半. 而且鬆軟的麵包, 入口甜甜地, 實在是小朋友跟大人也會搶吃的目標.Kid’s Pasta 茄汁通粉 $55 小朋友在Outback, 必定要吃兒童餐, 價錢合理之餘, 又有填色冊. 小晴晴這晚吃的是茄汁通粉, 開胃嘛, 再加上飲品一盒, 足夠小朋友吃了.Crab Stuffed Mushrooms 蟹肉釀蘑菇 $82 來新分店之外, 也要嚐新. 蟹肉釀蘑菇是新推出的頭盤, 把蟹肉釀在蘑菇內, 蟹肉味道挺鮮, 那檸檬牛油醬亦是亮點.USDA Ribeye Steak 精選肉眼牛扒 $298 如果來Outback沒有吃牛扒, 那還有來的意思嗎? 吃扒, 我們還是愛肉眼. 這客USDA Ribeye, 肉味挺濃, 很有肉汁, 火候控制得幾好. 配菜六選二, 那就選上薯條跟甜薯. 吃牛扒, 配香脆的薯條, 理所當然.吃扒, 還有沙律或湯供選擇, 那各一吧. 凱撒沙律的沙律菜夠新鮮, 巴馬臣芝士也有很香濃的芝士香.Australian Ribeye Steak 精選肉眼牛扒 $258 不如再吃澳洲肉眼吧. 肉味沒有那麼濃, 有點咬口, 跟USDA相比, 各有優勢. 配菜這次選的是薯條跟雜菜, 而忌廉粟米湯就留給小晴晴喝.Pesto Vegetables Pasta 羅勒香草醬意粉 $128 羅勒香草醬意粉也是新上場的. 相比起茄汁通粉, 這款意粉就有突出的羅勒香草醬味道, 配料有雜菜, 烤番茄, 松子, 跟巴馬臣芝士, 或許吃了牛扒之後, 來這客意粉平衡一下也好.Chocolate Thunder from Down Under 雪糕朱古力軟餅 $65 最後是甜心時間. 沒有之一, 來Outback, Chocolate Thunder from Down Under是必吃的甜品. 為何? 經典啦, 甜美啦, 還有, 是拍照效果一流. 今時今日, 吃甜品, 賣相當然很重要. Chocolate Brownie贏在那濃濃的朱古力味, 而那大球雲尼拿雪糕, 是比Brownie更要大, 雪糕小怪, 當然大吃特吃.來到Yoho Mall, 不妨在Outback Steakhouse吃新菜式, 加上經典的肉眼以及雪糕朱古力軟餅, 甜美由此而起. 繼續閱讀
(以上食評乃用戶個人意見 , 並不代表OpenRice之觀點。)